Ananias monno Safira akabanni Ndewa Mbihana Mori ¹ Ndimokko, enni lahtoyo akbani ngarrana Ananias, olenne arwennya, Safira, lahmahinni atanna. ² Monno, ehpeghenna arwennya, Ananias eltahanni lahwadikong awallinya atana pahmahada kneheng, monno hodipimoko papngandinya, elbarrada witinnya ngarrakehe eh rasul. ^{6 3} Ndimoko, Petrus eltakkiya," Ananias, penna am brapu elpannuya a atimmu ndika elbolette wamunni Ndewa Mbihanna monno tuahanni akwadikongo wallinya atanah? ⁴ Eb induhmahapanni, endudomemamunni pahkuahanmunni? monpenna mbukpangadani paplakummmu yiya el atimmu? Yoyo enduhmoletemunni atoyo piya, ndimokko elbarrada Maramba Allah." ⁵ Menge, monno ebrongngoyo ebtakkinggu, Ananias lakbutukku monno elmatikka. Mokko ⁷ Amurinnya, enna lodonna enna jammu tallu, el emmini arwennya Ananias, ndimokko ndiyo janna peghenni eldadi, ⁸ Monno, Petrus eltakkinanni," takgibganni, pirriya adangana awalinya tana ebpahmahummu?" Monno, Safira eltakiyaka, " Ya, henyodaka netu." ⁹ Mengeke Petrus eltakinnanik, " monpena yoyo monno alaghimmu monppahwungo takki eb kabanni Ndewa Mbihanna Mori? Icabaka, oruwitija atoyo elmenge toninyi alaghummu epani ellahdapanna mbinnya monno hennene yoyo weddi adottogukku angandigu ellak kdellek." ¹⁰ Radangoko, mbanna kabuktu Safira elwitinnya Petrus monno matikka. menge eh toyo amuda tama, a icayaka Safira mbanna mati, menge ndiyo ngarrakehe adottayaka angandiya ellak lakdelek monno a tononiki elbarana a laghinna. ¹¹ menge, eldadika akbohi lantakkaka elbarrada ajemaat monno ngarrakehe atodanga elrongoyo eldadi. Atanda-tandanna pamngoroh ndengengoyo walle ella Maramba Allah ¹² Hekdangada atanda pamngoroh ndengengoyo eldadi elbarana atodanga paplewetonno ellimmada ngarrakehe rasul monno ngarrakehe ndiyo pahwungo atitja el endi el balbinnya Salomo. ¹³ Janga mbahtoyo ellambranini apoltonna pahbolongwuda elbarada ngarrakehe ndiyo, ndimokko ngarrakehe atoyo abprekuhiki ndiyo ngarrakehe. ¹⁴ Monno, hekdangadaka atoyo elnomotihi elwani Mori, hekdangada, akbani monno warcoyo. ¹⁵ Ndidokka, ngarrakehe ndiyo aholoyo ngarrakehe eh tohaddu ellara ndanga monno pamdurindi elpannu raka monno elkasur jerami montana mbanna eminni Petrus, etuhodi mbanna ngoleya abayangannono elghenne wadi ehtohaddu. ¹⁶ Menge, ennya atodanga walli ella kota-kota elbarana Yerusalem emi kehendi, monno angandihi ehtohaddu monno atammandi ndewa endaha. Ndiyo ngarrakehe laptonggohohik. Ngarrakehe eh Rasul adolgollohiki ¹⁷ Ndimokko, ngarrakehe Imam bokollo a kedde, am rengnge engendi eh ollena, toyo Saduki, monno ndiyo ambannuhiki knorek ati. ¹⁸ Ndiyo ngarrakehe adonggollihi eh rasul monno abtamindi elgallu todanga. ¹⁹ Ndidomokko, enna hudanna, enni lahtoyo Malaikatonno Mori elbungkereya ngarrakehe eh mbinnyanna gallu, elngandihiki lakdellek, monno eltakkiyakka, ²⁰ " Cibaka, dedenbaka, monno padukimbanniki ngarrakehe atoyo el Baitonno Mori Maramba Allah tutunna linnya Mori tutunna alara mopir henenne." ²¹ Monno, menge mbarongoyo, eban momollo, ndiyo ngarrakehe atamakka el Baitonno Maramba Allah monno amulai mbapakneken.Monno Imam Bokollo monno atodanga eldukikka pamrandangaka, ndiyo ngarrakehe amkaha ella Sanhendrin monno ngarrakehe ehmajelis tomlupu Israel, menge laptumbodiki atoyo ella gallu monno ella ngandihiki eh rasul-rasul ladapinndi ngarrakehe ndiyo. ²² Ndimoko, ngarrakehe atoyo paptumbongo adukikka, ngarrakehe ndiyo jatobokhiki eh toduya rasul el endi elgallu. Menge, a balihiki monno wongngo laporonnodo, ²³ monno atakki, " Yamma jamdukindi elgallu lamkuhi monno ngarrakehe atokandiya agallu adende elbalmbinnya, ndimoko yamma mbam bungkereya, monno yamma jamma tobokihi mbatoyo pangngu eldodollo." ²⁴ Monno, ellaklakpala elkandiya a Baitonno Maramba Allah monno ngarrakehe Imam enna rongngoyo ebtakinna, ngarrakehe ndiyo amngorohoko mba icaya ngarrakehe eh rasul monno mungklerengoko penne ndidadinnya pamngoroh engengo. ²⁵ Menge, emminiki lahtoyo monno eltakkidandiki ndiyo ngarrakehe, " Icebaka! Ngarrakehe atoyo paptamamu ella gallu tenggeredakka mbandende el Baitonno monno paknenikki atodanga lantakka." ²⁶ Mengeke, akpala elkandiya a Baitonno Maramba Allah monno ngarrakehe topdagangnga otindi monno ngandiya eh rasul-rasul, ndimokko jabwangoyo mbrumbukku mokko ngarrakehe akbohikki mbagheghuhi watu walli ella todanga. ²⁷ Mokko ndiyo ngarrakehe angandiyaka Petrus monno Yohanes, ndiyo ngarrakehe angandiyaka ellahdapan Sanhedrin. Menge, Imam Mbokollo laklerindi ndiyo ngarrakehe, ²⁸ Wennaka, " Yamma mengeke eblarangngunggu kras tanna jawongo elpakneken elbarana ngara-Na, ndimokko yemmi elpanuya Yerusalem monno ebpaknekumundi monno yemmi elbengo holoyo aruttana atoheke elbarrama yamma." ²⁹ Ndimokko, Petrus monno ngarrakehe eh rasul awolohoyo, " Yamma rehi rongoyo Maramba Allah walli ellatopiya. ³⁰ Maramba Allah ambu nuhinda elmenge mbanna akeketoyo Yesus, epap pahmatimmu monno paptarengo el ghayo salib. ³¹ Maramba Allah el pamdeteyaka Ndiyo ella limma kawananna eldadi Pemimpindinno monno ella wonda slamato monno pam ghillaya wani Israel monno ella halindani adohondo ngarrakehe. ³² Monno, yamma ndoyaka ella icaya walli ella ngarrakehe, monno ndidokka Ndewa Mbihana, ella menge papwonna Maramba Allah elbarrada ngarrakehe atoyo ndanga ella wani a preten-Na." ³³ Menge ndiyo ngarrakehe mbarongngoyo atutunna, a atitja lamdokorrongo monno mbengoko wunuya ngarrakehe eh rasul. ³⁴ Ndimokko, enna lahtoyo ato Farisi elngarango Gamaliel, ndiyo guru Taurat pap akango ngarrakehe atodanga, eldende lahdapanna Sanhedrin monno laptumbungo monno ngarrakehe eh rasul aloho ella ladellek. ³⁵ Mengeke, ndiyo lapneghengoko elbarrada, " Hai ngarrakehe atodanga Israel, harrabaniki kehenni payaka paplakummuni yiya atoyo ndanga hennenne. ³⁶ Ndimokko, etu loddono lampalanganga, Teudas eldetengngo, lamngakunni apoltonna topentingngoyo monno enni apoto kabullu ngahuya atoyo ellah lahbolong elbarrana, Ndimokko, ndiyo awunuyaka monno ngarrakehe anomotoyo amberaka, ndukingo ebjango anomotoyo. ³⁷ Langangoko Teudas, Yudas walli ella Galilea el detongoko, alodono eb sensus, monno eltinguhiki eh todanga monno nomotoyo. Ndiyo weddi awunuyaka monno eh todanga elnomotoyo amberaka. ³⁸ Mokko henenne, yiya kasusso henenne, ku apinggu ngarrakehe yemmi: Marondi ngarrakehe yiyo atoyo monno paklokombandiki. Ndimokko, eb engoko eb kambu atinnya walli ella topiya, janna ndadi aberhasillonno. ³⁹ Ndika, yiyo arencana eb walli ennyaka walli ella Maramba Allah, mokko yoyo indimakkani eb buhandinni. Mokko, yemmi tenggerennaka ebbum gabani Maramba Allah." ⁴⁰ Ngarrakehe ndiyo anomotoyo enna a apinna Gamaliel. Mengeke, monno mbakwullindi ehtonduyo eh rasullo, ngarrakehe ndiyo apalluhi eh toduyo ngarrakehe rasul tanna amba paneghengo elngaranna Yesus, menge abphallahiki. ⁴¹ Ndidoyaka, eh rasul-rasul a otindiki walli ella lahdapada Sanhedrin monno engge atitja ndidokka pap apija akrinnya walli ella ngaran-Na. ⁴² Monno, dellokko-delloko, endi el Baitonno Maramba Allah monno otindi el umma monno umma, jadukongo mbapaknekinni monno mbapapnukinni a Injil monno Yesus ndidoyaka Kristus.