¹ Mengeke, Bram Yesus lapnegngok al barana ngar hmurcon-No, "Watu sandungan pasti engio, tapi al ghenebngoko indaha atoyo allap oro. ² Rehe pongodaha lahwuya awatu kilangan aptanaya al kokona mon hdiya alaletniki al wemahhi daripada diya ban dadi sandungan al barana an lkede ktappa yiya. ³ Daga wubmuk! Eb loledemunki al lapdaha indaha al baramu, pa apbanki diya; ban menyesalinki apapdahana al indaha, mnoworbanik diya. ⁴ Mon, ban pdahayaka indaha albaramu prapanga ban hbitunga al lah loddo, mon al balika al baramu prapanga ban hbituwadinga mon dik apneghene, 'Yaya kumenyesaloko,' mnoworbanki diya." Kwahana Iman ⁵ Wedaka ah rasul netu al barana Mori, "Tobbanki imanom yamma!" ⁶ Wolhona Mori al barada, "Eb engioko yemmi iman henya abokolona aballa, yemmi ngoleke pnegheni al barana apung murbei yiya, 'Hbattu bongko wal tana mon mwokbokko al wemahhi,' mon a pung ghaya netu moko anomtugu apaptakimu." A ata al Namtoyo Paptakina a Morina ⁷ "Garaniki al wal yemmi al engnga atana, al tegher mneriana ato tegher daghanna hranga, moko lapnegngoko al barana a atana netu pahik diya ban bali wal mongo, 'Mabiak, lodobaka mon mubak'? ⁸ Ben indiduyaka al takkinanni a atana netu, 'hdibgaka muyo tagunggu mon tabaka khihi al daha tanaka pgili pahi yaya bakku muyo mon inu. Mengeke netu, meng yoyo apmuyo mon inu'? ⁹ Ben diya ban trikahiya diyaka a atana netu ornak diya ban pghilini apaptanina netu? ¹⁰ Hewadumiki yemmi. Eb yemmi mengeke mupghili ngarkeheniki al paptubogimi al barami, mon yemmi pneghe biongoko yiya, 'yamma diduyaka a ata al jan berharga. Yamma pghilini payaka al yamma e papghilmak."' Hakbulu Atoyo Kara brahhi al Paknaghay ¹¹ Al lara out wongo al Yerusalem, Bran Yesus al liniki abatasono a Samaria mon Galilea. ¹² Pahik ban tama al lahwuya adehe, Diya al dukniki al hakbu toyo al kara ghenge al pam browuda al bar Bram Yesus, ¹³ mon hdiya al lakwuloniki, "Bram Yesus, Guru, mnoworkigama!" ¹⁴ Pahik Bram Yesus ban icehi hdiya, Diya lapnegngok al barada hdiya, "outbamku mon phuwumku al bar imam-imam." Mon, pahik hdiya al lara, hdiya aknghak. ¹⁵ Pahik lahtoyo wal hdiya ban iceya apoltona ban kngha, diya al balhbialika mon lap ege deteke Bram Allah, ¹⁶ mengeke altokodiki ah kundana mon udokoko awitina Bram Yesus mon al la trimkahika Bram Yesus. Toyo netu didiyaka ato Samaria. ¹⁷ Mengeke, Bram Yesus lapnegngok al barana atoyo netu, "In hakbulu toyo taya al laknagha diya? Gekdaka al ban ihha atoyo hahwankongo? ¹⁸ Mon ja emi hbialin hdiya mon ap egedeteya Bram Allah selain yiya ato asinga? ¹⁹ Mengeke, Bram Yesus lapnegnhgok al barana, "Kedebaka mon lhokbamku, a imannummu al paknagguk." A Emini Kerajaan Allah ²⁰ Pahik bak klerini hahwadkongo atoyo Farisis tutuna pirika Kerajaan Allah ban emini, Bram Yesus al wolhiki diya mon lapnegngok, "Kerajaan Allah moko al emini monjanga tadana papngolewongo iceya, ²¹ jan toyo lapneghenge, 'icebaka, Kerajaan Allah yini yiya!' ato 'Kerajaan Allah enni anonno!' orna alhepidpanguna a Kerajaan Allah enni la tengnge-tengemi yemmi." ²² Mengeke, Bram Yesus lapnegngoko al barana hmurcon-Na, "Moko al emini alodona yemmi belangtakanga iceya lahwuyo aloddo wal lodd-loddo Ana Topiya, tapi yemmi in ngole iceya. ²³ Ah toyo moko lapnegngoko al baramu, 'Icebaka, anonno!' ato 'Icebaka,Yiya!' Tap dimoko, am out damumku mon nomtihi atoyo netu." A Emini Ana Topiya ²⁴ "Ornak merko kboloko al kwiloko wal hupu kramba mon hupu kramba, merwadoka Ana Topiya pahi alodo-Na. ²⁵ Tap dimoko, Ana Topiya eng kripuulunga mon jahimbiaya or toyo yiya. ²⁶ Mon, merka al dadi pahi atu Nuh, Merwadoko nama alodona Ana Topiya. ²⁷ Atoyo muyo mon a inu, a nikah mon apnikohi prapanga alodo Nuh tama al bahtera mon emniki wewongo bokolo mon ah hmati ngarkehehik hdiya. ²⁸ Merka tutuna al dadi al Lot, pahi netu atoyo muyo, inu, alkahi, lahmanga, altondo, mon allapkedde. ²⁹ Tap, pahi alodona Lot ban mdalini kota Sodom, a api mon belereng allakbutuku wal lakramba ereka urra mon ahmat ngarkehehiki hdiya. ³⁰ Hedunaka nama alodona pahi Ana Topiya ban emini. ³¹ Pahi alodona netu,garpanguniki al enni al umdete, mon ngaddina eeni al um dolona, amburu damaka mon dekeya; mon garpanguniki al enni al mongo am balidamoko. ³² Apibaka payaka al dadi al arwenya Lot! ³³ Garpanguniki al benga danginiki amoprona, moko almohngoko amoprono. Mon garpangubniki al mohenga amoprono, moko ahmoprok. ³⁴ Yaya kupneghenge al baramu,pahi ban hudongo netu enni hto duyo allamduru al lahwuyo pdupamdurung. Tap dimoko, lahtoyo moko angandiyak, moko lahtoyo ahonaka. ³⁵ Htuduyo warcoyo moko agehe dengnge pari. Lahtoyo moko angandiyaka, moko lahtoyo ahonaka. ³⁶ [Merwadoka htiduya allapghili al mongo, lahtoyo moko angandiyaka, moko lahtoyo ahonaka."] ³⁷ Mengeke hmuritcono aklerniki Bram Yesus, "Gekek, Mori?" Wolhona Bram Yesus al barada, "Geke pdonaka wuboghi, anonno diduyaka pdom kahana a ikit."