¹ Neba kabulu lima doyona nebana parehai Kaisar Tiberius , Taboloi Pontius Pilatus bana dadi Gubernur Yudea, Herodes na dadi Raja Galilea ; Filipus ole benai Herodes na dadi Raja wilayah iturea monai Trakhonitis;monai Lisanias na dadi Raja Abilene, ² Hanas monai Kayafas bada jabatya ka hengoi Imam agung , Nemenka na liat nai kama wolu kama rayi labara nai Yohanes, anai Zakaria,ka engango la maroda gilra. ³ Moka, naha Lakoi Yohanes la Tangan kohana na loda pada kahengo nolai Yordan mono da tokiya ba ha iho jora tutna baha walingo jala, ⁴ Kahengo kama tulho nola Nabi Yesaya: "Yiyo idokala na Liyona na toyo kaka wulo- wulo la maroda gilra, Ha inya kani na lara na Morida, Ha lurhoya na lara tut-na. ⁵ Daha wuyo na lolana enga da Bonyini, mono tangana na letena mono enga daha Merani. lara ka tangana ka lego Engana bada ha Lurhoya,mono na Lara kaja lijaka engana bada ha Midarani. ⁶ Mono, tanga Kohana toyo enga da iteya ha hoila donga walai Mori!"' ⁷ Mokai, Yohanes naha newe labarada toyo danga ka mayo tutna bada Ha ihoya, " Ta, yomi ka buru laha walina naka Bokong! garani kaha apeguni tutna bami pala wumi wali na liyo Bani ka nemengo! ⁸ Ba ido kaha Oro nene,bana dadiyi tangada wuyo kaha tingonina joramu. Abimuha ha newe kani labara tutu dagumu, 'Abraham idokala na obu waikama yamaha!' yayo guha newewa la baramu,ka hehija- hijango wali la tangana watu yiyo kama wolu kama rayi na dadi bana ha kodeyi tangada la keda tutui Abraham! ⁹ Moloho, wali nebak hena naka Taka kole na tabeya la kalarto yayu.tangada punge yayu kaja Doha wuna engana pogoyi mono na letodila api." ¹⁰ Tangada toyo daka patango labarai Yohanes, " Bahekana, apa nehoni yomi harayimi?" ¹¹ Iyo na balehaya, "Diha wuyo toyo ka duyo bolango Ka lebena,iyo na Bawe nehoyi mono nena toyo kaja manguna. mono na diha toyo kaja mangu ha muna,na rayi nehongo neka he ngo kaha mera." ¹² Ka pirango ka kohayi pajak Neme jaladi tut ha iho.he iyo daka patango labaranai Yohanes, "Guru,apa nehoni yama ha rayima?" ¹³ Yohanes naha dukini labarada he iyo, "Abim tingkayi ha Pajak na rehi hoyi ha kole paha enga nagimi la tutumu." ¹⁴ Kapirango Tentara ka patango la barana, " Ba anyika mugama yama? aha nehoni Yama ha rayima?" Yohanes naha newe labarada he iyo, " Abimu karekawu omaha walila gara dumoni ka hengo bamu pakhayi ba Jedokaya bamu ha woyo awani kaja heyo hijango, Tutuikala na tutu dagumu mono gajimu." ¹⁵ Koleha tanga kohada toyo tongroda bada moneni bana nemeni Mesias, he iyo tanga kohada da Daka patango nola ateda tutnai Yohanes,apa ikado kristus ato Jedo. ¹⁶ Yohanes na balehayi he iyo mono naha newe "Yayo guha ihomi yomi wagimi waiyo.tabolo enga ,dihati wuyo toyo ka rehi kawaha walila yayo ka nemengo. tutna bana bugeradi kaloro sandal-na yayo jana dadi jalakma Iyo enga naha ihomi yomi mono Na wagimi wadi ka tengngo Mono api. ¹⁷ Alat penampina koleha nebeni la Limana tut ha murahani na lantai pengirikan Mono tutna bana Kohayi gandum ka doha no dalo la lepeta-na.enga Tabolo,iyo enga da tunuyi sekam no dalo la api ka enga kaja boda." ¹⁸ Mono danga kaha nuwa gimi ha wadeka, Yohanes naha nuwadi na lina labara toyo danga. ¹⁹ Tabolo enga, oronani Yohanes mana tokiyai Herodes,kapalanina loda,neka dadi ha koleha rayida mono Herodias, ara wenai ole benai Herodes,mono oro tanga kohada Ha rayida, ²⁰ Mokai Herodes da tabani yiyo nola tangan kohana mono daha tamani Yohanes no dalo la golu. YOHANES daha tamani la golu. Maroba Yesus daha ihoya ²¹ Koleha tanga kohada toyo daha Iho,Maroba Yesus jala da ihoya. Mono,tabolo iyo naka wojo ka taba, langto nama Bugera, ²² Mono na wadi ka tengngo na buru noyo la tutna mono naha hada ka wurngo Merpati.moka neni na liyo ka nemengo walila Langto mono naha newe, "Yoyo idokala na Ana-gu ha wogugu. labara-mu yayo ka wonango Paha laranai Maroba Yesus ²³ Kolehengoi Maroba Yesus bana ha yili, iyo na dona tani ka tutna tolu ka bulu dona.tangada toyo da kole wungo paha ngada bai Maroba Yesus ba idokalai ananai Yusuf.Yusuf anai Eli ²⁴ Eli ananai Matat, Matat ananai Lewi, Lewi Ananai Malkhi. Malkhi ananai Yanai.Yanai ananai Yusuf ²⁵ Yusuf ananai Matica. Matica ananai Amos. Amos Ananai Nahum Nahum ananai Hesli Hesli ananai Nagai ²⁶ Nagai ananai Maat Maat ananai Matica. Matica ananai Simei. Simei ananai Yosekh. Yosekh ananai Yoda. ²⁷ Yoda idokala Ananai Yohanan. Yohanan ananai Resa. Resa ananai Zerubabel. Zerubabel ananai Sealtiel. Sealtiel ananai Neri. ²⁸ Neri ananai ananai Malkhi Malkhi ananai Adi Adi ananai Kosam. kosam ananai Elmadan Elmadan ananai Er. ²⁹ Er ananai Yesua. Yesua ananai Eliezer Eliezer ananai Yorim. Yorim ananai Matat Matat ananai Lewih. ³⁰ Lewi idokala Ananai Simeon. Simeon ananai Yehuda. Yehuda ananai Yusuf. Yusuf ananai Yonam. Yonam ananai Elyakim. ³¹ Elyakim ananai Melea. Melea ananai Mina. Mina ananai Matata. Matata ananai Natan. Natan ananai Daud. ³² Daud ananai Isai Isai ananai Obed Obed ananai Boas. Boas ananai Salmon. Salmon ananai Nahason. ³³ Nahason idokala ananai Aminadab. Aminadab ananai Admin. Admin ananai Arni. Arni ananai Hezron. Hezron ananai Peres. Peres ananai Yehuda. ³⁴ Yehuda ananai Yakub. Yakub ananai Ishak. Ishak ananai Abraham Abraham ananai Terah. Terah ananai Nahor. ³⁵ Nahor Ananai Serug. Serug ananai Rehu. Rehu ananai Peleg. Peleg ananai Eber. Eber ananai Salmon. ³⁶ Salmon idokala na ananai Kenan. Kenan ananai Arpakhsad Arpakhsad ananai Sem. Sem ananai Nuh. Nuh ananai Lamekh. ³⁷ Lamekh ananai Metusalah. Metusalah ananai Henokh Henokh ananai Yared Yared ananai Mahalaeel Mahalaeel ananai Kenen. ³⁸ Kenan ananai Enos. Enos ananai Set. Set ananai Adam Adam idokala na Anana kama wolu Kama rayi.