Tutna Pahewa ¹ Maha legeyakka, Ananaha na yelan nona hado manna halako nela kalingora Yudea hakitalngo lahabal loko Yordan. Ma dangay to kamma kahoha kapongin ne I wal. Hamera Kadomanna, ne I hanuwal nad he iwal. ² Maha legeyya, Toka Wohoka madad Dukin, mano tut Kabadan he iyo kapata dan," Hango kakya hawu naka ban pahewa dongan na ara wenna?" ³ Ananaha baleha nad," Apan ney Musa paha reha nagim labaram?" ⁴ Hatokda," Musa hangonna hawu naka ban rayngo hurata hewa ma ubna hewa dongan." ⁵ Tabolo idoka, Ananaha hatokna nela barada," Oro katuna atem, Musa tulhoya yina li preha labaram. ⁶ Tabolo idoka, kawunga kawo reya kadad to," Kamawol Kamaray pahaday he ika ban mo mawinne. ⁷ Oro ikyaka, hawu naka ban na yela nehod bapa mo inyana. ⁸ Mahe iyo dad hawu kabi dad.' Mane bahe nakka, he iyo jahil dukma dakka, tabolo hawuyka biyo. ⁹ Manenne, apan paha wu mowanna Kamawol Kamaray, abne kango kadad to kahe wayya." ¹⁰ Maha legeyya, nedalo la umma, Ana Hakodo Ana Halolena kapata pikdad nela Baranna tutna ne. ¹¹ Mane Iha tokna labarada," Garakan kapa hewa dongan na ara wenna molka jekel mawinne heka, pahada nan napalto nela bara ara wena. ¹² Mawinne pahewa dongan na layna, layngo kaban heka, ne iyo pahada nan napalto." Ananaha Hama Ringnad Hela Keda ¹³ Mahe i maronga dad hela keda moraha nela Ananaha tanam ne I kanna hajamey hela keda, tabolo he Ana Hakodo Ana Halolena he iyo haga dad. ¹⁴ Tabolo, na Ananaha na itey, Manna ban mahepa toknad he Ana Hakodo Ana Halolena," Halokod hela keda moraha kadda ma Labarag he i abum herkad orongo Naka Lingora Kamawol Kamaray dagdan heto kahengo hela iyo. ¹⁵ Yag tokya kahe pijango labaram, garakan jaka hibayya Kali Ngora Preha Kamawol Kamaray kahengo hawu nala keda, janna dadma tamman dalo." ¹⁶ Maha lege yaka, Ananaha yapiy hela keda, ne Ina hama ringid he iyo manna bojoloya Nalim Manna laba rada. To Pote Katula ran Dokun na Ananaha ¹⁷ Tongrona Ananaha pagona wunan Naha Lakona, hawuna to planan la Arona manna kawojo la Arona kapatango," Ha Bappa kadoha, apa nehon harayig kag kolengo morho jakaman dukango?" ¹⁸ Manena Ananaha hatokna Labaranna," Aba yo mam tokwa ya doha? Janek mango hawu akto kadoha, helengo Nakamawol Kamaray dag. ¹⁹ Yom tajay he lipa reha:" Abum hamatew, abum paltoka, abum kekka, abum kawohoka, abum matipka, takid wolda bapam mo inyam.'" ²⁰ Manena towal hatokna Labarana,"Ha Bappa, yag ray mowad heyo walbag bo moneho." ²¹ Tabollo na Ananaha naka durayya nena bo mone manna won manawarra labarana, hatoknan nela barana," Hawuhon kahedo hongo nela baram. Halakow malajad tangko hada hadagum, mawoy hela to milla, mayo kole nemun hapote nela hoylo. Ma ubum maw dokga Ya." ²² Tabollo heha newe duknenan maylla ate mane iyo mila nelnan orongo ne iyo nadag nengo hapote danga. ²³ Maha lege yakka, Ananaha hamatta ranan nela barana maha tokna nela Ana Hakodo Ana Halolena, " Namma yilla pija he i to pote no taman Naka Lingora Kamawol Kamaray!" ²⁴ He Ana Hakodo Ana Halolena bangara dad tutna nena Hanewena. Tabolo, Ananaha hatok pikna nela barada,"He lakeda, nama yilla pija notut taman Nakalingora Kamawol Kamaray! ²⁵ Nadad neho hawuna nakara bu tamma li lakka bonga kariho ubhe to pote tamma nola Kalingora Kamawol Kamaray." ²⁶ He Ana Hakodo Ana Halole reh bangara maha newe dadka iha-iha," Ma gara nehon paha dadda hatolkongo?" ²⁷ Ananaha naka duray hela iyo maha tokna," Baka dad toka ne janna dadma, tabolo jedo nekma tutna Kamawol Kamarat. Orongo, tangngana nadadne tutna Kamawol Kamaray." Wolna Dokun na Ananaha ²⁸ Petrus halege nan hanewe nela bara Ananaha, "Itekya, yamma uja kadka tangnga tangana bamma Dokug Yo!" ²⁹ Ananaha hatokna," Yag tokya kahe pijango nela baram, janek mango hawu akto ka ujakka mowan na umana, molka angwuna, lawin nena, inyanna, bapanna, molka anana ub mangona Orog Ya mono Lihanuwa, ³⁰ hena bahenna janna dadma hiba ngah wudango- he umada, lamoneda, lawineda, inyada, anada, mangoda, neme nama yilla kanemengo, morho jakaman dukango. ³¹ Tabolo idoka, dangay to ka ul mowa tabolo murneldad, moheka ulwal murneldad." Ananaha Hanewe Piknan tutna Matena ³² He iyo tongroda la larra ponedad la Yerusalem manena Ananaha halako nan nela aroda. Mahe iyo bangara dad, mahe towal oleda Dokun hanyo ngango kaboh. Ananaha maronga pinad hekabul dunga Ana Hakodo Ana Halolena, ne Iyo halege nan dulko dan hela iyo apan kadad nela Baranna, ³³ Hatokna, "Itekya, ne itango tongro ponedan atla Yerusalem manena Ana Kadad To wodan nela to taghanet bokolo mola To Pewwe Ukpata. He iyo haburdan Jalana dukngo mate madda Woyya hela to jaka Yahudingo. ³⁴ He ida Podya, Tarumya, Palya, moda Hama Teyya. Tabolo idoka, pojakka tol lodo, ne Iyo morhonan." Paha Oha nay Yakobus moy Yohanes ³⁵ Maha legeyya, Yakobus, Yohanes analnay Zebedeus, madad nela Ananaha maha tokda,"Ha Bappa, yama hakab atema Yom paha dayya tutut kamma yama apa apango nehaka remma." ³⁶ Ananaha hatokna nela barada, "Apan hakab atem Kagpa hadayya nela baram? ³⁷ He ipa tokda Labaranna," Halokon hawuna to walla jongama ngodo nela tabara Kawanam, ma ub naha wuwal latabarra Kalem, dalo lama Nadam." ³⁸ Tabolo idoka, Ananaha hatokna nela barada," Yom jam pewekman apan ne hakka rem. Dadkado Yom in walnela koba ha In Nehog monel ha iho wango paha iho nepaha iho Daga?" ³⁹ He ipa tokda Labarana," Yamma madag!" Maha legeyya, Ananaha hatok pikna nela barada," Pa Inug mu in pijan, mayom dapa ihom bada pa ihom ne paha iho Dagga. ⁴⁰ Tabolo idoka, ne ngodo la tabba raka Wanag molka nela taba raka Laka Leg, jadag Nekma Gun woya, tabolo noha do dagdan he i paha wona mowa." ⁴¹ Nebada rongo yaka, heka bulngo Ana Hakodo Ana Halolena bandad ka hey Yakobus moy Yohanes. ⁴² Dihona, Ananaha kamako nadka he iyo maha toknad nella barada, "Yom tajayya he iyo paha wonada kapa reha to jaka Yahudingo raydan mera kamang prehadad nela tut kada. He kapa rehada iyo wadan nali prehada nela barada. ⁴³ Tabolo, janna dad nekma nola jongam. Gobana, bagara kan kakab atengo dad bokolo nola jongam, nadad neho tagha netngo, ⁴⁴ garakan kakab atengo dadka wungango nola jongam, nadad neho to tagha netngo walno tangkohana. ⁴⁵ Orongo, Ana Kadad To domol namayo ja inekma hatul, tabolo tagngo hanetngo, manna woyya nalolo Ngahna opwad he dokjalada danga to." Ananaha Hatogahan Bartimeus ka Moro ⁴⁶ Maha legeyya, he iyo dukdad ka nela Yeriko. Pojaka na Ananaha banna yelan na Yeriko oled he Ana Hakodo Ana Halolena motto dangal, hawuna to moro kangarangoy Bartimeus, ana nay Timeus, tongro ngodo belenan lahing lara. ⁴⁷ Nebanna rongoya banen na Ananaha walla Nazaret, ne idomol halege nan kawullo, hatokna,"Ananaha, Ana nay Daud, manawarag ga ya!" ⁴⁸ Madangay to kajekan hawedeyya kadona. Tabolo, ne iyo reh widik hona kawulo,"Anay Daud, manawarag ga Ya!" ⁴⁹ Madukngo, na Ananaha ngahnan maha tokna,"Kamakon iyo.' Mahe idomol kamakon nena to moro maha tokna labaranna," Hadidarra kiya na atem! Dedew, ne I kamako nag." ⁵⁰ Halin naborna, nena to moro dedenan manna ma nela Ananaha. ⁵¹ Ananaha hatokna nela barana,"Apan yo hakab atem Kag Raygun nela baram?" Nena to moro balahana,"Ha Bappa, halokog ga kag itewa." ⁵² Maha tokna Ananaha nela baranna," Halakowka. Hatenam ikaha togahag." Walno mema, ne iyo kole habal nan ite, mane i domol doknan na Ananaha athalakon na lara.