Emmini Ndewa Mbihana ¹ Mbanna nduki loddona Pentakosta, ngarrakehediyo endipahwungo pdopakwongik. ² Monno, wekghaddaka mba rongngoyo walli lakramba, punninya mereke pring mbokollo, monno punninya ahgonnopih ngarrakehe a ihinya umma ellondo. ³ Monno, elhundukka elbarada mere lam api lamweworong monno elrondokko elbara ngarrakehe. ⁴ Mengeke, bannu kehendiki Ndewa Mbiha monno akwungoniki hahaptakki. ⁵ Atuloddono, enni atondanga Yahudi el ndoyo el Yerusalem, atondaha ati walli ellah kalli mbatu ndanga el enni kambukaramba. ⁶ Monno, ebrongoyo apuninya, enne atomkaha ngarrakehe emmendi monno mangorohoko orrona ebba tenggerena ngarrakehe mbap panegheng kneheng. ⁷ Ngarrakehe ndiyo mangoroho monno apnegheng, " Monno ngarrakehe ndiyo apnegheng in toyo Galilea ? ⁸ Monno, monpene ndi mbatta rongohi mbapndegheng wango habndeghende walii el padondin? ⁹ Atonga Partia, monno Media, monno Elam, monno tollondo el Mesopotamia, Yudea, monno Kapadokia, Pontus monno Asia. ¹⁰ Frigia monno Pamfilia, Mesir, monno ngarrakehe kallibatu Libia elbarrani Kirene, monno ehtoyo emmendi walli el Roma, eh todanga Yahudi monno ngarrakehe ahtoyo Agama Yahudi, ¹¹ atoyo ndanga Kreta monno Arab. Yitto rongngohi ndiyo mbapdegheng wango abdegheng yitco tutuunda ahadanna elbollo Maramba Allah." ¹² Monno, ndiyo ngarrakehe amngorohoko mbahnap takkida, " Payakka awalli ngarkehe yiya?" ¹³ Ndimoko atoheke, amadit ngarrakehe mon atakki, " a ndiyo ngarrakehe amabukka walli orro inu anggur. " Petrus lahdegheng elbarra todanga ¹⁴ Ndimoko, Petrus eldende engendi hakbulu iha toyo rasul, lahkotaya akpoklinnya monno lapdegheng elbarrada ngarkehe, " Hai yemmi ngarkehe to Yahudi monno ngarrakehe el londo el Yerusalem, tan peghmbaniki monno ktanga mbaka ebtakinggu. ¹⁵ Ndidoka, ngarrakehe atoyo eljanna mabukka, ebpapngaddamu henenne mbujammu tallu, ¹⁶ ndidoyaka ebtakinna Nabi Yoel: ¹⁷ ' Monno, enna loddo ndanga elndadi, Maramba Allah lapdegheng: Ndidokka Yayo el wonggu Ndewa Mbihanggu el todanga langtakka. Monno, eh ananga kbanimmu monno anawaricommu ndidohiki abdegheng, monno anna halkede ndidohiki a iciya, monno a tomtuyo ndanga elbarramu ndidokka amangganipi ndanga. ¹⁸ mokko, elbarrada atang-Gu ngarrakehe kbani monno atang-Gu warcoyo enna loddo ndanga-ndanga, Yayo ndoyakka el wondi Ndewa Mbiha-Gu, monno ndiyo ngarrakehe ngandiyo linggu monno ngarang-Gu. ¹⁹ Monno, Yayo ndikki laphundonni pamngoroh engeng wali lakramba, elpannunna, monno pamngoroh ndenngengo el pauntanna, eldowawa, rutta, monno a api, monno mahhu lolo. ²⁰ Aloddo appliheknik walli ellakpandu monno a wulla eldadika rutta, inlodopnani Morri elbokollo monno el Mulia a emin. ²¹ Monno el ndadi, mbahtoyo el lakwulloni a ngarrana Morri ndidoyaka lahlamat." Yoel 2: 28-32 ²² Hai toyo Israel, rongngoyo yiya ebtakki. Yesus, toyo Nazaret, lahtoyo el enni elbarrammu walli ella Maramba Allah monno pamngoroh engengo, lapdadiya pamngoroh ndengengo, monno mengeke Maramba Allah laphundoni elbarramu e Ndiyo, elmerek elpoltommu ebpeghum. ²³ yiya Yesus, eb pahrakango ehmengnge papngadanga monno pahpendenne monno ehpeghenne Maramba Allah ahmurinnya, yoyo lahmatiya wango salib monno wango limma tondanga indaha. ²⁴ Ndimokko, Maramba Allah el keketoyo-Ndiyo, monno laphallayaka Morii walli ella kriyo monno janna hadinni Ndiyo akkwuaha ndanni ennamati. ²⁵ Ndimokko, Daud mengeke mbanna takkiyo tutunna Yesus, ' Yayo kuicaya Morri ella enganna lahdapanggu, mokko Ndiyo el enni lahbelli kwananggu ndidoyaka yaya ebjappa geddewanggu. ²⁶ Ndinomokko etu, eb enggewana a atinggu, monno a lammanggu papenggewana. a poltonggu weddi enni eldodollo lapghahhi. ²⁷ mokko Yoyo inmdalganni a ndewa hamoghunggu pannu tana tomati, ato phallagamma tokudussum-Mu icaya amati jangawallinya. ²⁸ Yoyo mengeke mbutakkiganni alarra mopirra. Yoyo ndika elwonggo bannu engge walli ella barra-Mu. ²⁹ Ngarrakehe ndungkambbugu, yaya ellapnegheng elbarramu monno kuwanni tutunna mbapa ambu nuhinja, Daud, monno ndiya elmati monno ebtonnongo, monno ahondinnya epannyi lundulappa hennene loddonno. ³⁰ Ndidokka, mokko ndidoyakka ellahtoyo nabi monno elpeghenni Morri ellaprahingngo monno elhorro mbarrana tanna londonni lah iha aketurunnano a Daud ellpannu padolondonna. ³¹ Mokko henenne, Daud ndikki el icaya ahmurinnya, ndiyo eltakki tutunna adetonno Kristus mbanna: ' Ndiyo janna mdallanda el pannu tana tomati, monno Polton-Na janna icaya amuahanna.'Mzm 16:10 ³² Ndidoyaka yiyo Yesus papketetonno Maramba Allah monno yamma ngarrakehe ndoyaka elngandiyo tutunna ngarrakehe. ³³ Mokko ndidokka, mengeke mapamdeteyo alimma kawanana Maramba Allah monno elhimbaya aprahing walli ella Mbapa tutunna Ndewa Mbihanna , Ndiyo mengeke mbanna mburrinni, elndaha eb icaya monno eb rongngo. ³⁴ Ndimokko, Daud janna ndetengngo el Surga, ndidokka ndiyo kneheng eltakki," Morri lapnegheng elbarragu mbrambagu, 'Lodobakka elalak kwananggu, ³⁵ lundulappa Yayo ellapdahaya ngarrakehe gabbam-Mu padondekenna awitum-Mu."'Mzm.110:1 ³⁶ "Ndidokka hennene, hobadakka eh umma Israel apeghinni topinjoni mbanna Maramba Allah mengeke mbanna pandadiya Tuhan monno Kristus, ndidoyaka Yesus papmengemu tereng elsalib." ³⁷ Monno ndiyo ngarrakehe mbarongngoyo tutunna yiya, lamdokrongoko a atitnya, mengeke atikinanniki Petrus monno ngarrakehe eh rasul, " Ndungkambu, payakka papghilim yamma?" ³⁸ Mengeke, Petrus lapnegheko elbarada, " Maghillabaka monno iphayabaka apoltommu ihto-ihto elngaranna Kristus Yesus tutunna adoku dangngamu, monno yoyo himba mbaka Ndewa Mbihanna. ³⁹ Ndidokka, yiya aprahing tutunna apoltummu, monno ngarakehe eh anammu, monno tutunna ngarrakehe atodanga ella lambro, eldanga pakwulla Mori Maramba Allah ngarrakehe yita." ⁴⁰ Monno, hekdangana ebtakkinna, Petrus eltakki topinjaya monno lakwullondi elbarrada, wenaka, " Pahlamtoyo apoltommu walli ella adonna laklengga yiya !" ⁴¹ Atodanga elhibaya ebtakinna Petrus ndiyoka epap iha monno enna lodonna lomtombo adangadda tallu rataya atoyo. akwonginnya atoyo elwani Mori ⁴² Ndiyo ngarrakehe atekunno mbakneke elbarrana rasul-rasul monno mbakwongi, eba pikoyo a roti, monno mbah mbayang. ⁴³ Monno, enna akbohi enniki elpoltotda, monno hekndangana el pamgoroh ndengeng monno hekdangada atandana papndahada eh rasul. ⁴⁴ Ngarrakehe elwani monno lakwongi enge monno eldonni ngarrakehe akwongi. ⁴⁵ Mengeke, ngarrakehe ahmahinniki ebdodda, ahmurinnya ahmbaghinniki ngarrakehe atodanga montoko ehperlunna mbahtoyo. ⁴⁶ ihlodo, mbanna pahwungo atitda ngarrakehe akwongi el Baitonno Maramba Allah monno ahmbaghing roti nunduya a umma. Ngarrakehe ndiyo ahimbaya muyo monno engge ati monno wallu atinni, ⁴⁷ monno pamplunguya Morri Maramba Allah, monno pahbenyanik ngarrakehe atoyo ndanga. monno ndelloko-ndelloko Morri eltombohiki a ndangada, enna toyo pahlamatot.