Morida La Lodo Miggu ¹ Hadaka rahi, la lodo miggu, Maroba Yesus nahalako naliyo la mango gandum. Mo ijala, ana hakodo ana halolena bada pupu kapirango wu gandum, mono da durho-durho wadi limada, ma damudi. ² Kapirango to'o jakahatena dakapatango, "Aba mamu rayini paheri la lodo miggu?" ³ Maroba Yesus na balehayi he iyo Mono naha newe, ''Yomi jamu hadakak maho bahaya apani ha rayinai Daud moka iyo mono tangada toyo hama rongana kareba, ⁴ Tutu ba anyina iyo bana tama nola umana Kama wolu kamarayi,bana deke kababa manuta , na muni Naka baba nene, Mono nabawedi labarada tangada Toyo hama rongana, kaja dadi neho muyo, Heleni heka hatena kado.'' ⁵ Moka, Maroba Yesus naha newe labarada toyo Firisi nene, ''Anana kadadi toyo ikadoi Mori nola lodo miggu.'' MAROBA YESUS NAHA TOGAHA NOLA LODO MIGGU ⁶ la lodo miggu piyo, Maroba Yesus nahalako la sinagoge mono nahanuwa. La hado noyo neni nahawu toyo lima kawanana naka rago. ⁷ Ahli-ahli Taurat mono toyo kahatena da hamatarani Maroba Yesus bada iteyabana patogahakado yila lodo miggu, tonam kanengo kadekala patokda bada hodaya. ⁸ Tabollo Maroba Yesus natajayi apan pahangadada. Wena labarana yina to'o kakarago limana, "Kode kamu dedewu la haduna. "Mono, nana toyo na kode mono na dede na habali. ⁹ Wena Maroba Yesus labarada, "Gu kapatagimi labarami, geni japaheri parayi la lodo miggu: rayini kadoha mono jaka doha?hatolekango ngahu bajedoka pamohongo?" ¹⁰ Poja bana pahoran lakawolera, labara tangkohada, Maroba Yesus wena labarana to'o kakarago limana, "hajolani na limamu." moka, nana toyo na hajolatan na limana mona limana na togaha. ¹¹ Tabolo, to'o jakahatena mono Ahli-ahli Taurat ban tepijamono daworoni tutna ba ahani harayida labarana Maroba Yesus. Bada pedeyi ka Bul dungo Rasul ¹² Neka kahekalango lodona nene, Maroba Yesus na pone la letena tutna bana kawojo kataba,mono noha bali Iyo naka wojo kataba labarana kama wolu kama rayi tara hudo-hudo. ¹³ Dela kangona tana, Iyo naka makodi tangadi anaha kodo ha lolena mono ha pidena ka kabulu dungo toyo walila jongada he iyo, neyo tangada toyo ha tokida Rasul; ¹⁴ Simon jalaya ha ngaranai ''Petrus'', Andreas Ole benai Petrus, Yakobus, Yohanes, Filipus, Bertolomeus, ¹⁵ Matus, Tomas, Yakobus anai Alfeus, Simon ha tokida Toyo Zelot, ¹⁶ Yudas anai Yakobus, monoi Yudas Iskariot kama lajani. PAHA NUWANA MAROBA YESUS ¹⁷ Kolehengoi Maroba Yesus mono heyo ana ha kodona da buru, Iyo na dede la diha ha wuyo ha doyo kaka lijakango. moka nemedika labarada iha barang bokola heyo ana hakododa mono toyo danga kamayo walila tanga kohana naha rona Yudea, Yerusalem,mono kawalila tana hingu boheka harona Tirus mono Sidon. ¹⁸ He iyo da mayo koha tutuna Bada rongoya Maroba Yesus mono tutna bada kolengo togaha walila tanga ngara kalawarada he iyo. mono ,tangada toyo ha tamada tangana wadi japata daha togaha jaladi. ¹⁹ Tangada toyo hamadiyi tutna bada jojaya na Maroba Yesus Oronani ba neni na kawaha ka lohongo walila iyo Mono daha togaha kohayi he iyo. ²⁰ Maroba Yesus napa horadi labarada anaha kodo ha lolena nene mono naha newe, ''Dahama ringi kamila Yomi ka mila dengo oro ba dagumunila naha doyo ngodona na kama wolu kama rayi. ²¹ Daha hama ringi kamila yomi Kareba oro yomi engadaha bohumi.Dahama ringi kamila yomi ka neba hena ka huyo oro yomi engaka makto. ²² Dahama ringi kamila Yomi neba nekango toyo ka butu gimi Ate,mengucilkanmu,kaha teruliwuwu,mono Katalaraguni na ngara dohamu, oro ana kadadi toyo. ²³ Ege atewula nena lodo yomi ha podami,mono ta koho kawula oro ege ate oronani dagumu na bokolayi la surga; Oronani ka hengo idoyikala obu wekkada he iyo bada rayi honi bada Rato. ²⁴ Tabolo enga, Mayilamila Ta yomi ka pote tabolo yomi koleha bami kolengo kadoha morhana. ²⁵ Ma yilamila Yomi ka neba hena nene ka bohu tabolo yomi ka engango kareba. Mayilamila yomi ka neba hena ka makto tabolo yomi engami ka lolu mono huyo. ²⁶ Mayilamila yomi neba tanga kohango toyo ka tokiya neka dadi ka doha tutu dagumu tabolo kahengola obu wekamu he iyo kole bada ha newe tutna Tangada Rato ka ka wohoko.'' MANAWARADILA MUHUMU ²⁷ ''Tabolo enga, yayo guha newewa labarami yomi ka Rongowa yayo. Manawara kidila muhumu mono rayikinila ka doha labarada toyo kabutu gimi ate. ²⁸ Hamaringila toyo ka podagimi yomi mono kawojo katabami tutuda he iyo ka palumi yomi. ²⁹ Tutuna na toyo kaka poka guni na papomu,mono ha turu jalani na papomu naha wuyo. mono bagara dumoni ka kaka ramaguni naka lebemu, abimu heri kani tutuna bana karama jalaguni naka lebemu. ³⁰ Wokinila labrana diha wuyo toyo kaka reyo labaramu,mono ba nekango diha Toyo ka dekeguni na dagumu, Abimu kareyo ha balikaya. ³¹ Rayinila la toyo heka ba anyina yomi ha bemi harayida ka hengo he iyo. ³² Mono ba yomi heka ka manawarango Toyo kamanawara Yomi,ebekani da woyo kadigimi liyo madeka labarami. tabolo, Toyo kajala dumo Damanawaradi tangada toyo kamanawaradi he iyo. ³³ Mono neba yomika ka rayingo kadoha labarada toyo karayingo ka doha labaramu, mono nadadi kado yomi bami kolengo madeka . Tabolo,toyo kajala jala na rayini neyo Kaha mera. ³⁴ Mono ba yomika kareyo daguda labarada Toyo heka mono mumonengo kolengo hatagumu,ebekani da wokadigu liyo madeka labaramu .tabolo, Toyo jala dumo daka reyo labarada toyo jala Hawadeka tanam he iyo da kolengo ha hiba habaliya Mono ka hengo dangada kaha mera. ³⁵ Tabolo enga,Manawara kidila muhumu mono rayikingola Kadoha,woyo kidila bada kareyo tudu labarada toyo heka abimu monekadi wolida. Mono kahengo, yomi engami kolengo ha tagumi kabokola mono yomi engamu dadiwu tangana lakeda karehi madeta, tabolo kama wolu kama rayi nene na doha la aroda Tangada toyo kaja tajaya na liyo manawara mono kajapata. ³⁶ Oronani nene,Halegeyala yomi bami ha wali wumi, naha mera ka hengo Bapamu bana bonu jalango na liyo manawarana.'' ABIMU PAREHA KAYA NATOYO HEKA ³⁷ ''Abimu parehakayi tanam yomi abi daparehami. Abimu hama yilaka tanam yomi abi dahama yilami.Hawali wukimila mono yomi enga naha waligu. ³⁸ Woyala mono enga da woyo guni labaramu; Diha wuyo haka tutu ka doha ,ka bonu dohango, ha kukaha mono na danga,mono engada buriguni lababamu. Oronani mono ukro kaha mera ha yomi hawami tutu ukro, nene ka kadadi engada ukro habaliguni labaramu.'' ³⁹ Maroba Yesus na dulko kohaya labarada he iyo na liyo hatuja yiyo, ''koleha na toyo moro naha tutuni na toyo moro. mono heyo iyo ka dungo jada kanadu kado .nodalo laka Gobakana. ⁴⁰ Naha wuyo anaha kodona jana rehikma walila guruna, Tabolo enga, diha wuyo toyo ha koleha paha nuwada enga nadadi kahengo guruda he iyo. ⁴¹ Aba yomi mami iteya naka Roboka yayu la mata olebemu, Tabolo yomi jamu tajakmaya naka dipko yayu la mata dagumu . ⁴² Ba anyik kana yomi bami tokiya labara olebemi, 'olebemu, jekana kagu haliguni naka roboka yayu la matamu' ,loho Yomi dagu jamu itekmaya naka dipko yayu la matamu . ta toyo kaja tidango hali uluni naka dipko yayu nene lamata dagumu. Yomi kamu kolengo ite kahiwura tutna bamu halini naka roboka yayu walila matana olebemu.'' PUNGE YAYU KADOHA NADADI YI WUNA KADOHA ⁴³ "Punge yayu kadoha jana wukmango kajadoha, mono punge yayu jakadoha jana wukmango kadoha. ⁴⁴ Ihha bunge yayu-ihha bunge yayu da tajaya wali lawuna yayu. Toyyo jada kohakmayi wu'u ara wali la jonga roboto kapatara, jedoka kapuppu wu anggur wali la jonga roboto. ⁴⁵ Toyo kadoha naha lohoyi tangana kadadi kadoha walila atena kadoha Mono na toyo ka japata naha lohoyi tangada kadadi ka japata Walila atena kajapata. Apani paha lohona walila wobana iha toyo kawaliyala walila ahani kanengola atena.'' KADUYO NGARANGO PONDASI ⁴⁶ ''Aba yomi mami kamakoga yayo, 'Mori, Mori,' Tabolo jamu rayikmani ahani yayo paha nuwagu ⁴⁷ Yayo guha tingo gimini labaramu , kahengo ebekani toyo ka mayo labara-gu, monarongoya paha nuwa-gu mono narayini. ⁴⁸ Iyo kahengo toyo kaha kode umana, kahoka ha kidi-kidingo, moka natayana fondasi nola ponu watu. kole banemenina wango, na weyo na irhoya nana uma, tabolo jana gedokma oronani nena uma baha kodeya mono nahoda kulho. ⁴⁹ Mo, toyyo karongo pahanuwa-Gu tabollo jadda dokukmani, kahengo toyyo kahakode ummana laponu tana kaja mangu pungena. Banemekani na wango, na umma na bopa mono namanyegara langtakka."