Rasul-Rasul monno Mahkamah Agama Yahudi ¹ ndika Petrus monno Yohanes eltakkinandi atodanga, emebagimmiki elbarrada ngarakehe Imam, elkandiya Baitonno Maramba Allah, monno atoyo Saduki, ² ndika hakbanida mokko ndiyo paknekin atodanga monno lapdukinni tutunna adetonna Yesus walli eltomati. ³ mengeke, ndiyo ngarrakehe adogolloyo Petrus monno Yohanes monno abtamminni elgallu ndukinni loddo kduna e mbanna hudongo. ⁴ Ndimokko, ndanga walli eldiyo el rongngoyo ebtakkido eh rasul monno waniki, monno hekdangadakka hakbani elbarrada monkira-kira limmarataya atoyo. ⁵ Adellokonno, ngarrakehe eh topneghe, tomlupu, monno ahli-ahli Taurat amkaha habollongngo el Yerusalem, ⁶ ahboldengendi Imam Bokollo Hanas, monno Kayafas, Yohanes, Aleksander, monno ngarrakehe atodanga walli ella barrollena Imam Bokollo. ⁷ Monno ngarrakehe ndiyo mbalantaya Petrus monno Yohanes ellalapduna, aklerinniki, " Apkuahaka epwamu monno garra ngarrananiki ebpaplakum henenne?" ⁸ Mengeke, Petrus a bannuniki a Ndewa Mbihanna, monlapneghengoko elbarrada, " Ngarrakehe lapreteyo Bangsa monno eh tomlupu, ⁹ ndika yamma mbam prehih yalodono atutunna paplakuda eldaha monno ehmenge paplakudanni atoyo lahmalli yiyo, pakwanyaka epaptonggoh wana ? ¹⁰ Inpewalinnya e yemmi ngarrakehe monno atoyo Israel monno ngarranna Kristus Yesus, to Nazaret, epap terummu elsalib, epap keketonno Maramba Allah walli ella tomati, yiyo toyo eldede lahdapammu jannu haddu. ¹¹ Yesus ndodayaka : ' Watu papjaha bemmi yemmi, tukongo pakedde umma, ella ndadi Watu Penjuru. ' Maz 118: 22 ¹² Monno, janga keselamatan el enni eltoheke monno janga ngarra heke yila kambukaramba ebwonna elbarrana atopiya el ngarranni ebngole ngoyo pahlamat wongo." ¹³ Mba icaya ngarrakehe ambraninya Petrus monno Yohanes monno apeghin ngarrakehe ndidoyaka ato ndanga eljanna peghe monno el awam, ndidohiki eppamngoroh wada monno akwungoniki aknekeyo monno atoduyo aperna mbamma marengnge ni Yesus. ¹⁴ Monno, mengeke mba icaya atoyo eltonggoho enniki eldede lakrahan Petrus monno Yohanes, ngarrakehe ndiyo japtadungoko. ¹⁵ Ndimokko, monno ngarrakehe ndiyo apreteya Petrus monno Yohanes monno tanna amdallini Sanhendrin, ngarrakehe ndiyo amkaha, ¹⁶ monno atakiyo, " Payaka yica paplakudanni eh toduyo henen? Ndimokko, antanda pamngoroh ndengengoyo eldadi elbarrada ndiyo ngarrakehe monno elhetopinjana eltodanga el londo el Yerusalem, monno yica janna ndadi aboletoyo. ¹⁷ Ndimokko, el henenne ambahelwungongo mban egher elbarrana atodanga, mabikki yica tat pakbohihi ngarrakehe ndiyo tanna amba paneghen elbarrana garrabniki atoyo." ¹⁸ Ahmurinnya, ngarrakehe ndiyo akwulloni Petrus monno Yohanes, mengeke laptumbodiki ehtoduyo tanna ambapaneghen ato ambapaknekeng tutunna ngarrana Yesus. ¹⁹ Ndimokko, Petrus monno Yohanes awolohoyo ebtakkida ngarrakehe ndiyo," wotoh mbakayaka, geni elghenne el enni pahbennya Maramba Allah, mokko mam rongngoyoko el rehi ghenne walli ella Maramba Allah? ²⁰ Ndidomokko, yamma janna ndadi ndika atakkiya eb icema monno eb rongngomo." ²¹ Mokko, ndiyaka ndiyo ngarrakehe ellakrohi pakbohiya Petrus monno Yohanes, ndika laphallaya rasul-rasul mba otindi, mengeke jatoboko alarana ebhukum wadindi eh toduyo eldanga ndoka atoyo elpam languya Maramba Allah ebhennya el dadi. ²² Ndidokka, enna toyo elwonngo atandana ebtonggoho wana elndadi, a umuronno potto kabullu ndoyo. Petrus monno Yohanes elmbali elndungkambunna lahwu atiwayo. ²³ Mengeke mbap hallaya, Petrsu monno Yohanes a otindi elbarada olkeden monno abneghinni ngarrakehe ebtakinna ngarrakehe Imam monno eh tomplupu el ndiyo. ²⁴ Monno, ngarrakehe olkededda arongngoyo, ndiyo ahkotta kapoklitja elbarrana Maramba Allah ahwu ati monno ahwu takki, " O Morri, Yodokka lapdadiya akramba, atana, wemahhi, monno ngarrakehe a ihinnya, ²⁵ eltakki leweto Ndewa Mbiha, leweto elghobana atam-Mu, Daud, ambuh nuhim yamma,: 'monno penna ngarrakehe bangsa heken mbanna mbani, monno atodanga mbanna harrani eljango wallinya? ²⁶ Raja-raja elpannu tana lahdiya, monno ngarrakehe akwuahaya amkaha ngarrakehe, agabbani Mori monno agabbani ebwonna kwuahan-Na. 'Mzm. 2: 1-2 ²⁷ Ndimokko, yilla el kota yiyo lamkaha ngarrakehe monno gabbani Yesus, atam-Mu el Mbiha, eb wommu Kwuaha, monno Herodes monno Pontius Pilatus, ngarrakehe bangsa-bangsa heke, monno ngarrakehe atoyo Israel, ²⁸ monno aplakuya ngarrakehe walli ella limma-Mu monno ehrenca-mu papdadimmu ahmurinnya. ²⁹ Monno hennene, Mori, icebaka ngarrakehe abpa ancamanno ngarrakehe ndiyo monno wobagammaka atam-Mu paghahi monno mam takki wanni alim-Mu monno wobagamaka abrani, ³⁰ atenggerenna Yoyo mbupaldengoyo alimma-MU ebtonggoho monno atanda-tandapamngoroh ndengengo eldadi elbarama atam-Mu el Mbiha, Yesus." ³¹ Monno, menge mbahbango, lamgedengoko ebdollondodo ngarrakehe monno ndiyo ngarrakehe abannundiki Ndewa Mbiha, monno abranika a mbap padukinniki alinnya Maramba Allah . Amopirronno atoyo apercaya ³² Monno, amkahaka ngarrakehe elwani monno pahwungoko ati monno a ndewada. jango mbahtoyo eltakki monno ngarrakehe ehbarangodo ndidoyaka ehdoda, ndimokko ndodadiki ngarrakehe. ³³ Menge, akwuaha elbokollo walli ella rasul-rasul awongngo kesaksiannodo tutunna ndetonno Tuhan Yesus monno anugrahonno el bokollo elbarrada ndiyo ngarrakehe. ³⁴ Jango mbahtoyo elkurongo walli elbarrada ngarrakehe atoyo eldongo atanna ato a ummada, ellahmahang, monno elngandiya awallinya pahmahang, ³⁵ menge abondoloyo el wititnya ngarrakehe rasul, monno abaghiya ngarrakehe mbahtoyo ehperluda. ³⁶ Hewedingo Yusuf, atoyo Lewi, aketurunonno Siprus, ella pakwullongo walli ella rasul, Barnabas, ndidoyaka 'anak paphiburwongo', ³⁷ ellahmahinni atanna ebdonna ella ngandiya awallinya ella witinnya ngarrakehe rasul