Yesus Detengngo El Sorga monno Lapprahinni Emmeni Dewa Mbihana ¹ Elhuroto dollo dolli turohonggunik , Teofilus, monngarkehe el Yesus pakwungoni plaku mon paknekin, ² ndukin alodo Akeketoyo, mennge Adiyo elwongngo prete, wallila el Dewa Mbihanna, ngarrakehe rasul-rasul Eh pahpenden. ³ Ngarrakehe yemmi, Adiyo weddi laphundoni apoltonna amenge mbanna kariyo, mon hekdangada abukti, monno laphundonni alpoltonna elbarrada amdenna potto kabullu lodo mbanna paneghin tandakuwahanna Bramba Allah. ⁴ Tenggerenna mbahpolong ngarrakehe, Diyo laptumbodik ngarrakehe tanna amdalin a Yerusalem, ndimoko magin aprahin a Mbapa, mon ebtakinna " Yemmi rongngoyo Ebtakinggu, ⁵ atu Yohanes lap ihwongo waiyo, monno yoyo ab ihwagu Ndewa Mbihanna, inmdeyo walli henenne prapanga em.'' Yesus Aketetoyoka el Sorga ⁶ dikibwengoko, monno ngarrakehe mbamkaha , ngarrakehe aklierin Adiyo, ' Mori, monwaktunnanik hennene Yoyo mbubdahaya tandakuwahaMu e Israel?'' ⁷ Adiyo eltakki nandik, "Indihakumundi eh peghewamunni atutun jammu monno ebdondukkanna ebdoltakkin e Mbpa enna Kuwahan. ⁸ Ndimoko, emyemmi himbaya kuwahanna mbanna mburu a Ndewa Mbihanna el emeni el poltommu monno yemmi kubtuguhgimmiki ngandiya alinggu monno ngarranggu el Yerusalem, el Yudea, monno Samaria lundulapa elhuputana." ⁹ Monno, mengeke mbantakkiyo ngarra abyiyo, tengger hadapananni, Adiyo mbanna deteng habolong el mahhulolo monno mueheng ellahdapadda. ¹⁰ Mengeke, monno tenggeren mbakngara kramba, tenggerenakka Mbanna Otin, harrabnik, hendi attonduyo hakmbani eltakka khihi kakang eldende ellakrahad, ¹¹ monno eltakki, '' Hei ngarkehe toyo Galilea, penne ebbudende monno mbukku harrani ella kramba? Yesus, elndeteng walli el mbarrammu otinni Surga monno emme elmballiyo el mbarramu monno elmere wejokka eb iceya Mbanna otinni el Surga." Elpende Lahtoyo Rasul Mbaru ¹² Mengeke taetu, ngarrakehe diyo a mbali el Yerusalem walli eyo el bukit Zaitun, el mbarrana a Yerusalem, amlonna merrek appattah lokon a Sabat. ¹³ Monno ngarrakehe diyo mbatama, ngarrakehe diyo adetengngo elruang pannuna, ebdoddah diyo. Petrus, monno Yohanes, monno Yakobus, monno Andreas, Filipus, monno Tomas, Bartolomeus, monno Matius, Yakobus ananna Alfeus, monno Simon atoyo Zelot, monno Yudas ananna Yakobus. ¹⁴ Ngarrakehe diyo ahwutakki jannawolong ndukkanna ebah mbango ennngendi ehrawi coyo monno Maria, amamanna Yesus, monno eh ndungkambunna Yesus. ¹⁵ Enna ihloddo-ihloddo atu, Petrus eldende elbarrana ehndungkambunna lahwu ati wango ( atondanga lahngahu ndukbulu andanganna ), monno eltakki, ¹⁶ "Ndungkambu, Hurroto Mbiha engngapadukin, ebtakkinna a Ndewa Mbihana elghombanna Daud tutunna Yudas, elndadi lakpalinni atondanga el ndogollo Yesus ¹⁷ Monnoeme, diyo wattubaghiyo elbarrada yita monno ngoleyo atungguho yiyo. ¹⁸ hennenne, yatoyo elkahi lahbatu atana walli ennya hahillon paghilling indaha, mokko labuluku aktakkunna mban golleng, apoltonna elberrek, monno ngarkehe ihikambun lamwewerongko. ¹⁹ Monno, ngarrakehe apeghennik atondanga eldolla el Yerusalem makka atanah apngarranikki ' Tanah Rutto ' ²⁰ Monno, lamturohok el huroto Mazmur: 'Hobmbanak ebdollondono ebjanna puni, monno hobbanaka anonno ebjanga atoyo alodin,'Mazmur 69:26 monno,' Hobannak atoheke eldekeyo ebdollodon.'Mazmur 109:8 ²¹ Mokko henen, lahtoyo walli elyemmi el engen pahbolong engngenda elyitto eb engena a Tuhan Yesus mbanna tama monno loho walli elyito, ²² lakwungonik Yohanes mbanna ipwango wibahana lundulappa loddono mbakeketoyo walli elyitto, lahtoyo walli elyemmi engnge ngandimmuni aliyo tutun Mbanna detongngo ndengngede yico.'' ²³ Mengeke, labtumbondik nduhtoyo, en Yusuf ebpakawullongo Barsabas, monno pakwullongo Yustus, monno Matias. ²⁴ ahmurrinnya, ndiyo ngarrakehe ahbayang, " Yoyo, Mori ndikki elpegheni atinnya ngarkehe atoyo. Phundobgammaniki garraniki pahpedeMu walli to nduyo, ²⁵ monno elhimbaya apwede mono papketeng rasul, walli el Yudas el hekero laotu ellabdonna meng wuna." ²⁶ Ahmurrinnya, ngarra kehe Rasul ametungngoko watuhpede elbarrada monno ghennengoko ehpede Matias moko diyo pahbaghika elhakbuluiha rasul.