Mawinne-Mawinne Katulluni Maroba Yesus ¹ Delaka ngo tana, Maroba Yesus nahalko mawoleta la harona-harona mono kalingo-lingora tonam kapadukkini mono tokya li'ina Kerajaan Maroba Allah. Kabullu dungo rasul nedi damaronga-Ni, ² Hejalango kapirrango mawinne habodalongaha togahana Maroba Yesus wali la ngaradukkada wad-wad katengngo mono la tangada ngaradukka kalawara.La jongada neni Maria, Magdalena haweda, paha hoilana Maroba Yesus walla pittu wad japata. ³ Newidinni Yohana arawenai Khuza kaketenad omahanai Herodes, Susana, mono dangajalapoyi mawinne heka kawango hapote daguda paduhhawada-Ni. ⁴ Kolehe danga toyo kama koha mono tangada toyo walila tangada harona kamayo labarana Maroba Yesus, Iyo naha newe labarada he iyo mono dihati wuyo Lihat tuja: ⁵ "Dihati wuyo toyo lamango naha lako hobarango wini.kolehengo iyo bana hobarango,neni naha wadeka kaka nadu la hingu lara mono da deke-dekedi,monoda mudi tangada kawurungo la langta. ⁶ Naha wadeka wali nakal nadu nola kaha watungo,mono kolehe na wini nene na buklo,nena wini nama rokoto oronani janekmango waiyo. ⁷ Naha wadeka wali naka nadu laha duyo-duyo jonga tara mono na buklo maronga dongani Mono nena robot ta nakal pikhaya. ⁸ Karehi na wini naha wadeka nakal nadu la tana kaka doka mono na buklo Moka mana dadi mono ngahu haduyo walekaya Dangana."koleha Bana haduka na lihawuyo hatuja nene Maroba Yesus naka wulo, "Iyo kamangu katiluna natutu Rongo,halekaya Kana rongo ha Dohaka." ⁹ Kolehe nene, Tangada anaha kodong halolena Maroba Yesus naka patango labara-na tutu artina naliyo wuyo hatuja nene. ¹⁰ Iyo naha newe, "Labaramu natokiya rahasia Lahan dona kama deta kama wolu kama rayi,tabolo labara toyo hawadeka da tokiya nola liyo wuyo hatuja tanam, Hadaka widingo pahorango, he iyo jada itekma, mono Hadaka widingo bada rongo he iyo jada pewekmani PAHA HIWURANA MAROBA YESUS TUTU LIYO WUYO HA TUJA NA WINI ¹¹ Idokala na ihina na liyo Wuyo Hatuja nene: "Na wini nene idokala na lina kama wolu kama rayi. ¹² Na wini kaka nadu hingu lara nene idokala He iyo ka rongoya na lina kama wolu kama rayi. Mowalka,nemeni kana pajode mono nadekeya nena liyo walila Ateda he iyo tanam he iyo abi daha tena nola bada hahoilai ¹³ Wini kaka nadu la ponu tana kahayang watungo idokala Tangana toyo karongoya na lina Kama wolu kama rayi mono kahibaya mono ege ate tabolo jana kalartokma. He iyo hatenada Hodipeni,tabolo kapitongo ba nemeni, he iyo Dama lewara bada kabali walilai kama wolu kama rayi. ¹⁴ Wini kaka nadu la jonga tara Idokala na tangana toyo karongoya na lina kama wolu kama rayi, tabolo tongroda he iyo bada buklo he iyo daka pikhoya bada tayi la paha ngada,hapoteda, mono kadoha Morhana moka he iyo jana dadikma bana wuyo kama daha. ¹⁵ Moka nawini kanadu latana kaka doka nene Idokala tangana toyo karongoya na lina kama wolu kama rayi mono ka bojolaya nola Atena ka lurho mono ka doha, mono kawuyo noyo dalo bana hakidiwuna." HATINGONI NAMA GAKAHAMU ¹⁶ ''Janekmango diha wuyo toyo widi ka koleha ka Haderko ya na Api Waiyo,mowalka katodi wani mono Gantang ba jedokaya na taya newawa lakabu hadoyo majuru. Neka doha,iyo enga na taya nena api weiyo noyo deta la doka Api weiyo tanam toyo katama nodalo la uma kada ite magahana. ¹⁷ Tabolo,janekmango neka dadi kabunyi enga janekmango paha Dedoda, mono janekmango haka bunyi enga jaha tokida mono da ngodiya labarada Kama gakaha. ¹⁸ Oronani nene, hamataranila ba Anyina yomi bami rongoya oro garani ka daguni Engada woni karehi danga wali.tabolo enga, Garani kaja mangu daguna, walila barana engana nadekeya, lopo jala apani ha Iyo bana tani katutu hadaguna.'' OLEBENA MAROBA YESUS KA HEYO HIJA NGO ¹⁹ Moka, Inyana mono tangana olebena Maroba Yesus kamayo toboka-ya tabolo he iyo jana dadikma bada dohekaya oronani bada kilorani toyo. ²⁰ Moka, datoki nani labarana, ''Inyamu mono tangada Olebe-mu tongroda dede laha bali hodu,he iyo daka madigu hatoboka dongagu Yoyo.'' ²¹ Tabolo enga, na Maroba Yesus he iyo, ''Inyagu mono tangada olebegu He iyo karongogani na lina kama wolu kama rayi mono karayini.'' MAROBA YESUS KAHA KAHA NAWAYA NAPA RINGI KAPOTE ²² Nengo diha lodo, Maroba Yesus napone nola tena oledi tangada anaha kodo-haloleda mono Iyo naha newe labarada he iyo, ''Mada ida kada pala lahingi hoba yiyo.'' Moka daha lakoka he iyo bada pala. ²³ Nemo bada, koleha bada halakoka, Maroba Yesus nama juru. Moka, naha upyaka naparingi Warata lahoba nene mono natenada he iyo natamani waiyo moka he iyo nodila haduyo mayila. ²⁴ Mowalka heyo anaha kodona da mayo labarana Maroba Yesus mono daha kodeya tongroda bada ha newe, ''Guru.Ida engada liyo loko.'' Moka, Maroba Yesus wido nakode mono naka jakani paringi warata kaha ngalungngo nene.Paringi warata nene widi na ngahu mono na hoba nene mona dadi bana kadona. ²⁵ Mono, Iyo naha newe labarada he iyo, ''Genika naha tenamu.'' he iyo nadadi bada kabohi mono dabangara Moba bada hanewe labarada heyo hawadeka, ''Bagarani yiyo na Toyo.Iyo lopo da woni pareha labarana paringi mono waiyo, mono he iyo da dokuni.'' DIHA WUYO TOYO GERASA PAHA HOILADA WALILA WADI JAPATA ²⁶ Moka da dukila Maroba Yesus mono tangada anaha kodo-halolena laha doyo toyo Gerasa,noha bali la Galilea. ²⁷ Neho nena Maroba Yesus bana buru latana punge, iyo natobo kaya diha wuyo toyo kabani walila laha rona nene hatamada tangada wadi japata.nena Toyo kole madekalaya bajana tayo kalebe mono jana engak mango la umana, mono neneya la rate . ²⁸ Kolehe nena toyo bana iteya na Maroba Yesus iyo naka wulo mono naka huglo la arona Mono na lina naha wodini iyo naha newe, ''Apani ha urha muga lajongana Yoyo mono Yayo, ta Maroba Yesus Anana kama wolu kama rayi ka hoda madeta . Yayo guka raiya labara-mu,Abimu hamayila kawa yayi.'' ²⁹ Neka dadi nene ka koleha dadi oronani Maroba Yesus bana parehayi wadi japata nene lohongo walila nena toyo.nena mori tana wali hena bana kubo-kubolayi heyo toyo moka iyo da kogayi mono da bolgol,mono da jaga toyo,kole hengo iyo da koledi pohotayi koga bohi mono da ngodiyi heyo mori tana da ngodiyi la tangada hadoyo kaka hika. ³⁰ Mowalka ,Maroba Yesus naka patani labarana nena toyo, ''Garagu ngaramu.'' nabaleha nena toyo, ''Legion''oronani nedi kadangayi mori tana katamani. ³¹ Tangada mori tana nene daka raiya labarana moka iyo Abi naparehayi he iyo tutu halako laka rowaka mate. ³² Laha doyo nene, nedi kaha ole wayi bokola ka tongrongo mayegango ha muyo nola letena. Tangada mori tana nene daka raiya labarana Maroba Yesus tutuna bada jedi heyo iyo bada tama la ole wayida nene, mono Maroba Yesus bana halokodi he iyo. ³³ Moka, tangada mori tana nene da lohongo walila nena toyo mono da tama nola tangada wayi,moka oleda nena wayi dapa layika bada buru laka rapeha letena da bongora da arola hoba mono da bulo. ³⁴ Koleha heyo kajawa wayi da iteyi, he iyo da palayo dagu mono da tokiya neka dadi nene laha rona mono la rona habarana. ³⁵ Moka, toyo danga mayo tutu ka iteya ba apani ka dadi.he iyo da mayo labarana Maroba Yesus mono da koledi toyo ka koleha paha hoila walila tangada mori tana nene ka tongrongo ngodo labara witina Maroba Yesus,koleha manguka lebeda, mono kolena hiwurayi paha ngadada. Neka dadi yiyo da rayingo paka bohi donga. ³⁶ Moka ka iteya neka dadi yiyo da tokiya labara toyo heka Ba anyida toyo hatamada wadi mori tana nene bada hatogahayi. ³⁷ Moka, tanga kohada toyo ka engango laha doyo ha bara Gerasa daka raiya Maroba Yesus tutuna bana ujakadi he iyo tabolo he iyo bada hokeladi oro kabohi ka langtaka.oronani nene Maroba Yesus na pone la tena mono na bali la Galilea. ³⁸ Tabolo enga, toyo ka koleha hoila walila tangada mori tana nene daka raiya labarana Maroba Yesus tonom iyo kana dadi bana maronga dongadi Monoi Maroba Yesus.Tabolo, Maroba Yesus naha wedeyi ha lako,wenena , ³⁹ ''Baliwula la umamu mono kamu tokiya tanagana ka dadi bokola ha koleha kama wolu kama rayi harayi nagu tutumu.'' nena Toyo widi naha lako la tangana na ngora harona mono natokiya ahani hakole Maroba Yesus harayina tutuna. ANANAI YAIRUS DAHA KODEYA MONO DIHA WUYO NAMA WINE PAHA TOGAHANA ⁴⁰ Kolehengo Maroba Yesus na bali la Galilea, toyo danga katoboka-ya oronani he iyo tanga koha koleha bada harema. ⁴¹ Nono neni diha wuyo toyo ka ngarangoi Yairus kamayo labara-na, iyo idokala naha wuyo toyo kapala Sinagoge. Mono naka wojo Kataba la koko witina Maroba Yesus, Yairus naka raiya Tanam Iyo ka na mayo la umana ⁴² Oronani iyo Kanengo diha wuyo mawine kanaha ba tani katutu Kabulu duyo dona, mono Nena lakeda hodimo bana Mate. Mono, koleha Maroba Yesus na Aro neha bali,toyo toyo danga kaha Ngoto-ngotyi noyo bada Woleta-ni. ⁴³ Noyo neni diha wuyo namawine ka kole Mayila kalawara Barutoya nabuto Kahengo madena Kabulu duyo doyo,mono jenekmango toyo Kaha togahaya. ⁴⁴ Nena Mawine na dohe kaya Maroba Yesus wali laka bedona mono najojanani nahupu kalebena, moka kole jala nene Narutona na Rota. ⁴⁵ Moka, Maroba Yesus Naha newe, ''Garani ka joja-wa.'' Oronani Tanga kohana toyo kaka balli Petrus naha newe, ''Guru, toyo danga kama koha Ka kilora-gu mono daha ngoto-ngoto-wu.'' ⁴⁶ Tabolo enga Maroba Yesus, ''Diha -diha toyo Kajojawa oronani Yayo gupodani ba Neni naka kawahana ka lohongo wali labara-gu.'' ⁴⁷ Kolehe nena Mawine na iteya neba iyo kaja kabunyi wuna, iyo namayo labarana Maroba Yesus Mono naka redi mono naka wojo La aro-na. la arona tanga kohada toyo,iyo natokiya aba iyo mana jojaya Maroba Yesus,mono ba anyina iyo mono bana hatogahaya. ⁴⁸ Mowalka, Maroba Yesus naha newe labarana, ''Ana-gu,hatenamu kole bana hatogahawu.halakowula nola kamoli kamokora.'' ⁴⁹ Kolehe Maroba Yesus tongroda hanewe, Didiha toyo kawali la umana Kapala Sinagoge nene kamayo mono naha newe labarai Yairus, ''Ana mawinemu koleha Mate. abimuha gigara kayai Guru.'' ⁵⁰ Tabolo enga, na rongoya nene kadadi Maroba Yesus naha newe labaranai Yairus, ''Abimu kabohi kawu.Hatena kadowu mono anamu engana Morha.'' ⁵¹ Kolehe Maroba Yesus na duki la umanai Yairus,Iyo jana wawakma bagara widini katama maronga-ni Heleni Petrus,Yohanes, Yakobus,mono Bapana mono inyana nena lakeda. ⁵² Tanga kohada toyo da huyo mono daka loluni nala keda Mawine, tabolo Maroba Yesus naha newe, ''Abimu hukawu iyo jana matekma tabolo majurunani.'' ⁵³ Toyo danga nene kamaktoni oronani he iyo da Tajaya nena lakeda mawine koleha Mate. ⁵⁴ Tabolo enga,Maroba Yesus na ketenani na limana nena lakeda mono naka wuloni, ''Kodewuka ana!'' ⁵⁵ Moka,na balika na wadina nena lakeda mono kole nejala iyo bana dede. Moka MNaroba Yesus na parehayi mono nena lakeda kada woni nene tutu bana muyo. ⁵⁶ Kadungo toyo katuna nena la keda daka huglo, tabolo Maroba Yesus na heridi he iyo tutu bana tokiya lagara widini tutu apani neke dadi.