Petrus Laptonggoho tohaddu kliku ¹ Atu a loddono, Petrus monno Yohanes otindi elbaitonno Maramba Allah enna awaktunna pahmbawongo, taetu jammu mbanda iha. ² Mengeke, lahtoyo akbani lakliku walli ella kambunna a innyana mbaholoyo. ³ Ndelloko molong ngarrakehe ndiyo a mbondolloyo elmbinnyana a Baitonno Maramba Allah elngarrango Mbinnya Ndaha ebdopakrengngo knurru elbarrana atoyo eltamma el Baitonno ⁴ Mengeke, Petrus, monno Yohanes,engniyaka monno lapnegheng, " icebgamkah yamma." ⁵ A tokkliku lakharaniki Petrus monno Yohanes, monno pahbennya engngo ebwonna Petrus Monno Yohanes. ⁶ Ndimoko, Petrus apnegheng, " Yayo jango Perak monno dokko, ndimoko el engngo kuwongguniki. Elbarrana ngarranna Kristus Yesus atoyo Nazaret, keddebakka monno halokko mbakka!" ⁷ Ahmurinnya, Petrus eltaraniki elim kwannana ato kliku. Monno langngangaka paghahi. ⁸ monno laklohokok, ndiyo eldedeke monno lahlokok. Mengeke, eltamaka elbaitonno Maramba Allah lambrengedikki Petrus monno Yohanes, monno tenggere halokok, monno laklohokok, monno pamlanguya Maramba Allah. ⁹ Atodanga el icaya lahloko monno pamlanguya Maramba Allah, ¹⁰ monno ndiyo ngarkehe apeghinni monno ndidoyaka atoyo el lodo el Binnya Ndaha Ummana Maramba Allah monno kareyo anknurru. Ndiyo ngarrakehe a bannundi raha pamngoroh ndengengo el ndadi elbarra poltonna atokkliku. Petrus eltakkinanniki atodanga. ¹¹ Montenggeren mbanna tarrani Petrus monno Yohanes, ngarrakehe atoyo laplayo elbarrana letepamba ebtakki Letepamba Salomo, monno raha pamngorroho ndengengoyo. ¹² Mengeke, mbanna icaya Petrus, ndiyo eltakkinani atodanga, " hai to Israel, monno penne ebbumngorroh engeni henenne eldadi monno penne bukharagam yamma mban merrelolo akwaham yamma kneheng, yamma elpahlokkinni yiyo atoyo kliku? ¹³ Maramba Allah Abraham, monno Ishak, monno Yakub, Maramba Allah ambu nuhinnya yitca mengeke mbanna pamlunguya atan-Na, Yesus epap krakummu monno jabhimbamu lahdapanna Pilatus ebanna wotohhoyo tanna pahalla wani-Ndiyo. ¹⁴ Ndidomoko, yemmi el janna himbaya el Kudus monno el ghenne, monno yemmi lakreyo toptebe paphalla elbarramu, ¹⁵ monno yemmi elwunuya El wonggimi Mopirra, papkeketonno Morri Maramba Allah walli ella toumati. Tutunna yiyo, yamma ndika ella icaya. ¹⁶ Monno el atiwamma elbarra ngarra-Na, ndidoyaka ngarrana Yesus, elwonni paghahi enna kabani eb icamu monno eh peghemmu. Monno, atiwannya ella emmini elbarrana Ndiyo elwonni ndaha sempurna enna kabani ellah ndapum ngarrakehe. ¹⁷ Henenne, ndungkambugu, kupeghegimmi yemmi ebbihgudik ebjaha peghemmu mereke pahgudikkonno ngarrakehe ahtopeghummu. ¹⁸ Ndimokko, paptakkinna Maramba Allah elbarrada ngarrakehe eh nabi monno Kristus el lakkriyo, mengeke mban-Na pannukin. ¹⁹ Mokko ndidokka atu, dukkabaka monno kwalikbaka mokko adohummu lamhalingoko, ²⁰ menge engge atimmu emmini walli eyo elbarrana Mori, monno mengeke Ndiyo laptumboni Kristus ellap engeniyo elbarramu, ndidoyaka Yesus, ²¹ ebhimbana a Surga ndukinni a waktunna ahmengendi ngarrakehe ebmengena paptakkinna Maramba Allah elbarrada ngarrakehe eh nabi-Nya el kudus atu ullu. ²² Ebtakkinna Musa, Morri Maramba Allah el keketoyo elbarramu lahtoyo a nabi elmereyo a ndungkambummu. Yemmi el rongngoyo ngarrakehe ebtakinna elbarramu. ²³ Monno eldadi, el ndewa, el jarongoyo nabi ndika pahmengeke walli ella bangsa.' ²⁴ Monno, ngarrakehe eh nabi el menge mbanna penegheng, lakwungonni Samuel monno ngarrakehe el menge lapdukinni henenne ngarkehe loddo. ²⁵ Yemmi ndoyaka a keturunonno walli ngarrakehe eh nabi walli ella paprahinnya Maramba Allah tanggunna ambu nohimmu, ebtakkinna elbarranna Abraham,' elwinimu, ngarrakehe aketurunanna elpannutana elhimbaya aknuru.' ²⁶ Maramba Allah, mengeke mbanna keketoyo atan-Nya, ellapangandini ulluni elbarramu tanna wongguni aknuru monno ngarrakehe atoyo elbarramu lakwalik walli el janna ndaha."