¹ Nengo iha lodo, Maroba Yesus bana kawojo kataba la diha wuyo hadoyo.kolehe iyo bana poja haka wojo kataba,diha wuyo toyo walila tangada anaha kodo-haloleda naha newe labarana, ''Mori, hanuwa gamala yama kawojo kataba kahengoi Yohanes bana hanuwadi anaha kodo-halolena.'' ² Mowalka Maroba Yesus naha newe labarada he iyo, ''Kolehe yomi bami kawojo kataba, kawojo katabami kahengo yiyo; 'Bapa, hapaha muraha na ngara-mu Nemenila paha tengi paha langu-Mu. ³ Wokagamala labarama yama hamuyo kaha tutungo diha lodo , ⁴ Mono hawali kagamala tangadi jalama yama tabolo yama dagu jala maha walini diha toyo kajala la aro labarama yama. Mono,abim ngodikama yama nola kama kaba.''' Karaiyala, Mayeganila, mono kaladinila ⁵ Mowalka Maroba Yesus naha newe labarada he iyo, ''Neba hekana diha wuyo walila yomi kanengo diha wuyo olemu mono yomi kaha lako la umana olemu nene neba taloro hudo mono naha newe labarana, 'Ole, woto kiga yayo tolu buyo kababa, ⁶ Oronani diha wuyo toyo na olegu katongrongo rayini halako liyo la umagu,tabolo yayo janekmango aha-ahana la uma tutu batawaraya labarana.' ⁷ Notongo na olemu wali nodalo la uma na baleha, 'Abimu dahi kaga yayo! binna kole nama kuhi mono yayo mono tangada anagu koleha la hadoyo majuru. Yayo jana dadikma kode tutu woyo aha widini labaramu.' ⁸ Yayo gutokiya labaramu moba langka na olemu nene jaja kode mono bana woya na ihawuyo labaramu oronani yomi olebena tabolo oro yomi ha kita kaha raino, iyo engana kode mono na wogu ahani yomi hawayo. ⁹ Moka, yayo gutokiya labaramu karewula ,yomi engami hibaya. Mayeganila , yomi engamu jomuya. Kaladinila,nabina engada bugerani tutumu. ¹⁰ Tabolo bagarani kakaraiyo engana nahiba. bagarani kama yega engana manyomu. Mono bagarani kakaladingo, bina engana da bugerani tutuna. ¹¹ Nengoka diha wuyo ha Bapa la jongami engaka woyo talikko labarana anana neba iyo kakaraiyo iya? ¹² Bajedoka nawoni halotko neba iyo bana kareka tolu? ¹³ Neba Yomi ka japata tajaya ba anyina kawoyo hawoda kadoha labara tangada anamu, ahawalini na Bapamu la surga. Iyo engana woya na wadi katengngo labarada tangada toyo karaiyo labara-Na.'' Maroba Yesus nawani na kawahana kama wolu kama rayi ¹⁴ Nengo diha lodo,Maroba Yesus nawugaya na mori tana walila diha wuyo kabani kakabonga. kolehe nena mori tana nene bana lohongo,toyo neyo wanana kabonga nene kole bana ha newe mono toyo danga neka bangara. ¹⁵ Tabolo, kapirango toyo kaha newe, ''Iyo na wugaya na mori tana mona kawahana Beelzebul, kapaladi mori tana.'' ¹⁶ Kaprango toyo hawadeka kawawa kabani Maroba Yesus, he iyo daka raiya Iyo naha tingoni diha wuyo tadko walila surga. ¹⁷ Tabolo, Maroba Yesus natajaya apanai he iyo paha ngada mono hatokina labarada he iyo, ''Diha kerajaan kabera-bera mono kaha goba wungo engada moho. Mono,Olebeyo ka tangango olena mono daha muhu wungo dama hewa. ¹⁸ Moka, moba nena pajode jala da mahewa-hewa mono dagoba wuyo daguda, ba anyina bahena hadona kama gilata bana kolengo engango bana tahingo? yayo gutokiya kahenengo oronani yomi bamu tokiya baneba yayo kawani nakawahana Beelzebul bana wugayi tangadi mori tana. ¹⁹ mono ne yayo guwugayi tangadi mori tana monoi Beelzebul, mono kawaha bagarakadi tangada anamu kawugayi he iyo? oronani nene, idoyi kala ka engadadi kaparehada ²⁰ tabolo enga neba yayo guwani nakawahana kama wolu kama rayi tutu bna wugayi mori tana, hadoyona kama gilata kama wolu kama rayi kakoleha ka nemengo labaramu. ²¹ Neba diha wuyo toyo kakulho mono kamangu bodlona kaha tutngo kajagaya na istana daguna, hapotena hawana na dadi nola bana doha. ²² Nemo,neba nekango toyo karehi kulho walila iyo ha legeya da gobadi mono naha bokedi, moka toyo karehi kulho nene mono daka ramadi tangana bogloda haka dawuda nena toyo mono da bawe-bawedadi hadaguna haka ramada. ²³ bagara widini kaja nengo la ole-gu, iyo nagobaga yayo. Mono bagara widini kaja makoha dongaga yayo, iyo dama dama hewa-hewayi.'' Balina nawadi kaja doha ²⁴ '' Moba neka Nawadi kaja doha kalohango walila ihina didiha toyo, nawadi nene enga da kilorani bada liyo laha doyo-doyo kama rokoto tutu mayegango hadoyo ngahu, tabolo iyo jada tobokaya. Oronani nene, iyo naha newe, 'Yayo engagu baliwa la uma kakoleha ujakagu.' ²⁵ koleha iyo nabali,da tobokaya na umana nene nola batongrona habo hamuraha mono na atora hamijayi. ²⁶ Mowalka,nena wadi kaja doha naha lako mono na lekoyi pitu wadi karehi japata wali tutu bana tama mono na engango la uma nene moka neda toyo nene mona dadi bada dikoroyo karehi kaja doha walila Atuhongo.'' Tangana toyo pahama ringina ²⁷ Koleha Maroba Yesus natokiya yiyo,diha wuyo mawine ka nengo nola haduna toyo danga kawulo, ''Daha maringikala na hoba ka koleha kaha anagu yoyo mono nawuyo kurumu kaha huhuwu yoyo.'' ²⁸ Tabolo enga, Maroba Yesus naha newe, ''Dama ringikangola tangada toyo karongoya na lina kama wolu kama rayi mono naha doku.'' Tadkonai Yunus ²⁹ Koleha tangada toyo kama koha da kiki danga, Maroba Yesus naha newe, ''Bomone yiyo idokala bomone ka japata; he iyo da duhaya nadiha wuyo tadko, tabolo jaha wukma tadka widi ka enga paha tingoda labarada he iyo heleni natadkonai Yunus . ³⁰ Kahengoi Yunus kadadi tadkona batangana toyo ninewe , kahejalango kadadi toyo engana dadi tadkona baheyo mone yiyo. ³¹ ''Nena lodo kawedana tana,Ratu Kawali wawa engana na kode oleni tangana toyo kawali bomone yiyo mono iyo enga nahama yilami he iyo oronani iyo bana mayo walila katoku tana tutu bana rongoya hakabu atenai Salomo, mono yiyo nedi diha-diha toyo karehi bokolo walilai Salomo. ³² Nena lodo kawedana natana, tangada toyo Ninewe engada kode maronga dongadi kabodi yiyo mono daha mayilayi, oronani tangada toyo Ninewe kajora kolehe Yunus bana khotbah la aroda he iyo,mono yiyo nedi diha-diha toyo karehi bokolo walilai Yunus.'' Mata idokala na Api waiyo napola toyo ³³ '' Janek mango diha wuyo toyo dumo kakoleha haderkoya api waiyo, engana nataya na api waiyo nene la hadoyo ka bunyi bajedokaya la kabu hadoyo . Bewalka, he iyo dataya nena api waiyo nene lawiti api waiyo moka tangada toyo katama koleba ba iteya kama gakaho. ³⁴ Mata idoyila na api waiyo napola toyomu. neba matamu bana dohayi, tangana pola tomu engana nama gakahango. Tabolo, heyo matamu bana japatayi, tangana napola tomu engana nabonngo kapogto. ³⁵ Oronani nene, tala atekiyala monena magakaha nola tomu abuna dadi kapogtongo ³⁶ Moneba napola tomu nabonngo monena magakaha mono janekmango hadaguna kapogtongo, nelapola tomu nene engana nama gakaha tanga koha naha mera kahengo kolehe diha wuyo Api waiyo kaha hiwurawu monola Magakahana.'' Maroba Yesus naka wulodi Toyo Farisi mono Ahli Taurat ³⁷ Kolehe Maroba Yesus bana poja ha newe, diha wuyo toyo Farisi kaka lehudi tutu muyo Iyo dumo na mayo, moka mono nangodo mono namuyo. ³⁸ Tabolo enga, Toyo Farisi nene da bangara kolehe bada iteya Maroba Yesus jana bahayi lima-na bajana ha uluyi bajana muho. ³⁹ Nemo, Mori naha newe labarana, ''Tangada toyo Farisi natujamu baha murahani tutu laka bedona koba cangkir mono tobo, tabolo noyo dalo la pola tomu nabonungo butu ate mono japata. ⁴⁰ Ta, tangami toyo kabonga! Ja ikado iyo karayini tutu habali hodu jala karayini tutu noyo dalo? ⁴¹ Oronani nene, bawekidila ahani kanengo nola yomi hadagumu nene kahengo kanyurumu. mono kaheyongo, Yomi engana tena-tena bana muraha . ⁴² Tabolo enga, Mayilamila yomi oronani yomi, tangami toyo Farisi!tabolo, Yomi woyi perpuiuhanmi nola kadadi selasih , inggu , mono tanga ngara hatodo lamangomu, tabolo yomi mayadi hapareha mono manawara na kama wolu kama rayi. bahenehona, yomi bami rayini Tanga kohana neka dadi nene mono neyo jana mayakmadi tangana neka dadi heka . ⁴³ Mayilamila yomi, tangami toyo Farisi oronani yomi bengo ngodo laha doyo kadoha la Sinagoge mono jala kabengo hiba na liyo ha aka lapahara. ⁴⁴ Mayilamila Yomi oro yomi ka hengo Rate japaha tajada, hadeke-dekeda toyo monone iyo jada podakma.'' ⁴⁵ Mowalka, nena diha wuyo toyo ahli Taurat naha newe labarana Maroba Yrsus, ''Guru, kolehe yoyo bamu tokiya tangana kadadi yiyo, yoyo kulra jala mugama yama.' ⁴⁶ Nemo, Maroba Yesus nabaleha, ''Mayilamila yomi, Ta, tangami ahli Taurat! tabolo, yomi taya nangodi butomi tutu bami hadetonani natoyo heka, tabolo natutu dagumu jamu wawakmawu jojaya nangodimu nene mono hagayo karaku lima dumo. ⁴⁷ Mayilamila Yomi oronani bami hakodeya na Rate tutu tangada nabi hamateda heyo Obu waika. ⁴⁸ Lopo widi, yomi hadedoni labarana tangada toyo neba yomi bami mangakuni harayida obu waikamu ;heyo ikadola kaha mateyi tangadi nabi nene, tabolo yomi ka kode walila Ratena. ⁴⁹ Idoyila kaha oro, Kama wolu kama rayi nola ha akabu atena naha newe,'yayo enga guha wedeyi tangadi nabi mono Tangadi Rasul labarada, tabolo kapirango walila tangada toyo pahab wonada nene enga daha mateyi mono dahama yilayi,' ⁵⁰ Tanam rutoda tangada nabi, kabowo wali naponu tana bana rayini kakole bana wali toyo kabodi yiyo yiyo, ⁵¹ Wali walila Rutonai Habel koha la rutonai Zakaria , paha mateda la jonga Altar mono umana kama wolu kama rayi. we, yayo guha newewa labaramu ba heyo kabodi yiyo enga datagu balehadi nela aroda neka dadi yiyo, ⁵² Maiylamila Yomi, ta, tangada ahli-ahli Taurat!tabolo yomi koleha dekekeya na kuhi pewe, tabolo yomi dagu jama wawakma tama mono bahada- hadadi toyo heka tutu tama.'' ⁵³ Kolehe Maroba Yesus bana yelani nena ha doyo, tangada ahli Taurat mono tangada toyo Farisi walida bada muhudi mono bada nokodi mono tanga ngara paka patada. ⁵⁴ He iyo da berkomplot tutu bada wopaya na Maroba Yesus mono naha newe paha loho-Na.