¹ Bram Yesus lapnegngoko al barana hmurcono, "Enni lahtoyo to roto al enga kpala pghili. Mon, albaran toroto netu alaproko akpala ghili netu al mengehiki ahartan. ² Ornak netu, a toroto netu lakwuloniki akpala pghili mon lapnegngok, 'Payaka e yaya pap rongogu tutumu yoyo yiya? Wobahiki paptangwabmu al tughumu ornak yoyo jandadiwialika ketidih hdingug.' ³ Kpala pghili netu lappangadangok, 'Payaka eyaya papghilgug ornak bohogu al pecatgag wal dupapghiligu? Yaya jaku pgahika mnera al mongo mon kumekke bakku kreya. ⁴ Yaya kupegheni payaka e yaya papdahagugku tanaka pahika yaya ba pecatangga, atoyo moko ahimbiagaka al umadxa hdiya.' ⁵ Mengeke, diya wadpangu allakwuloniki hngar toyo al laphaghi labarana abohona. Lahtoyo lapnegngoko, 'Piriya ahaghimu al barana abohogu?' ⁶ Atoyo netu lapwolhok, 'Hngahuya agoringa minyak zaitun.' Mengnge, akpala pghili netu lapnegngoko albarana, 'deke baka huroto tagumu, lodobaka mon turohbaka limkbulia agoringo.' ⁷ mengeke kpala pghili netu allaklerni lah towali, 'Piriya ahaghimu?' Atoyo netu lapwolhok, 'hngahuya aboko pari.' mengeke abendahara netu lapnegngok al barana,'Dekebaka huroto tagummu mon turohbaka ahaghimu 80 boko.' ⁸ Mengeke, toroto netu al laprekuka kpala pghili netu al jan jujur ornak diya al takika al daha. Ornak, ana yilpannu tana rehe peghe al urhoyo oltonna daripada ana mgohok. ⁹ Yaya kupnegngoko al baramu, pdahabak olkede daha ati meng pdaha al jan daha tanaka pahik papdahamu netu ban menge, yemmi moko atagigugku al umma abadi. ¹⁰ Garpanguniki al setia al tutuna laktappa, diya waddi moko al setia al tutuna al bokolo. Mon, garpanguniki al jan jujur al tutuna laktappa, diya waddi ajn jujur al tutuna al bokolo. ¹¹ Henenne, eb yoyo inngoleka wagu tanaka pghilini harta pannutana, garaniki al wagu harta al hepidpanguna al baramu? ¹² Mon, eb yoyo in ngoleka wagu ebwani dotoyo, garaniki al woguni payaka aldopidpangumu? ¹³ Janga topghili al ngole pghilini htoduya bohona ornak diya moko al muhini abohona lahtoyo mon albenyi abohona lahtoyo. ato, diya moko al nomtoyo aboho lahtoyo mon jan nomtoyo lahtoyo. Yemmi in ngole pghili al lam Bram Allah mon mamon." Pa apini Ato Farisi ¹⁴ Ato Farisi, hdiduyaka abenga dingi, arongoyo tutuna netu mon anummayaka Bram Yesus. ¹⁵ Bram Yesus lapnegngok al barada, "Yemmi didiyak atoyo al lapghenwumi al barana atopiya, tap Bram Allah apegheniki ihi atimu al hepidpanguna ornak al paprekene yiya atopiya didiyaka al jan daha al barana Bram Allah. ¹⁶ Hukum Taurat mon kitab ngar nabi apaknekini prapanga adonna Yohanes; Pahi adonna Yohanes, Liya daha tutuna Kerajaan Bram Allah mengeke batakiya mon ngarkehe atoyo phahani tanaka atama aldolong. ¹⁷ Tap al hepidpanguna, rehe binyongo taguna akramba mon pannu tana tanaka mohenga daripada lahwuya atitik al hukum Taurat ab batloyo. Tutuna Apheg ¹⁸ "ngar toyo al lapheghe dengenga arwenya mon deke warcoheke, diya lapdahaya al indaha. Mon, atoyo al deke warcoheke al papheghe dengenga laghina, waddi lap daha indaha." Ato roto mon Lazarus ¹⁹ "Enni lahtoyo toroto enge ban taya khihi probkongo mon hanggi paptanung, mon enge bap daha rami delko-delek al dahana mopron. ²⁰ Al binya tama umana toroto netu, lapduruka lahtoyo tokriya angarana Lazarus, a ihina abanuni dawa. ²¹ Diya almonongo wonni muya papangubaka al lakbutuku wal meja pdomuna toroto netu; mon hbangga a emniki mon adalika adawana. ²² Pahik netu, tokriya netu al matik mon angandiyaka or hngar malaikat al barana Abraham. ²³ Anon pdu pdonna, pahi ba pakriya, ato roto netu lakharangoko al dudete mon al iceyaka Abraham al lambroyo pahwudengeni Lazarus al barana. ²⁴ Mon, toroto netu pakwulongok, 'Mbapa Abraham, mnoworkingga yaya mon ptumbobniki Lazarus lapdalubniki alimana al weiya mon laplodikbaganki alamagu ornak yaya kukriya yil api dolo.' ²⁵ Tap dimoko, Abraham lapnegngok, ' Ana, api baka pahi yoyo bu mopirpongo, yoyo muhimbiayaka al daha, mon yiya Lazarus al himbiaya al jan daha; henenne, yiya Lazarus apdahananki a atin, moko yoyo apakriguk. ²⁶ Mon ngarkehe netu, enni liang bokolo a bathoda yicca tanaka atoyo al benga liya wal yiya mon allapdommu jan dadika a otini, mon atoyo wal lapdommu waddi jan dadika emini allapdomma yamma.' ²⁷ Mengnge, a toroto netu lapnegngok, 'Eb hengioko, mildukidda ati nan Mbapa, ptumbobniki Lazarus el umana a mbapagu, ²⁸ ornak engnga hlimtoyo dungkabunggu. Paklokbanki Lazarus lap apidi hdiya ja tama yil lampdo kri.' ²⁹ Tapi, Abraham lapnegngok, 'Hdiya engnga Hukum Musa mon kitab hngar nabi, paklokbanki hdiya apegheni wal ngarkehe netu.' ³⁰ Wenaka toroto netu wali, 'Jodo, Mbapa Abraham. Eb engioko bah toni tomati al otindi al barada hdiya meng hdiya apam ghilla.' ³¹ Wolhona Abraham al barana atoroto netu, 'Eb ja rongoyoko Hukum Musa mon kitab hngar nabi, hdiya jan dadi ayakininni, meng lahtoyo al kede wali htomati"'