Kwuluoni untuk Menjadi Amnamb Toyo ¹ Pahi netu aloddo, ato ndanga mkahha mon keleley-Yo mon rongwani alinya Bram Allah. Alod netu, Bram Yesus aldedek el bar wemiahi Genesaret, ² mon al iccaka tene ndumbuyu el hendenge el bar wemiahi, tapi ngar apghili alohoko wali el tene mon tenggered mba tambaya amnamba'nda ndiy. ³ Bram Yesus al n'detngok el salah satu tene, laptumbonik Simon mon mbuehey atene lamrohuodi ngoko wali el pannu tana. Menge, Bram Yesus allondoko mon l'paknekdiki ato ndanga wali el pannu tene. ⁴ Setelah mbanmenge pnegheng, Bram Yesus lapneghengo baran Simon, ''otniki el bar weyo lapdattu mon pgolor mbaka al laramu mon ndonggol mbaka igha. '' ⁵ Simon lapwolhok, ''Guru, yama pghillangtaka ebag hud, tap ind nja pangngungu pap nguelem mali hkiciol! Meng taetu, oronaka Yoyo laptumbongo, yaya kuplonggoko yiya amnamba.'' ⁶ Mon, ketik ndiya mbapdahha, ndiya anguel ndangaka igha sehing amnamba'nda mulek mdiriok. ⁷ Meng, awondiki hngahu ngar mbak h'olkiedene mon el tene lah wadikong mon emdiki ambatudiki ndiyo. mengnge,emdiki ol kiedene ndiyo mon mengisik ndobuyu attene mon igha hingga attene mon hampir lakbulaka. ⁸ pahik Simon Petrus ban icceya tutuna ayiya, diya el tokodiki ehkudana el barana am Bram Yesus mon lap nghengok, " erbaka walyi el baragu, Mori, ornak yaya too berdohog!" ⁹ Petrus lap neghenyaka anetu ornak diya mon ngarkehe a olena raha dah atika ornak ban iccehi igha danga pap ngoled. ¹⁰ Merwadoka Yakobus mon Yohanes, hah ananna Zebedeus, olkedena Simon. Bram Yesus lapnegngok al barana Simon, "Amkbohi damok. wal henenne, yoyo mok kdab toyo." ¹¹ mengeke batinguhhi eh tenedda el panutana, diyo am dalniki ngar kehebaka mon nomtoyko am Bram Yesus. Atoyo el haddu karghenge napaka naghaka ¹² atu al lodono, Yesus enni lahwuyo akota. Alkota netu, enni lah toyo alghanna karghenge bannu ngarkehe a ihin. pahik at toy anetu ban icceya a Yesus, diya altokkodiki ah kudana prapanga amatana hangga el tana kukreya al bara-Na, "Mori, dikbuwawadokka maka yoyo ptonggohbagak." ¹³ mengke, Bram Yesus lap plokkorhik ah limana mon altudikok at toyo netu. weneka, " yakubeng, tonggohbak." prapangak taanetu ahadu karghenge al mohngok. ¹⁴ tapdimokko, Yesus napretyaka at toyo anetu tanaka jan takwananni garpangubniki mon jan pneghin, "cabaka mono phundwubmuku albar Imam. bondolbanki at tadna at tonggohum el mere wadokka paptakina Musa tadan tagud." ¹⁵ ngarkedkon tutuna a Yesus lam egheroko prapanga al dangak at toyo al emini lamkahha al barana tanaka rong wandiya mon apaknagwadi wal hadduda. ¹⁶ tapdimok, Yesus ootunni laphegwunaka mon otniki el jangatonna mon lah bangiok. Atoyo lakliku al tonggohok. ¹⁷ pahik et allodono, Yesus tenggeren el paknekheng,atto Farisi mon ahli-ahli Taurat el emini wal ngor kehe akota wal el wilaya Galelia,Yudea, mon kota Yerusalem ewwadi alodo anonno. mon, kwahan Mori tulgatin Yesus tanak diyo el ngolwani eppaknaghawana at todanga. ¹⁸ mengeke, aicehiki eh toyo ahholo at tokliku elpandoppamdurun, mon diya akdabbal loni lara paptamwadini mon ahbarani atoyo netu el barana Yesus. ¹⁹ tapdimok, ornak diyo jangolek lara paptamwadini diyo orban danga atoyo,mak adetngok diyo el um dete mon ahburnik atok kliku anetu el bduna el barana Yesus. ²⁰ mengek atanetu aicceya a iman doddiya, Yesus lapneghengok, "oi dungkabu, adohomu ah haligun." ²¹ Ahli-ahli Taurat mon ngarkehe at too Farisi ak kelere-lerengok, gariniki el menghujat Allah ayiyo? garanik el ngaliya haldi eh doho kecuali Allah pimok?" ²² mengka Yesus el pegheniki ap ngadana diya lap neghengok, "penyoyo buk klere hemmunetu netu el at dolumu? ²³ gini el rehi dahha, ebtakiya 'Dohummu menge baa halin' ato' kedebak mon hlokbak'? ²⁴ tapdimoko, tanak yoyo pegheni mono aa anamu atopiya lakwaha yilpanutana tanaka el haliwadi adohum," Bram Yesus lapneghengoko el barana at tokliku anetu," yaa kutakkiguniki albaramu: kedebaka, mon debak papdoppamdurumu mon bal bak."' ²⁵ mengeka taanetu waddi, at toyo langa-ngak dede el barana at todanga mon aldekeka apdoppam durun, mon albalika sambil ban pegedetaya Bram Allah. ²⁶ ngor kehe at toyo netu daha atik mon lap egedetekw am Bram Allah. mon abanuniki kbohi al bokolo el bar kwahana am Bram Allah, diya apneghengoko, " yialodono yama icceya tutu el hekdahana! " Lewi alnomotok am Bram Yesus ²⁷ mengek taanetu, Yesus allohoko mon al icceyaka atok kahdingi angarana Lewi el lodo ep dokahanga dingi. Yesus lapneghengoko al barana "nombangya." ²⁸ maka Lewi mok al dedeka, lomdal ngarkeheniki, mon el nomotoko Yesus. ²⁹ mengek, diya lapdahayaka arami bokkolo ataguna Yesus al ummana. danga at tokaha dingi mon atoheke almudengedi diya. ³⁰ tapdimok, ato Farisi mon ahli-ahli Taurat mulai menggeruti murit-murit Yesus, " penyemmi bumudengeni mon buindengeni at tokah dingi mon at too berdoho? " ³¹ Yesus al wolhoko mon lapneghengo al barada diyo, "iddiya ato jan haddu al butuya dokter,tapdimok attohadu. ³² bak emegyaya inkwulogi at too el ghene, tap dimok kwul wani atoberdoho tanak diya abghilwongo." atoo farisi lahmerdik murit Yohanes mon Yesus ³³ diya lap neghengoko al barana Yesus, "murit-murit Yohanes pembaptis enge bapuaha mon hbangio merewadokko murit-murit atoo Farisi. Tapdimok,murit-murit tumu enge mbamu monbainu." ³⁴ Yesus lap neghengok al barada, "ngoleko ptumbodi hngar para pengiring hakbani tanaka apuaha wongo pahi al lodo kabani anetu mon empaddi am brengeddiya? ³⁵ mengek, alodo anetu akbani papdekeng warcoyo netu adekeke wal diya, mon pahi lodo netu diya apuahak." ³⁶ Bram Yesus allapneg wadidiki al barada diya, "japangunga bah htonni al hirokoyo akhihi baru mon al tobo wani allakrewe ndeyya. Ornak abhengioko, atoyo netu mok allap pruhaka krewe baru, mon krewe paptobowongo wal krewe baru netu mok jan cocok dengeniki akrewe al deya. ³⁷ merwadokka janga toyo al buriya a anggur baru al kantung deya. A anggur al baru netu moko al hirokoko akantung deya prapanga a anggur netu allambogngok mon akantung mok lahmenge ngeke. ³⁸ A anggur baru mok harus mbodoloyo al kantungo daha mon baru. ³⁹ Nja pangunga bahto panguni mengeke ban inunni a anggur deya, meng beng inu wadi anggur baru ornak diyo lapneghengoko, 'anggur al deya netu rehi daha."'