¹ koleha ha danga toyo karunini ha mijayi diha wuyo patulho tutna neka tangana ka dadi kakole kadadi laha duyo jonga dalarada, ka hengo neha tulho ha paha dukida labarada ida mono tangada toyo ² Mono wali ka ulu kakole bana dadi saksi mata mono bada todo talarani na lina. ³ Oronani yayo bagu kole paha nuwaya tanga kohana mono guha matarani walika wungana, nadoha jalaka yayo bagu tulhoya mono bagu hada ha lulhogudi tutumu ta, Teofilus kama nadango, ⁴ Tanam yoyo kamu kole ngo taja katena tutna tangana ka dadi ha kole paha nuwada labaramu. Paha duki dagu tutnai Yohanes kaha iho. ⁵ Athona na hatena bala baranani Herodes, Raja Yudea,neni na to'o patena kangarango Zakharia kawali la kalibo patena Abia, arawena wola nadi Harun, mono ngaranai Elisabet. ⁶ Zakharia monoi Elisabet To'o katenai la matanai Morda Maroba Allah. Heiyo da morha jada pahilma dadokuni ngaradukkana hatoki mono hawedenai Morda. ⁷ Taidoyaka, heiyo janenekmango anada orongoi Elisabet na woto mono kadungo dakaweda tepijja ⁸ Koleha bana duki na diha ha wuyo naka ngoteda tutna bana ha yili, zakaria nakolengo ha yili tutna bana dadi Imam la arona Na kama wolu kama rayi. ⁹ Ba dokuni na keimamanna, Zakaria na wona badokukani na undianna tutna bana tama la umana kama wolu kama rayi mono bada tunuyi ukupan . ¹⁰ Mono nebana dukidi ukupan bada marakadi, tangada toyo kaha tena daka wojo kataba nolaha bali hodu. ¹¹ Mono naha wodda wunai, Malaikat nai Mori bana tingo wuna labaranai Zakaria mono nadede nola tabara laka wananai altar ukupan. ¹² kole bana iteya nena malaikat, Zakaria mono naka redi na ihina mono na hoda ka bohi. ¹³ Tabolo, nena Malaikat naha newe labarana,''Abim kabohkawu, Zakaria, tabolo naka wojo katabamu mono paka remu na rongo mowaguni. arawemu, Elisabet,engana naha Anango diha wuyo lakeda kabani tutmi mono yomi kami ha ngarani Yohanes . ¹⁴ Yomi engam ege ate dita kokomi mono lagahara, mono danga jala toyo kadokungo bami ege ate dita kokomi noyo bana dadi. ¹⁵ Iyo engana bana matuyo la aronai Mori mono enga jana inukma Anggur bajedokka ha inu ka keras heka. lopo jala,mono walidomo nola kabu inyana iyo engana dokuni wadi katengngo. ¹⁶ Iyo engana na rayini danga toyo Israel ka aro la barai Mori, kama wolu kama rayida he iyo. ¹⁷ Iyo enga daha lako ulungo lara lai Mori mono wadi katengngo mono kawahanai Elia, 'tutna bada rayini ateda tangada ha bapa bada ka bali labara tangada ha Anada he iyo'. Iyo jala engana na rayi tangana toyo kaja li wawa tutna bada kabali labarada kamadingo tangada toyo ha tena. mono kahe jalango, Iyo kaha inyakayi toyo ha tena ha koleha Paha gonada tutnai Mori '' ¹⁸ Zakaria naha newe labarai malaikat nene, ''Ba anyik kagu yayo bagu tajaya tutna ka dadi yiyo. Oronani, yayo yiyo kole guka wedawa mono arawegu koleha ka tungo.'' ¹⁹ Malaikat nene na balehaya, ''Ya dokai Gabriel ,malaikat ka dede la aronai kama wolu kama rayi. Yadoka paha wedena tutna bagu ha newe dongagu mono bagu ha dukiguni yiyo na liyo kadoha labaramu. ²⁰ Neba, hena rongowula . yomi engam kabongawu mono jamu pewekmango ha newe koha nela lodo kole tangana kadadi yiyo bana dadi oronani yomi bajam ha tena gani ha tokigu, nopaha tutda nola rahina.'' ²¹ Tongro heda nene, toyo hatena da remani Zakaria he iyo daka pata -pata wungo Abai Zakaria mana madehingo no dalo la umana kama wolu kama rayi. ²² Koleha bana loho ngoi, Zakaria jana helu ha newekma labarada he iyo. He iyo da tajaya ba nai Zakaria koleha bana kolengo majura nola umana kama wolu kama rayi oronani iyo bana ha kita-kitango bana rayingo pata labarada he iyo, tabolo jana ha newekma. ²³ Koleha pira moyaka narahi keimamanna bana pojaya, balinankai Zakaria la umana. ²⁴ Kolehengo bana dadi kanene, Elisabet naha kabu Mono naka bunyi wungo koha lima wula.Iyo bana ha newe, ²⁵ ''Yiyo idoka ha rayinagai Mori labaragu. Iyo naha mataraga mono na hopigadi duku jalagu walila toyo danga . '' ²⁶ Nebana wali ha kabui Elisabet ba nomo wulana, kama wolu kamarayi naha wedeya malaikat Gabrial la diha hawuyo kota la wilaya Galilea, kangarangoi Nasaret . ²⁷ Iyo naha wedeya tutna bana tobo kaya diha wuyo na bau wine naka duni naka bani ka ngarangoi Yusuf, naha walinai daud . Na bau wine nene idokai Maria. ²⁸ Moka, Malaikat nene nemeni la baranai Maria mono naha newe, '' lima manawara, ta yoyo hama ringnai Mori kakarahawu.'' ²⁹ Na rongoya naha newe nene, Maria na bangara iyo naka pata-patango nola ate dalona tutna artina na li manawara nene. ³⁰ Malaikat nene naha newe labarana, '' abim kabohi kawu, Maria, oronani na kama wolu kama rayi na wobegu ka juru ka noga la baramu. ³¹ Rongowula, yoyo engam hakabuwu mono ha Anango hawuyo lakeda kabani, mono yoyo kamuha ngarani Maroba Yesus. ³² Iyo bana matuyo engada tokiya ba iyo ana kama wolu kama rayiya ko hoda madeta, Mori kama wolu kama rayi enga na woni ha dongodonai daud, obu wekana. ³³ Iyo engana parehayi nolaha walinai Yakub tutna ana muri-ana muri mono naha dona kama deta mono jana ha dukakma.'' ³⁴ Mokai, Maria naha newe labaranai Malaikat nene, ''Ba anyik kana bana dadi yika dadi mono yayo Ja nek mahongo layigu. '' ³⁵ Malaikat nene na balehaya mono naha newe labarana, ''Wadi ka tengngo engana ba nemeni labaramu mono Kawahana kama wolu kama rayi ka hoda madeta engana bana panyiguni na na ura dewamu, na Lakeda kadadi nene idokala kudus mono engana bada tokiya ba Ana kama wulu kama rayi. ³⁶ Mono, mutajabeya nai Elisabet, ole bemu nene tongro ha kabu jalanani kole naka wedabe da tokinani na mandulna, neba hena naha kabube koleha nomo wulana. ³⁷ Oronani, ja nekmango ka dadi kaja tepijango tutna kama wolu kama rayi.'' ³⁸ Mono, Maria naha newe, ''Kahehija-hijanani, yayo yiyo Ana nagai Mori. Nadadi hijaka labaragu ka hengo yoyo ha tokimuga nene.'' Mokai, Malaikat nene naha lako mona ujakani. Maria na loha duki lai Elisabet. ³⁹ Nena lodo nene, Maria naha inya-inyaka wuna tutna bana halegeya naha lakona la diha hawuyo hadoyo la diha ha wuyo kota Yudea. ⁴⁰ Iyo na tama la umanai Zakaria mono na woya na limanawarana labaranai Elisabet. ⁴¹ Kole bana rongonani na limanawaranai Maria, Anana nola kabuna naka Bulo mono naka goyaka mono Elisabet na bonuni wadi ka tengngo. ⁴² Mowalkai Elisabet naka wulo bana wodini na lina, ''Daha hamaringkawu Yoyo la jonga tanga kohada ma wine,Mono daha maringi dumu kaguni nona Ana dolomu. ⁴³ Garaga yayo yiyo mono Inya Morigu mana mayo labaragu. ⁴⁴ Ka tepijango,kole bana rongoya na li manawaramu bana duki laka tilugu, Ana la kabu dalogu nata kohoko oro Ege ate. ⁴⁵ Ege atewula iyo kaha Tena ba ahani ha toknai Mori labarada engana bana Bonungo.'' ⁴⁶ Mokai, naha newekai Maria, ''Na ura dewagu na hadi dekaiyai na kama wolu kama rayi, ⁴⁷ Mono wadi ka tengngo na ege ate nolai kama wolu kama rayi, lede Morhagu. ⁴⁸ Orongoka, Morida Maroba Allah na yapudka atana katerliwuya yiyo. Rongola, walngo hena bahena mono koha neme, tangada ana muri-ana muri egeate wenehodagalah. ⁴⁹ Orongoka nana pahoda hatenada na rayingoka kabokola latuba to'ogu, mono kudus ya ngarana. ⁵⁰ Kanyuru-na ha wona la Ana muri- ana muri, labarada tangada toyo mono ka bohini iyo. ⁵¹ Iyo kole bana ha tingoni naka kawahana bana wani na lima-na. iyo bana hegara haworodi tangada toyo ka li deta nola paha ngadada la ate daloda ⁵² Iyo naha burudi heyo kakawahadi ka walila ha doyo kama deta he iyo, mono da keketayi tangada toyo ka li wawa ate na. ⁵³ Iyo koleha bana ha bohuyi toyo kaka reba mono wango ka doha, tabolo da wugayi toyo ka pote ha lako mono lima ka luda. ⁵⁴ Kama wolu kama rayi kole bana wobeya nama tulu nama gatana labara toyo Israel, la Ata-na, oro bana apeya naka nyuru-na. ⁵⁵ Ba anyinehona kole iyo bana tokya labara obu waikada ida, labarai Abraham mono ha walna koha ana muri-ana muri.'' ⁵⁶ Mono, Maria engango bana oleni Elisabet ba tani ka tutu tolu bu wulana madena, moka ubu na bali la umana. ⁵⁷ Neba hena duknina rahinai Elisabet tut ha anana mono naha Anani diha ha wuyo lakeda kabani. ⁵⁸ Mono heyo ole bara umana mono ole beda da Rongoya bai Mori ya ka koleha kaha tingoni ka nyuru-na kabolkola labaranai Elisabet, mono he iyo da dokungo ege ate Dongadi. ⁵⁹ Ba dukini lodo ka podo patongo, he iyo da mayo tutna menyunatya nena lakeda. he iyo daha Ngarani nena lakeda Zakaria, ka hengo ngara Bapana. ⁶⁰ Tabolo, inyana naha newe, '' Jedokma iyo ha ngarani Yohanes.'' ⁶¹ Tangada toyo daha newe labaranai Elisabet, '' Je nekmango diha wuyo toyo dumo la tangada ole bemu kaha ngara hengo nene. ⁶² Mowalka, he iyo da woya na patada labaranai Zakaria tutna bana ka patani la barada, Ngara ahani ha bena ha wodani labarana nana lakeda. ⁶³ Zakaria naka reya na diha wuyo naka pabala patulho wayo, mono na tulhoya ka hengo yoyi; '' Ngaranai Yohanes.'' mono, tanga kohada toyo mono da bangara. ⁶⁴ Neba henaka nene na wobanai Zakaria nama bugera mono na lomana naka bali, iyo jala naha lege naha newena mono na hadi daikayai kama wolu kama rayi. ⁶⁵ Tanga kohada ole bara umada he iyo daka bohi mono neka dadi yiyo Mono ijuaka pa dulkoda toyo nola tanga kohada la desa nola lete Yudea. ⁶⁶ Mono, tanga kohada toyo ka rongoya neka dadi yiyo daka nuka-nuka ate daloda he iyo, '' Enga dadi ahanani neme nalakeda Nemela.'' Tabolo, limanai Mori engana bana hama ringiyi. ⁶⁷ Zakaria, Bapa nai Yohanes,na Bonu jalani wadi ka tengngo mono dama nyura, bada ha newe, ⁶⁸ Ka hadi daika yai Mori, Kama wolu kama rayi nai Israel Oro nani iyo kole bana kolo ka nekeya mono bana ha walidi toyo kaha tenaya. ⁶⁹ Iyo koleha bana ha kodeya na kadu hoila mane mara tutna ida kawali laha dau wali nai Daud,Ata-na, ⁷⁰ Kahengo iyo bana talarani na lina mono bana wani na wobada tangada Heyo Rato ka tengngo wali ka ulu- li ulu ⁷¹ Tanam ida kada ha hoi lada wali la tangada muhuda ida, mono wali la limada tanga kohada toyo ka butuda ate ida. ⁷² Iyo bana rayini tutna Bana ha tingoni naka nyuru labara Obu waikada ida, mono oro nani iyo bana ha Apedani enga yiyo paha rahi-na ka tengo, ⁷³ Ba idoka na harona iyo patokina labara Obu waikada ida,Abraham, ⁷⁴ Mono ida engada hoila wali la limada tangada Muhuda ida tanam ida kada ha yili Abu da helu ka bohi, ⁷⁵ Mono no bamu tengngo mono bamu tenawu la aro-na, wali nena pira dona na Morhada ida. ⁷⁶ Mono yoyo, bagu anagu,enga da toki guni na Ratomu kamawolu kama rayi laha doyo kama deta, Oronani yoyo bamu ha lako uluwu lai Mori, tutna bamu ha gona nani na larana tutu-na. ⁷⁷ Tutna bamu woni paha ngada tutna na hoila Mane marada toyo kaha tena-la bana ledeni bana Ha wali dadi tangada doku jalada he iyo. ⁷⁸ Ba oronani naka nyuru mono manawara nai kama wolu kama rayida Magaha mata lodo enga naha magahada ida wali la Ha doyo kama deta ⁷⁹ Tutna bana hama gahayi he iyo ka engango nola kaka pogtongo mono ka nengo nola tanga ngara Mawo ma yila,tutna bana ha tutdadi witida ida ka aro Nola lara ka moli ka dame.'' ⁸⁰ Moka, na Anana nene Ma tuyo na kiki bokolo, mono na kiki kulho nola wadi ka tengngo. iyo na engango la maroda gilra koha bana dukini na rahina tutna bana ha tingo wuna labarada toyo Israel.