¹ Maha legeyakka, Ananaha hatokna nela barada," Ya hanewegun kahe pijango labaram, hawu du to ned katong rongo dede hehena jaka dad mate dukhe i bada iteya Kalingora Preha Kamawol Kamaray mayo wan li prehana." Ananaha oled hey Musa moy Elia ² Nomo lodo la aro, Ananaha ode rayay Petrus, Yakobus moy Yohanes, mahe iyo nama ronga mehad lapon lete madeta. Dukngo, Ananaha hajelngo na matana nela aroda iyo. ³ Maheka Lebena hawingngo kawidaka mona kaka pijad. Janek mango katag hakakango kabba nela pontana dad hakaka heka hengo. ⁴ Halegeyya, hudanan nela aroda, Elia olen ney Musa, mahe iyo tongro hanewe donga dan na Ananaha. ⁵ Maha lege yaka, Petrus hanewen labara Ananaha," Ha Bapa, doha pija yama bane gamma yama hehena. Ne ita kada rayngo tolbu rabo, hawu Dagmun, hawu dagnaniy Musa maha hawu wal dagnaniy Elia." ⁶ Orongoy Petrus janna tajak mayakka apa nehon bale hana orongo he iyo tangkohada kabohdad. ⁷ Maha legeyya, hudda nan naka roba kapongid iyo, marongo danka naha wuna liyo kalohongo walnela karoba, Hatokna," Yi Idoka na Anag hamma Nawarag. Rongoya Ila!" ⁸ Walno mema, kole bada paho rango nela barada, he iyo jadda itekma apa ango he oleda iyo helengo na Ananaha. ⁹ Tongroda he i badda bur walla letena, Ananaha wo lipa reha nela barada abtok awaya magballa garakkan apan hepa ite mowada, dukngo na Ana Kadad To kodde walla jonga toka mate. ¹⁰ Manenne, he iyo daketen nena hanewe tut dagda hanyongan kapatan apan ihna kode walnela mate mowa. ¹¹ Lodongo, he iyo kapata dad nela Ananaha," Aba heto Pewe Ukpata madda tok hen Elia namma ul neho? ¹² Duk ngoka, Ananaha hanewenna nela barada,'" Elia namma ul memaho tut hamolin tangnga tangango. Ma aha nyina nekamma tulho tut Ana Kadad To ne Iyo namma yila neho tangango moda tere kayya? ¹³ Tabollo, Yag tokya labaram maney Elia bakne mowanka, mahe iyo jatakman wolna dokngo apan ne iyo hakab ateda, hengo kamma tulho tutna iyo." He Ana Hakodo Ana Halole Jadda Dadma Pahilpon Mortana Jadoha Walla Hawu To ¹⁴ Maha lege yakka, kole he Ananaha, Petrus, moy Yohanes bal nela Ana Hakodo Ana Halolena, he iyo itey mango joka to danga hela barada he Ana Hakodo Ana Halole, ¹⁵ Pojaka tangkohada hema ngojoka to iteya na Ananaha, he iyo hawing dad kadadaka mampa ladad Tobo Kayya. ¹⁶ Halege yakka, Ananaha kapata nad he iyo," Apan yom halum dongamid heto Pewe Ukpata?" ¹⁷ Hawuna to walhela kapong to balehanan Iyo," Ha Bapa, ya maronga gun na ana kabanig Labaram orongo ne iyo ponedan mortana manna kabonga. ¹⁸ Banna ponen mortana, ne ina batin nela tana mane ina lowango kawu raka walla wobana, manna kikoy ngodna, lodongo ne iyo dinguy witna. Yag karey he Ana Hakodo Ana Halolem wuagyya nena mortana, tabolo he iyo jadda dadma." ¹⁹ Manena Ananaha baleha nad maha tokna," Hee, to jaka hatena pijja! Pira hekpongo madenna Ya bag olegim yom? Pira hekpongo Ya bag engango olegim? Marongan neme nala keda Labarag!" ²⁰ Mahe iyo maronga dan nena lakeda nela Ananaha. Manena Mortana iteya na Ananaha, ne iyo hawing nan karuga rugahan nena lakeda. Nena lakeda kanad nela tanna manna haddu duka puglo lowango kawuraka. ²¹ Maha legeya, Ananaha kapata nan nela bapana nena lakeda, " Pirakka madenna yi banna hodu?" Balehana," Wal banna moraha. ²² Manena mortana walhe nakka wewya nedalo la ap mone dalo la we kanna mate. Tabolo idoka, Neyo bam dadka hatogahan, manawa rakgama yama motul kigama yama." ²³ Ananaha hatokna labarana," Yobam Dadkaw? Tangkoha kanna nadadne tutda he i kahatena." ²⁴ Nemema na bapana nena lakeda hunan manna hanguro,"Yag hatenawa! Tulkigan najaha tenag!" ²⁵ Kole na Ananaha itey dangana to kamma kapongin malewarra pija, ne Iyo hagagtonan nena mortana hatoknan labarana," Yo mortana jaha newe, katil, Yag prehaw yo lohongo walyi lala keda ma abum hil pone pikan!" ²⁶ Pojaka hama yikto manna kedo tepijan nena lakeda, manena mortana loho nan. Nena lakeda hamerakka dad toka mate madukngo heto danga hatokda,"Ne iyo matenan!" ²⁷ Tabollo idoka, Ananaha ketenan nalimanna nena lakeda manna hakodeya, manena lakeda dedenan. ²⁸ Kole banna tamaka nela uma na Ananaha, he Ana Hakodo Ana Halolena kapata Mehadan, "Aba yamma majamma dad wugayya?" ²⁹ Mane Iha tokna nela barada,"Yika hengo janna dadma lohongo helengo naka wojohe." Ananaha Hanewe Dulko Piknan tut Matena ³⁰ Wal nonno, Ananaha oled Ana Hakodo Ana Halolena halako dad modda palakan naka lingora Galilea. Mane I janna wawakma nengo to kata jayya. ³¹ Orongo, ne I tongrona hanuwad he Ana Hakodo Ana Halolena maha tokna nela barada,"Ana Kadad To legadan nela limadda kadad to, mahe iyo Hamatedan. Mapojakka ne Iyo hamateyya, tol lodo la aro ne iyo kodenan." ³² Tabolo idoka, he Ana Hakodo Ana Halolena jadda pewekman nena hanewe makka bohdad kapatango Labaranna. Halumdan tutna Garan Kareh Bokolo ³³ Lodongo, Ananaha mohe Ana Hakodo Ana Halolena dukdad nela Kapernaum. Mapojakka na Ananaha banen dalo la umma, ne Iyo kapatanad labarada,"Apan hadulkom neme la larra?" ³⁴ Tabollo idoka, he iyo kadona dad orongo nemme la larra he iyo halumdan iha-iha tutna bagaran kareh bokolo." ³⁵ Duk ngoka, Ananaha ngodonan manna kamakod hekabul du Ana Hakodo Ana Halolena. Mane Iha toknad labarada," Hawu nato banna kab atengo dad ka wungango, ne ina dad neho kahodda mur walhela tangkohada mona tagha netngo tut tangkohada." ³⁶ Maha legeyya, Ananaha loronan hawu lakeda moraha manna hawonan dedde nela jongada iyo. Manna yapya nena lakeda, ne Ipa tokna labarada, ³⁷ "Magba garakan kahibayya hawu nala keda moraha yika hengo dalo la Ngarag, ne iyo hibba nagga Ya. Mabba garakan ka hibawa Ya, ja hibak mannaga Ya, tabollo ne Iyo kaha wedewa Ya." To Kawu Gayya Namortana dalo la Ngarana Ananaha ³⁸ Yohanes patokna labara Ananaha, "Ha Bappa, yamma itey to kawugay hemortana wanna Ngaram, mayamma mahagan orongo ne iyo bajjanna dokda ita." ³⁹ Tabolo idoka, Ananaha hatokna,"Abum hagan orongo janek mango to kapa hadayya haray jaka moda wanna Ngarag, nadad walno mema pod naga Ya. ⁴⁰ Orongo, garan jaka gobadda ita, labara dan. ⁴¹ Orongo, Yag hanewen kahe pijango labaram, magba garakan kawog hawu tarobo we orongo yom kaha dokum la Ananaha, janna dadma halngo hadagna." Kaha Oro Tutna Dokjalla ⁴² " Magba garakan ka oron hawu walhe lala keda moraha kaha tena Labarag rayngo dokjala, nadoha neho natut dagna hawuna wat tanaga kabokolo batero nan lako konna mane ida wewya nedalo labon. ⁴³ Ba limma mun kaha oro yom wonaw dokjalla, kadorya nena limam. Nadoha neho natutum tamma nedalo la hoylo wango limma kadug, ub wango duga limma tamma nela lamma yilla, nedalo la ap jakka dad mema boda, ⁴⁴ haddo he udo lana jaka mate mema manna apna janna dad memakma boda. ⁴⁵ Mabba witkamun kaha oro yom wonaw dokjalla, kadorya nena witim. Nadoha neho nadagum tamma nedalo la morho wango wit kadug, ub wango duga wit dawewya nedalo lamma yilla, ⁴⁶ haddo he udo lana jakka mate mema mo apna jaka dad mema boda. ⁴⁷ Mahe matam ba ikay kaha oro bam kolengo dokjala, hikoyya nena matam. Nadoha neho hadagum tamma nedalo la Kalingora Kamawol Kamaray wango hawu matta ubwal neyo bam wango dubu mata dalegaw nedalo lamma yilla, ⁴⁸ haddo ka udo longo jaka dad mema mate moka apngo jaka dad mema boda. ⁴⁹ Orongo, tangana to pahol koda wango ap. ⁵⁰ Nena moh doha, tabolo nena moh banna bungaka namohna, aha nyik kamun yo bamdad hamoh habalya? Mangkingo moh dalo lapola to dagum ma doha dongakngo olem to."