Maroba Yesus Napatogaha hawuyo toyyo ana pahawedena Perwira ¹ Kolehai Maroba Yesus bana pojja tangada patoki-Na la aro to'o danga, ma da tama la Kapernaum. ² Noha bali, neni naha wuyo toyo Perwira Romawi kamangu Atana paha akana. nena Atana tongrona hodu buto hodikmo bana mate. ³ Kolehengo nena Perwira bana rongoya tutna na Maroba Yesus, iyo naha wedeyi ka pirango betoyo-betoyo Yahudi da lotobokaya Maroba Yesus mono daka raiya Iyo mayo tutu hatogahaya nena Atana.'' ⁴ Neba tangada toyo da mayo labarana Maroba Yesus, he iyo kaheyo hija-hija nani bada karaiya labara-na Weneda he iyo ''Toyo yiyo iyo kadadi kolengo nama tulu-mu, ⁵ Tabolo iyo kamanawarango tangana toyo laha gala ponu tanada ida mono idokala kaha kodeya na sinagoge tutda ida.'' ⁶ Nahalako Maroba Yesus na oledi. kole bana doheka labara ummana nana Perwira, nana perwira nahawede kapirrango olena tonam kada wedda labarana Maroba Yesus, "Mori, abum pamayillawukamu la tuttugu orongo janna tutmango bagu hiba-Wu la ummagu. ⁷ oronanka nana, ya dagu gupodawungo bajagu tutngo bagu mawa labaraMu. Taidoyaka, tokijalakmoyaka hawuyo dobuyo, moka natoggu na togaha. ⁸ Orongo, ya jala toyyo pahawedewa hittu pahawededa prajurit-prajurit.Bawekagu labarada lahawuyo Prajurit, 'halakowla!', mana halako. bawekagu labarada prajurit hawadeka, 'Mamlah!', iyaka madama. Mono, bawekagu labara atagu, 'rayini yila', ata jalagu na rayini." ⁹ Bana rongoka Maroba Yesus tutna nana, Na bangara nalai perwira Romawi. mono nagillaka labarada toyo danga kadoku-Ni, Ma wenena, "Weneg patokigu labaramu, moloho labara to'o Israel jalla Yayo jagu kali toboko nekmawa patena kabokolo hengo." ¹⁰ He dihha kabokela pahawede labarana Maroba Yesus bada bali la umma Perwira, da dukini na atana na togahaka. Anana Mawinne Balu Pahakodde ¹¹ Nebana delakangona tana,na Maroba Yesus naha lako la diha wuyo ha rona ka ngarangoi Nain bana marongadi Anaha kodona mono diha halako Toyo kadanga ka dokuni Iyo. ¹² Kolehengo iyo bana dohekaya na bina bokola laha rona, Neni naka rogona diha wuyo toyo kabani paha lohoda la bali hodu. Nena toyo ka mate idokala na Ana kanahana naha inya kama wine balu.mono, nedi kadanga toyo kawali laha Rona nene kama ronga dongani nena mawine. ¹³ Kolehengoi Mori bana iteya nena mawine, Mori nawoya na liyo manawarana Labarana mono naha newe, ''Abim hukawu.'' ¹⁴ Mowalka, iyo na doha kaya mono na jojaya nena karogona. Tangada toyo katudaya nena karogo mono da dede.moka,na Maroba Yesus naha newe , ''Ta lakeda bomone,yayo guha newewa labaramu, Kodewuka.'' ¹⁵ Mowalka,nena toyo wanana ka mate nangodo mono naha neweka mono, Maroba Yesus naha balini labara Inyana. ¹⁶ Tangada toyo ka iteya neka dadi mono daka bohi moka da hadi dekaya na kama wolu kama rayi mono daha newe ''Diha wuyo toyo Rato bokolo kole na hudaka la jongada ida'' mono''kama wolu kama rayi koleha naka rawada toyo hatena.'' ¹⁷ Mono, na liyo tutuna iyo nama hobara la tangana na Yudea Mono la tangana ha doyo heka la barana. YOHANES PEMBAPTIS NAHA WEDEYI ANAHA KODONA LABARANA MAROBA YESUS ¹⁸ Tangada anaha kodo anaha lolena Yohanes naha dukini labaranai Yohanes tutu tanga kohana nene ka dadi. ¹⁹ Moka, Yohanes naka makodi kadungo Toyo anaha kodona mono naha wedeyi he Iyo labaranai Mori tutu kapatani, ''Yokado enga kamayo nene ba jedo kaya, ba yama neho kaha remadi hawadeka.'' ²⁰ Kolehengo he iyo bada mayo Labarana Maroba Yesus, he iyo dumo da hanewe, ''Yohanes pembaptis naha wedema yama tutna bama mayo labara-mu mono daka patango, 'Yodokaka ka enga nene kamayo .bajedo kaya,yama neho ka remadi hawadeka.''' ²¹ Nengo hadaka, Maroba Yesus na patogahango to'o danga wali la ngaradukkada kalawara,mayilla, mono wad-wad japata. Mono ijala nawodi maloga ite habali tangada toyo danga kamoro. ²² Balehanai Maroba Yesus labarada kadungo toyyo, "Halako mono dulkaya labaranai Yohanes tutna apam haitemi mono harongomi: To'o kamoro da ite, top'o kalikku da halako, to'o ka kalawara kajawa patogahayi, to'o katillu da rongo, to'o kamate kode habaliyi, mono to'o kadengo napadukidi li'i kadoha. ²³ Orongoka, maringngola kajaloja mono jaka tularaGa." ²⁴ Koleha tangadi paha wede Yohanes daha lako,Maroba Yesus naha newe Labarada toyo danga tutu Yohanes, ''Tutu apani ha itemi Yomi bami ha lakomi la maroda gilra . Iteya na wulu pa wudada Paringi . ²⁵ Tabolo,apan Yomi ha lakomi pahorani, Toyo kawango kalebe doha pahoranla, Toyo kawango kalebe kadoha mono morha nola Kama jabola nola kahengo la istana-istana Raja. ²⁶ Moka,apan Yomi ha lakomi pa horani ,diha wuyo toyo Rato. ngo, yayo guha newewa labaramu, lopo gu rehiwa walila diha wuyo toyo Rato. ²⁷ Idoka na tona, nana tutna neni kama tulho: 'Rongomla! Gu pawedeyi pahawede-Gu kada uluyi wali la Yoyo. Ikapa inyakagu lara la aro-Mu.'Maleakhi3:1 ²⁸ WeneGu hatokigu labaramu, la jongada tangada toyyo pahaanada mawinne, janekmango hawu toyyo karehi bokolo walilai Yohanes. Taidoyaka, kahodda moraha dalo la kerajaan Maroba Allah, karehi bokolo wali labarana." ²⁹ Koleha toyo Danga mono heyo kakoha wolu katoku darongoya neka dadi yiyo,he Iyo tangada damangakuni na parehana kama wolu kama rayi oronani he iyo kole dapa ihoya mono napa ihoyai Yohanes. ³⁰ Tabolo enga, tangada toyo Farisi mono Ahli-ahli taurat da tularani ha kabu atena kama wolu kama rayi nola aro daguda he iyo oronani he iyo jada ha ihokmahoyai Yohanes. ³¹ Apakango paha tujja wagudi hittu toyyo kamorho la dalara nebahena? ba ahanyikakdaka bahena? ³² Daha mera lalakeda kangodo la harogango, kakawulo-wullongo oleda, 'Yama ma hauppu kapiko tuttumu, tabollo jammu nyegokmawu. yama malawitini nalawitti mayilla, tabollo jamu hukmam.' ³³ Orongoka Yohanes kapaiho banamayo mono jana mukma kababa jedoka innu anggur, yommi wenemmi,'iyo tamadani waddi japata.' ³⁴ Tabollo, yinna ana to'o piyo bana ma muyo mono innu, wenem,'Pahorani! hawuyo to'o kadadara mono kalli innu! mono olejadani hittu kakoha wolikatoku mono to'o kajala!' ³⁵ Tabollo, kanyurru pahatenadani lakeda." Hawuyo To'o Mawinne Kajala Nawodahaya Maroba Yesus ³⁶ Nengo hadaka, nenni hawuyo toyyo kajaha tena kakamakoni Maroba Yesus kagu mudongani bawenna. Maroba Yesus nahalako la ummana toyyo jahatena nana mono nangodo mumyo. ³⁷ Laharona nana, neni nahawuyo to mawinne jala. kole banatajaya Maroba Yesus bana muyo la ummana nana to jaka hatena nana, iyaka mana kahiya nahawuyo na gori watu marmer ka ihngo welengho boburata. ³⁸ Moka, ika mana dedelakabedonai Maroba Yesus, labara witti-Na, na huyo mono na opinadi witti nai Maroba Yesus wanni na logena. Pojaheyaka nana, na udoko nadi wittinai Maroba Yesus mono wodaha wanadi welengho boburata. ³⁹ Orongoka nana toyo jakahatena kakamakoni Maroba Yesus bana iteyaka yiyo, iyaka mawenena la atena, "yina toyyo ba nabi kaya, enga tajanani bagarani mono baaha mawinne kajoja-Ya iyakana yina mawinne igu mawinne jalayaka." ⁴⁰ Maroba Yesus nabalehaya mono wenna, "Simon, neni hakabuategu kagu tokinani hawegugu."Jawab Simon, "Tokiganka, Guru." ⁴¹ Maroba Yesus naha newe, ''Nedi duyo toyo ka wutango labara hawuyo toyo ka woyo omaha , na iha toyo ka wutango Lima ngahu dinar mono hawadeka da wutango lima kabulu dinar. ⁴² Kolehe ka dungo jada dukikmadi bayaradi, neka woyo omaha nene na hopinadi wutada he iyo ka dungo.neba hena, Bagaradi hayo ka dungo toyo nene ka enga rehi manawarani nene ka woyo omaha.'' ⁴³ Nabalehai Simon,''Bagu noku kani,toyo karehi danga daha hoila nadi wutana.'' Maroba Yesus naha newe labarana, ''Yomi engami nileya mono katena.'' ⁴⁴ Mono nagillakani nana mawinne, Maroba Yesus wena labaranai Simon,"Yommi iteya yina mawinne? bagu makawa la ummamu, jammu wokmaga weyyokagu bahawadi witti-Gu, tabollo na bahawagadi witti-Gu wadi wematana mono na opiwagani na logena. ⁴⁵ Yoyyo jammu udokokmawa, tabollo jana jadukkakma udokogadi witti-Gu walngo bagu tamawa. ⁴⁶ Yoyyo jammu wodahakmagani nakatoku-Gu waga we'e lengho, tabollo iyo na kalapa gadi witti-Gu wagadi we'e lengho kaboburata. ⁴⁷ Iyaka nana, weneGu labaramu, jalana kadanga hawali mowadi orongka bahatingoni manawara kajaanango. Taidoyaka, to'o kahodingo pahawali hodi jalani bana manawara." ⁴⁸ Ma Maroba Yesus wenena labara na na mawinne, "Jalamu gu hawali mowagudka." ⁴⁹ Toyyo kangodo muyo dongani Maroba Yesus da kapata-patango la ateda dihha-dihha, "garani yinna toyyo manna hawalinadi jalana?" ⁵⁰ Maroba Yesus wenna labarana mawinne, "Patenamu napahowlogu, halako wango moli."