¹ Ngarakehe toyo el wani bahwa Bram Yesus didiyaka Kristus dadi walli Lambram Allah; mon ngarakehe toyo el lamnowrin Bapa, mnowor wedini anan el dadi el walli el Bapa. ² Wongo yiyo, yicca penghini bahwa yicca mnowrin an Bram Allah, yaitu ketika yicca mnowrin Bram Allah mon wani apreteNa. ³ Ornak yiyo ammnowron Bram Allah, bahwa yicca wani mon apreteNa jan boto wali. ⁴ Ornaka, papaguyaka el dadi wal omon Lambram Allah lapkalaka pannu tana; mon yididiyaka el tolo mono lapkalaya pannu tana: iman yicca. ⁵ Garaniki el lapkalaya pannu tana indiduyaka diya el wani bahwa Bram Allah? ⁶ Diya didiyaka el emini wango weiya mon rutta: Bram Yesus Kristus in wekluwedimoko, tap waweigo wei mon rut. Roh diyaka el pahhakhiya orna roh netu diduyaka el nghen. ⁷ Ornak, enni totaluya el hakhiya el surga: ⁸ Roh, weiya, mon rutta; mon totallu netu didiyaka lahwuya. ⁹ Neb yicca himbayaka hakhiya topiyo, hakhinya Bram Allah rehi pgahhi. Ornak, hakhiya epap wonna Bram Allah didiyaka hakhiya tutuna AnaNa. ¹⁰ Toyo el wani An Bram Allah ngole hakhiya netu el barana poltonna. Toyo el jan wani barana Bram Allah lapdahaguku kbaliga toyo bolet orna toyo netu jan wani netu hakhiya epap wonna Bram Allah tutuna AnaNa. ¹¹ Mon, yiya didiyaka hakhiya netu: Bram Allah mengeka el barada yicca mopir bringi jewa, mon mopir netu enni el Anan. ¹² Ngarakehe toyo el engga Sang Anak engga mopir; ngarakehe toyo el jan engga An Bram Allah jan engga mopir. Yaya mengeka bmuk turohoyo tutuna yiyo el baramu epah wamu el ngaran An Bram Allah tanaka yoyo pengheni bahwa yoyo engga mopir bring jewa. ¹⁴ Mon, yiyo didiyaka keyakinan el enni el yicca el barana Diya, yaitu jika yicca mbakreiya papaguyak el mere pahben-Nya, Diya ronggoda yicca. ¹⁵ Mon, jika yicca ep penghini Diya bman ronggoda yicca, papanguyak epak kreija, yicca penghini bahwa yicca mengeka ep ngoleya permohonan epah yicca mengeka yicca kreiya walli omon Diya. ¹⁶ Neb enggoko toyo el iceya loledena bman pdahha doho el jan pdapongo el kematian, baiklah toyo netu krebaka, mon Bram Allah engdika wondana mopir el barana toyo el lapdahha doho el jan pdapongo kematian netu. Tap pdimoko, enni lahwuyo doho el jan pdapongo kematian; yaya jokpneghengo bahwa diya harus lak kliereng taguna doho netu. ¹⁷ Ngarakehe etujanghenenge didiyaka doho, tetapi ewedini doho el jan pdapongo kematian. ¹⁸ Yicca peghini bahwa ngarakehe toyo el dadi walli omon Lambram Allah jana pdahha doho, tetapi diya el dadi wal Lambram Allah al ndangini mon brapu bokol tan jatudukihi. ¹⁹ Yicca penghini bahwa yicca walli el Lambram Allah, mon ngarakehe pannu tana enni el lakwuahana ambrapu. ²⁰ Mon yicca penghini bahwa An Bram Allah emnik mon wondaka peghe yicca tanaka yicca ngole wani penghewani el nghenne; mon yicca ennda el barana Diya el ngenne, el barana AnaNa, Bram Yesus Kristus. Didiyaka Bram Allah al nghenne mon mopir bring jewa. ²¹ Anagu, pambroini poltommu walli el jan nghenne.