¹ Maroba Yesus, Na bonuni Wadi ka tengngo bana bali wali la Yordan. Mowalka. Iyo daka wahani Wadi ka tengngo bada aro la maroda gilra ² Kahengo madena ka pato kabulu lodo tutna bada kabani Pa jode. Iyo ja nekmango ha muna ka pira lodongo nene. Kolehengo bana ha dukaka,Iyo naka reba. ³ Mokai,ka bolko naha newe labara-na, "Ba yoka anana kama wolu kama rayi,kamu ha wedeyi ha watu nana kana dadi Rotiyi." ⁴ Maroba Yesus kana balehaya, " Neni kama tulho, 'Ka dadi toyo mana morho jaka walila roti belekma."' ⁵ Mowalka, ka bolko nama rongani Maroba Yesus laha doyo kama deta mono Naha tingoni labara-na tanga kohana kama gilata la ponu tana paha ite lepa. ⁶ Mokai, ka bolko naha newe labara-na, " Yayo enga gu wogu kawaha mono kama gilata nola tanga kohana naha doyo yiyo, oronani tanga kohana kole da Wogani labaragu. Mono, yayo gu woya labara gara jalani yayo haka madigu. ⁷ Moka, ba yoyo bamu manuta kawa,tanga kohana nene engana dadi bamu daguni." ⁸ Mokai, Maroba Yesus na balehaya," neni kama tulho,'Yomi manuta nehoya Mori kama wolu kama rayimu, mono labara neho-na yomi ha doyo ka ngakkomi."' ⁹ Mowalka,ka bolko na ngodiya Na Maroba Yesus la Yerusalem mono na bojolaya nola toko umana Kama wolu kama rayi.wenenai kabolko labaranai Maroba Yesus, " Ba yoyo ba ana kanagu kama wolu kama rayi, Dolu ka wumu wali yiyo lopo noyo dalo, ¹⁰ Oronani neni kama tulho,' Tutumu yoyo,kama wolu kama rayi engana Na parehayi tangana Malaikat-na tutna bana angu-gu.' ¹¹ Mono, Monai Limana he iyo, he iyo engada ruka-wu tanam witi-mu Abina ma pobahayi la watu."' ¹² Nabalehaya Maroba Yesus labarai kabolko, " neni kama tulho, Abim kabakani Mori kama wolu kama rayi-mu."' ¹³ Kolehengoi kabolko bana poja ha kabani Maroba Yesus, iyo naha lako yela-ni Mono na remani ka loga hekango. Ka wunga ha yilina na Maroba Yesus la Galilea ¹⁴ Maroba Yesus na bali la Galilea mono dabonuni da kawahani Wadi katengngo,mono na liyo tut-na bana ma hobara na tangana laha doyo ka lingorana. ¹⁵ Moka Iyo naha legeya naha nuwana la sinagoge mono tangakohana na Toyo dama hadi deka-ya. ¹⁶ Mowalka Maroba Yesus naha lako la Nasaret,Kota ha doyo iyo ha doyo matuna.kahengo ka doma, Maroba Yesus naha lako la sinagoge nela Lodo migu mono na dede tutna bana baha. ¹⁷ Na hurato hori na rato Yesaya da wonani labara-na,moka iyo na bugerani na hurato hori nene mono na jomuya na taguda ha tulhoda, ¹⁸ " Wadnai Mori neni labara-gu,oronani Iyo koleha bana hamurahaga yayo Tutna ba todo talarani na liyo ka doha la tangana toyo ka mila ka dengo. iyo naha wedewa yayo tutna ba tokiya nama higo maloga labara heyo tawanan,mono pahatogaha pa iteda la tangada toyo ka moro,tutna baha hoiladi tangada toyo ka tertindas, ¹⁹ Mono tutna baha dukini na doyo manawaranai Mori ka nemengo." ²⁰ Maroba Yesus natoniya nena hurato hori nene moka daha Balini labarada heyo heyo pejabat uma hadoyo ka ngoten, mono mowalka Iyo na ngodo.Matada tangan kohada toyo nola sinagoge nene daha mataradi labara-na. ²¹ Mokai Maroba Yesus naha legeya naha newena labarada He iyo, "Hena lodo,na tutuyika apani ha tulho la hurato hori yiyo neyo yomi ha rongona ." ²² Mono, tanga kohana toyo daha tenaya tongroda bada banga-bangara enga ha neweya kamija ka lohongo walila woba-na.he iyo dahar newe, "Baja ikado yiyo ananai Yusuf?" ²³ Mowalka, Maroba Yesus naha newe labarada he iyo, "Yomi engana dadi bamu tokiya Longa lina naha newe yiyo labara-gu,'Tabib,Ha togaha wuyo dagumu! yama marongoya tutna tangana kadadi yoyo ha rayimu la Kapernaum, rayi jalani nene la yiyo, laha doyo ha wali dagumu."' ²⁴ Mowalka Iyo naha newe, " Yayo guha newe wa labaramu,ka heyo hijango kaja nengo Rato ha hiba la tana dagu. ²⁵ No dalo ka tena, yayo gutoki guni labaramu,nedi kadanga mawine balu la Israel nebana Zaman Elia,tabolo na langto nama todi Neka tolu dongo mono nomo wulan, kolehengo kareba tepija ka dadi la hagala ponutana. ²⁶ Tabolo engai, Elia jana ha wedekma labara gara dumoni helena labarana mawine balu la Sarfat,la tana Sidone. ²⁷ Mono, nedi danga kama yila kara kusta la Israel neka uluho Rato Elisa,tabolo ja nekmango diha Wuyo toyo ka wali la he iyo ha paha murahada heleni Naaman,toyo Siria nene." ²⁸ Tabolo bada Rongoya tangana ka dadi yiyo,tanga kohada toyo nola Sinagoge nene na bonngo mono na banida. ²⁹ Moka, mada Dedeka he iyo mono da wugaya na Maroba Yesus daha lohoya wali la diha hawuyo nuha nene,moka da ngodiya la ponu letena nena hawuyo ha doyo laha doda he iyo dahar kodeya tutna bada haka naduni walila la lirakaka. ³⁰ Enga tabolo, na Maroba Yesus mono na yelango walila haduna he Iyo mono naha lako. ³¹ Maroba Yesus naha lako la Kapernaum , diha wuyo ha doyo la wilaya Galilea,mono ha nuwango toyo danga nenangin lodo miggu. ³² He iyo da bokolayi ateda bada aronani liha Nuwa-na oronani naha newena na bonngo naka kawahana. ³³ La Sinagoge, Neni naha wuyo ka bani ha tamada wadi japata ka marihaka.toyo nana nakal wulo mono na lina naha wodini, ³⁴ " Jeka gamani yama dagu! Apan ha urhomuni mono yama, ta Maroba Yesus, toyo Nasaret? Aba yoyo bamu mayo tutna bama liyo loko yama? yayo gutajawu ba garagu yoyo, ka tengngo wali la kama wolu kama rayi!" ³⁵ Tabolo enga,Maroba Yesus naha ka dadakaya na wadi japata nene, wenena, "Kadona! Lohongo walila toyo yiyo!" Koleha nena mori tana nene na batini nena toyo la tana, la aroda tanga kohada toyo,iyo na lohongo walila ihina na toyo nene mono jana ha hoduk maya. ³⁶ Mono na bonngo bokola ate,tanga kohada toyo ka nengo nono daha newe jala heyo ha wadeka, " Ha newe apani yiyo? Oronani mono li wawa mono kawaha,Iyo naha wedeyi tangada wadi kaja tidango nene mono he iyo da lohongo." ³⁷ Mono, nena Liyo tutna Maroba Yesus nama hobaraka la tanga kohana ha doyo la iha tana nene. ³⁸ Mowalka, Maroba Yesus na Yelango walila uma ha doyo ka ngoteb nene mono daha lako la umanai Simon neho nena, Inya yeranai Simon tongro Maringi tepijanani,orona ni nene he iyo naka reyai Maroba Yesus tutna bada ha togahayi. ³⁹ Moka, na dede na Maroba Yesus labarana Inya yeranai Simon mono naha kadada kaya kamaringi nene mono naka lawarana na togaha.kolehengo na nejala,inya yeranai Simon na kode mono naha legeya naha yilina ne iyo. ⁴⁰ Tabolo mata lodo ha legeya bana tama, tanga kohada toyo da ngodiyi olebeda he iyo kama yila tanga ngara kalawara labarana Maroba Yesus.mowalka Maroba Yesus na bojo layi limana la ponuna he iyo diha-diha mono daha togahayi he iyo. ⁴¹ Tangada mori tana dumo da lohongo walila toyo danga nene mono daka wulo, " Yoyo idokala Anana kama wolu kama rayi!"tabolo enga,Maroba Yesus kaha kadada kayi he iyo, Iyo jana jekmadi he iyo bada ha newe oronani he iyo na tajaya ba iyo idokai kristus. ⁴² Bana dela kango kahudo Maroba Yesus naha lako la diha hawuyo ha doyo kaka hiko tutna bana meha. Toyo danga kama yegani,mono koleha he iyo bada jomu-ya,he iyo dama yegani larana bada hadani iyo mono abuda yeladi he iyo. ⁴³ Tabolo enga,Iyo naha newe labarada he iyo, " Yayo gu todo talara nehoni na liyo la hadoyo kama jaga kama wolu kama rayi la tangana na nuha naha wadeka jala oronani tutna yiyo yayo paha wede." ⁴⁴ Mokai Maroba Yesus berkhotbah la tangana Sinagoge la Yudea.