¹ Pahi etu a lodona, pahi Bram Yesus tegherena ban paknekeni ato danga al Bait Allah mon alkitaya Apir daha, kpala imam mon ahli Taurat brengedengeni tua-tua emini al bara-Na. ² Hdiya apnegngok albara-Na, "Takibaka al barama yamma wangio kwaha payaka Yoyo mupghilini tutuna yiya? Ato, garaniki al wogu kwaha yiya?" ³ Holwona Bram Yesus al barada, "Yay waddi kuklereni lahwuyo akleregu albaramu. Wolbagag Yaya, ⁴ gepwal omnaka apermandina Yohanes? Wali surga atau wali topiya?" ⁵ Hdiya ahperniki tutuna netu al wal hdiya mon apnegngok, "Ebwolhok yicca, 'wali surga,' Diya moko lapnegngok, 'Ebhengoko, pene yemmi inwani Yohanes?' ⁶ Tap dimoko, ebwolhoko yicca, 'Wal Topiya,' ngarkehe atoyo moko apaludaka yicca prapanga mati ornaka hdiya wanik Yohanes didiyaka a nabi." ⁷ Jadi, hdiya waddi pangu apwolhok eb hdiya jan pegheni gepwali iomini apermandi netu. ⁸ Mengeke, Bram Yesus lapnegngoko albarada, "Eb hengioko, Yay waddi jakku takiguni wangio kwaha payaka Yaya bakku pghilini tutuna yiya." Aptudene tutuna Hngar topghili al Mongo Anggur ⁹ Mengeke, Bram Yesus lapnegniki aptudene yiya al barana atodanga, "Enni lahtoyo altondo lahwuyo amongo anggur mengeke alwodiki dingi al barada hahwadkongo eh tomnere,mon otdiki el negri al lambroyo tanaka amdelangtaka. ¹⁰ pahik dukini wulnguti. diya laptumbongoko lahtoyo top ghili onitini albarada eh tom nerro mongo netu tanak diyo awowadi albarada hahwadkongo among anggur netu. tapdimoko, ngar top ghili almongo netu apaluya atop ghili netu mono ayagharoko lahlokok mon janga papaketena. ¹¹ mon diya waddi napngadiniki atop ghili hah wadkongo, tapi top ghili al mongo netu apalu waddiyaka mon anumayaka,mengeke ayagharoko bali jang pketen. ¹² mengeke, amori mongo anggur netu laptumbanikki top ghili ak taluna al barada toyo ghili mongdolo netu, tapi topghili almongo netu waddi apaluya topgili lahtoyo yiya mon ayagroko loho. ¹³ Mori mongo netu waddi lapnegngok, 'payaka epap pghilguku henenne? Yaya ptuboniki a anagu epamnowrugu, mungkin hdiya ap akini.' ¹⁴ Pahik hngar top ghili netu ba iceya anan mori mongo netu, hdiya apahwungoko, 'Diya didiyaka alheluya ahaka mori mongo anggur yiya, mabika tat hmatia tanaka ahakana tatdowani yicca!' ¹⁵ Mengeke, hdiya aletniki al keda netu al lakmoto mongo anggur mon ahmatika. Mengeke, payaka papghilnaka amori mongo anggur netu albarada diya? ¹⁶ Diya moko a emniki mon lahmatika tapghili mongo netu, meng al lakwehe wekniki amongona al bar toyeke." Pahik atodanga ba rongoya aptudene netu, hdiya apnegngok, "Amduki damngoko dadi atutuna yiya twaya!" ¹⁷ Tap dimoko, Bram Yesus akharadiki diya mon lapnegngok, "Dik ebhengioko, payaka artin ayat yiy: 'Awatu papletena atukongo bangunan me ng aldadika Watu penjuru'? ¹⁸ Ngar toyo al goleng ala bar watu netu moko almoh letngok mon garpangumniki ahgenwani a watu netu moko alngodok!" ¹⁹ Pahik ahli-ahli Taurat mon hngar imam kpala asadrok atudena netu apnegheng tutuda diya, diya bengioko dogolmemaya Bram Yesus. Tap dimoko, hdiya akbohidi ahtodanga. Aklerena tutuna bagrongo wektakku ²⁰ Mengeke, hngar ahli Taurat al dangniki Bram Yesus mon aptuboniki hahwadkongo atoyo ahlidokoya mon pura-pura wal atini tanaka hdiya ngelewani pangadanga Bram Yesus meng aklerenge tanaka hdiya ngolwongo dogoloya wangio apneghewanwua-Na mon wowani Diya allakwaha mon pahbenyaka gubernur. ²¹ Ato paptubongo netu aklerniki Bram Yesus, "Guru, yamma pegheni eb Yoyo pnegheni mon paknekongo al ghene. Yoyo wadi in pheke-hekini atoyo, tapi paknekini alarana Bram Allah al gene. ²² Dadi dukimoko yamma bam bagrongo wektakku albarana Kaisar ato jodo?" ²³ Tap dimoko, Bram Yesus alpegheni alicikoda hdiya mon apnegngoko al barada hdiya, ²⁴ " pdudapagaddi albara-Gu lahwuya dingi. Gar gomboro mon gar turoho nanni al papngolemu al bar dingi netu?" Wolhod hdiya, "Gomboro mon turohonanni Kaisar." ²⁵ Moko, Bram Yesus lapnegngoko albarada hdiya, "Dik ebhengioko, wobaniki albarana Kaisar payaka adonna Kaisar, mon wobaniki albarana Bram Allah payaka adonna Bram Allah." ²⁶ Mengeke, ahtoyo netu jandadika jebakaya Bram Yesus apneghe wanwua-Na al barana ahtodanga; hdiya amngorniki awolho-Na mon aknaghak. Aklerena Ato Saduki ²⁷ Mengeke, emniki albarana Bram Yesus hahwadkongo ah to yo Saduki, didiyaka golongan aljan wani enni kedde hbialing, mon aklerngoko albara-Na, ²⁸ "Guru, Musa alturohoko taguda yicca, ebbak kbanika al mati, mon diya engnga arwenya mon janga ananna, dungkabuna moko harus nikahdengeni arwenya dungkabuna netu mon wonni keturunan taguna. ²⁹ Henya nenne, enni pitohhi apdungkabungo. Dungkabuna apghagha al nikak, tapi almatik mon janga anan. ³⁰ Mengeke, dungkabuna akduana al nikdengeniki arwenya dungkabuna netu mon matwadika mon janga anwadina. ³¹ Mengeke, dungkabuna aktalluna alnikdengwadiniki arwenya dungkabuna netu mon tutuna netu aldadi prapanga dungkabuna akpitu, tapi hdi ngarkehe amati ngarkehe mon jang ngarkehenge anadda. ³² Mon prapanga, warcoyo netu wadi almatik. ³³ Ornak netu, pahi alodo penghakiman, garaniki allaghina awarcoyo netu ornak hto pituda apdunhkabungo netu anikdengeniki?" ³⁴ Wolhona Bram Yesus albarada hdiya, "Ahtoyo ajamanonno henenne anikah mon apnikehi, ³⁵ tapi ahtoyo ap anggap al pantas al ngoleya bagian al yilpannu tana al emini, mon al kedene wal hangar hto mati, moko ja nikah mon japnikehi. ³⁶ Hdiya jad dadika amatida ornak hdiya mereka malaikat. Hdiya didiyaka ananna Bram Allah ornak hdiya mengeke bapkedehi wal mati. ³⁷ Musa mengeke ban pdodkini tutuna amoprih hbialina atomati al bagian al lamturoho tutuna atara billa al mutu. al bagian netu, Mori atakiyaka 'Bram Allah Abraham, Bram Allah Ishak, mon Bram Allah Yakub.' ³⁸ Diya indiya Bramb Allah almati tapi Bram Allah atoyo al mopir, ornak ngarkehe atoyo mopir al bara-Na. ³⁹ Mengeke taetu, hahwadkongo ahli Taurat apnegngok, "Guru, Awolho-Mu al hepidpanguna." ⁴⁰ Mon, jangoko atoyo al lambrani al laklerenge albarana Bramb Yesus. Kristus didiyaka Mori ⁴¹ Mengeke, Bram Yesus lapnegngok albarada hdiya, "Pene bandadmoko atoyo ban pnegheng Kristus didiyaka Anan Daud? ⁴² Padahal al kitab Mazmur, Daud lapneghe wanwuana, 'Mori Bram Allah lapneghengoko albarana Morigu, "Lodobaka al lakwana-Gu, ⁴³ prapanga Yaya kuplododniki ah muhu-Mu al witu-Mu."' ⁴⁴ Jika Daud altakiniki Kristus sebagai 'Mori,' pene ban dadimoko Kristus didiyaka ananna Dad?" Pa apingo tanaka dangwungo albarana Ahli Taurat ⁴⁵ Pahik atodanga barongoyo, Bram Yesus lapnegngoko albarana hmurcono, ⁴⁶ "Dagawummiki albarana ahli-ahli Taurat al bengio hloko-loko altaya khihi bloyo, daha atina bap akini atoyo laprogongo, al bengio lodo allap pdo al dete al sinagoge-sinagoge, mon allap pdo pa akanga al pesta-pesta. ⁴⁷ Hdiya akrebeke a umada hngar warcok kwinya mon ahba pamblongoko tanaka a icwani todanga. Atoyo al henya yiya moko alhimbiaya hukuman al rehe boto."