¹ Ba atuhongo na ka ulu nene, Kaisar Agustus na paha lakoya na pa reha na ba neni na sensus tutu tanga kohango toyo laha gala panu tana. ² Idokala yiyo na sensus tanga Kohango toyo danga Kawunga hadakango ba neni kolengo Kerenius bana dadi gubernur la Siria. ³ Moka, heyo tanga kohada toyo da bali laha doyo walida he iyo diha-diha tutna bada daftar wudaguda. ⁴ Yusuf jala na yelango wali lai Nasret,la tana Galilea,mono da aro lai Yudea, mono laha donai Daud ka ngarangoi Betlehem ,oronani Iyo baka waliya garho hadoyo buru nai Daud, ⁵ Tanam iyo bada daftar bada Oleni Maria, kadunai, ka tongrongo ha kabu. ⁶ Kolehengoi Yusuf mono Maria ba nedi la Betlehem,dukini ka na rahi ha ananai Maria ⁷ Maria naha ana ni nala keda kabani ka ulu. iyo daka boro-ni kaba karewe mono dahama juruni la karaba haranga Oronani baja nengok ha doyo tutda he iyo baja nengo ha do doyo. ⁸ Nola ha doyo kaha mera, nedi ka pirango toyo ka jawa ha ranga la maroda tutna bada jawayi heyo bebeda he iyo mono neba hudongo. ⁹ Naha woda wunai,Malaikat nai Mori mono na Dede la aroda he iyo mono da hadi daikayai Mori nama gaha ka kiloradi he iyo mono he iyo daka bohi tepija. ¹⁰ Enga tabolo,na Malaikat nene naha newe labarada he iyo, " Abim kabohikami oronani maha rongo guni, na liyo la baramu ka doha tutna na liyo ege ate kama gebora tutna tanga kohana laha gala ponu tana. ¹¹ Yiyo na lodo yiyo,kole na dadibe diha wuyo na toyo kaha hoilada,na idokai Kristus ,Morida la Haronai Daud. ¹² Yiyo idokala na tadko tutmi: Yomi kamu lodukini nala keda abu ka dadi daka boro wani kaba ka rewe mono daha hama juruni la karaba ranga." ¹³ Daha, woda wuda bada maronga oleda Malaikat nene da ma ublo bokola heyo tentara surga ka hadi daikayai kama wolu kama rayi mono daha newe ¹⁴ "Hama nada nani nangaranai Kama wolu kama rayi lahan doyo kama deta liyo moli mokora la ponu tana la jongada tangada toyo ka wongo la bara-da." ¹⁵ kole heyo Malaikat bada yeladi heyo kajawa haranga nene mono da bali la Surga, mono heyo kajawa haranga nene daha newe labarada heyo hawadeka, "Madaka la Betlehem tutna kada iteya tangana ka dadi ka koleha ka dadibe yiyo,kaleha bana Toki dani labarada ida." ¹⁶ Moka,he iyo da malewara ha lako mono da dukini Maria mono Yusuf,mono na la keda abu ka dadi paha hama juruda la karaba haranga. ¹⁷ Kolengo heyo lakeda jawa ranga bada ite ne iyo,mono he iyo mono da dulkoya neha tokda labara da he iyo tutna nena lakeda nene. ¹⁸ Mono, tanga kohada toyo ka rongoya neka dadi da bangara mono tangana neka ka dadi pa tokida heyo kajawa ha ranga la barada he iyo. ¹⁹ Tabolo Enga nai, Maria na bojolayi la ate ne ka dadi mono naha ngadani la atena. ²⁰ Moka,he yo la keda jawa ha ranga da baliyi la barada la tangada Ha rangada he iyo mono da la gahara mono da la gebora mono da hadi daikaya kama wolu kama rayi nola tanga kohada ka kole ha ite mono ka rongoya ka hengo ha tokida la barada he iyo. ²¹ Mono, kolehengo bana tutu podo pato lodona tutna bada sunatya nena la keda maraha nene, ngara-na da toki nani Maroba Yesus, ka hengo ngara ha wodani Malaikat ka hengo iyo bajana ha kabu honi. ²² Kole iha lodo-iha lodo baha murlaha wungo ba dokuni na liyo uku pareha nai Musa ka koleha madeyo,Maria monoi Yusuf da ma ngodiyai Maroba Yesus la Yerusalem tutna bada wonani labaranai Mori, ²³ Kahengo ha tulhona nola liyo uku pareha nai Mori,"Diha hawuyo tangada la keda kabani Ana bodi ineho paha muraha nolai Mori ²⁴ Mono tutna bada woyi manutada mono bada dokuni apani patoki nola liyo uku pareha nai Mori, ka hengo diha pasang ka wurngo rawa tana ba jedo kaya duyo ka wurngo Merpati ka bodi ." ²⁵ Neni diha wuyo kabani ka ngarangoi Simeon ka engango la Yerusalem.Iyo idokala toyo ka tena mono kama nudu,ha rema-remada ka agu ate goda koko kama wolu kama rayi nolai Israel,mono wadi ka tengngo kahama ringiyi ²⁶ Wadi ka tengngo ka tokya ba iyo ka enga kaja mate bajana ite hoya Mori Kristus noha pedenai Mori. ²⁷ Mokai, Simeon na mayo la umana kama wolu kama rayi noha dokuda wadi ka tengngo, Kole hengoi Yusuf monoi Maria bada marongani Maroba Yesus bana maraha la umana kama wolu kama rayi tutna bada rayini labara-na apani ha koleha paha tutda mono liyo uku pareha. ²⁸ Mokai, Simeon na leroya neka maraha mono na hadi dekaya na kama wolu kama rayi, Wenena, ²⁹ " Neba henaka,la Mori, wola kayala yoyo kamu ha lokoga ba paha wede muga nene ha lako nola ka moli, ba dokuni mono na li-mu; ³⁰ Oro nani matagu kole bagu iteya na hoila mane mara-mu, ³¹ Ka koleha yoyo paha gonamu la arona Tanga kohana la ponu tana; ³² Mono nene nama Gakaha kana rehi magakaha la tangana hagala ponu tana kaja tajayai Mori,mono kana dadi bama hadi deika tutna toyo ha tena-mu, la Israel." ³³ Yusuf mono Inyana nena la keda mono da bangara no ba apani noha tokinai Simeon tutna iyo. ³⁴ Mokai, Simeon naha maringiyi he iyo mono na tokiya labaranai Maria, inyana Maroba Yesus, "Rongoya, nena la keda kole bada ha diraya tutna bada haka naduya mono bada ha kodeya Danga toyo nola Israel,mono na dadi tadko kala tutna ba danga toyo. ³⁵ (Mono, ka bandiha nobu ka enga duhko guni Na pola tomu) tanam ihi ate danga toyo ka enga ka dedobe." ³⁶ Neha bali ne jalani toyo nabiah Ka ngarangoi Hana,Anai Fanuel kawali la ka bihunai Asyer.Iyo ka hoda ka weda. Iyo na morha mono na layina kahengo madena pitu doyo kolengo bada ha boladi, ³⁷ Mono mowalka bana dadi ma wine balu kohaba podo pato ka bulu pato doyona.Iyo jana ha dakak mango bana yelango la umana kama wolu kama rayi,tabolo bana ka ngote hudo mono lodo bana puasa mono bana kawojo kataba. ³⁸ Neba neho nena,da mayoi Hana mono iyo bada mahadi madaika labarana Kama wolu kama rayi mono da dulkoya tutna Maroba Yesus labarada tangan kohada toyo ka rema-remani penebusan Yerusalem. Yusuf monoi Maria Da bali la Nasret ³⁹ Kolehengoi Yusuf mono Maria bada rayini tangana diha wuyo ba dokuni na liyo uku pareha nai Mori, He iyo da bali la Galilea,la hadoyo ha dowalida he iyo,moneyo la Nasaret. ⁴⁰ Nena la keda na kadoka na ihina mono na Kiki matuyo,na kulho mono na ponuya paha ngadana,mono kama wolu kama rayi naha maringi-ya. Maroba Yesus da Bali la umana kama wolu kama rayi ⁴¹ Diha doyo-diha doyo Toyo katuna Maroba Yesus dahar lako la Yerusalem neba lodo bokola Paskah . ⁴² Kolehengo Maroba Yesus ba kabulu duyo dona,he iyo daha lako noha bali ba dokuni ka doma na lodo bokola nene. ⁴³ Koleha Ba rayani ha poja waya, he iyo da bali. Mono, Maroba Yesus mono na enga ha Kitango la Yerusalem mono jada tajawakmani Toyo katu-na. ⁴⁴ Tabolo toyo katuna Maroba Yesus paha ngadada ne iyo enga neni la jonga toyo danga, He iyo dumo daha kitani naha lakoda koha ka iha lodongo, moka he iyo walida bada ma yegani la kaha ole bengo mono tangana toyo ha tajada he iyo. ⁴⁵ Tabolo he iyo jada jomukmaya na Maroba Yesus, mono he iyo da bali la Yerusalem tutna bada mayegani. ⁴⁶ Koleha tolu lodona,he iyo da da jomuya na Maroba Yesus la Umana kama wolu kama rayi tongro ngodo nani la jongada tangada guru Agama,tongrada Bada rongoyi paka patadani la barada he iyo. ⁴⁷ Tanga kohada toyo ka rongoya da bangara te pija ha Ha pewena mono Tangana ha balehana. ⁴⁸ Tabolo toyo katuna bada iteya ne iyo, he jala iyo Da bangara.moka Inya-na naka patani," bagu anagu,aba yoyo mamu rayini yiyo Labarama yama Bapa-mu mono yayo madukalaya Bama mayega-gu. ⁴⁹ Na balehaya Maroba Yesus labarada he iyo, "Aba yomi mami mayegaga yayo? Jamu tajak mawa yoyo ne yayo bana dadi ba nega la Umana Bapa-gu?" ⁵⁰ Tabolo enga,he iyo jada tajakmaya ba ahani ha tokida la Barada he iyo. ⁵¹ Mokai, Maroba Yesus na Bali marongadi he iyo la Nasaret mono dokudi he iyo.monona, Inya- na na bojolaya la Atena neha toki nene. ⁵² Maroba Yesus naka moglo mono na kiki ma tuyo mono naha Ngadango.iyo da Da beni kama wolu kama rayi mono ka dadi toyo.