¹ mengeke, ngar kehe atoo anetu adedhik monangadiyak Yesus el barana Pilatus. ² Mon,diya aphalak Yesus menge ap neghe ngok, "yamma mamngalik atoyo ayiyo el wonglara el jandaha el Bangsa yam mon el hergam yamma bairong wektak el barana Kaisar, mengeka el takika mon Diya diduyaka ak Kristus, seorng Raja." ³ Pilatus lak kleirnik Yesus, " yopijaka Raja too yahudi?" Yesus lap walhok, "Diduiyaka yoyo paptakimu." ⁴ mengeka, Pilatus el takidadikki akpal imam mon atoodanga, "yaya jakngoleya ahalana atoyo ayiyo." ⁵ tap dimoko, diya menuntut mon wihha-wihadaka mon atakikka, "Diya almenghasut atoyo wangio pakneke-Na al ngarkehe wilayah Yudea mulai wal Galilea prapanga ayiya!" Bram Yesus Angandiyaka Albarana Herodes ⁶ Pahik Pilatus ban rongoya tutuna netu, diya laklerngok Yesus to Galilea diya. ⁷ Mon, pahik diya ban pegheni bahwa Yesus wal iomini al wilayah kwahana Herodes, Pilatus al kirimniki Yesus al barana Herodes, taetu al tegher enni al kota Yerusalem. ⁸ Pahik Herodes al iceyaka Bram Yesus, diya aldahak a atina. Diya al lamdelaktakaka ban bengio dukini Bram Yesus ornak diya al dangak paprongona tutuna Bram Yesus ornak diya berharap dadi ban iceya sesuatu papdanak Bram Yesus. ⁹ Mengeke, Herodes dangakka pappaklernak al barana Bram Yesus, tapdimoko Bram Yesus jan wongo wolho al barana. ¹⁰ Kpal imam-imam mon ahli-ahli Taurat al dedenonno al lapholnik Bram Yesus mengeke hek sengit. ¹¹ mengek Herodes mon ngar oll tentaranya waddi ah burwawaniki mon mengejek Yesus. mengek atanetu, diya ataniki khihin al dah lang takka mengeke al wonnaniki al barana Pilatus. ¹² atu, Pilatus mon Herodes ahmuhungok, tapdimok netu al lodwadina diyo ap olbal ngokko. Pilatus jandadik ban bebemhoyo Yesus ¹³ mengek tanetu Pilatus al kah kehehiki imam kpala, el lak kwahaya Yahudi, mon atoyo danga, ¹⁴ mengeke lap neghengok el parada diya "yoyo bungadiya at toyo yiyo el baragu mon attoyo el ngandiya alara el jandahha el bara atoo danga. mengek taanetu, ketika yaya mengadili-nya al baramu, yaya jakku ngoleya ah halana mon pap holmun el bara-Na. ¹⁵ Herodes waddi jan ngolwadiya ahalan prapanga lawonanik atoo ayiyo al balbalik al barada yicca. iccebak, diya jan pdah mempangu hala el layak ngole hukumman mati. ¹⁶ ornak netu, mengek yaya bak paluya ap kuphalla-Ya." ¹⁷ [pahi lod paskah, Pilatus angdika phal toyo wal el gallu taguna atoo danga.] ¹⁸ mengek tanetu, atoo danga netu akyak ngarkeheng-ko "pdikbanki atoyo yiya! hallabaka tagum yamma!" ¹⁹ [ Barabas diduyaka atoyo el enni gallu ornak el ole wadingo krebe el kota mon lah mati toyo.] ²⁰ Ornak Pilatus al mbengnga phalaya Yesus, mok hulmih wadi ban pnegheng al barana atodanga. ²¹ Tapdimoko, diyo eng kiokdaka, "Salibbanki Diya! Salibbanki Diya!" ²² hanggganga pdalungo Pilatus ban kler albarada diya, "Pene? Payaka aljan daha papdahanak yi atoyo? Yaya jakku ngollio ahalana al bara-Na al layak ngole hukuman mati. Ornak netu, yaya kupalupaya meng apkuphala Diya." ²³ tap dimoko, diya engeke mbakeras mon akreya mon akkiokngok tanaka Bram Yesus aslippoya. Mon, alinya diya atolok. ²⁴ Mengeke, Pilatus memutuskan tanaka nomtihi paptakida diya. ²⁵ Diya laplohoyaka atoyo pakreda ato danga, alpaptamanga al gallu ornak ban krebe mon ban hmati toyo. Tap dimoko, awodadiki Yesus albarada pahbejaka diya. Asalibyaka Yesus ²⁶ Pahik hngar tentara angadiya Yesus hloko, di atahwadingok htowaddi, didiyaka Simon wal Kirene al budukina wal desa. Hngar tentara awodadiki asalipono Yesus albalina mon aptumboniki holoya aslib netu allak kbedede Yesus. ²⁷ Danga atoyo alnomtoyo Yesus, mon alwal diyo danga warcoyo ahoni Diya. ²⁸ Tapdimoko,Yesus allakharadikiya mon lapnegngok, "woi warcoyo-warcoyo Yerusalem, amhodamka yaya. Hobdiki a polto wanwumu mon anum. ²⁹ Mon duki alodono pahik atoyo ban pneghenge, 'Adahabaka a atida warcoyo-warcoyo jan paana, mon akabuna jan pernah ban paana, mon ahuhuna jan pernah ban phuhuwani.' ³⁰ mon waddik diya mok apnegdengediki hletene, 'mbapabak al barama yamma!' ³¹ Ornak, peklunaka hdiyo mbapdah hejiadi anetu pahik ghaya mba mopirio, payaka aldadi ketika aghaya netu ban mgara?" ³² Ewadini htuduyo penjahat al ngandiya tanaka hukum hmati deng wani Yesus. ³³ Pahik hdiyo mba dukini nopdongngo angarana "Temgkorak" hngar tentara asalib dengediki thuduyo penjahat taanetu,lahtoyo al laklen-Na mon lahtoyo allakwanan-Na ³⁴ Mengeke Yesus lapnegngok, "o Bapa, amgehdamdiki hdiyo, ornak hdiyo japegheni payaka papdahadak." Mengeke hngar tentara aletngoko undi tanaka ahbaghi wani akrewe-Na al hngar hdiyo. ³⁵ Atodanga al dede a ich ngahrkeya, tap dimoko Ngar toprete Yahudi a olokoko Yesus mon amaditniki. Hdiyo apnegngoko, "Diya lah hbebhoyo ato heke, moko howadipnaka Diya tanaka lahbebwuwadibnaka apoltona dik Diya apdidongoyo ak Kristus apah pedena Bram Allah!" ³⁶ Hngar tentara waddi a olokwadiyak Diya, mengeke hdiyo a emdiki mon awoniki anggur mgilur al bada-Na, ³⁷ mon apnegngok, "Diki abyopinpangugu Raja ato Yahudi hbebwanwumuniki apoltom-Mu!" ³⁸ Mon, ewadini aturohona aldudetenge: "YIYA DIDIYAKA RAJA ATO YAHUDI." ³⁹ Lahtoyo wal penjahat al pahpaku waddi al hinaka Yesus, wenaka, "In Yoyo Kristus diya? Hbebayaka apolto-Mu mon yamma waddi!" ⁴⁰ Tapdimoko, penjahat lahtoyo al tegroko diya mon wenaka, "Yoyo in kbohina Bram Allah ornak yoy waddi ngoleya ahukuman al mere? ⁴¹ Yicca memang harus himbiaya almere payaka eyicca papdanadaka,tap yiya Atoyo jan pdahaya papangubaka al hala." ⁴² Mengeke, diya lapnegngok al barana Yesus, "o Yesus, apiga yaya pahik Yoyo mutama al kerajaannum-Mu." ⁴³ Mengeke Yesus lapnegngoko al barana, "Yaya kupnegniki al hepidpanguna al baramu, yiy aloddo wadina yoyo moko predengegaka Yaya al Firdaus." Amatina Yesus ⁴⁴ Alodona anetu pahik jam 12 dijoro mbiloddo, akpandu altodyaka ngarkehe daerah netu prapanga jam 3 mommolo ⁴⁵ ornak aloddo al lakpanduku mon atodina Bait Allah al lamhiriok pakdumbungoko. ⁴⁶ Mengeke Yesus al lapnegngok wangio polklibolo, "O Bapa, al barana alima-Mu Kupahrakgunki ahumgotu-Gu." Mengeke ban pneghenya netu, Yesus altinguka ahungoto-Na hmengena. ⁴⁷ Pahik kpala pasukan al iceya payaka aldadi, diya lap egedetiaka Bram Allah mon lanegngok, "Hepijana Atoyo yiya jan hala!" ⁴⁸ Pahik atodanga al emdengedi diya tanaka iceya aldadi netu, hdiyo abalhiki mon diki apolhiki akhangngu atida. ⁴⁹ Hngar apegheni Yesus mon hahwadkongo warcoyo anomtoyo Diya wal Galilea aded pambrowuda mon a icewadiya atutuna taanetu. Yesus Atonniki ⁵⁰ Enni lahtoyo akbani angarana Yusuf, anggota Dewan Penasihat, lahtoyo al daha ati mon al ghene. ⁵¹ (Diya jan stujuyo keputusan mon tindakan hdiyo). Yusuf wal iomono al kota Arimatea, lahwuyo a kota ato Yahudi. Diya waddi al maga-magini Kerajaan Allah. ⁵² Diya al outniki albarana Pilatus mon lakreyaka akmatina Yesus. ⁵³ Mengeke, diya lahburniki akmatina Yesus wal ghaya paphemblongo mon lakborwaniki krewe linen. Mengeke taanetu, diya al pamdurniki Yesus al lahwuyo rati alpapdaha al watu leten. A nonno, japangupongo bahtoni atomati papdurngoyo. ⁵⁴ Alodo netu didiyaka Alodo Hdiya, mon alodo paddu moko mulai wongo wengo. ⁵⁵ Warcoyo-warcoyo al emdengeni Yesuswal Galilea anomtiaka Yusuf. Hdiyo a iceya a rati netu mon penwenanki akmatina Yesus ban pamdurini al dolong. ⁵⁶ Mengeke netu, hdiyo abalhik mon ahdika rempah-rempah mon minyak tanak orowani akmatina Yesus. Pahi lodo Sabat hdiyo ahngahuka mereka hukum Taurat Musa.