¹ Hngar hto kahha wektakku mon hto berdoho al tukeyaka Bram Yesus tanaka rongowani. ² Mengeke ahto Farisi mon ahli-ahli Taurat muleka hmuhhongo, "Atoyo yiya al himbiaya hto berdoho mon mudengedi hdiya." ³ Mengeke Bram Yesus al takiya aptudene yiya al barada hdiya, Wenakk, ⁴ "Garaniki al bar yemmi al engga 100 ah ranga bembe, mon al mohengnga lah ihha, mon jan mdaldiki al 99 ahranga al lambradda? Ben jan outduniki lakdabaya al moheng netu prapanga ban iceya? ⁵ Mon pahik diya ban dukini, diya moko al loroko abembe netu mon hekdahanaka a atina. ⁶ Aldukikka al umma, diya moko al outniki al olkedena mon olbar umana meng lapnegngok albrada hdiya, 'egedete dengebgaka ornak yaya kungolhbilika a bembegu al moheng.' ⁷ Yaya kupnegngoko al baramu, merwadoka moko enga egedete al rehe bokolo al surga or engnga lahtoyo al berdoho al bertobat daripada al 99 atoyo alghenne al jan pertobat. Angarkedkona tutuna Adingi al Moheng ⁸ Ato ge warconni al engnga hakbuluya rataya adingina, ban mohngok lah rata dingi, jan tunuya api kwaruna mon hoboya a umana, meng lakdabaya adingina netu prapanga ban iceya? ⁹ Mon, diya al iceyaka, diya lakwuloniki olkedenna mon olbar umana, mon lapnegngoko al barada, 'ege dengebgaka ornak yaya kungoleka hbilika adingunggu al moheng.' ¹⁰ Yaya kupnegngok al baramu, merwadoka engnga ege dete al surga orna lahtoyo al berdoho al bertobatok." Ngarkedkona Htoduyo Ana kbani Ana kmurina lapdalniki Mbapana ¹¹ Mengeke Bram Yesus lapnegngok, "Enni lahtoyo toduda a an kbanin. ¹² A ana kmurina lapnegngok al barana mbapan, 'Mbapa, wobaganki al baragu hahwadkongo harta atagung.' Moko, mbapana lahbagniki arotona al barana htoduyo an kbaninna. ¹³ Jan mdepiongo taanetu, ana kmurina netu al kahngarkeheyaka ataguna, meng al outniki al negeri lambroyo mon anonno diya al ege dengeniki ahdingina mon mopronna dikjakaka. ¹⁴ pahik diya ban hmeng ngarkehenge, al dadika aklamba langtakka al negeri netu, mon diya muleka ja kekehenga. ¹⁵ Meng, outniki diya mon lapghilika al lah toyo netu, aptuboiki al lambrada mon pagha wanih hwawi. ¹⁶ Diya belangtakanga piihini akabuna eh utta pahmuda hwawi netu, tapi japangunga bahtopanguni a wonni. Ana kmuri netu al balika al bar mbapanna ¹⁷ Pahik an kmuri netu ban kwalkoh hbilingnga, diya lapnegngok, 'Hekdangadda atopghili al bar mbapagu al engnga hekdangana amuda, tapi yaya yiya matik or blamba. ¹⁸ Yaya kukedeke mon kubalika al barana a mbapanggu. Yaya kutakinanki: Mbapa, yaya kuberdohok al barana surga mon albaramu. ¹⁹ Yaya jakku pantasoko butakingga anummu, paklobagangga yaya bakku pghili al baramu.' ²⁰ Moko, aldedeka diya mon al balika al bar mbapana. Tap dimoko, pahi ana netu lapbropongo, a mbapana al iceyaka diya mon banuh amnurono, a mbapan netu lap plaka mon aldopoko mon al udokoko. ²¹ Mengeke, ana netu lapnegngok, 'Mbapa, yayakuberdohok al surga mon al baramu. yaya jan pantasoko ba takingga anum.' ²² Tapi, mbapa netu lapnegngok al barana top pghili, 'Lecabak! Ngandibaka khihi al daha meng tabananki. Tawadibniki kuru al limiana mon tabananki sendel eh witina. ²³ Ngandibaka yiya ana khapi albokolo mon dakulbaka. Mabiak yicca tat muyo mon daha baka a atimu, ²⁴ Ornak a anunggu yiya al matika, mon henenne moprih hbialngok! Diya al mohngok, mon henenne iceh hbilik!' Mon hdiya wad pangu a dahaka ah atida." Ana Uluna al Baniki a Mbapana ²⁵ "Pahi netu, a ana uluna enni al mongo, mon pahik diya ban bali ya wal mongo, diya al rongoko musik mon nege. ²⁶ Meng, diya al lak wuloniki lah toyo al a atana netu mon laklerniki payaka al dadi. ²⁷ Wolhona a ata netu al barana, 'a arimu al balika, mon a mbapamu al dakroko khapi al bokolo, ornak diya ban bali daha.' ²⁸ Tapi, ana uluna netu al banik mon jan bengioko tama prapanga a mbapana al lohoko mon al bujukokko. ²⁹ Tap dimoko, diya lapnegngok al barana a mbapana, 'Yaya kupghili al baramu mon jaku pernah baku jakku namguni paptakimu, tapi yoyo in perna wongga ih kwimbi tanaka yaya rami dengeni ol kedunggu. ³⁰ Tapi, pahik a anumu netu ban bali ban hmengeni hdingina al barana warcoyo, mbapa dakurniki khapi al bokolo taguna.' ³¹ Moko, a mbapana alwohiak, 'Anagu, yoyo engedengga, mon ngar pap donggu didiyaka dowadimu. ³² Tapi, yiya aloddona yicca eng rami mon ege dete ornak a arimu yiya al matik, tapi henenne diya al mopir hbialngok; diya al mohngok, tapi henenne ice hbialik."'