¹ Pahi aloddo paddu, Bram Yesus emini al umana lahtoyo a pemimpin ah htoyo tanaka mudengwani roti mon di ngarkehe adagini Bram Yesus. ² Pahi netu, enni lah toyo lakriya kara lebe al lahdapan-Na ³ Bram Yesus lapnegngok al barana ah hto Farisi mon ahli Taurat, "Dadukimoko paknagha to waddu pahi lodo paddu?" ⁴ Tap dimoko, hdiya ja wolhoya. Mengeke, Bram Yesus al ketniki ato waddu netu mon lakpaknaghang, mengeke laptuboniki bali. ⁵ Bram Yesus lapnegngok al barada hdiya, "garaniki al bar yemmi eb annanni ato khapina al lakbutuku al bakdolo pahi alodo paddu, al jan pladokka mon latinguya?" ⁶ Moko, hdiya ja ngoleka wolhoya Bram Yesus. Pdo Paakang ⁷ Mengeke, Bram Yesus lapnegniki lah wuyo ngarkedek al barana hto pap undang pahi Diya ban iceya penewada hdiya apede pdolodongo al pap akanga al bar meja pdumungo, wenaka Bram Yesus al barada hdiya, ⁸ "Jika yemmi ba undagimmi al lahwuyo pdorami nikah, amlodo damokko yemmi al tdo paakanh ornak mori umma netu mungkin al undangoko toyo al rehe bokolo wal yemmi. ⁹ Meng, mori umma netu moko al emniki albaramu mon lapnegngok, 'Wobanikili pdolodomu al barana toyo yiya!' Mon yemmi diki al pdo heke mon mekeke. ¹⁰ Tapi, eb yemmi ba undagimmi, lodobaka al lakbede tanaka pahi to lap undang netu emniki al baramu, diya moko lapnegngok albaramu, 'Sahabat, pindabaka al lapdo rehe paakang.' Moko, Yemmi ngoleka paakangngo al barana atoyo al lodo mon mudengegu. ¹¹ Ornak, ngarkehe atoyo allapdete wuna moko apakbabak, tapi diya al pakbabawuna moko apamdetek." Undangan Muyo mon a Balhona ¹² Meng, Bram Yesus lapnegngok al barana atoyo al lap undang netu, "Eb yoyo pdadika munloddo ato hudongo, am undang damoko olkedemu, loledemu,mon ngar loledemu, ato ol bar umomu al roto ornak hdiya moko abalahguku meng a undaguku tanaka mu deng walid hdiya. ¹³ Tap dimoko,jika yemmi bapdadika arami, undang badki ah tokriya, ah to janga witid, ah tokliku, mon atokbur. ¹⁴ Mon, yoyo moko awoguku bringi mon mlala ornak yih htoyo ja ngoleka wolho hbilunggu; yoyo moko ngoleka wolhona pahi thomati alghene ba kede hbiling." Ngarkedkona tutuna Undangan Muyo ¹⁵ Pahika lah toyo al mudengeni Bram Yesus ban rongoya apnegheng netu, atoyo netu lapnegngok, "Awobaniki bringi mlala atoyo al mu roti al Kerajaan Allah." ¹⁶ Tap dimoko, lapnegngoko Bram Yesus al barana atoyo netu, "Enni lahtoyo lapdadiya amu hudongo al bokolo mon diya al undangoko danga atoyo, ¹⁷ mon pahik ban pahi mu hudongo, atoyo netu laptuboniki a atana tanaka altakinanni ngar tamuna al pap undangono netu, 'Embagimki, ornak ngarkehe ekehediki.' ¹⁸ Tapi, ngarkehe pap undang netu muleka pdaha alasan. Atoyo al pertama lapnegngok, 'Yaya bu kahigu mongo mon yaya eng out pangga lakharani. Himbiapganki a maafunggu.' ¹⁹ Lahtoyo waddi lapnegngok, 'Yaya bu kahigu khapi mon yaya eng out paga mon prehihhi hak khapi netu. Himbiapganki amaafunggu.' ²⁰ Mon lahwadwadinga lapnegngok, 'Yaya bu nikagu. Ornak netu, yaya jap dadi waga outangga.' ²¹ Meng, a atana netu al balika mon altaki ngarkehenanki al bar bohona. Moko, majikan netu al banik, meng al takinanki a atana, 'Lecabaka! outbamku al lara mon hngar umma al kota yiya. Ngandibganki al baragu ato kriya, ato kliku, ato kdeku, mon tok kburra.' ²² Mengeke, a ata netu lapnegngok al barana, 'Boho, yaya mengeke bakku pghilini payaka e yoyo paptubomuku, tapi epongololpo pdongo al janga tonna.' ²³ Boho netu lapnegngok al barana a ata netu, 'outbamku al lara bokolo mon hngar umma. Leke bahki atoyo anonno tanaka a emi wani mon bannu wongo a umagu. ²⁴ Yaya kupnegngoko al baramu, in hto pangu wal hdiya pap undangunggu netu al mudegengga."' Tutuna Abnomtoyo Bram Yesus ²⁵ Danga atoyo al lah hloko dengeni Bram Yesus. Mengeke Bram Yesus lakharaniki hdiya mon lapnegngok, ²⁶ "jika bah htoni emini al bara-Gu tapi jan muhini a inyana mon a mbapana, arwenya mon ananna, dungkabuna mon anminyena, mon amopir wanwuana, diya moko jan dadi murutung-Gu. ²⁷ Ngar pangubniki al jan holoya aghaya papheblongo mon nomtoga Yaya, diya moko jan dadi miritung-Gu. ²⁸ Garaniki al bar yemmi al benga al lapkedeya umma mdete, tapi jan lodo ulu mon al baghi dingi tanaka peghewani diya ba pahi dingi tanaka hmengwani? ²⁹ Dik in henyaka, pahi diya ban pkedeya apondasi mon jansanggup ban hmengeni, ngarkehe atoyo a iceya mok amaditnik. ³⁰ Ah htoyo netu moko apnegngok, 'Toyo yiya al muleka pkedeya tapi diya jan sanggup ban hmengeni.' ³¹ Ato, ge rajaninnial otini al gabani raja heke tapi jan lodo ulu mon lapngadani diya lapbredengidi hakbulu rataya tentara al ngole gabani muhuna al engnga dukbulu ratana tentara? ³² Dik diya jan ngoleka ban kalaya araja heke netu, diya laptubongoko htoyo mon klereni papamongok pap uruho tanaka dami wongo pahi pasukan papgabana netu lambropongo. ³³ Merwadoko yemmi ngarkehe, ja pangunga bah htogimi al dadi muritung-Gu jika diya jan wopahi ngarkehe adonna." Amahhi al Lapwekka Jangaka Pahpaki Wongoyo ³⁴ "Mahhi netu al daha, tapi jika amahhi netu ban mohengoko amahina, penewengoko tanaka al mahhi hbilingo? ³⁵ Amahhi netujan dadika apakiya al mongo ato pupuk prapanga atoyo etu al letniki. Garaniki al engnga roktiluna mon rongowongo moko paklokbanki diya mon rongngo!"