¹ Khardahabniki penak bokolon apamnowron epah wonna Bapa el barada yicca tanaka yicca atakweada an an Bram Allah, memang yicca an Bram Allah memdak. ornak anetu, pannu tana jan pengdak yicca ornak pannu tana jan pengniki Diya. ² lolede epamnowrung, henenne yicca an Bram Allah dak, tapdimoko mereko payak epah prahand yicca neme jan hundapong.Tapdimoko, yicca penghini bahwa neme Diya bman emin, yicca neme kbalingok Diya ornak yicca engdika iceya Diya eme poltopipanguna el hetopijana. ³ Ngarani toyo el engnga empahdapang yiyo el barada Kristus, diya laphingeroya poltomangwuana, merdniyaka Kristus bman suci. ⁴ Ngarani atoyo ellap plakuya doho waddi langgani hukum orna doho didiyaka langgani doho. ⁵ Yoyo penghini bahwa Kristus pakharaniki taguna hapuh wani doho, mon el barana Diya jango doho. ⁶ Ngarani toyo el doiyo el barana Diya in pdah doho; jango bmah toweawang ellap bman pdah doho el ngole iceya oto penghini Diya. ⁷ Anagu, apakloknamnik bmah toweawang el ngandigu el jan dahha. Toyo ellap plakuya el nghenne didiyaka atoyo el nghen, mereya Kristus el nghenne. ⁸ Toyo ellap pdahha doho walli omon lambrapu orna ambrapu mengeka bman pdah doho sejak hitu akwungena. An Bram Allah bman emin tanguna yiyo:mihialin papdahana ambrapu. ⁹ jango bmah toweawang el dadi walli lamBram Allah lapdahha indahha orna wini Bram Allah doiyo el poltona; mon diya jan pdahaka doho ornak diya mengeka bmab dadiya walli omon lamBram Allah. ¹⁰ Orhenyaka anetu, ngaraniki an Bram Allah mon ngaraniki an brapubiokol. Atoyo el jan plakuya el nghenne jan wali omon wal lamBram Allah, merwejokka toyo el jan pnowrin loledenna. ¹¹ Ornak,yiyo didiyaka yiya linnya epah mengemu ronggoya sejak hitu akwungena, yaitu yicca enggdika pamnowrung. ¹² Amerdnamoko Kain, el walli omon el jan dahha mon el lahmatiya arinna. Mon, pena Kain bman mhatiya arinna? ornak pdahana jan dahha mon arinna lappdaha el nghenne. ¹³ loledegu, amradango kalau pannu tana bman muhungngu. ¹⁴ Yicca peghini bahwa yicca mengeka bma plohoda walli omo matida pdapongo mopir orna yicca pnowrin loledend.Toyo el jan pnowrin loledena diya doiya el barana kematian. ¹⁵ ngarani atoyo el muhin loledena didiyaka toyo mhati olen, mon yoyo penghini bahwa jango to mhati olen el ngole mopir bringi jewa el poltonna. ¹⁶ hedonakanen yicca penghini pamnowrong: Bram Yesus Kristus mengeka bman pahraknik amopirono tanguna yicca. tanaka, yicca waddi harus pahrakweini amopiron tanguna aloleden yicca. ¹⁷ tapdimoko, apabila atoyo enggoko poten paannu tana, mon iceyak aloledena tengger butuh, mon altodimoko atina bara loledena netu, pewanak pamnowron Abram Allah enni el atina? ¹⁸ Anagu, mabika yicca mnowrin in wango pneghe pneghe atau lamma, melainkan wango hadna mon el ghenne. ¹⁹ wango yiyo, yicca penghini bahwa yicca wlli omoda el ghenne mon yicca engdika mondoni ati da el barana Bram Allah. ²⁰ ornaka, apabila atin yicca lapkaladak yicca, Bram Allah rehi bokolo walli ati nda yicca, mon Diya al pengh ngarakeheni. ²¹ bmuk loledgimmi epam nowrunggu, jika japhaldaka yicca, yicca enggoko keyakinan el barana Bram Allah. ²² Papaguyak epahgrenda, yicca himmbiaya walli Lambram Allah ornak yicca nomtoya apreteNa mon plakuya payak el lamghenenge el baraNa. ²³ Mon, yiyo didiyaka apreten Bram Allah, yaitu tanaka yicca wani el barana garana AnaNa, Bram Yesus Kristus, mon yicca enge pamnowrong wungo mere epah mengena Diya bman preten el barada yicca. ²⁴ Toyo el wani aprete Bram Allah al doiyo el barana Diya, mon Bram Allah al doiyo el barana diya, wango yiyo yicca penghini bahwa Bram Allah doiyo el barada yicca, oleh Roh epah wonna Bram Allah el barada yicca.