Daha panumnanki a Pemimpin Yahudi ¹ Sementara netu, pahi enga hekdanganna atoyo lamkaha mon ndiya apdekewudaka, Bram Yesus muleka pnegheng al barana hmurcono, "Dagi wummiki al barana ato Farisi, diduyaka adaha panun. ² Ornak, ngarkehe lamtodi moko bukeyak mon al lakbuni moko iceyak. ³ Ornak netu, payaka e yemmi paptakimuk al lakpaddu moko rongoyak al lamgohok mon e yemmi pakmohmiki al koro moko takiyak al bughu umma. Kbohini Bram Allah ⁴ Yaya kutakiyak al baramu, oi olkedeng-Gu, amkbohi damdiki hdiya al ngoleka hmatgimi apoltommu, tapi mengeke netu jan ngolek pdaha al rehe wali. ⁵ Tapi, Yaya moko kup apinggu tutugaraniki e yemmi pakbohum; kbohi banki Diya, epahmeng bah hmatiya, meng waddi al lakwaha letgimiki yemmi al neraka. Ya, Diya diduyaka e yemmi pakbohmik. ⁶ Inhenya 5 akhil ktitik bah hmahini 2 rata pimoko adingi? Tapi, inihpangu khilla netu apahbulongo al barana Bram Allah. ⁷ Prapanga, aloge laktakumu waddi pangu abaghiguni. Am kbohi damok, yemmi rehe wallimu wal dangana hakhil ktitik." Paapini taguna al Bueltini Bram Yesus ⁸ "Yaya kutakiguni al baramu, ngara atoyo al lamngakungga Yaya al barana ato heke, moko a akui oro Ana Topiya al barana malaikat Bram Allah. ⁹ Tap dimoko, ngara atoyo al bueltang Yaya al barana atoyo moko abueletwadigu al barana malaikat Allah. ¹⁰ Mon, ngarpanguni lapnegheng mon al taraya Ana Topiya ngole ampun, tapi garaniki al nummmaya Roh Kudus mokko jan dadi ba ampunoya. ¹¹ Pahik hdiya ba ngadigu al sinagoge mon al barana hngar pemimpin mon tokwaha, amkbohi damaka tutu pene wemuku yemmi muphalwumu ato payaka e yemmi paptakimuk, ¹² ornak pahi netu Roh Kudus moko appaknekung tutu payaka e paptakimuk." Aptudena tutuna Lahtoyo Toroto ¹³ lahtoyo wal ngarkehe todanga netu lapnegngok al barana Bram Yesus, "Guru, takibnanki adungkabunggu tanaka hbaghi wani warisan dengegu." ¹⁴ Tap dimoko, Bram Yesus lapnegngok al barans, "Lolede, garani al kektongga Yaya hakim al bar yemmi?" ¹⁵ Mengeke, Bram Yesus lapnegngok al barana hdiya, "Dagawummiki al ngarkehe keserakahan ornak amopronno bahto-htoyo jan mterenga al dangana rotona a diya papdonaka." ¹⁶ Meng, Bram Yesus lapnegniki e lahwuyo aptudenge al barada hdiya, "Enni atanana el lahtoyo alroto langtaka mon hekdangana a ihmongona ¹⁷ Meng, atoyo netu lapnegngok al ati dolona,'Payaka e papghilguk henenne ornak yaya jangoko pdodda tanaka bodolwani ah parigu?' ¹⁸ Mon, diya lapnegngok, 'Yiduyaka papghilguk henenne. Yaya moko kuhegroko ahbokonggu, mon pdaha al rehe bokolo wali. anonno, yaya moko bodol ngarehehiki hparinggu mon hngandinggu. ¹⁹ Mengeke, yaya kutakinanki adewegu, 'oi dewagu, yoyo engnga ngandi danga epahbodolo taguna ihddo-ihdoy; ngahubaka, muyo, inubaka, mon dahabaka a atimu!' ²⁰ Tapi, Bram Allah lapnegngokal barana atoyo netu, 'woi, tokbanga! Yiya ahud wadingo, adewemu moko dekeguniki. Meng, garaniki aldowalini eh ngandimu e yoyo pah bodolomu netu?' ²¹ Merwadokka al dadi al barana atoyo al bodolo hartanna taguna apolto wanwuana, tapi jan roto al barana Bram Allah." Amkbohidamoko ²² Bram Yesus lapnegngok albarada hmurcon, ''Ornaka anetu, Yaya kupneghengoko al baramu, amkbohidamoko tutuna amopirumu, tut payaka eyo pahmumu. ato, ampangadamniki apoltomu, tutu payaka yo paptamuku. ²³ ornaka, rehi penting wali al muyo mono apoltomu rehi penting wali lak rewe. ²⁴ harabniki hakhilla. dia njatondo mon njanguti, dia wadi njanga gudangodo ato bokod, tapi bramb allah awowediki dia muyo. yoyo broyo rehi pwali wali lak hil. ²⁵ garaniki al bar yemi ornak apngadaniki ngueleko mtombo sehasta pimoko ando mopirwan? ²⁶ diyak yoyo bu ind ngalika pdahaya hal-hal laktapa ayiyo, pen yoyo bup ngadaniki hal-hal laphekengo? ²⁷ harpdahani a bunga, pen wenak hdi babukul. hbunga anetu njap ghili boto ato a krey, tap dimok yaya kutakia al baramu, mon ya wadi salomo al barana kemuliaannya di njan tamok krewe al ndaha elah wuyo abunga anetu wal eya abunga ngarkehe. ²⁸ Jika Bram Allah lapdaha arumba al lambradda, yiya aloddona al bukul mereh tunuku al api, Diya jan pdahamigi rehe wal rumbu netu? Oi, yemmi al kurongo wangio! ²⁹ Henenne, am kdadamoko payaka e yemmi pahmumuku ato payaka e yemmi pap inmik, mon amhmaldamoko or pangadanga. ³⁰ Ornak, bangsa-bangsa yil pannu tana akdab ngarkehe netu, tapi a Mbapa al pegheni yemmi perluya. ³¹ Merwadoko, kdabba ulu dongoyo Kerajaan Allah, moko ngarkehe netu moko atobgun al barami." Kahabaka a Roto al Surga ³² "Amkbohi damoko, oi olkede ktapagu, ornak a Mbapamu lapghenenge woguni al baramu Kerajaan netu. ³³ Mah ngarkehebniki ngarkehe al enni al baramu mon bantu baka oltommu. Pdahabaka tagumu katung al jan ngole ruhha, diduyaka a roto al surga al jan moheng, al jan dadi dekeya tokedu ato apruhaya or hgubuk. ³⁴ Ornak, al lapdonna arotomu, anonno wadi pdonna a atimu. A Ata al Setia Pghilini a Tugason ³⁵ "Engbanka a benggemu buptanaya mon akwarumu eng lerkon. ³⁶ Amhedamiki atoyo al magini a bohona wal pesta pernikahan tanaka dadi wongo eb bukeni binya taguna, pahi aboon netu ban bali mon ban tedunni abinya. ³⁷ Apamringi paplala bahiki h'ata, epap ngole morid elah hdiy, ketik ndiy mban emin. Yaya kutakiguni el baramu, sesungguhnya, ndiya laptanayak abenggenne pghili wongo mon hdiwongo hapghilina mu wongo. Ndiy al emenik mon lapghilidik. ³⁸ Jik amirin mban emin klorhud ato loddo mba ngolehih tenggered bapdah, papringi paplala bahik! ³⁹ Meng apegdik, jik mbah toyo ndonani a'umma peghini jam pir nebkedu a'otindik al umana, ndiya pasti nja paklokin a'um pruhaya. ⁴⁰ Ornak taetu, yoy waddi eng hdimu ornak Anto Piya emindi enpjah peghum yoyo.'' ⁴¹ Menge, Petrus laklierengok elbaran-Na, ''Mori, apakah Yoy pneghini perumpamaan yiya hanya lyamma pimok ato ngar ato danga waddi?'' ⁴² Wolhon Mori, ''Garaniki en ato pghili elhipinjana mon bijaksana epap wanya amorin tutun tang ngar keh ata hahwadik, tutun wowandi muyu enna waktu lecca? ⁴³ Apamringi pamlala bahiki neh ata, eban emin a'morid mba ngoley ndiyo tenggeren mban pghilin htunghon. ⁴⁴ Yaya kutakiguni el baramu, sesungguhnya, morid netu apendeya tutun kwahawandi ngarbak atanggun. ⁴⁵ Meng taetu, jik a'atan mban pneg ati dolong, 'Tuanku engdik ind emin,' mon mulek paluy ata kabanin mon ata warcoyo hahwadikong, tundu lappa muyu mon inu tundu lappa neb mabuk, ⁴⁶ ketik amorin mban emin enna loddo pjah pegheng mon njab peghen nen ata, amorin awunuk nen ata mon atahbol ndengen atoy eljan setia. ⁴⁷ Mbah toyo ata peghin pap ngadana amorin, tap njan hdiy ato philin pap benya amorin ngolek palu dang. ⁴⁸ Meng, ata eljan peghin payak pahbenya amorin mon pghilin tutun elpantas ngole palu, ndiya ngolek palu eljan ndanga. Setiap atoyo pap wonga ndanga, ndang papwende ngoi. Mon, ndiyo epah percaya rehi ndanga papwendenguhi rehi wali mong ndanga. Bram Yesus Lapdahak Pheng ⁴⁹ Yaya mbuk iemangga tutun gheghungaa api el pannu tana, mon Yaya kumononi netu api alerukok! ⁵⁰ Meng taetu, enga permandi ehpahlok pangguk Yaya, mon Yaya kuraha langtakaya tund lapa mban bannu. ⁵¹ Apakah yoyo peghini bahwa Yoyo emumu untuk ngandiya eldaha el pannu tana? Njodo, Yaya kutakiguni elbaramu, melainkan hbereng! ⁵² Mule hanene, Lim toyo wali jwu bar ole pheghey. Talu toyo gabanga ndu toyo mon ndu toyo gabanga talu toyo. ⁵³ Ndiya heghiki; Mbapa gabanga ankbaninya, mon ankbani gabanga mbapanna. Inya gabanga anwarcona, mon anwarcona gabanga inyana. Ayono gabanga wehrang warcona, mon wehrang warcona gabanga yonon.'' Menafsirkan Zaman ⁵⁴ Menge, Bram Yesus lapneghengok elbar to ndanga, ''Ketik yoyo iccaya akramba mban mkaha elsebelah barat, 'Urra alburuk,' mon a'urra buru pinpangnguk. ⁵⁵ Ketik yoyo rahaya apringi wali el selatan, yoyo pnegheng, 'Yiya aloddo bonoh langtak,' mon tutun yiya hipinpangnguna mban ndadi. ⁵⁶ Yoyo to ndahpanung! Yoyo ndadi neb menafsir mere akramba mon apunnu tana, tap monpe hanen yoyo neb njan ndadi menafsir yiya akdupun?'' ⁵⁷ ''Pen yo mengwuyu njan ndadi psahaya payak elghen? ⁵⁸ Ketik yoyo mbu otu hlodengngini amuhumu tutun lahdapin apemrente, usaha loyo mon mengheya amasalum ebuh loko tanaka amma nja phahwagu el hakim mon ahakim apahrakguk el pengawal, mon apengawal agheghunggu elgallu. ⁵⁹ Yaya kutakiguni elbaramu, yoyo ind hil lohoko wali lnono sebelum yoyo baghirinyi ahaghum tundu lapa peser lakdupun.''