¹ Nengo hadaka, toyo danga kaka pongini da kilorani tutna bada rongonani na lina kama wolu kama rayi,neho na, Maroba Yesus na dede la hupu hoba Genesaret , ² Mono da iteyi dubuyo tena paha hodeda la hingi hoba nene, tabolo heyo kaha yili da lohongo walila tangadi tena nene mono tongro bahadi jalada he iyo. ³ Maroba Yesus na pone la diha wuyo tena, dagunai Simon, mono naha wede yai Simon mono na boheya na tenana naha diho hodiya walila tana punge, mowalka, Maroba Yesus na ngodo mono naha nuwadi toyo Danga noyo ka walila tena. ⁴ Koleha bana pojaka ha newe, Maroba Yesus naha newe labaranai Simon, ''Halakowula la weyo ka libu mono kamu wewuya na jalamu kamu wopami Iya.'' ⁵ Simon na balehaya, '' Guru,yama maha yili tepija tara hudo-hudo , tabolo jama kolekmango aha-ahango tabolo enga, ba yoyo kaha wedewa, Yayo engagu wewuya na jalagu yiyo.'' ⁶ Mono, kole he iyo bada dokuni, he iyo da wopa ha dangango iya moka jalada he iyo hodikmo bana majiraka. ⁷ Moka, he iyo da woyana uku patada labarada tangada oleda he iyo la tena ha wadeka tutu da mayo monoda tuludi he iyo. Mowalka, nemedila tangadi oleda he iyo mono da tadi ihida ka dungo tena nene mono iya koha na tenada he iyo hodikmo bana talolu. ⁸ Tabolo,Simon Petrus bana iteya neka ka dadi yiyo, Iyo naka ngakko la arona Maroba Yesus mono naha Newe, '' Ha lakowu walila labaragu, mori,tabolo yadokala toyo ka jala.'' ⁹ Petrus naha newe kahengo tabolo iyo mono tanga kohada toyo kama rongani moda bangara nobana dangayi iya ha koleda he iyo. ¹⁰ Ka heyo jalango Yakobus monoi Yohanes, tangada ananai Zebedeus,kaha olengoi Simon. Maroba Yesus naha newe labarai Simon, '' Abim ka bohi kawu,wali neba hena, yomi kamu dadi jala ka daditoyomi.'' ¹¹ Kolehengo he iyo bada tingiyi tangadi tenada he iyo la tana punge, he iyo da jeda tangadi mono da Dokuni Maroba Yesus. TOYO KAKARA KATOBI DAHA TOGAHAYA ¹² Nengo diha lodo, Maroba Yesus ba neni la diha hawuyo ha rona.laha rona nene,neni diha wuyo toyo na pola tona bonuni ka tobi.tabolo nena toyo na iteya na Maroba Yesus,iyo naka wojo moka na matana naka taba la tana mono naka reya labara- na, '' mori,ne yoyo bamu wawakawu, Yoyo ha togawa yayo.'' ¹³ Moka, Maroba Yesus na wolahadi limana mono na jojaya nana toyo.naha newe, ''Yayo gu wawa,kana dadi bana piyi.'' mono neyo jala, naka tobina nena toyo na halidi. ¹⁴ Nemo, na Maroba Yesus na parehaya nana toyo tutna bajana tokiya labara toyo mono naha newe, '' Ha lakowula mono ha tingo wumu labara Rato .Rayingo manuta maraka noyo bamu togahawu ka hengo haparehanai Musa kahengo tutna he iyo.'' ¹⁵ Nona liyo tutna na Maroba Yesus na rehi ma hobara maka danga toyo ka mayo makoha tutuna barongoya Iyo mono tutu bana ha togaha walila kalawara he iyo ¹⁶ Neho, na Maroba Yesus naha lako juwa ha hapu wuna laha doyo-hadoyo ka kanawa tutu kawojo kataba. TOYO KAKA LIKU NAHA TOGAHAYA ¹⁷ Nengo diha lodo, Maroba Yesus tongro hanuwa, tangana toyo Farisi mono tangana ahli Taurat ka nemengo walila ha Rona wali la kalingora Galilea, Yudea,mono harona Yerusalem no jalani ha bali,mono,kawahanai Mori na doku maneni Maroba Yesus mono Iyo na koleha bana ha togahango toyo danga. ¹⁸ Moka,nedika ka pirango toyo bada kilorani naha wuyo toyo kaka liku nola ha doyo majuruna, Mono he iyo da maromatani da tama ngodiya mono da taya nena toyo la arona Maroba Yesus. ¹⁹ Tabolo enga, orona he iyo jada jomukmaya na lara tut ba tama ngodiya nena toyo oro bada kilorani nana toyo, da pone he iyo la uma dalo mono daha buruni nena toyo kaliku mono ha doyo majuruna laha duyo la arona Maroba Yesus. ²⁰ Kole bada iteya naha tenada he iyo, Maroba Yesus naha newe, ''Ta ole begu,jalamu kole daha waligudi.'' ²¹ Tangada Ahli Taurat mono tangada toyo Farisi walida bada Ka pata-patango, ''Bagarani nana Toyo ka podaya na kama wolu kama rayi.bagarani ka kolaha walidi tangada jala heleni kama wolu kama rayi kado,'' ²² Kolehengo Maroba Yesus bana tajayi paha ngadada he iyo, Iyo naha newe, ''Aba yomi mamu kapata hengo nola atemu. ²³ Bageni karehi malewara, Bada tokiya 'Tangada jalamu kole daha waligudi'ba jedokaya 'kodewu Mono kamu ha lakowula' ²⁴ Tabolo enga, tanam yomi Kamu tajaya ba Ana kadadi toyo Kaka waha la ponu tana tutu ha Walingo jala, ''Maroba Yesus naha newe labarana toyo nene kaka liku, ''Yayo guha newewa labaramu; Kodewula,keke taya naha doyo majurumu mono Kamu baliwula.''' ²⁵ Mono nejala,nena toyo naha wingngo kode la aroda tanga kohada toyo mono na dekeya naha doyo Majuruna,moka Naha lako bali mono na hadi deikaya na kama wolu kama rayi. ²⁶ Tanga kohada toyo nene Da bangara mono na hadi dekaya na Kama wolu kama rayi.Mono daka bohi tepija la aro Kawahana kama Wolu kama rayi,he iyo daha newe, ''Yiyo na lodo yama ma iteya neyo ka dadi kahoda doha.'' LEWI NA DOKUNI MAROBA YESUS ²⁷ Kolehengo nena,Maroba Yesus na lohongo Mono na iteya diha wuyo na Toyo ka koha wolu ka toku ka Ngarangoi Lewi ka tongrongo ngodo laha doyo Kohayi wolu ka toku.Maroba Yesus naha newe labarana, ''Dokuga yayo.'' ²⁸ Mokai Lewi na dede,na ujakadi tanga kohada,mono na Dokuni Maroba Yesus. ²⁹ Mowalka, iyo na raya rameni tutna Maroba Yesus la Umana.dangayi ka koha wolu katoku mono tangada toyo heka ka muyo dongadi he iyo. ³⁰ Tabolo, tangada toyo Farisi mono tangada Ahli taurat walingo bada karuda labarada Ana hakodo ha lolena Maroba Yesus, ''Aba yomi mami mumi mami inu Dongadi heyo ka koha wolu katoku Mono tangada Toyo jala'' ³¹ Maroba Yesus na balehayi mono naha newe Labarada he iyo, ''Ja tangana toyo ka sehat tukma ka Kabu atengo paha togaha,tabolo tanga nena toyo ka hodu. ³² Yayo bagu mayo ja tutu kamakongo toyo katena,tabolo tutu ka makongo Tangana toyo ka jala tanam he iyo Kada jora.'' TOYO FARISI NAHA MERADI ANA KODONA YOHANES MONO MAROBA YESUS ³³ He iyo daha newe labarana Maroba Yesus, ''Tangada ana ha kodo ha lolenai Yohanes pembabtis na jana mukma mono jana inukma mono daka wojo kataba, He jalada tangada Ana hakodo ha lolena toyo Farisi. Tabolo enga,tangada ana hakodo ha lole-mu da muyo jala Mono da inu.'' ³⁴ Maroba Yesus naha newe labarada he iyo, ''Nadadikado Yomi bamu ha wedeyi he kadokudi pengantin kabani Tutu jana muyo mono jana inu kole pengantin kabani nene nama ronga jala hodi he iyo. ³⁵ Nehona , nena iha lodo-iha lodo nene enga nemeni, kole na pengatin kabani Da dekeya walila He iyo, mono nena lodo idokala He iyo engada jada muyo mono Jada inu.'' ³⁶ V36 Maroba Yesus jala napalarani li'i patuja labarada, " Janekmango hawu toyo ka hiraya na kadipko kaba wali la kalabe kabango kakadabarawani kalabe kadengo. Bajahekana, nana toyo na hiraya na kalebe kabango, mono kalabe pakadabara waya walila kalabe kabango nana jana hamukmango nala kalabe mema. ³⁷ Kahe jalango ja nekmango ha wuyo toyo ka yakya na Anggur Kabango nola ka Leku kalito ka deyo. Anggur ka Bango nene engana mahira naka leku kalito ka deyomoka nena anggur engana bowo mono kaleku kalitona engana Na moho. ³⁸ Anggur ka bango bojola nehoya nola kaleku kalito ka Bango. ³⁹ Je nekmango ha wuyo toyo ka Koleha inu anggur mema, ka Wawa inu anggur ka bango oronani He iyo daha newe, ' Anggur mema nene atu nehoni Dohana.'''