¹ Mbuk loledgimmi epamnowrunggu, am wadamniki garra arohho, melainkan kabanniki roh netu tanaka penghe wani apakah netu walli omon Lambram Allah orna danga nabi palsu mengeke bman emin el pannu tana. ² Henenenne yoyo bmu penghini Roh Bram Allah: ngarra rohho el lamgaku bahwa Bram Yesus Kristus mengeka bman emin merewuna topiyo walli omon Lambram Allah. ³ garra roh el jan mgakuni Bram Yesus, jan walli omon Lambram Allah. netu didiyaka roh anti kristus, eyoyo pap rongomu eme el emin mon henenne enniki el pannu tana yiyo. ⁴ Anagu, yoyo walli omomu walli Lambram Allah mon mengeka bmu pkalaya nabi nabi palsu netu ornak Diya el enni el poltomu rehi bokolo wal eiya diya el enni el pannu tana. ⁵ Nabi nabi palsu netu walli omon el pannu tana. ornak taanetu, diyo lap pnengheng walli pannu tana mon pannu tana ronggoya diyo. ⁶ Yicca walli omon Lambram Allah. Toyo el penghini Bram Allah ronggoda yicca, tetapi toyo el jan walli omon Lambram Allah jan ronggodak yicca. Wango yiya, yicca penghini Roh el ghenne mon roh el jan ghenne. ⁷ Loledegu epamnowrunggu, mabika yicca enga pamnowrong wungo ornak anowor walli omon Lambram Allah, mon ngarranik atoyo el nowrong oltonna diya dadi walli omon Lambram Allah mon alpenghini Bram Allah. ⁸ Toyo el janga mnowro jan penghini Bram Allah ornak Bram Allah didiyaka amnowor. ⁹ Hennya nenne amnowron Bram Allah lap phudonik el yicca: Bram Allah laptuboniki An wuna el pannu tana tanaka yicca ngolewani mopir el Diya. ¹⁰ Yiyo barana amnowro netu: in yicca el lamnowro ulin Bram Allah, tetapi Bram Allah el lamnowron yicca mon wondani AnaNa sebagai kurban pendamaian taguna dohon yicca. ¹¹ loledegu epamnowrungu, or henyaka amnowron Bram Allah, yicca waddi harus enga pamnowrong wungo. ¹² jap ngoko mbah to weawang el iceya Bram Allah. jika yicca enga pamnowrong wungo, Bram Allah aldoiyo el barada yicca mon amnowrona netu el sempurnak el barada yicca. ¹³ wango hal yiyo yicca penghini bahwa yicca doiyo el barana Bram Allah mon Bram Allah anni el yicca orna Bram Allah mengeka bman wodani el barada yicca walli omon Rohho Na. ¹⁴ Mon, yamma mengeke bmam iceya mon hakhiyaka bahwa Bapa mengeka bman ptuboni AnaNa balinga Juruselamat pannu tana. ¹⁵ Ngarani atoyo el lamngaku bahwa Bram Yesus didiyaka An Bram Allah, Bram Allah doiyo el barana diya mon diya enni el barana Bram Allah. ¹⁶ jadi, yicca mengeka ebpenghini mon mengeka ebwani amnowrono ella Bram Allah epapdnonna tanguna yicca. Bram Allah didiyaka amnowwor, mon toyo el doiyo el barana amnoworo, doiyo el barana Bram Allah mon el barana diya. ¹⁷ Wango yiyo, amnoworro sempurnaki menge yicca tanaka ngolewani keyakinan mangngawungo pahi aloddo penghakiman orna merek Diya, mere wejokka yicca el pannu tana yiyo. ¹⁸ Jango kabohohi el barana amnowor, tetapi amnoworo el sempurna elhokihi akbohi ornaka akbohi ahbolongo dnung hukumod. Toyo elak kbohi, jan mengepaya mba sempurnay el barana amnoworo. ¹⁹ Yicca mnoworin ornaka Diya meng uluka bman mnowrron yicca. ²⁰ Neb engoko toyo lab pnegheng, ''Yaya kum nowrrin Bram Allah'', tetapi muhmunki aloledena, toyo netu didiyaka al bolet. ornak, toyo el jan ngole mnowrin loledena eppap iccana, jan ngole mnowrin Bram Allah ep jap icca wana mata. ²¹ Mon, apreten yiyo yicca himbaya walli omon Lambram Allah: Ngarrani toyo elam mnowrin Bram Allah, harus mnowor wedini loledemu.