Mori al Loddo Paddu ¹ pahik etu, etu loddo Paddu, Bram Yesus lahlokoko al bar mongo pari. pahik netu aloddo, mhurcio-No al pupuko hahwadkongo pari, al roho-rohihiki al limmada, menge amudik. ² Hahwadkongo atoy Farisi akpaklerngoko, "Pene yemmi mbu pghili hal al jan dadi papghilngok allodo paddu?" ³ Bram Yesus al wolhik diya mon lapnegngok, "inperna yemmi mbubacaya payaka papghilnaka Daud ketika diya mon a olena mbak klamba, ⁴ tutuna pene diya mba tama al Umma Bram Allah, adeke roti persembahan, amunik aroti netu, mengeke alwoniki a olena, al jan dadi mudi, kecuali hngar iman pimko?" ⁵ mengeke, Bram Yesus allapnegngok al barana ato Farisi netu, "Ana Topiya didiyaka Mori al lodd paddu." Bram Yesus alpaknagha pahi Lodd Paddu ⁶ Pahi aloddo Paddu lahwadikongo, Bram Yesus otonik elsinagoge mon lapakneken. Anyen lapdoyo enggo engtoyo alimana lakliku. ⁷ Atoyo Peghdukka mon toyo Farisi ahmotorin Bram Yesus tutun icawani Ndiya mban ptonggoho pahi loddo Paddu, tanaka ndiyo ewongo alasanno tutun pdonni Ndiyo. ⁸ Menge taetu, Bram Yesus peghini payak ndiyo papngadada. Ndiya lap neghengok elbarada toyo limmada lakliku netu, ''Kedde mbaka mon dede mbaka ellapduna.'' Menge, atoyo netu alkendeke mon dedeke anyen. ⁹ Bram Yesus lap neghengoko elbarada ndiyo, ''Yaya kukleregim yemmi, geni papwawang mon papghiling en loddo Paddu: pdahaya eldaha ato pdahaya eljadahha? Hmopiroyo ahungoto ato indwanik?'' ¹⁰ Neb njan kharngar kehepniki, ngar mbak ndingar kehe, Bram Yesus lap neghengoko el toyo limmana lakliku netu, ''Plokor mbayaka limmomu.'' Menge,atoyo netu lap lokoroyo alimana mon limmana lak kbalingoko dahha. ¹¹ menge ataya, atttoyo Farisi mon atoy hpenghe dukka lak mbalingokko hakpata baniyo mon lamkahha tutun payak papdahada ndiya ellbarana Bram Yesus. ¹² Pahiy alodono netu Bram Yesus aldeteng-ngong lete ndeten tutun mban bango, mon anonno ndok lahbango Albarana Bram Allah en amdenya ahudda. ¹³ Amereh kaphundana, ndok lakwulodi muridtono mon pahpedeno hakbulu duyo atoyo wali ndiyo, ndidoka atoyo epap takingo rasul: ¹⁴ Simon waddi epap ngaranngo ''Petrus'', Andreas ndungkabun Petrus, Yakobus, Yohanes, Filipus, Bartelomeus, ¹⁵ Matius, Tomas, Yakobus anan Alfeus, Simon epaptakki atoyo Zelot, ¹⁶ Yudas anan Yakobus, mon Yudas Iskariot epak mbalin pengkhianat ¹⁷ Bram Yesus awolohhiki ndiyo mo lapnengok, ''Inwubati pongok yoyo payak papdahana Daud ketika atoyo abrengeni arahak aklambada, ¹⁸ tutu penewendakka mbatama el Umana Bram Allah, n'deke roti persembahan, muni netu aroti, mon wowa'ndiniki entoyo paprengene, ep' pjapahmupongo, hekede h'ngara iman pimok?'' ¹⁹ Menge, Bram Yesus lap neghengoko albaran atoyo Farisi anetu, ''Atoyo Piya ndidoyaka Mori enlod Paddu. Bram Yesus Laptonggoho enne Loddo Paddu ²⁰ Abram Yesus lak pakharanga Albarana amuridtono netu mon lapnenghe-ngok, ''Apambringi pamlala bangguku yoyo elakriy mon ndidoyaka atanggumu Kerajaan Bram Allah. ²¹ Apamringi pamlala mbanguku yoyo elaklamba hanenne ahbahuguk. Apambringi pamlala mbanguku yoyo alhoyo hanenne meng yoyo maditok. ²² Apamringi pamlal mbangguku eyoyo mba muhung toy, mbapkuronggu, apneghe wanggu, mon mbapneghe wangguni angarumu l'dah oron An Topiy. ²³ Mgolor atibaka pahi enne aloddon yoyo neb damani, mon klodoko mbaka engge mbaka atanggumu albokolo el surga; mon hedunaka ambu nuhi ndiyo apdahak ngar nabi. ²⁴ Meng taetu, knabubaka yoyo el roto Oronak yoyo ngalikka dah mopir. ²⁵ Knabubaka yoyo al tengger bahuna oronak yoyo hanen tengger klambamu. Knabubaka yoyo hanen tengger mbaditum oronak yoyo mbuwahi mbuhoyo. ²⁶ Knabubaka yoyo tenggeren atoyo lap negheng ngara mbak aldah tutun yoyo oronak anetu ambu nuhida yicca ngara kehe tenggereda mbab negheni tutun el njan hetopin njan.'' Mnoworbaniki Amuhum ²⁷ ''Menge taetu, Yaya kutakkiguni el baramu yoyo el rongngongo Yaya. Mnoworbaniki amuhummu mon ndah ati mbanikki atoyo el muhunggu. ²⁸ Pamringi pamlala mbaniki atoyo el awewiarung yoyo mon hbabniki enne atoyo apneghewanggu yoyo. ²⁹ Tangguna atoyo enna akoppungguni apopomu, wowadimnanki apopun lahwadikong. Mon, ngar pangngumnik ellakrebgun atanggumu, amherin wadimniki mban krebey akhihum. ³⁰ Wobbuaniki enna atoyo lakreya el mbaramu, mon njik atoyo mba ndekekeguni atanggumu, amba krehbali mbanik. ³¹ Pdaha mbandiki ato heke penwemuniki yoyo pah bemmu papdahamud ndiyo. ³² Jik yoyo mbum mnowor pimnik atoyo elamnoworunggu yoyo, payaka epap rekdanggu epap wod'ndanggu? Ornak, ato berdoho pangngu lamnoworin atoyo ellamnoworin ndiyo. ³³ Jik yoyo hanya pdahamumnik el ndah enna atoyo elndah ati n'dengngenggu, ndahamok yoyo mbunguele preke? Ornak, Ato berdoho pangngu lamdahamok hal el mere. ³⁴ Jik yoyo mbu phaghingo ndoyo enna ato heke mon manggin awolhon, apakah preke epap wodduanggu el bramu? Ornak atoyo berdoho waddi phaghighi wadingo alto berdoh hahwadikong tanaka ndiyo agole mbali wandi walli el mere. ³⁵ Menge taetu, mnowor mbabiki amuhummu mon ndahamniki ati, wobaniki phaghingo enne atohwadikongo mon ind mangga hbalin awolhon. Meng taetu, yoyo ngole upah al rehi mbokolo mon jadi ana El rehi Mdete, ornak Bram Allah ldah ati terhadap atoyo eljan peghengo trimkahi mon el njan ndah pap ngandini. ³⁶ Ornak netu, hendakbak yoyo papnorworongo, mere a m'Bapamu mon el bannu waddi belas kasihan.'' Am Pdo'ndamngok Toyo Heke ³⁷ ''Am pdo'ndamngoko tanaka yoyo amma pdowadinggu. Am menghukum ndamngoko tanaka yoyo amma hukum wagu. Ampuni mbaniki mak yoyo a ampuni wadinggu. ³⁸ Wobaniki mak yoyo awowadingguk: suatu pahmahango el ndah, epap mbinyoko, mba ghongguni mon lapn'duki-nduking, mon aburingguniki el pannu mba'mbum. Ornak nep'ukur wamu mak akur awawandinggunik ³⁹ Bram Yesus lapneghin el barada ndiy hebiongoko yiy, ''ngoleya ato kbura pwendeya ato kbura? Nja golengok ndiy to nduyu el bogho? ⁴⁰ Amuritono jan rehi wali gurun. Meng ta etu, ngar atoyo el meng mban lati mon l'mere wadika gurun ndiy. ⁴¹ Pen yoyo neb iccaya lattu ghaya el matan a'ndungkambumu tap yoyo in peghini akpambal el mat mengwumu? ⁴² Pen wemuk yoyo mbu ngoleye takiya el mbarana adungkambumu, 'Ndungkambu,wobangniki kuplohoyo alattu ghaya netu el matumu', hebongok yoyo mon ind iccaya mangwumuni akpambal ghaya el mata mengwumu? He yoyo topnumma! Ploh ul mbayaka akpambala wali el mata mengwumu. Meng taetu, yoyo ngoleka icndah mon ploh wani aklu'nduk ghaya wali el matan adungkambum.'' Ghaya el Ndahha Alwuwadingi Wiuyu el Ndah ⁴³ ''Ghaya el ndaha njan wuwalingo wun el njan ndah, mon aghaya el njan ndaha njan wuwalingo wuy el ndah. ⁴⁴ Ngar h'ghaya epah peghenge wali el wughaya el wuy. Atoyo njan kaha wu kpulloto wali el tara ndolo, ato pupu anggur wali eltara ndolo. ⁴⁵ Atoyo el ndaha laploh wadiya el ndahha wali atina el ndahha mon enna l'jan ndah pap ngandina laploh wadiya el njan ndah wali atin el njan ndah. Payah epap lohono wali l'ghobana atoyo wali omono el ati mengwunu.'' Ndumbuyu Angar Pondasi ⁴⁶ '' Pen yoyo mbukwulaga Yaya, 'Mori, Mori,' tap njan lakukanninyi payak e'Yaya hpaknekung? ⁴⁷ Yaya kuphundoguni el baramu, mer payak el emini el bara-Gu, rongngoyo hpaknekung-Gu, mon lakukanin. ⁴⁸ Mon mereko atoyo lapkedde umma, el kondo loyo tundu lappa mban mdattu, mon wotnik pondasi el pannu watu. Ketik mban ndetngok aweya, aweya lamrakayak a'umma, tap njan ngoleya mban krenggehini mon umma nenne apkedeya mon ahmondo langtakani. ⁴⁹ Menge, atoyo el rongngo ehpaknekung-Gu tap njan tahanga, mon mer wadika atoy lap kedeya a'um l'pannu tana el njaga pondasin. Ketik mban ndeteng aweya, a'umma laknabuka mon al ruh mbokolok.''