Kwuloni Tanaka Bertobat ¹ Anonno, enni hahwankongo atoyo altakini Bram Yesus tutuna atoyo Galilea a rutana al lahbolongo Pilatus meng kurban persembahanonno hdiya. ² Wolhona Bram Yesus al barada hdiya, "Yemmi bup ngadani atoyo Galilea yiya rehe berdoho wal hto Galilea heke ornak hdiya akri hejahnetu? ³ Yaya takiguniki albaramu, njodo. Tapdimoko, eb yoyo in bertobatoko, yemi ngarkehewadi moko matik. ⁴ ato mengenai al hakbulu pandpoto toyo al mati, pahi menara al bara kolam Siloam laknabu mon a dimbohi hdiya, yemi bupngadani hdia diduyaka ato berdoho al rehi indaha wali ngarkehe al lodo al Yerusalem? ⁵ yaya kupneghengo al baramu, njodo. tapdimoko, yemi ngarkehewadi mok mati" aghaya njan wuyo ⁶ bramb yesus lap negnik aptuddene ayiyo: "Enni blah toyo meng pung ghaya kpuloto paptondona al mongo anggur. Tapdimoko, pahik diya ban otini lakharani a wuana aghaya netu, diya jan ich. ⁷ Mengdiya lapnegngoko al mori mongo, 'Lallu doguku bakku emangga mikdaba wuana yiya aghaya, tapi yaya jakku duki mempangunga malhuyo. Pogo baka nanna aghaya! paka pakmeremoko nanna atana pdonna nanna aghaya jan wuy?' ⁸ Tap dimoko, alkede papwede netu lapnegngok, 'Mori, paklokdonni yiya lahdoyo gurban wudoyo. Magabagak yaya bakku kagroyo atana alpungene mon kuburinni pupuk, ⁹ gur ban wudengdonni nama lahdoyo. Dik eb jan wuwadika, Yoyo mogobayaka."' Bram Yesus al Paknagha pahi Aloddo Paddu ¹⁰ Lap ihlodongo, Bram Yesus alpaknekeng al lahwuyo sinagoge pahi loddo Paddu. ¹¹ Anonno enni lahtoyo warcoyo atamniki brapu apoltonna prapanga a ahangganiki haddu prapanga hakbulu padpoto doyo. warcoyo netu lakbukukko awogon prapanga diya jan dadika ban dede lurus. ¹² Pahik Bram Yesus ban iceya, Diya lakwuloniki awarcoyo netu mon lapnegok, "oi warcoyo, yoyo dahaka wal haddumu." ¹³ Mengeke, Bram Yesus al wotika alimiana al bar warcoyo netu mon pahi wadika anetu, diya aldede lurhok mon lap prekukka Bram Allah. ¹⁴ Tao dimoko,pemimpin sinagoge netu albut atik ornak Bram Yesus al paknagha pahi alodo paddu. Diya lapnegngoko al barana to danga, "Nom lod pina papghili wongo. Ornak netu, embagimki pahi loddo netu, indiya loddo paddu." ¹⁵ Tapi, Mori alwolhoko atoyo netu, "Yemmi to daha panumdadik! Yemmi ngarkehe in phalla khapi ato keledai hnommu al paptanna al gallu mon ghiruni lohho tanaka a inu wongo weiya pahi loddo paddu? ¹⁶ Menge taanetu, indimemeya yiya warcoyo diya, walwuana Abraham aptanaya brapu al hakbulu panpoto doyo, eng phalaya wal hadduna netu pahi loddo paddu?" ¹⁷ Pahik Bram Yesus ban pneghe hennya, ngar agabani lahmekehik, mon atodanga daha ati ngarkeheka wal papdaha al daha. Aptudene Tutuna weh balla mon kmeli ¹⁸ Mengeke, Bram Yesus lapnegngok, "Payaka amereya Kerajaan netu? ¹⁹ Kerajaan Allah netu mereka awehhe balla al papdekena atoyo mon atondoni al mongon; awuana netu al bukloko mon laptuku, mon aronna apdah waniki hakhilla habuda." ²⁰ Mon lapnegwadingoko, "Mon payaka yaya baktudeni Kerajaan Allah? ²¹ Kerajaan Allah netu mereka bibit roti pdekena awarcoyo mon al kedorin al tepung prapanga ngarkehe atebung netu al butekeng." Hodi pimiko Pahbebhon ²² Bram Yesus alnudhi ah kota mon dehe, diya al paknegngoko mon lalhloko krohi prapongo al Yerusalem. ²³ Meng, lahtoyo laklerniki Bram Yesus, "Mori, hodipimoka atoyo pahbebeh?" Bram Yesus lapnegngok al barada hdiya ngarkehe, ²⁴ "pgahibngoko habngio tanaka ngolewongo tama albinya laktappa; ornak Yaya kutakiguni al baramu, danga atoyo al belangtakanga tama anonno, tapi hdiya jandadi. ²⁵ E mori umma aldede mon altodiya abinya umana, mon yoyo dede al lakdelek mon tedunni abinya pnegheng, 'Mori, mnowor dukigama bukedukigama binnya.' Diya moko lapwolhok, 'Yaya jakku peggimi gepwali omim.' ²⁶ Meng, Yemmi moko pwolhok, 'Yamma muyo mon inu dengeguk Yoyo. Yoyo mengeke bu paknekenge al lara kotam yamma.' ²⁷ Tapi, Diya moko lapwolhok, 'Yaya jakku peggimi mon jakku pegheni gep wal iommuk. Dikbaka al baragu, yemmi ngarkehe topdaha indaha!' ²⁸ Yemmi moko hoko mon katiwumiki pahi yemmi mu iceya Abraham, Ishak, mon Yakub, mon ngarkehe ah nabi al enni al Kerajaan Allah mon hemmi moko aletgimki al lakdelek. ²⁹ Mengeke, atoyo moko emniki wal timur mon barat, mon waddi wali utara mon selatan. Hdiya moko alodoko mon muya al Kerajaan Allah. ³⁰ Henyahenenne, atoyo lahmuring moko lap uluku mon toyo al ulu moko al pahmurik." Bram Yesus Eng Outniki al Yerusalem ³¹ pahi netu, hahwadkongo atoyo Farisi emini al barana Bram Yesus mon lapnegngok, "outbaguku mdalbanki apdommu yiya ornak Herodes benga hmating-Gu." ³² Bram Yesus lapwolhok, "Outbagimik takibaka al barana rubah netu, 'Yiya alodona mon mereh, Yaya moko kuhokihhi roh-roh indaha mon paknaghaya atoyo, mon alod ktaluna, Yaya moko kuhmengeniki apghiling-Gu.' ³³ Tap dimoko, Yaya eng pakrohguni ahlokonggu yiya aloddona, mereh, mon hrom ornak jan mungkin anabi mati al lakdelek Yerusalem. ³⁴ Yerusalem, Yerusalem! Yemmi hmatihhi hngar nabi mon pgalluya atoyo paptubango albaramu! Enge krohi Yaya benga kahhahi haanamu, mereka bi mianu al kahahi haananna mon lakbubihi. Tapdimoko, yemmi inwawa. ³⁵ Henenne a umamu moko al jangoko ihina mon lakringok. Yaya kupnegngok al baramu, yemmi moko in icegak yaya wali prapanga ban pahi alodona yemmi moko pnegngok, 'Awobaniki bringa mlala Diya al emini al ngarana Mori!"'