¹ Mowalka, Maroba Yesus naka makodi ka kabulu dungo Anaha kodo halolena moka mana wodi kawaha mono Otoritas nola tangada wadi japata,mono jala tutu hatogaha kalawara. ² I Iyo naha wedeyi he iyo tutu bada talarani tutuna ha dona kama deta kama wolu kama rayi mono naha murahani. ³ Wene-na labarada he iyo, ''Abimu ngodi kawu apango noyo bamu halakowu, Abimu ngodi kawu toko, tas, roti, omaha, bajedoka lopo duyo bola kalebe. ⁴ Lagara uma widinani yomi hatamami, engamla noha bali koha yomi halako wali laha doyo nene, ⁵ Moba he iyo kaja wawa hibami Yomi,yelanika nena harona mono kobahayi kobuko walila witimu kahengo paha apedadi he iyo.'' ⁶ Mowalka daha lakoka la heyo anaha kodo mono dama wali woleta la tangana na deha mono da Todo talarani na lina mono daha togaha tangada toyo kalawara la giyo-giyo. NA BONGORA HERODES TUTUNA MAROBA YESUS ⁷ Herodes, kapalani nena loda pada, na rongoya tutuna tanga kohana neka dadi ka tongrongo neka dadibe mono iyo na bongora oronani kapirango toyo kaha dukini bai Yohanes pembaptis ka koleha kode walila jonga toyo Mate, ⁸ Mono nejala hawadeka daha newe bai Elia kakoleha huda habali, mono neyo jaladi kaha newe ba diha wuyo toyo walila Nabi ka morho ne Ulhongo ka koleha kode. ⁹ Herodes nahanewe, ''Yayo koleha gu woka benani naka Tokunai Yohanes. moka, bagara kani na toyo rongogu tutuna kahenengo yiyo?'' Mokai Herodes nahoda behinguni tutuna Tobo kaya Maroba Yesus. HA MUYO TUTU LIMA RATA TOYO ¹⁰ koleha heyo anaha kodona da bali, he iyo bada tokiya labarana Maroba Yesus tutu tangana diha wuyo hakoleha he iyo harayida mono Iyo da lekoya he iyo tutu bana meha la diha wuyo ha rona ka ngarangoi Betsaida. ¹¹ Tabolo, toyo danga katajaya neka dadi mono he iyo widi da dokuni. moka, moba tobo kayi he iyo, Maroba Yesus naha dukini labarada he iyo tutu hadona kama jaga kama wolu kama rayi mono jala he iyo da kabu atengo Togaha. ¹² Koleha na lodo hodimo bana hudongo, kabulu dungo anaha kodo halolena Maroba Yesus na mayo labarana mono naha newe ''Hawedeyila tangada toyo nene halako la tangana harona mono la deha laha barana yiyo tutu mayegango hadoyo mono hamuyo oronani yiyo ida ba neda laha doyo ka hoda maraha.'' ¹³ Tabolo, Maroba Yesus naha newe labarada he iyo, ''Yomila kamu wodi he iyo hamuda.'' kada balehaya tangada anaha kodo halole-da ''Yama hadagu hema limada roti mono duyo iya, Helena ba neka yama bama halako lokahi hamuyo tutu tanga kohana toyo yiyo.'' ¹⁴ Noha bali nedi lima ratada toyo kabani. Maroba Yesus naha newe labara Anaha kodo halolena, ''Hawedeyila he iyo kada ngodo hada iha mariwa tadi katutu lima kabulu toyo iha mariwa.'' ¹⁵ Moka, he iyo da rayini mono bada dokuni Maroba Yesus paha rehana mono daha wedeyi tanga kohada nene toyo bada ngodo. ¹⁶ Moka, Maroba Yesus na dekeyi lima roti mono duyo iya nene nata ngara lalangto,mona hamaringiyi, mona hibi-hibiyi mono nawodi heyo anaha kodona tanam he iyo kada muyo labara toyo danga. ¹⁷ Mono,he iyo tangada da muyo koha bada bohu. Mowalka,tangada karehi hatipkoda roti ha kohada nedi kabulu duyo Keranjang kabonungo. PETRUS NAMA NGAKUNI MAROBA YESUS BA IDOKALA KRISTUS ¹⁸ Nengo hadaka, kole Maroba Yesus tongrona kawojo kataba meha, Tangada anaha kodo halole-na hama ronga donga-na. Moka, Iyo naka patango labarada he iyo, ''Bagaraga yayo yiyo badokuni toyo danga?'' ¹⁹ Da balehaya he iyo, ''Yohanes Pembaptis, hawadeka datokiyai Elia, mono hawadeka wali datokiya yoyo idokala diha wuyo walila tangada nabi neka ulhona ka kode habali.'' ²⁰ Mowalka, Maroba Yesus naha newe labarada he iyo, ''Nemo, ba dokukagu, bagaraga yayo yiyo?'' Nabalehaya Petrus, ''Yoyo idokalai Kristus kawalila Kama wolu kama rayi.'' ²¹ Tabolo enga, Maroba Yesus naha apedani he iyo mono kalangtaka mono da parehayi He iyo tutu jada tokiya bagara widini tutu neka dadi yiyo. Maroba Yesus natokiya na Mate-na ²² Mowalka Maroba Yesus naha newe, ''Kadadi toyo nama yila neho Dangayi kadadi mono daha tulara wuda tangada betoyo tangada Rato kapala, mono Tangada ahli Taurat, moka Daha mateya mono daha kodeya neba tolu lodona.'' ²³ Maroba Yesus naha newe labarada he iyo tangada, ''Neba didiha toyo kabengo dokuga Yayo, iyo naka bali wuyo dagu nehona, mono ka detoya nayayu paka delona diha lodo,mono kadokuga yayo. ²⁴ Tabolo, bagarani ka urhaya hamorhaya na lolo ngahu engana na bunga na lolo ngahuna. enga tabolo,bagarani kabunga lolo ngahuna oro yayo,iya enga naha morhaya. ²⁵ Apani ha utuna Neba didiha toyo ka koleni naponu tana, tabolo Mate ba jedokaya na halingo na lolo ngahu daguna? ²⁶ Labara toyo Ka podango moke oro Yayo mono ha toki-gu, Kadadi Toyo engana moke bana mangakuni nena toyo ka nemengo nola kemuliaan-nya mono kemuliaan Bapa-na mono heyo Malaikat ka tengngo. ²⁷ Yayo gutokiya kaheyo hijango labaramu, nedi kapirango toyo la Jongami ka dede yiyo ka enga kaja Mate kaja ite hoya Naha dona kama jaga kama wolu kama rayi.'' MAROBA YESUS NAMA RONGANI MUSA MONOI ELIA ²⁸ Batani katutuna ,podo pato Lodona bana koleha poja Maroba Yesus bana ha dukini na liyo hanuwa-na nene, Iyo nalekoyi Petrus, Yohanes, monoi Yakobus pone la letena tutu kawojo kataba. ²⁹ Kolehe Maroba Yesus tongrona kawojo kataba,hada mata-na naha jelungo mono kalebe-na nadadi kaka magilata. ³⁰ Mowalka,Mono nedi toyo kadungo katongrongo ha newe donga-ni Kadungo toyo nene idoyikai Musa monoi Elia, ³¹ kaha tingo wungo nola kemuliaan mono naha newe tutu na Matena Maroba Yesus ka enga namalewara bana hatutungo nola Yerusalem. ³² Neba neho nena,Petrus mono tangada olena tongroda bada kawahani nona majuru Mata kabutu,tabolo kolehe he iyo bada poda tepija, he iyo da iteya kama nadangola Maroba Yesus mono kadungo toyo kadede maronga dongani Iyo. ³³ Kolei Musa monoi Elia engada ujakadi Maroba Yesus, Petrus naha newe, ''Guru, dohadoka kada engo yiyo.Yama engama hadede Tolu buyo kareka(Kemah), Hawuyo tutu-mu hawuyo tutunai Musa, mono hawuyo tutunai Elia,''tabolo engai, Petrus jana tajakmaya apani nene hatoki. ³⁴ Kolehe Petrus tongrongo Bana tokiya neka dadi, nemenika naka roba bana hamawodi he iyo Mokai Petrus, Yohanes, monoi Yakobus mono daka bohi kole he iyo bada tama nolaka roba nene. ³⁵ Mowalka, darongoya na liyo walila awango nene, ''yiyola na ana-gu, idokala hapedegu rongoyala Iyo.'' ³⁶ Koleha nena liyo bana kadona, Maroba Yesus bada dukini meha kina.He iyo daka bunyini mono jana tokikmaya la diha wuyo toyo neka hengo lodona nene tutu apani hakole he iyo ha iteda. Diha wuyo toyo Lakeda kabani Paha hoilada walila wadi japata ³⁷ Bana delakango natana, kolehe he iyo bada buru walila letena,iha yowu bokola toy danga kamayo labarana Maroba Yesus. ³⁸ Didiha toyo kawali la toyo danga nene daka wulo, ''Guru, yayo guka raiya labaramu, Lo eloganila na anagu tabolo iyo Idokala na anagu Kaha wukingo. ³⁹ Pahoranla, neni nawadi kakawahaya mono nene naha Wingingo bana kawulo-wulo. Nena wadi jala na kunya-kunya kani moka wobana naka wurakango, Nena wadi naha kitango bana hahoduni mono jana wawakma bana yelani. ⁴⁰ Yayo koleha gurainoni labara tangada anaha kodo-halolemu tutu bada wugaya,tabolo he iyo jana dadikma bada rayini.'' ⁴¹ Nabaleha Maroba Yesus, ''Ta, yomi kaka bodi kaja hatena Mono kajolora! Pira hewalna yayo Bagu engengo bagu olegu mono bagu maloyawa labarami yomi? Ngodiya na anamu neme.'' ⁴² Koleha nala keda nene tongrona bana dohekaya labarana Maroba Yesus, nena wadi japata napobahani latana mono na kuka-kukahani. Tobolo engana, Maroba Yesus naha gagtoya nena wadi kaja tidango, naha togahaya nala keda kabani nene, moka naha balini labarana Bapana. Maroba Yesus na tokiya natutu Mate-na ⁴³ Tangana toyo da podani na ka dadako nola kawahana kama wolu kama rayi, tabolo kolehe he iyo moka nene da banga-bangara nela aro tanga kohana kadadi harayina Maroba Yesus, Iyo naha newe labara tangada anahakodo-halolena, ⁴⁴ ''Rongo hadohayala neha Tokigu yiyo kadoha-doha; Kadadi toyo engada woya la limana kadadi toyo.'' ⁴⁵ Tabolo enga, heyo anaha kodona jada pewekmani neha kabu ateda nena ha newe nene mono neka dadi nene kakabunyi tutu he iyo moka he iyo jada pewekmani. Mono, he iyo daka bohi kapatani labarana Maroba Yesus tutu ihina nena hanewe. Bagarani paha uluda? ⁴⁶ Kole nehona,diha wuyo bada habarengo noka dadi la jonga tangada anahakodo-halolena Maroba yesus tutu bagarani paha ulu nola jongada he iyo. ⁴⁷ Tabolo enga, Maroba Yesus natajayi paha ngada ateda he iyo, moka Iyo na dekeya naha wuyo nala keda maraha mono na lekoya dede la tidi-na. ⁴⁸ Moka, Iyo naha newe labarada tangana Anahakodo-halolena, ''Diha toyo kahibaya nala keda maraha yiyo Nola ngara-gu, iyo nahibawa yayo. Mono,bagarani kahibawa, iyo jala Kahibaya Iyo kaha wedewa yayo. tabolo, kanehingo Kaha poda la jongami yomi, idokala ka ulu.'' Goba kaha mera ⁴⁹ Yohanes nabalehaya mononaha newe, ''Guru, Yama ma iteya diha wuyo toyo kawugaya nawadi japata nawani nangaramu mono Yama ma usahaya bama hangahuya oronani iyo jana tamakma lakangoteda ida.'' ⁵⁰ Tabolo engai Maroba Yesus naha newe labarada, ''Abimuha ngahukaya oronani bagara widini ka turagu, iyo ka ole hagobamu.'' Maroba Yesus Jada hibakmaya La samaria ⁵¹ Kole rahina bana dogeta tutuna Maroba Yesus tutu ha dedonani, Iyo naha modoni na atena tutu ha lako la Yerusalem. ⁵² Iyo naha wedeyi kapirango paha ulu-na. moka,Tangada paha wedena nene daha lako mono da tama la iha wuyo deha nola ha doyo Samaria tutu hagonango tangana diha wuyo nene tutna Iyo. ⁵³ Tabolo, tangada toyo laha doyo nene tutu jada hibakmaya na Maroba yesus Oronani Iyo ba tongrona aro laha Rona Yerusalem. ⁵⁴ Kole tangada anaha kodo-halolena Maroba Yesus, neyo Yakobus,monoi Yohanes,bada iteya neka dadi yiyo, he iyo daha newe, ''Mori,Ahani yoyo mami begama yama tutu harehaya na Api kana buru wali la langto mono kaha koradi he iyo?'' ⁵⁵ Tabolo,Maroba Yesus na gila Kango laka bedona mono naka wulodi he iyo . ⁵⁶ Moka. Maroba Yesus mono tangada anaha kodo -halolena daha lako la deha hawadeka. Karabango tutu anaha kodo Maroba Yesus ⁵⁷ Kolehe he iyo tongroda bada ha lako , neni dihati toyo naha newe labara Maroba Yesus, "Yayo engagu bagu dokugu Yoyo lagiyo yoyo Doha lakomu." ⁵⁸ Maroba Yesus jala naha newe labarana, "Rubah Nengo kalena tutu ha doyo engana mono tangada kawurngo nola langto nengo hokna. tabolo enga, kadadi toyo Janekmango ha dona tutu bana ngahu." ⁵⁹ Maroba Yesus naha newe Labarana la toyo hawadeka, "Dokugala Yayo!" Tabolo enga,nena Toyo naha newe, "Mori,ha lokokiga Yayo halako mono kagum tano uluni na Bapagu." ⁶⁰ Tabolo enga, Maroba Yesus naha newe labarana, "jekadala toyo mate kada tanongo toyo kamate he iyo, tabolo yomi halako nehomi mono kami talarani tutu Kerajaan kama wolu kama rayi." ⁶¹ Mono, neni diha toyo wali kaha newe, "Yayo engagu dokugu yoyo, Mori, tabolo halokoga kagu ha Nayo uluyi heyo Olebegu." ⁶² Maroba Yesus naha newe Labarada, "Jenekmango diha wuyo toyo jala ka koleha taya na limana nela bajak,tabolo Nehongo kagilaka laka bedona,ka doha tutu hadona Kama jaga na kamawolu kama rayi."