¹ Moko, altamaka Bramb Yesus al likka al kota Yerikho. ² Anonno enni lahtoyo akbani angarana Zakheus, diya didyaka akpala kah wektakku mon al roto. ³ Diya albelaktakanga iceya Bram Yesus, tapi jan ngole ice ya ornak hekdangana atoyo; ornaka apoltona hekpodokon. ⁴ Mengnge, Zakheus al lap plaka ulu ngarkehdiki atoyo mon aldetngoko akghaya ara tanaka icwani Bram Yesus ornak Bram Yesus al linyi alara netu. ⁵ Pahik Bram Yesus ban dukini dupdona Zakheus, Diya lakngaraka mon lapnegngok albarana, "Zakheus, burbaka ornak yiya alodona Yaya bengio liya al umomu." ⁶ Moko, Zakheus al buruku mon alhimbiaka Bram Yesus dik adaha a atina. ⁷ Tapi, pahik ngarkehe atoyo ba iceya tutuna netu, hdiya muleka pnegheng, "Diya lapdukika a umana al berdoho." ⁸ Mengeke, Zakheus aldedeke mon lapnegngok al barana Mori, "Mori, icebaka, hahwadkongo wal hakagu moko kuwonaniki albarana to kriya, mon jika yaya bakku phaghi albarana atoyo, yaya kubalbialnanki 4 kali lipat." ⁹ Moko, Bram Yesus lapnegngok al barana Zakhues, "Yiya aloddo wadina, amopir daha moko alemini yil umomu ornak yiy atowaddi ananna Abraham. ¹⁰ Ornak, Ana Topiya emeni tanaka kdabawani mon pahlamtoyo al moheng." A Ata al setia mon a Ata al indaha ¹¹ teghereda hdiya ba rongoya ngarkehe yiya, Bram Yesus alpakrohika apneghenni aptudena ornak Diya altukeke Yerusalem mon ornak hdiya pap ngadadaka Kerajaan Bram Allah moko al emini. ¹² Ordidyaka taetu, Diya lapnegngok, "Lahtoyo apegngarkehe yiy ato pannu tana al outniki al negeri al lambroyo tanaka akeketwani raja, mon mengeke netu diya moko albalika. ¹³ Mengeke, morin netu alkahayaka hakbulu toyo lapghili albarana mon awondiki hdiya dingi 10 mina. Wenaka albarada, 'Mahbongko wani dingi yiya prapanga yaya bakku balbiali.' ¹⁴ Tap dimoko, atoyo ol bangsana amuhini diya mon aptuboniki awaklono ban meng diya ban outini mon lapnegngok, 'Yamma jam benni yiya atoyo ban raja al barama yamma.' ¹⁵ Mengeke ba keketoyo raja, atoyo netu albalika mon lapreteke ah atana apap wonna dingi netu lakwuloniki tanaka diya peghewani piriya bokolona a utuna eh hdiya papngoldaka wal pahmahad. ¹⁶ Top ghili al lahtoyo al emniki mon lapnegngok, 'Mori, dingi 1 mina atagumu netu 10 mina walik.' ¹⁷ Raja netu lapnegngok al barana, 'Dahlangtaka, woi yoyo ata al daha ati! Ornak yoyo setia al urusan al laktappa, yoyo moko preteke al hakbulu a kota.' ¹⁸ Topghili lakduana waddi emniki mon lapnegngok, 'Mori, dingi 1 mina netu 5 mina wialik.' ¹⁹ Mengeke, a raja lapnegngok al bar atana netu, 'kwahbaniki yoyo eh 5 kota.' ²⁰ Mengeke, emniki a atana lahto wadi mon lapnegngok, 'Mori, yiya a dinging 1 mina atagumu yaya pahbodologu al sapu tangan. ²¹ Yaya kukbohugu ornak yoyo to keras. Yoyo dekeya payaka eb jap pahbodolumu mon kutiya payaka e japap todomu.' ²² Mengeke, raja netu lapnegngok al barana, 'Yaya ku adiligu hmerini e paptakimu, woi yoyo ata indaha! Henenne, yoyo pegheni yaya diduyaka atoyo al keras, al dekeya payaka e jah pernah bodologu mon al nguti e jappap todogu? ²³ Eb hengioko, pene yoyo intamoyaka adingunggu al lapdonna atoyo al pahlokini adingi tanaka pahik yaya baku balhbili, yaya moko kuhimbiaya adingunggu netu meng tonna?' ²⁴ Mengeke, raja netu lapnegngok albarana atoyo aldede albarana, 'Dekebananki dingi netu wali al barana mon wobananki al barana atoyo al engnga 10 dingi.' ²⁵ Tapdimoko, hdiya lapnegngok al barana raja, 'Mori, a ata netu engngioko 10 dingin.' ²⁶ Wolhona a raja netu, 'Yaya kupnegngoko al baramu, gar panguniki al engngo moko wop prehini, tapi garani al janga papangubaka, hngar papangubaka padonaka moko dekenanni. ²⁷ Tapdimoko, tutuna muhu-muhugu al jan bengga yaya ab rajan hdiya, ngandibaka albaragu mon hmatbahki hdiya al lahdapagu."' Bram Yesus Ahimbiaya Merko Raja ²⁸ Mengeke Bram Yesus ban pegheni tutuna netu, Diya lahloko uluku al Yerusalem. ²⁹ Pahik Diya ban duki al barana desa Betfage mon Betania, al barana aletena angarana Lete Zaitun, Diya al laptuboniki htoduyo hmurcon-No. ³⁰ Wenaka al barana hdiya, "Out bagimiki al desa al lahdapamu netu. Mon, pahik yemmi mutama anonno, yemi moko mu iceya lah ihha ana keledai al paptanna mon in htopongo allaleteya. Phalabaka ana keledai netu mon ngandibaka. ³¹ Dik eb engioko toyo al laklergimi, 'Pene yemmi mungandiya akeledai netu? webmiki: Mori butuyo." ³² Menge, a outdiki htoduyo hmurit epaptuba-Na netu mon aldukniki ngarkehe epaptaki-Na albarada hdiya. ³³ Pahik baplohoya ana keledai netu, amori hranga aklerdiki, "Pene yemmi muphalaya ana keledai netu?" ³⁴ Hdiya apwolhok, "Mori al butuyo." ³⁵ Mengeke, hdiya angandiyaka ana keledai netu al barana Bram Yesus mon abodohiki hakreweda al pannu ihina keledai netu, mengeke apdeteka Bram Yesus alpanuna keledai. ³⁶ Pahik Bram Yesus ban linyi alara, atoyo aplokorhiki hak khihida hdiya al lara. ³⁷ Mon, pah ik Bram Yesus al baraniki Yerusalem, didiyaka enne lara allakdobokongo wal letena Zaitun, ngarkehe anomtoyo muleka egedeteya Bram Allah mengeka egedete mon aliya al bokolo. Hdiya al trimkahika al barana Bram Allah al ngarkehe aldadi ngarkehe pap iceda hdiya. ³⁸ Hdiya alodoko, "Aberkatbahka Diya al emini sebagai Raja al ngarana Mori, egedete al surga mon egedete al lapdo al lamdete!" ³⁹ Hahwadkongo ato Farisi wali amkahana ato danga netu lapnegngoko al barana Bram Yesus, "Guru, tegurbahki hmurcu-Mu." ⁴⁰ Tap dimoko, Bram Yesus lapwolhok, "Yaya kupneghenge al baramu, jika hdiya baknaghakka, yihwatu diyaka al pakwulongo." Bram Yesus Alhoniki Yerusalem ⁴¹ Pahik Bram Yesus ban baranik akota Yerusalem mon iceyaka akota netu, Diya alhoko, ⁴² Wedana-Ka, "Seandainya yiya alodona yemmi pegheni payaka al emeni egedete al baramu. Tapdimoko, henenne tutuna netu lahbuninga wal matamu. ⁴³ Mok al emini alodona pahi hmuhumu moko lapkedeya tembok todiwana mon galwani mon gabagu wal empdo pahdapad. ⁴⁴ Hdiya moko amengegimki, yoyo mon ngar anum al lakwodo al tembokomu. Mon, hdiya moko ja bodolgumki bahhu watu wadpangu al lah barhiong al pannu watu hahwadkongo al baramu ornak yemmi in pegheni alodo pahi Bram Allah ba lawatgimmi." Bram Yesus Yagrih Atoyo lah mahanga al Bait Allah ⁴⁵ Mengeke, Bram Yesus al tamaka al Bait Allah mon muleka yagruhi loho atoyo al lahmahanga anonno. ⁴⁶ Wenaka al barada hdiya, "Enni lamturoho: 'Umo-Gu moko um hbangiok,' tapi yemmi pdadiki pdo krebe!" ⁴⁷ Mengeke, Bram Yesus alpaknekngoko al Bait Allah delko-delek. Tapi, imam-imam kpala, ahli-ahli Taurat, mon hngar pemimpin bangsa netu akdabaka lara mon hmatiwani. ⁴⁸ Tap dimoko, hdiya ja pegheni pene wengoko bapdahaya ornak ngarkehe atoyo aketeni paptakina Bram Yesus.