¹ pahi lodo kihana lodo podu netu, pahi bana kaphuda gowolong,a warcoyo otniki al kuburono Yesus monogandika rogaya eppah dida. ² mono diya agalik watu bokolo batudoloni wal el rati. ³ megeke tanetu, diya tamaka, mondiya jadukuni akmatina am Bram Yesus. ⁴ Mondiya am ngoroh-ngoroh-pongo henen hal anetu, haradongoko ediki eh ndutoyo apaki krewe hinghangir adedeka ella krahad diya. ⁵ warcoyo ata netu akbohi langtakaka mono aktagudaka, megeka eh todu netu ap pneghengoko, "pen yemmi bikdabaya atoyo el mopir wal eya el tomati ngarkehe? ⁶ Yesus janikayiyo, Diya al kedeka. Apbaka payak eptaki-Na el baramu eb epani el Galilea. ⁷ Diya el takiya mon anna topiya mon wobananki enatoyo el berdoho, atayaka el ghapap hemblong." ⁸ mengeka, warcoyo anetu eng apnyaniki paptakina a Yesus. ⁹ angolek baba li wal eya el ratina Yesus, diya at tak ngarkeheyaka payak ep icceda ngarkehebaka el hakbul ihha rasul mon ngarkehe el nomotoyo Yesus mon lah wadkong. ¹⁰ warcoyo el takiyak hal anetu el barana ngarkehe a rasul diduyaka Maria Magdalena, Yohana, Maria mamana Yakobus, mon tah warcoyo hahwadkong. ¹¹ mengek taanetu, paptakina awarcoyo anetu ah merniki pneghe rehi wedak eh ngarkehe rasul mon diya jawanik el barana warcoo anetu. ¹² mengeke taanetu, Petrus al dedek mon lap playak laotu el ratina Yesus. Diya el mokok mon lakharani el dodolo, mak dipimok akaba kaka pakbor wongoyo akmati. mengek teanetu, Petrus el balik meng lamngorhok pan icenan tanetu paik el dadi. Yesus laphudwunak el barada anomoto-Ya ennalara laotu Emaus ¹³ Pahwaddi netu aloddono, du toyo al nomotoy Yesus ahlokok el lahwua dehe el ngarang Emaus el lap angabrona 60 stadia wal el kota Yerusalem. ¹⁴ eh du too anetu ap negheniki ngarkehebak al dadi. ¹⁵ mondiya tenggerena ap dahdah wuda mon atukorong pngadanga, Yesus lak kneghengo ban emini micukka mon lambreng ngarkehedik. ¹⁶ mengek tanetu, matad diya at todhikki tanaka diya jangal wadpeghed Diya. ¹⁷ Yesus lap neghengok el barad ngarkehe, "Payak yem todu pap neghemiki et bihlokko?" eh todu anetu an dedehhiki mon ruppada diya iccehki mbahmalli. ¹⁸ el lahtoo wal el diya el ngarang Kleopas lap neghengoko el bara-Na, "Apakah Yokneghe pinjong too wal el Yerusalem el jan pegheni tutuna paikal dadi anon baru-baru?" ¹⁹ Yesus lap neghengok, "paika tutuna?" diya waddi lapneghengok el bardi, "tutuna Yesus wal Nazaret. diya diduyaka anabi al bankwaha al lapneghengo menge papdahana al barana Bram Allah mon al barana ngarkehe abangsam yamma. ²⁰ tapdimok aktaku imam-imam mon ngarkehhe pemimpin yam wonakdiyo tanak peret ahmatti wani, mon ataniki ghaya pap hemlong. ²¹ nepim yamma mononik mon diya ah bebeh abangsa Israel. tapdimok, yia loddo diduyaka alodok ktalluna walngar kehe anetu el dadi. ²² tapdimoko, hah wadkong ahwarcoyo wal al yamma ap praddagam yam. pahik diya mba endi el barra rati ban kapwudongo, ²³ diyo ja dukiniki akmatin Bram Yesus. Mengeke, diyo abalhik mon apnehniki bahwa diya a iceya malaikat-malaikat, al takiya bahwa Diya al moprok. ²⁴ Mengeke, hahwankongo wal yamma al outdiki al rati mon angolwadiyaka al mere paptakina ah warcoyo netu. Tapdimoko, diya nja iceya Bram Yesus." ²⁵ Mengeke Bram Yesus allapnegehngoko al barada diya, "woi, pap akbangamu yoyo mon akbangana a atimu inwani ngarkehe aldadi epaptakinaka hngar nabi. ²⁶ Mon indidiya ak Kristus al rahaya kriya yiya mon al tama al egedete." ²⁷ Mengeke, Bram Yesus altakpdahayaka ngarkehe allamturoho al ngarkehe alla huroto mbihya tutuna apolto-Na, wal huroton Musa prapanga ngarkehe hurotona hngar nabi. ²⁸ Pahik diya mba tukaya desa Emaus, Yesus lahloko krohikko rangkap hloko krohnanik. ²⁹ Tapdimoko, diya ahtahaniki Diya mon apnegngok, "Lodo dengebgam yamma ornak alodo hodipiko ban tama mon lakpanduku." Moko, Yesus al tamak mon lododengediki diya. ³⁰ Pahik Diya ban hbolwuana al barada diya al meja pdumungo, Yesus aldekeke aroti mon pam bringlalnik. Diya alpibi-pibikoko, mengeke al wodadiki al diya. ³¹ ntua anetu, hmatad dingarkehe ambugereka mon apegheniki Yesus. Tapdimoko, radngok ban mueheng Yesus wallahdapad diya. ³² Mengeke taanetu, apnegngok bahtoton diya, "Inhenya atid yicca atdiya pahik Diya ban pnegheng dengeda yicca pahhi al lara mon pahik Diya el takpdahayak huroto bihha al baryicca?" ³³ pahika waetu waddi, diyo adedeko mon abalbalika el Yerusalem. mengek diya adukdikki hakbul ihha amuricconno mon atoyo pambreng dengen diyo endi teghger mkahngarkeheda. ³⁴ Murit-murit netu lapnegngok albarada diya htuduyo, "Mori al kedpidpanguka mon allap icwunak al barana Simon!" ³⁵ Htoduyo pnamot netu waddi apneghniki payak el dadi al lara diya. Diya apnegniki pene diya mba pegheni Yesus pahi Diya ban pipkow aroti. Yesus Laphudunaka Albarana Atoyo atudin ³⁶ Pahik htoduyo netu tegherena mbap negheni tutuna yiya, Yesus al dedeka albarada diya mon lapneghengoko al barada diya, "Damai atudu katugu." ³⁷ Tap dimoko, diya aradngok mon akbohik. Diya papngadada diya pap iceda brapu. ³⁸ Mengeke, Yesus lapnegngok al barada diya, "Pene yoyo mbu radang mon jan wangio apngadamu? ³⁹ Icebaka alimia-Gu mon awitung-Gu. Yiya didiyaka Yaya. Tudikbagaka Yaya mon icebagaka, ambrapu njanga kbina mon rinya merko yemmi pap icemi al bara-Gu." ⁴⁰ Mengeke Yesus ban pnegheng, Diya laphundoniki ahlimana mon witin-Na albarada diya. ⁴¹ pahik diya ebnjanwani ornak ege ati mon lam ngoro-ngorhok, Yesus el pak lerengok diya "payaka yilyini yemiyi el dadi ebmuni?" ⁴² mengek diya kdip igha ptunu al bara-Na. ⁴³ Yesus lak wuloniki igha anetu mon al muniki el lahdapad diya. ⁴⁴ mengeke, Yesus lapneghengok al diya, "yididuyaka paptakigu yaya el baramu pahi yaya bakku engedengegimi. ngarkehebbak lam turoho atutug yaya hukum taura musa, hurbihana a nabi,mon Mazmur harus ptutun." ⁴⁵ mengek Yesus al bukeyak apngadada diya prapanga diya ngoleka pegheni Huroto Mbihha. ⁴⁶ Bram Yesus lapneg walngok al barada diya, "Enni lamturoho a Kristus eng krina mon alkedde wal tomati pahik aktalluna aloddo. ⁴⁷ Mon, tobattokko untuk pengampunan dosa moko phundoniki al ngara-Na albarana hngar bangsa, wal bak al Yerusalem. ⁴⁸ Yemmi didiyaka al hakhiy wal ngarkehe yiya. ⁴⁹ Pegbanki, Yaya kirimgimi apprahina a Bapa-Gu albaramu. Tapdimoko, lodobaka al kota Yerusalem prapanga yemmi applengkapgimi wangio kwaha wal dudete." Yesus Aldetngoko al Surga ⁵⁰ Mengeke, Bram Yesus al lekhiki hngar nomtoyo al luar kota prapanga al Betania. Anonno, Diya al kektokko a limmia-Na mon lapap bring mlalhiki diya. ⁵¹ pahik Bram Yesus ban pap bring mlalhi diya, Diya laphegwunaka wal diya mon lamkektoko al Surga. ⁵² Mengeke, hdiyo ap egedeteka mon abalhiki al Yerusalem mon hekdahada a atida. ⁵³ Hdiyo engkrohdaka al Bait Allah mon ap ege detiaka Bram Allah.