¹ Kolehana poja Nene,Maroba Yesus naha didrayi pitu kabulu . toyo ha kododa hawadeka,mono iyo naha wedeyi he iyo halako kadu-kadungo tutu ha uluyi la diha ha rona mono hadoyo ka enga ha loha dukina. ² Wene-da labarada he iyo, ''Kadadi bana poneyi hamuyo kahoda danga, tabolo paha yili hodikida. oronani nene,kareiya labara mori kadaguni kadadi Pone hamuyo nene tutu paha wede tangada paha yili tutu kohayi kadadi ba ropo.'' ³ ''Halakowula! Yayo guha wewdewu kahengo Ana bebe laha duyo Ole serigala. ⁴ Abimu ngodi kawu kantong omaha, tas, bajedoka kopa witi.Mono, abimuha newe donga kadi langka garawidini Atula lara. ⁵ Lagiyo uma ha yomi tamami, toki ulu kiyala, 'Maringi malala nola uma yiyo.' ⁶ Banena toyo kanengo nono moli manawara . 'Maringi malala enga jungana nola.tabolo enga ba jedoka, maringi malala nene enga habalina labaramu. ⁷ Engangola la uma nene muwula mono inuwula ahani he iyo paha gona dagu,oronani diha toyo kaha yili Nadadi bakolengoha tagu. Abimu diki-dikikawu wali laha wuyo uma la uma heka. ⁸ Hadakango yomi bami tamami la diha wuyo ha rona mono tangada toyo noha bali da Tobokawu,mukawula hamuyo he iyo hamuyo la aromu. ⁹ Hatogahayi tangada toyo kalawara ka engango noha bali,monona tokiya labarada he iyo, 'Kerajaanna kama wolu kama rayi koleha nadogeta labaramu.' ¹⁰ Tabolo enga, neba yomika katama la diha wuyo deha mono tangada toyo noha bali jada tobokawu,Halakowula la tangana nalara nene laha rona mono naha newe, ¹¹ Moloho kobuka walila laha ronamu kadake lawitima yama enga yama ka kobahayi la aromu.tabolo enga, apeyala yiyo; Kerajaanna kama wolu kama rayi kolena dogeta.' ¹² Yayo guha newewa labaramu; neba lodo nene,hataguna na Sodom enga rehi lewarana walila hataguna nena harona.'' Paha apeda tutu bajada hibaya Maroba Yesus ¹³ ''Mayilami yomi, Khorazim! Mayilamila yomi, Betsaida! baroga hekana yayo harayigu tanga ngara balango kaha mera la Tirus mono la Sidon, moka he iyo kadadi koleha madaiyo bada jora moda ngodo mono da ngodo da wango kaba kalata kaha wulu mono kobuko . ¹⁴ Tabolo enga,nena rahi paharehada,hatagunai Tirus monoi Sidon narehi lewaraho walila hatagumu. ¹⁵ Mono yomi,Kapernaum, Abekani yomi engada keketami la Surga? jedokma, Yomi engada dabetugimi la ponutana toyo kamate! ¹⁶ Bagara dini karomgowu,na rongowa yayo. tabolo enga, garani kaja hibawu iyo jana hiba jalakmawa yayo.Mono,bagarani kaja hibawa yayo,iyo jana hibakmaya Iyo kaha wedewa yayo.'' Tangada mori tana daka ngakko La arona anaha kodona Maroba yesus ¹⁷ Mowalka kapitu kabulungo anaha kodona nene dabali mono Da ege ate mono nene badaha newe, ''Mori, tangada mori tana daka ngakko labarama yama wanina ngara-Mu.'' ¹⁸ Maroba Yesus naha newe labarada he iyo, ''Yayo gu iteya napa jode kanadu Walila langto kahengo naka milaka. ¹⁹ Kamu tajayala bayayo kakole wogu kawaha tutu dekengo talikko mono halotko,mono jala kawaha nola tanga ngara kulho muhu. Enga jenekmango kaha hodugimi yomi. ²⁰ Tabolo enga,Abim ege atekami yomi oro tangana wadi nene daka ngakko labaramu Moka kamu ege atemila yomi oronani ngaramu bana matulho la Surga.'' Maroba Yesus bana kawojo kataba labara Bapana ²¹ Nehongo nean, na ege atela Maroba Yesus nola wadi katengngo mono naha newe, ''Yayo wawu wegugu labara-Mu Bapa, Mori no deta la langto mono ponutana, tabolo Yoyo bamu kabunyini tangana kadadi yiyo walila toyo ka mangu paha ngadana mono kapewe.tabolo enga, yoyo hatingoni labarada tangada Lakeda abuka dadi.We Bapa, oro idoyila kawonangon La aro-Mu. ²² Bapa-Gu koleha nawoka la Tanga kohana Labara-Gu,mono jaha wukma toyo katajaya na anana heleni Bapa. Mono,jaha wukma toyo katajayai Bapa, heleni na anana moka tangana toyo kala barada he iyo Anana nakabu ateni tutu Bana hatingoni.'' ²³ Mowalka, Maroba Yesus nahabara wuda labarada Anaha kodo-halolena mono naha newe labarada he iyo hahada olebengo, ''Nama ringikadila mata ka ite ba apani yomi ha itemi. ²⁴ Tabolo yayo Guha newewa labaramu; dangayi nabi mono raja ka hoda kamadini iteya tangana kadadi ha itemi neba hena, tabolo he iyo jena itekmaya. Mono hoda kamadini rongoya tangana neka dadi yomi harongomi neba hena,tabolo he iyo jada rongokmaya.'' Toyo Samaria daha manawara wungo ²⁵ Mowalka, diha wuyo toyo Ahli Hukum Taurat kadede tutu bana kabani Maroba Yesus, wenena, ''Guru, apanehoni Harayigu tutu ka kolengo Morha kaja haduka?'' ²⁶ Nabalehaya Maroba Yesus labarana, ''apani kama tulho nola Liyo uku pareha?Apani yomi habahami no dalo?'' ²⁷ Nena Toyo nabaleha, ''Manawaranila Mori, kama wolu kama rayimu, mono kabonungo la atemu,mono kabonungo napola toyomu, mono kabonungo Kulhomu, mono kabonungo paha ngadamu . Mono, Manawarakinila na olemu toyo kahengo yoyo bamu manawarani na pola toyo dagumu.'' ²⁸ Maroba Yesus naha newe Labarana, ''Nabalehamu nene nawonango. Rayinila nene, moka yomi enga mimorha.'' ²⁹ Tabolo enga, nena toyo nabeni bana hatena wuna, moka iyo naha newe labarana Maroba Yesus, ''Mono, bagara kani olegu toyo?'' ³⁰ Maroba Yesus nabalehaya nene mono naha newe, ''Neni diha wuyo toyo kaburu walila Yerusalem la Yerikho, iyo mono da kareboya daka rama nadi kalebena mono da paluya, Mowalka mona jena bana maleto nola bana hodimo bana mate. ³¹ Kahengo,diha wuyo toyo Rato kalinina lara nene koleha iyo bana iteya nena toyo iyo naha lako kahebelengo mono naha lako lalara heka. ³² Kaheyo jalango ha rayina nena toyo Lewi ,koleha bana mayo nela hadoyo nene mono na iteya nena toyo, iyo naha lako hakitango mono naha lako liyo la lara heka. ³³ Tabolo enga, neni diha wuyo Samaria katongrongo ha lako kaliyo nono. Mono koleha iyo bana iteya nena toyo namila kini ate labarana. ³⁴ Moka, nena toyo Samaria nadohekaya, mono na baha nadi tangadi kapotana. iyo na oja nadi minya mono anggur ,moka naha poneni nena toyo nola keledaina mono na ngodiya nola iha wuyo hadoyo, Moka naha madiya nena toyo. ³⁵ Koleha bana delakango natana,nena toyo Samaria naha lohoyi omaha duyo dinar mono nawoni labarana kajagaya nena hadoyo mono naha newe, 'Karawayala nena toyo kama nuwa yiyo. mono piradi yomi hapojami omaha tutuna, yayo engagu tagudi jeluda nebagu baliwa.''' ³⁶ Moka, Maroba Yesus naha newe, ''Badokukagu, bagarani la jonga katolungo toyo nene kadadi olemu toyo wali haka reboda nene?'' ³⁷ Kana balehaya nena ahli Taurat, ''Toyo kaha tingoni naha manawara wuda labarana.'' Moka, wenai Maroba Yesus ''Halakowula, mono kamu rayini naka dadi kaha mera.'' Maria monoi Marta ³⁸ Kolehe Maroba Yesus mono tangada anaha kodo-haloleda noyo bada halako, Maroba Yesus natama la diha wuyo deha neni diha wuyo mawine kangarangoi Marta na tobokaya Maroba Yesus la umana. ³⁹ Marta neni naha wuyo na olebena kangarangoi Maria ka ngodo labara witina Maroba Yesus mono na rongoya paha nuwana Maroba Yesus. ⁴⁰ Tabolo engai,Marta naha alu hingo joli hayili tangada paha yili hapoja neho. Marta domo nadoheka la Maroba Yesus mono naha newe, ''Mori,jana gilakakmagu yoyo banena olebeyo mawinegu bana ujakaga yayo bana rayidi tanagada paha yili dagu? Hawedela iyo kana hayili dongaga!'' ⁴¹ Taboloi, Mori nabalehaya, ''Marta, Marta,yomi tala ateya mono ha pusing wunekango mono kadanga neka dadi. ⁴² Hawuneheni tangana kadadi kaheyo hijango. Maria kolehana pideya hadaguna karehi doha, mono hadaguna nene jana enga hadakak mango bana dekenani walila labarana.''