¹ mengeke, Bram Yesus lap neghiniki tutuna aptuddene al barana hmurco-No tanaka tanaka awodi hdiya eng hbawomgo mon intap ati. ² wenak-Nak, "el lahwua kota, enn lahtoyo hakim jan paakani am Bram Allah monjan paakang oltonna. ³ al koto netu, enni lah toyo awarcok kwinya el engenkrohin ban otuni al barana hakim anetu mon lap neghengok, 'Wogama keadilan al baragu al barana agabagu.' ⁴ Henya aloddo, ahakim jan wawa uruho awarco kwinya netu. Tap dimoko,mengeke ahakim netu lapnegngok al atin, 'Hedumonok yaya jakku kbohini Bram Allah mon jakku pa akini mon grpangubnik, ⁵ ornak warco kwinya yiya eng krohina ban ghogak, yaya moko woniki pdodahwana al barana tanaka diya jan phuhwaga yaya mon a emme krohin."' ⁶ Mengeke, Mori lapnegngok, "Rongobak payaka paptakina ahakim jan daha netu. ⁷ Bram Allah moko alwoni lara dahana al barana atoyo pahpeden-Ne allakwuloni albara-Na hudda mon lodongo? Hepijana Diya al tunda-tundaka prapanga ban mdeiya meng ap tolongini hdiya? ⁸ Yaya kupnegngoko al baramu, Diya moko al wongo lara daha albarada hdiya. Tap dimoko, pahi Ana Topiya ban emini, hepijana Diya moko aldukini iman al pannu tana?" Aptudene tutuna Ato Farisi mon Alkah Wektakku ⁹ Bram Yesus waddi altakiya ptudene yiya al barana hahwadkongo atoyo al anggap wuna al ghenne mon lakharani atoyo lakbaba. ¹⁰ "Enni hdutoyo al otini al Bait Allah tanaka hbangio. Ellah toyo to Farisi mon lahtoyo to kahha wektakku. ¹¹ Ato Farisi netu al dede mon lahbangiok tutuna apoltona, 'O, Bram Allah, yaya kutrim kahi al bara-Mu ornak yaya inhenya toheke; al pakri oltona, tipu, pnegwongo ngar olena, ato merka yiya atoyo al kahha wektakku. ¹² Yaya kupuaha pdungo bah hu minngu, yaya kuwongo hahwankongo wal hahlugu.' ¹³ Tap dimoko, atoyo kahha wektakku al dede pambrowunaka, mon jan kngaraya akramba. Mon, diya al paluwunaka mon dik apneghene, 'O, Bram Allah. Mnowor dara kokokingga, yaya to berdoho.' ¹⁴ Yaya kupnegheng al baramu, to kahha wektakku yiya al balika al umana didiyaka atoyo al rehe ghenne wal to Farisi tanetu ornak atoyo al pamdete wuna moko apakbabak, mon atoyo al pakbabawuna moko apamdeteke." Bram Yesus mon Halkede ¹⁵ Mengeke, ahtoyo angandihiki ah anadda al laktapapongo al barana Bram Yesus tanaka Diya al berkatih hdiya. Tap dimokko, pahi hngar hmurcono ba iceya, hdiya amuleka baninni ah toyo netu. ¹⁶ Tap dimoko, Bram Yesus lakwuloniki halkede netu tanaka emini al bara-Na mon lapnegngok, "Paklokbanki halkede netu emini al bara-Gu, am here damdiki hdiya ornak Kerajaan Allah didiyaka taguda ato al henga yiya. ¹⁷ Yaya kupnegheni al hepidpanguna al baramu, garpanguniki al jan himbiaya Kerajaan Allah mereka an lkede yiya, diya moko jan tama al dolongo." Ato Roto mon Kerajaan Allah ¹⁸ Enni lahtoyo adagidi hdiya al lakkereni Bram Yesus, "Guru al daha ati, payaka e yaya papdahagu tanaka ngolewani amopir al daha?" ¹⁹ Lap wolhoko Bram Yesus al barana, "Pene yoyo mutakiga Yaya daha ati? Janga bahtopanguni al daha ati kecuali Bram Allah. ²⁰ Yoyo mupegheni tutuna hukum-hukum yiya: 'Am bedamngoko do olum, am hmati oltommu, am kedudamaka, am wodamngoko pneghenge al jan henya, mon pa akini mbapamu mon a inyomu."' ²¹ Wolhona atoyo netu, "Yaya kutaat ngarkehehiki netu pahi yaya bakku lkedpong." ²² Pahik Bram Yesus ban rongoya, Diya lapnegngok albarana atoyo netu, "Epiani lahwuyo al kurongo. Mahbanki al ngarkehe al enni al baramu mon bagbanki al barana to kriya, moko yoyo engngioko harta al surga; mon mabika, nomtbak Yaya." ²³ Pahik atoyo netu ban rongoyo apneghene Bram Yesus netu, diya al hoko ornak diya al roto langtakkka. ²⁴ Mengeke Bram Yesus lakharaniki diya mon lapnegngok, "Al sulit langtaka ah to roto tama al Kerajaan Allah! ²⁵ Bahkan, rehe pong daha lah ihha unta ban tama al mata krihha daripada ato roto ban tama al Kerajaan Allah." Anomtoyo Bram Yesus moko Ahimbiaya Mopir Daha ²⁶ Ah toyo aarongo apneghenge netu lapnegngok, "Dik ebhengioko, garaniki al dadi pahlamatongo?" ²⁷ Wolhona Bram Yesus, "Payaka al mustahil taguna atopiya didiyaka el henya taguna Bram Allah." ²⁸ Mengeke, Petrus lapnegngok, "icebaka, yamma mam dalngarkeheniki payaka e yamma el enni mon nomtug Yoyo." ²⁹ Bram Yesus lapnegngok al barada hdiya, "Yay kupnegniki al hwepidpanguna al baramu, ja pangunga bah hto panguni al lam dalini a umana, arwenya, loledena, atumtuana, ato ananna tutuna Kerajaan Allah, ³⁰ al jan himbiaya tutuna netu allam lipat pir lipat al henenne yiya, mon aneme al emini, diduyaka ampor daha." Takiya tutuna Amatina mon Aked hbialina Bram Yesus ³¹ Mengeke, Bram Yesus al kahahika al hakbulu duya ah hmurco-Na mon lap negngoko al barada hdiya, "Rongoyo, yicca moko outdaka al Yerusalem mon ngarkehe lolbaka papturohona hngar nabi tutuna Ana Topiya moko al emini. ³² Diya moko alwonannki al barana ah htoyo al jan pegheni Bram Allah. Diya moko neneke, apaluka, mon aptiruka. ³³ Mon, mengeke hdiya badakroyo Bram Yesus, hdiya moko ahmatika Bram Yesus. Tap dimoko, pahik a lod ktaluna, Diya moko al kedbialngok." ³⁴ Tap dimoko, hngar hmurcono jan pegheni ngarkehe baka atutuna netu. Artina apneghe netu allakbuni al barada hdiya prapanga hdiya ja peghe loni apneghengo netu. Bram Yesus al Paknaghaya Ato Kbur ³⁵ Pahi Bram Yesus hodipika papduki wana al kota Yerikho, enni lahtoyo tokburra al tegher lodo al hinglara lahloko mon dik akrena dingi. ³⁶ Pahik atokbur netu ban rongohi atodanga liya allara netu, diya lakreniki payaka al dadi. ³⁷ Mon, ah toyo altakinanki al barana, "Bram Yesus wal Nazaret tegher lewotono." ³⁸ Moko, lakpakwulonoko atokburra netu, "Bram Yesus, Anan Daud, mnowordukingga yaya!" ³⁹ Ah toyo al lahloko barana, al baniki atokburra netu mon aptuboniki knagha. Tap dimoko, diya alhulwungongo ban pakwulongo, "Anan Daud, mnowordukingga yaya!" ⁴⁰ Mengeke Bram Yesus al dedeke mon laptuboniki tanaka atokbur netu angandiya al bara-Na. Pahik atokburra netu ban tukke, Diya laklerniki al barana, ⁴¹ "Payaka e yoyo pahbemuku tanaka kupdahaya al baramu?" Atokburra netu lapwolhok, "Mori, yaya kubengnga amatagu ban icce." ⁴² Bram Yesus lapnegngok al barana, "Icebaka, a imannumu al paknagguku." ⁴³ pahi netu waddi, diya al iceke mon muleka nomtoyo Bram Yesus mon dik egedeteya Bram Allah. pahi atodanga ba iceya tutuna netu, hdi waddi ap egedeteke Bram Allah.