¹ Pahik Yesus lakharani all dete, Diya all iceyaka hahwadkongo toroto al laptamini apersembahanonno diya al kantung persembahan. ² Diya wadi al iceyaka lahtoyo worco kwinya laptamini 2 keping dingi watu. ³ Yesus lapnegngok, "Yaya kutaguniki all hepidponguna al baramu, warco kwinya al lakriya yiya al wongo rehi danga wal ngarkehe to root netu. ⁴ Ornak, hdiya awongoko persembahan wal reheda hdiya, tapi warco kwinya yiya al wongo persembahan wal al kurana, didiyaka wal ngarkehe al enni al umana tanaka pakrohi wani amoprono." Tadana pdaodukana atana ⁵ Pahik hahwadkongo hmurico tegherena mapnegheni tutuna Bait Allah apdah-dahwani watu daha mon persembahan-persembahan, Yesus lapnegngok, ⁶ "Moko al duki lodona, ngarkehe pap icemu yiya moko njanik. Njangoko bah hu panguni awatu al dede al watu heke al jap heger." ⁷ Mengeke, hngar hmuric aklerniki al bara-Na "Guru, piriki tutuna netu ban dadi? Mon payaka atadana ngarkehe netu ban dadi?" ⁸ Yesus lapwolhok, "Daghubmiki tanaka yemmi am dorot wongo ornak danga toyo moko al emini al pakiya angara-Gu mon lapnegheng, 'Ya diyaka Diya,' mon 'Alodona al tukeke,' Am nomtdamhiki hdiya. ⁹ Tapdimoko, pahik yemmi mbu rongoya tutuna ahbereng mon akrebe, amkbohidamoko ornak tutuna netu memang eng dadi uluna, tapi amengena jan em memin." ¹⁰ Mengeke Yesus lapnegngok al barada hdiya, "Bangsa mok al kedeke mon lawaninni bangsa mon kerajaan moko al kedeke mon lawaninni kerajaan. ¹¹ Al dadi opong al bokolo, aklaba bokolo, mon hekdawapana apenyakit al hngar pdoyo. Meng wadi al dadi peristiwa-peristiwa al pam gir ihidengenga mon tada bokolo wal lakramba. ¹² Tap dimoko, ngarkehe yiya jean dadi pongo, atoyo moko adogolpahi mon pakripgimi yemmi. Hdiya moko awopagimi yemmi al sinagoge-sinagiged hdiya mon aptamgimi al gallu. Hdi wddi angandigimi al barana hngar raja mon gubernur orona angara-Gu ¹³ Tap, tutuna yiya moko dadika kesempatan tagumu tanaka pneghewani tutung-Gu. ¹⁴ Oronaka taanetu, paangdibaka aatimu tanaka jan pangadanga payaka al yemmi paptakimiki tanaka tadiwungo, ¹⁵ ornak Yaya moko kuwoguku pneghenge mon mgohoko daha ati al baramu al jan ngole alawaninni mon pakyakanga or muhumu. ¹⁶ Yemmi moko ja arigimiki tum tumu, dungkabumu, loledemu, mon olkedemu, mon hdiya al lahmatgimi hahwadkongo wal yemmi. ¹⁷ Yemmi moko amuhgimki orona angara-Gu. ¹⁸ Tap dimoko, in hgapangngu logemu wal laktakumu al lakbutuku. ¹⁹ Wangio hmagamu, yemmi moko ngoleka mopir." Takiya Tutuna Amhegrono Yerusalem ²⁰ "Tap dimoko, pahik yemmi mu iceya kota Yerusalem atamini or pasukan-pasukan tentara, yemmi moko pegheniki tut amhegrono al tukeke. ²¹ pahi etu alodona, atoyo al enni al wilayah Yudea aplaka al leten, atoyo al enni al kota moko eng out diki al luar kota, mon atoyo al enni al desa-desa jan dadi atama al kota Yerusalem. ²² Netu didiyaka aloddo hukum tanaka ngarkehe tutuna netu al lamturoho moko al lapgenapoyo. ²³ Amatbaka ah warcoyo al tegher pkabu mon tegher phuhu pahi lodona netu ornak moko aldadi akriya al bokolo al yiya negeri, mon abani bokolo al bangsa yiya. ²⁴ Hdiya moko ahmathik wangio ktopo mon aphahaniki or bangsa-bangsa. Kota Yerusalem moko akwahaka bangsa-bangsa al emini prapanga lodo rotona bangsa-bangsa netu ban hmengenge." A Emini Ana Topiya al Egedete ²⁵ "Moko engngia tadana alodo, wulla, mon mdunna. Al pannutana, bangsa-bangsa moko akbuhi al bingungngodo or akghokona awemahhi mon abokolona webannu. ²⁶ Ah toyo moko abadaka or kbohida mon amagini tutu na al dadi al pannutana yiya ornak ngarkehe kwahana al enni lakramba moko apamgedengoko. ²⁷ Mengeke, hdiya moko a iceyaka Ana Topiya emini al lakraba meng kwahana mon egedete al bokolo. ²⁸ Ban dadikluka tutuna yiya, dedebaka mon keketbaka aktakumu ornak alodo pahbebeh wamu al tukeke." Aptudena pung Ara ²⁹ Mengeke Yesus lapnegniki blah wuyo aptudena al barada diya: "icebaka pung para mon ngarkehe pung gha heke. ³⁰ Ban bukul kluka ahroda pung ghaya netu, yemmi moko pegheni mon pegheni martana al tukeke ³¹ Hewadonaka be yemmi mu iceyaka ngarkehe netu ban dadi, yemmi moko pegheni a Kerejaan Allah al tukeke. ³² Alhepijana Yaya kutakiguniki al baramu, generasi yiya moko jan matin prapanga ngarkehe tutuna yiya ban dadi. ³³ Kramba mon pannutana moko al muehngok, tapi apneghe-Gu moko jan hmengenge." Hdidibaka phi alodona ³⁴ "Dangwubmiki tanaka a atimu ja banu wani benga awuelek, tan mabuk, mon pngadani amopir.mon,alodo netu moko al emniki al baramu merko perangkap. ³⁵ ornak, alodo anetu moko al emniki al ngarkehe alolbaka al doyo al ngarkehe yilpannu tana. ³⁶ Daga wummiki setiap loddo mon enge bah bangio tanaka yemmi ngolewongo pgahhi tanaka lohho wongo wal ngarkehe tutuna al dadi netu mon tanaka dedewongo al barana Ana Topiya." ³⁷ Pahik ban dijoro biloddo, Bram Yesus alpaknekediki atodanga al Bait Allah, tapi ban hudongo Diya allamdalniki akota mon allamdahika al Bukit Zaitun. ³⁸ Mon, bi kaphudda, ngarkehe atoyo emini al bara-Na al Bait Suci tanaka rongowa-Ni.