¹ Hari raya Roti al jan Beragi apaptakida loddo paska al tukaka. ² Kpal Imam-imam mon ahli-ahli Taurat akdabaka lara tanaka hmatiwani Yesus, ornak diya akbohidi ato danga. Penghianatan Yudas ³ Mengeke, altamaka setan al Yudas, apaptakida Iskariot. Diya didiyaka wal hakbulu duyo wal murit. ⁴ Moko, outniki Yudas mengeke al lamgun dengediki kpal imam-imam mon pengawal Bait Allah tutuna penwengoko diya mba ngoleya wodadi Yesus al barada hdiyo. ⁵ Mon, hdiyo adah langtakaka ah atida mon pahwungoko tanaka wowani dingi. ⁶ Moko, Yudas al o'owadika mon lakharwa dingoko loddo tanaka wowadandi Yesus albarada hdiyo pahi ebjanga todanga. Hmu Paskah ⁷ Mengeke, dukika alodona hari raya Roti Tidak Beragi, diduyaka alodona memoersembahkan anak domba paskah. ⁸ Pahik alodona taetu, Yesus aloptuboniki Petrus mon Yohanes, wenaka, "Outbagimiki mon hdibaka muyo paskah tadaka yicca tatmuwongo." ⁹ Wedaka diya albarana Yesus, "Geke Yoyo pahbemuku tanaka yamma tamdiwongo?" ¹⁰ Lapwolhok Yesus al barada, "Pahik yemmi tamniki a kota, yemmi moko dukniki lahtoyo akbani al ngandi pdalu; nombaka diya al umma pdutamnaka, ¹¹ mon takibnanki amor umma taanetu, 'Guru larleregu al baqramu: geke pdolodnak atopduki Yaya bengnga mu Paskah dengedi murid-muridtung-Gu?' ¹² Moko, diya al lapdodgunki lahwuyo ruangan albokolo al dudetenge, al ngarkehe papbejaka mok engarkedik. hdibaka muyo tatmuwongo yicca anonno. ¹³ Mengeke, Petrus mon Yohanes outdiki mon a ngol ngarkehe yaka mer ngarkeheke paptakinaka Yesus mon hdiyo ahdik mu paskah. Perjamuan Paskah ¹⁴ Pahik ban duki aloddona, Yesus mon hngar rasul alodoko muko mon akleleke ameja. ¹⁵ Mengeke, Bram Yesus lapnegngok al barada hdiyo, "Yaya belangtakanga mu paskah ndengegimi yemmi, sebelum Yaya bakku kriya. ¹⁶ Ornak Yaya kupnegniki al baramu, Yaya jakkumuwalika prapanga tutu yiya algenapi al Kerajaan Bram Allah." ¹⁷ Mengeke, Yesus al dekeke amoko al engnga anggur mon al mengucap syukur, mengeke lapnegngok, "dekebaka amoko yiyamon hbagbanki al yem ngarkehe. ¹⁸ Ornak, Yaya kupnegngokal baramu wal henenne Yaya jaku inuku anggur prapanga Kerajaan Allah ban emini." ¹⁹ Mengeke, Yesus aldekeke a roti mon mengucap syukur, Diya al pibi-pibikokko a roti netu mon al wodadiki al barada hdiyo mon mengnge lapnegngok, "Roti yiya didiyaka apoltog-Gu mon woguniki al baramu; pghilbanki yiya tanaka apwiaga Yaya." ²⁰ Meng wadika, mengeke mba muyo, Yesus al dekeke a moko anggur mon lapnegngok, "Amoko al pap burguku al baramu yiya didiyaka prahi baru al ruto-Gu. Takiya Atutuna Atoyo al Woyo Yesus ²¹ tapdimoko, kharrabniki, limana atoyo el wonggo Yaya ewadini el oleg yaya yila meja yiya. ²² sebap, Antop piya otdik hlok eng diya hada epap tagudadi, mon matibakka atoyo el woi Diya!" ²³ mircon akkler wudaka atutu garaniki al lapdahaya anetu. Dadibakka atoyo lap ghili ²⁴ Ahbanwudaka al dadi al barada para rasul tut garanikial baradiya al rehi bokkolo. ²⁵ tap dimoko. Yesus lap neghengoko el bara diyo, "raja- raja bangsa el jan peghini Mori lakwahaka el dodetenna a arianan, mon atoyo el lakwahaya el dodeted Raja anettu atakiniki 'eldagidi eh arianan.' ²⁶ tep,yemmi amhedamimki anetu. hewadunaka, el rehibokolo el wal alyemi yoyo hewadimuku bupnegheng el heppid panguna, mon pemimpin merbak too philli. ²⁷ garaniki el rehhi bokolo, too el lodo muyo ato el wongo? indimok atoyo muyo? tapdimoko, Yaya egaka al lapdumiyemmi merek atoyo el wogimi. ²⁸ yoyo diduyaka atoyo el breng krohi dengega wali pencobaan-pencobaan nunggu. ²⁹ ornakka netu , yaya kuwogimiki el barami lahwuyo kerajaan, mereko pahwona Bapa-Gu el albaru-Gu, ³⁰ tanak yemmi muyuyo mon inudengega al kerajaan nung-Gu. mon,yoyo mak lodoko el dodete takhta tanaka menghakimi al hakbul duyo suku Israel. " Petrus al Buelniki Yesus ³¹ "Simon, Simon, rongog Yaya. Setan laphahangok tanaka menampi yoyo merek gandum, ³² tapdimok yaya mengek berdoa tutum yoyo tanaka imanmu am mpeheghe. mon, mengek yoyo bumngaku,paghabidiki angwudungkabum." ³³ Tap dimoko, Petrus lapnegngok al barana Yesus, "Mori, yaya hdika baptamaga al gallu mon mati denge-Gu!" ³⁴ Wolhona Yesus albarana, "Yaya kupneghenge al baramu, Petrus, yiy alodona amghali jan kuk sebelum pdallungo yoyo mbu bueltang ornak yoyo mupegheng Yaya." Hdibaka Hdapini Ahuhha ³⁵ Mengeke, Bram Yesus allaklerniki hngar murcon, "Pahi Yaya bakku ptumbogimmi yemmi tanpa kantung dingi, tahi, ato sendel, eng lam kurongo?" Wplhod diya , "Janga." ³⁶ Lapnekngo al barada hdiyo, "Meng henenne, garpanguniki al engnga kantung dingi ato tas, ngandi baka. Mon, garaniki al janga ktopo, paklobanki diya mahani akhihina mon kahiwongo ktopo. ³⁷ Ornak, Yaya kupnegngok albaramu payaka al lamturoho al Huroto Mbihha yiy hmengkeheniki al bara Yaya, 'Diya moko ahbaghi dengedi atoy berdoho.' Ornak, al lamturoho tutugu Yaya al tefher dadin henenne." ³⁸ Mengeke hdiyo apnegngok, "Icebaka dan Mori, ayiya enni hdugaya aktopo." Mon, Yesus al lapnegngok al barada hdiyo, "Netu tutuk." Yesus al Lahbangiok al Taman Getsemani ³⁹ Mengeke, Yesus al lohoko mon outnik merko al Bukit Zaitun merko albiaha papdahana-Ka; mon hmurco-No waddi out wadiki anomtoyo Diya. ⁴⁰ Pahik Yesus adukiki al pdoda netu, Diya lapnegngok al barada hdiya, "Hbabngoko tanaka yemmi am tama wongo al apkamango." ⁴¹ Mengeke, Yesus al pam browunaka wal hdiya merko ambronna papghegwungo watu, mengeke al tokodi akundana mon lahbangiok, ⁴² "Bapa, jika Yoyo hbengioko, dekebaka acawan yiya wal bara-Gu. Tap dimoko, am pahbe-Gu al dadi, tap paklokbanki pabem-Mu al dadi." ⁴³ Mengeke ta anetu, lahtoyo a malaikat wal surga al phundunaka al bara-Na mon aptuato-Ko. ⁴⁴ Mon,al lakri-Na, Diya lahba ull pongo; akbuta-Na merko akpetek rutt all lakpetek all tana. ⁴⁵ Pahik Yesus ban meng hbangio, Diya all outniki all barada hmurcon-No mon angoldiki hdiya tegher mdurud or hoda. ⁴⁶ Yesus lapnegngok all barada hdiya, "Pene yemmi bumduruloyo? Kedebaka mon hbabngoko Tanaka yemmi intama wongo all pkabongo." Adogolo Yesus ⁴⁷ Pahik Yesus tegherpeghena, emdiki atodanga; mon diya atakini Yudas, lah toyo wall hakbulu duyo murit netu, all pretih hdiya. mengeke, Yudas altukie yaka Yesus mon all udokoko Yesus. ⁴⁸ Tap dimoko, Yesus all lapnegngok al barana, "Yudas, muwoyaka Ana Topiya wangio udako?" ⁴⁹ Pahik hmurcono all dede aklilingi-Ni a iceya payak al dadi, hdiya lapnegngok, "Mori, eng hpalwamaka yamma wangio ktopo?" ⁵⁰ Mengeke, lahtoyo wal ngarkehe amuritcono netu al tebeke lapghilli al Imam Agung prapanga ban mhalinga a ruktilu kwananna. ⁵¹ Tapdi moko Yesus lapnegngok, "Mengebaka, dukabak!" mengeke, Yesus al ketnikki roktiluna tophilli netu mon al laknaghak. ⁵² Mengeke, Yesus lapnegngok al barana imam-imam kpala, kpala pegawal Bait Allah, mon tua-tua al emini tanaka dogolwani Yesus, "Pens yemmi ngarkehe bu emummu wangio ktopo mon nambu merelolo dogolmuni tokedu? ⁵³ Pahik Yaya bakku engedengegimi al Bait Allah delko delko, yemmi in donggol memang Gyaya. Meng, yiyadoyaka alodona tagumu mon taguna akwaha akpaddu." Petrus al Buelt Niki Yesus Mengeke Mba donggoloya Yesus, a toyo netu angandiyaka Yesus al umana imam bokolo. Tap dimoko, Petrus anotuhi hdiya wal lambroy. ⁵⁵ Mon mengeke ah toyo netu mba prupu api al notoro mon aloddo ngarkeheke, Petrus waddi lodo al wal hdiya. ⁵⁶ Meng, lahtoyo warcoyo topghili al iceyaka Petrus al lodo al barana a api netu al lakharaniki amatana Petrus meng lapnegngok, "Yiy atowaddu olwadinan a Yesus." ⁵⁷ Tap dimoko, Petrus al buel tok, wenak, "woi warcoyo, yaya jakku pegheni nen Diya." ⁵⁸ Jan mdepongo tanetu waddi, lah to waddi a iceya mon lapnegngok, "Yoy waddi olwadimuni wal hdiya!" Tap Petrus lapwolngok, "Njodo, yaya olguni wal hdiya!" ⁵⁹ Kira-kira wuni ajam alewat, lahtoy waddi lapnegngok meng al yakiniki, "Pasti yi atoy waddi ol wadinanni Yesus, ornak diwaddi to Galilean." ⁶⁰ Tap dimoko, Petrus alwohiak, "Yaya jaku pegheni payaka yoyo paptakimu!" Pahik netu waddi, tegheren Petrus ban pbeghenge, amghali all kukaka. ⁶¹ Mengeke, Yesus oak kharaniki Petrus. Mon, Petrus al apika payaka paptakina Yesus, bahwa Diya lapnegheni al barana, "Jam kukapongo amghali yiya alodona, yoyo mengeke bubueltag Yaya prapanga pdallunga." ⁶² Mengeke Petrus al outniki al lakdelek Mon al hoko. Ato dagangnga al aniyaya Yesus ⁶³ Atoyo al tahani Yesus amuleka neneya mon apaluya Yesus. ⁶⁴ Hdiya atidika amata-Na mon apnegngok, "Takibaka! garaniki al palugu Yoyo?" ⁶⁵ Hdiya waddi apnegngok danga tutuna al menentang Yesus meng anumaya Yesus. Yesus al barana Prete Yahudi ⁶⁶ Merko alodona, tua-tua pemimpin Yahudi, kpala imam-imam meng ahli-ahli Taurat amkahaka mon angandiyaka Yesus al Mahkama Agama diya. ⁶⁷ Hdiya apnegngok, "Ab Yoyo piddogu Mesias, takibgamka al barana gamma." tap Yesus apnegngok al barada, "Jika Yaya bakku takiguni al barana yemmi inwanga Yaya. ⁶⁸ Mon jika Yaya bakleregu al baramu, yemmi inwolhag. ⁶⁹ Tap dimoko, mulai henenne An Tapiya moko all lodoko al lakwananna Bram Allah Allakwaha." ⁷⁰ Hdiy ngarkehe apnegngok, "Dik abhenyaka, Yoyo An Bram Allahgu?" Yesus alwolhiaka diya, "Yem doko al lapnegheni bahwa Yaya diyaka Diya." ⁷¹ Mengeke hdiya apnegngok, "Tutu pawadiyaka yicca pahbutdaka? Yicca mengeke ab rongo ngarkeheyaka wal ghob Wanwua-Na!"