Pencobaan Bram Yesus ¹ Bram Yesus, al banuni Roh Kudus netu al balika al Yordan. Mengeke, Diya atulu gatini Roh Kudus prapanga al brada dielle ² prapanga 40 loddo acobai or Iblis. Diya jan muyo selama 40 loddo netu. ketika mengeke ngarkeheke netu, Diya laklabaka. ³ Mengeke, Iblis lapneghe ngoko al bara-Na, " Jika Yoyo Anadagu Bram Allah, padd bayaka watu yiroti." ⁴ Bram Yesus alwolhiak, "Enni lamturoho, 'Atopiya ban mopira in pi moko aroti."' Ul.8:3 ⁵ Mengeke, Iblis al ngandiyaka Bram Yesus al tokmdetena mon lap ich ngarkehe nanki kerajaan pannu tanah. ⁶ Mengeke, Iblis lapneghngok al bara-Na, "Yaya mokko kuwogu kwaha mon ege dete al ngarkehe pdongngo yiya,ornak ngarkehe mengeke mba wokehe ganni. Mon, kuwonanki garpangubniki yaya pahbegu wonni. ⁷ Jadi, jika Yoyo mbuh hbagia al baragu, ngarkehe yiya mok dokehemunik." ⁸ mengeke, a Yesus lap pwalhok,"enni lam turoho, 'yoyo harus hbango el Mori Bram Allahmu, mon diwamniki el bara-Na yoyo mon pap akum." ⁹ mengeke taa etu,Iblis eal ngan diyaka a Yesus el Yerusalem mengeka alatayaka el labughuna Bait Allah. lap neghengoko a Iblis el barana Yesus, "dik bana penpangugguku am Bram Allah, pak butuku baiki a poltomu walyil dodete hangga al dowawa, ¹⁰ ornak enni lamturoho, 'Mengenai Yoyo, Bram Allah moko laptubonoki malaikat-malaikatto-No tanaka adagi wa-Gu.' ¹¹ Mon, 'Wangio limana diyo, diyo moko adagu-Gu tanaka awitu-Mu in hwiduru wal watu."' ¹² Bram Yesus alwolhiak a iblis, "Enni lamturoho, 'Am cobai damoko Mori Bram Allah."' ¹³ Mengeke iblis ban cobai Bram Yesus, diya lamdalniki Bram Yesus mon lakdaba hekeke loddo heke. Pelayanan Uluna Bram Yesus al Galilea ¹⁴ Bram Yesus al balbialika al Galilea mon abanuni kwaha Roh, mon liya tutu-Na al tersebroko al ngarkehe daerah el barana. ¹⁵ mengek Diya mulaika paknekeng Sinagoge mon ngor kehe at at toyo lap egedeteka ab Bram Yesus. a Yesus jahimbayaka el lap domengwu-Na ¹⁶ mengeke ataa netu Bram Yesus al otniki al Nazaret, akota pdopam tuna. pdobiaha-Na, Yesus ot niki al Sinagoge pahi al loddo paddu al dedeka mon al bacak. ¹⁷ Hurbihana Nabi Yesaya al wonaniki al bara-Na, mengeka diya al bukeyaka mon el icayaka el lapdona lamturoho, ¹⁸ '' Roh bhihana Mori enyi elbaranggu ornak tanetu Ndiya lakraghang Yaya tan takki wenyi aliy dah eldiya tokkria. paptumbanangga yaya mon takkiwanenyi ehbebehwana ngarbak Tawanan, aptonggohok karunia elyoyo atoyo lakbur mon bebehwongo toyo el tertindas, ¹⁹ mon tutun wowandi liyya bahwa arahmatton Mori mban emin.'' Yesaya 61:1-2 ²⁰ Bram Yesus altodika huroto mbihha netu mengeke albalbialnanki al barana alto dagangnga um ibadah, mon mengeke al lodoko. Ngarkehe amatana atoyo al sinagoge netu akharaniki Diya. ²¹ Mengeke, Bram Yesus lakpungengoko pnegheng al barada diya, "Yilodona, pahika payaka papturohona al huroto biha yiya pahka yoyo mbu rongoyo." ²² Moa, ngarkehe lapgheneniki, prapongko mbah ngorhini payaka epaptakina eldaha mon elloh wal ghoba-Na. Mok diya apnegehengoko, "Mon yidi in anan Yusuf diya?'' ²³ Mengeke, Bram Yesus lapnegehengoko al barada, "yemmi angdika pnegheni peribahasa al bara-Gu, 'Tabib, paknagha wanwu wubmuk! Yamma rongoyaka tutuna anetu al yemmi papdahami al Kapernaum, pdaha wadibaka yiy waddi, al kota pduwali wanwumu."' ²⁴ Mengeke Diya lapnegngok, "Yaya kupneghengoko al baramu, sesungguhnya janga nabi al himbiaya wal kota wanwuana. ²⁵ Al ghene, Yaya kutakiguniki al baramu, engnga hekdangana warco kwinya al Israel atu zamanonno Elia, pahi akramba ban mtodi taldo mon nomwul, phi aklamba bokolo al dadi ngarkehe negeri. ²⁶ Tapdi moko, Elia japtuboni al garpangumniki kecuali al barana tokwinyaal Sarfat, al daerah Sidon. ²⁷ Mon, engdanga haddu kara ghenge al Israel atu zaman Nabi Elisa, tap janga pangunga bah topanguni al wal diya apap paknag dak selain Naaman, to Siria netu." ²⁸ Ketik mban rongngoy yiy apneghenna, ngar atoyo el enni el Sinagoge etu appannuhi amarah. ²⁹ Menge, andedehiki ndiyo mon amenyeretok Bram Yesus lohwali epapdonnua, meng angandiya el pal'u lieten epdoddua ndiyo apkeddeyaka mon paknabu wani Mori wali el tebing. ³⁰ Mengek taetu, Bram Yesus lahlok moko elap n'dua'nda mon mon otnik. Lahtoyo Akbani Ahbebehyaka wali el Roh Mrapu ³¹ Bram Yesus al outnik al Kapernaum, al lahwuya akota wilayah al Galilea, mon al paknekniki atodanga pahi alodo paddu. ³² Diyo ap prekeka tutuna apaknekana ornak apneghena banuni kwahana. ³³ Al sinagoge, enni lahtoyo akbani kerasukan roh setan al najis. Atoyo netu lakiokongo mon dik abolono puklinya, ³⁴ "Paklokba gamaka yamma knehengo! Payaka urusano-Mu al barama yamma, hoi Bram Yesus to Nazaret? Yoyo "Hepijana a emumu Yoyo tanaka hmatiwagama Yamma? Yaya kupeghegu garagug Yoyo, al Kudus wal lam Bram Allah!" ³⁵ Meng taetu, Bram Yesus lakyakniki roh mrapu netu, wenak-Ka, ''Kdan! Lohobaka wali yil toyo!'' Setelah amrapu mban ndondokini atoy el tana, ellah ndapan atoyo, ndiy alloh hoko wali el ihina yiy to mon njan menyakitik. ³⁶ Meng in ka'nda kabohinani, ngar atoyo el enyi anen apneghengok mbahto tohi, ''Apneghengok yiya? Ornak neb paptakinaniki mon mba kwahananiki, Ndiya laptumboniki roh-roh el njan ndah netu mon ndiyo alohoko.'' ³⁷ Mon, berita tutunna Bram Yesus mban pwalang gebak otu pdonnua mon ngar otul da-er ayiy. Gher Inyana Petrus mon Ato Ndanga Aptonggohik ³⁸ mengeke, Yesus lamdal niki um ibadah netu mon otniki el umana Simon. pahik hitu, ghere warcona Simon bonoh pdimbongo, mok ta etu diya lak kreyaka Yesus tanapak nawani. ³⁹ mengek al dedeke am Bram Yesus al barana ghere warconna Simon mon lak kyaniki am bonoho anetu, mon ahaduno lak knaghak. prappangaka ghere warcon Simon al kedeke mon lap ghilbalngok. ⁴⁰ pahika am matanalloddo ban tama ngar kehe at toyo al ngadiyaka a olbarana al haddu al barana Yesus mengek Bram Yesus. mengeke Bram Yesus al botihiki alimana albarana ngarkehe at tohaddu mon aknaghak. ⁴¹ setan-setan anetu al lohokko wal toodanga mon akwihokok, "yoyo diduyaka an Bram Allah!" tap dimoko, Bram Yesus lak kyakdik diya, Diya janpak lokdik bapnaghengo ornak diya al pegheni monbak Kristus. Yesus ella khotba al kota-kota heke ⁴² mereh kap huddana Bram Yesus ot niki el lah wuyo apdoyo lak kringinga tanaka knehe wongo. Atodanga ak dabayaka, mon hangganga baddukini, diya am bengo haddin diyo tanaka ammamdalwagam wed. ⁴³ tapdimoko diya, lapneghengoko al barada, "Yaya eng otpaga lawodani lijahha wali Kerajaan Allah el kota-kota lap hekwadinga ornak yidudayaka paptumwaddang." ⁴⁴ mengeka, Yesus al khotbak el Singoge-Sinagoge el Yudea.