Banna Taman Na Ananaha la Yerusalem Hamera nan Ngora To ¹ He Iba manar dukdad nela Yerusalem, labbarra Betfage mo Betania, nela Lete Zaitun, Ananaha he duyo Ana Hakodo Ana Halolena, ² maha toknad hela iyo," Halakom nela harona la arom, pojaka neyom bam taman, yom duknemin hawu na jara kabod kamma pingo, jaha kalete mema hoda to. Dola han nena jara ngod yaka. ³ Bane kango to kapatango labaram,' Aba yom bam rayin kahengo?', toknan,' Namor nengo hawa donga nan manna malewa raka habalin hena la.''' ⁴ Halege dad he iyo tobo kayya naha wuna kabod jara kama pingo nela binna, lahabal hodu, nela lara, ma dolaha dan. ⁵ Hawu du to kadede belle noha bal kapata dad hela iyo," Apan neha rayim bampa holayya nene jara?" ⁶ He iyo baleha dad hamera hatok mowanna Ananaha hela iyo, mahe toyo haloko dad he iyo halako. ⁷ Mahe iyo ngoddan nena jara labara Ananaha, bojoloy he borda nela pon jara, manena Ananaha ngodo nan latogo jara. ⁸ Dangay to haloka ray he i borda nela lara, mahe hawa deka wal haloka ray kamo ge hada hepama ngutda walla mango. ⁹ To danga kaha lako nela aro ka dokun kawulo dad," HOSANA! Daha maringin ne Iyo kamma wan nanga ranna Mor. Mazmur 118 :25-26 ¹⁰ Dama ringngo manna Kali ngora Preha nay Daud, nuh weikada ita! HOSANA, laha do kahoda madeta!" ¹¹ Maha lege yaka, Ananaha halakonan nela Yerusalem ma atun nela Umma Kamawol Kamaray. Pojaka banna itey he tangnga tangana kanengo nela baranna, ne Iyo halakol nan nela Betania oled he kabul du he Ana Hakodo Ana Halolena orongo nalodo aro nanka hudongo. Ananaha Pod nan na Punge Ara. ¹² Dela kango na tana, poja bada ujakan na Betania, Ananaha dukdan ka kareba. ¹³ Pojaka banna iteya naha wuna punge ara kamang rona walla diko ro, ne Iyo halako nan iteya baroga nekango ahango hato boka walnela pungena. Kole ne Iyo banna dukka nela pungena, ne I janek mango apa apa ango helengo ronna orongo jarah wukma hodad wu ara. ¹⁴ Orok nanka, Ananaha hatokna nela punge ara,"Abhil nekangka to kam mud wu walla baram koha ana muri ana muri." Mahe Ana Hakodo Ana Halolena rongoyya. Ananaha Halako nan Nela Uma Kamawol Kamaray ¹⁵ Mahe Iyo dukdad ka nela Yerusalem. Manena Ananaha tama nan nela Uma Kamawol Kamaray maha legenan wugay heto kadaga ngo nela Uma Kamawol Kamaray. Ne Ina nakabal nut nemed he katonga - katonga pahabal wada omaha mono katonga ngododa heto kadagan ngo rawa tana kaka, ¹⁶ mane Iyo hernad heto kangodiy ngawda palakan nena Uma Kamawol Kamaray. ¹⁷ Maha lege yaka, Ananaha hanuwa nad he iyo moha tokna," Janna matul hokma,' na Umag batok hedan uma doka wojodan tangko hanna to'? Tabolo idoka, yom hajel nelmin daddo hokdad to karebo." ¹⁸ Mahe to tagha net bokolo mo To Pewe Ukpata rongoyya mahe iyo mayega dad hadana aha nyina hama teya. Orongo, he iyo Kabohdan orongo heto danga bangara dan nena liha Nuwanna. ¹⁹ Kole bana aroka hudongo, Ananaha molka he Ana Hakodo Ana Halolena yelan nona harona hakar. Magkin Naha Tena nedalo Lakamawol Kamaray ²⁰ Hale geyya, kahudok nebada palaka, he iyo itedan na punge ara kama rokoto mowa duk laka lartona. ²¹ Petrus apenan maha tokna nela Ananaha,"Ha Bappa, itekya! Punge yay neha Kulrom maro kota mowaka!" ²² Mane baleha nad iyo, " Magkin naha tena nela Kamawol Kamaray. ²³ Yag tokgun kahe pijango nela baram, magba garakan kaha newe yila letena, 'Makeke taw moma weglow nela dalo labon,' maja nekmango dudalna nedalo la atena, tabolo hatenayya ba apan neha tokna na dadne, manene nadadne. ²⁴ Orok nanka, yag tokya nela baram, magba apakan neyo haka wojom mo haka rem, hatenakya neyom hiba mowa yaka, manene dawogun labaram. ²⁵ Neyom bam dedeka momka wojo, hawalikngo neyom bam bojo laka ahango nela iha to, tanam nena Bapam kanengo nela hoylol naha walgud he jalam. ²⁶ Tabolo, neyom bajam hawal kango, Bapam kanengo nela hoylol janna hawalik magud he jalam." Kapareha Yahudi Kapata dad Tutna Li Prehanna Ananaha ²⁷ Maha legeyya, he iyo ma pidad nela Yerusalem. Tongrona Ananaha halako nela Uma Doka Wojona Kamawol Kamaray, to tagha net bokolo, To Pewe Ukpata, toka tuda To Yahudi madad Labaranna. ²⁸ Mahepa tokda laba Ranna,"Gara li preha nan Neyo bam rayngo neka hengo, monel garan Kawog li preha tut rayngo neka hengo?" ^{30 29} Manena Ananaha hatokna labarana," Yag kapatan