¹ Mowalka, tangada toyo da dede mono da ngodiya Maroba Yesus la aronai Pilatus. ² Mono, he,iyo daha legeya daha woni Maroba Yesus Monaha newe, ''Yama madukini yiyo na toyo kaha jolora gadi bangsa mayama mono naheri gama yama tutu woyo wolu katoku labara kaisar , moha toki neba Iyo idokala Kristus, diha wuyo toyo Raja.'' ³ Pilatus naka patango labarana Maroba Yesus, ''Ebekani Yoyo Raja toyo Yahudi?'' Maroba Yesus nabalehaya, ''Idoka ne yomi hatokimi.'' ⁴ Mowalka, Pilatus naha newe labarada tangada Imam kapala mono toyo danga, ''Yayo jagu jomuk maya najalana na Toyo yiyo.'' ⁵ Tabolo enga, he,iyo daduha hakitaya tongroda kawulo mono daha wodini, ''Iyo naha dukini tangada Toyo mono nawani paha nuwa-Na la tangana naka lingora Yudea walidala bada walila Gallilea koha duki yiyo!'' Maroba Yesus da ngodiya labarana Herodes ⁶ Kolehe Pilatus narongoya Neka dadi nene, iyo naka patango Ebekani Maroba Yesus toyo Galilea. ⁷ Mono, koleha iyo bana tajaya ba Maroba Yesus baka waliya wali laha doyo hakawahana Herodes, Pilatus widi naha ngodini Maroba Yesus labarai Herodes ka neho nene katongro baneni laha rona Yerusalem. ⁸ Kolehe Herodes na iteya Maroba Yesus, Iyo nahoda doha na atena. Iyo kole madeyo bana beni hatoboka donga-Ni oronani iyo kole bana rongoya kadanga kadadi tutu Maroba Yesus tabolo iyo bana moneni kadadi bana iteya diha wuyo kabalango haneha harayina ole Maroba Yesus. ⁹ Moka, Herodes napaha lakoya danga haka patanani labarana Maroba Yesus, Tabolo Maroba Yesus jana wokmadi baleha aha widini labarada. ¹⁰ Tangada Imam kapala mono tangada ahli Taurat kadede noha bali bada hawoni Maroba Yesus mono kahoda doha. ¹¹ Lopo, Herodes mono heyo tentara jalana daha wawaya mono da tere kaya Maroba Yesus. kole nene, He,iyo datani jubah kadoha moka daha ngodi habalini labarai Pilatus. ¹² ka ulu, Pilatus monoi Herodes modaha muhu hongo, tabolo lodo hena he,iyo daha ole atengo. Pilatus nama padeka Baha hoilaya Maroba Yesus ¹³ Mowalka, Piltus nakohayi tangada Imam kapala, heyo kapala Yahudi, mono toyo danga, ¹⁴ Moka naha newe labarada he,iyo, ''Yomi ngodi gani yiyo natoyo labaragu kahengo diha toyo kaha jolora toyo danga. Tabolo enga, Kolehe yayo baha rehayi-Na la aromu, Yayo jagu jomukmani najalana kahengo Yomi paha womi labara-Na ¹⁵ Herodes jala jana jomukmaya najala-Na Moka iyo mana hangodi habalini yiyo natoyo labarada ida. Pahoranila, Iyo jana rayik mango jala kadadi mana kolengo mayila mate. ¹⁶ Oronani nene, koleha yayo bagu hanuwa-Ni, Yayo engagu pahola-Ya.'' ¹⁷ [Neba diha lodo bokolo Paskah, Pilatus naha hoila nehoni diha toyo hatahaka tutu toyo danga.] ¹⁸ Tabolo enga, Toyo danga nene kakawulo dongadi ''Halinila yiyo na toyo! Paholayai Barabas tutu yama!'' ¹⁹ [Barabas idokala diha toyo paha tama lagolu oronani bana ha ole nola bana harubata nola ha rona mono narayi jalani bada hamate.] ²⁰ Oronani Pilatus bana beni paholaya Maroba Yesus, moka naha daka walingo bana hanewe labarada toyo danga. ²¹ Tabolo enga, he,iyo engada bada kawulo, ''Kadeloni Iyo! Kadeloni Iyo!'' ²² Tutu hadolu wudango Pilatus bana kapatango labarada he,iyo, ''Mo aba? Kajapata ahani hakole harayina Toyo yiyo? Iyo jana jalakma. Yayo jagu jomukmaya najala aha widini labara-Na kadadi kakolengo hama yila mate. oronani nene, Yayo enga jagu takma-Ya moka mana pahola-Ya.'' ²³ Ta, idoya, he,iyo bada hakitango Bersikeras mono daduha mona naliyo kata dinaha tanam Maroba Yesus bada kadeloni. Mono,nalida he,iyo moda talo. ²⁴ Neba hena, Pilatus napohotaya tutu bana bonngo nama duhada he,iyo. ²⁵ Iyo naha hoilaya natoyo haka reda oro toyo danga, katama lagolu Oronani bada rayini paha rubatada mono paha mateda. Tabolo enga, bada woya na Maroba Yesus labara habeda he,iyo. Bada Kadeloni Maroba Yesus ²⁶ Kolehe heyo tentara bada ngodiya Maroba Yesus daha lako, he,iyo jala da potuyi didiha toyo, ne iyo Simon walila Kirene ka bango kamayo walila deha. heyo Tentara da taya nayayu kadelona Maroba Yesus la balena mono naha wedeya bana detoya nayayu paka delona nene laka bedona Maroba Yesus. ²⁷ Dangayi toyo kadokuni Maroba Yesus, mono lajongada he,iyo nedi tangada mawine kahuyo mono kaloluni Iyo. ²⁸ Tabolo enga, Maroba Yesus nagilaka labarada he,iyo mono naha newe, ''Ta, tangami bowine Yerusalem, Yomi abimu hukaga yayo Huneni natutu dagumu mono tangada anamu. ²⁹ Engana dukini narahina kolehe tangada toyo enga daha newe, 'Dama ringi kangola tangada mawine kamandul, mono nahobana kaja ha anahongo anana mono nahuhuna kaja hadaka hongo ha huhu.' ³⁰ Neba neho nene he,iyo enga daha newe labarada tangada letena, 'Tabuhtowula nola Yama!' mono labarada tangada letena, 'Bonyi gamala Yama! ³¹ Tabolo,ba anyina he,iyo bada rayini tangana kadadi yiyo kole punge yayu bana mori haho, ahani ka enga kadadi kole punge yayu nene bana marokoto?'' ³² Neyo jaladi toyo kajapata ha ngodida tutu baha mayila mateyi bada maronga dongani Maroba Yesus. ³³ Kolehe he,iyo bada duki la diha wuyo hadoyo kangarangoi ''Tengkorak,'' Heyo tentara daka deloni Maroba Yesus na oledi kadungo toyo kajapata nene, diha wuyo toyo latabara kawana-Na mono diha wuyo toyo wali latabara kalena. ³⁴ Mowalka Maroba Yesus naha newe, ''Oh Bapa, hawali kadila he,iyo, oronani he,iyo jada tajakmaya ahani he,iyo harayida,'' moka heyo tentara dabetudi Undida tutu bada bawe-bawe dadi kalebe-Da la jongada he,iyo. ³⁵ Toyo Kadanga kadede noha bali katajaya tanga kohana, tabolo heyo kapalani Yahudi katere kaya Maroba Yesus motongroda bada makto hatereka. He,iyo daha newe, ''Iyo naha morhayi toyo heka, moka jekana iyo kana ha morha wuyo dagu-Na neba iyo idokala Kristus, hapedena ole Maroba Allah!'' ³⁶ Heyo tentara da terekaya Iyo, moka he,iyo nemedi mono daha wedeya inu anggur asam labara-Na, ³⁷ Mono daha newe, ''Neba yoyo Raja toyo Yahudi, Ha morha wumula natutu dagu-Mu!'' ³⁸ Mono, neyo jaladi diha wuyo kama tulho noyo deta-Na ''YIYO IDOKALA RAJA TOYO YAHUDI.'' ³⁹ Diha wuyo kawali kajapata kama tero la noha bali kapodaya Maroba Yesus, wenena, ''Baja yokadoi kristus? Hamorhayala napola toyomu mono Yama!'' ⁴⁰ Tabolo enga, kajapata naha wadeka naka wuloni iyo mono naha newe, ''Jemu kabohikmani yoyo labarana Maroba Allah oronani yomi jala kahibaya nama yila kaha mera? ⁴¹ Ida mema hene hoda bada hibaya nagobana moneyo ahani hakoleda ida harayida, tabolo Toyo yiyo jana rayikmango jala aha widini.'' ⁴² Moka, iyo naha newe labarana Maroba Yesus, ''oh, Maroba Yesus, Ape kiwala yayo kole yoyo bamu tamawu noyo dalo la kateng-kalangngo-Mu.'' ⁴³ Mowalka Maroba Yesus naha newe labarana, ''Yayo gutokiya kaheyo hijango labaramu, Yiyo na lodo jala Yomi enga gumarongagu yayo noyo dalo la Firdaus.'' Bana mate Maroba Yesus ⁴⁴ Neho nena batani katutu Pukul 12 didara lodo, naka pogtongo nama kabaka koha tangana yiyo natana nene koha duki pukul 3 bana malongo ⁴⁵ Oronani namata lodo bana kapogtongo mono tirai nola umana Maroba Allah nama jirakayi mona dadi 2 watekayi. ⁴⁶ Mokai Maroba Yesus naka wulo mona lina naha wodini, ''O Bapa, monola limamu guwoya na lolo ngahu-Gu.'' koleha neba tokiya nene, Moroba Yesus naha loleya nangahu-Na neka muri , ⁴⁷ Kolehe kapalana iha mariwa da iteya neka dadi, iyo nahadi dekaya Maroba Allah mono naha newe, ''Kaheyo hijanani, Toyo yiyo kaja mangu jalana!'' ⁴⁸ Kolehe toyo danga kamayo ha oleda tutu bada iteya neka dadi nene bada taja daguya ahani kadadi, he,iyo dabali monebada palu-paluyi kuruda he,iyo. ⁴⁹ Tanga kohada katajaya Maroba Yesus mono kapirango mawine koleha bada doku-Ni walila Galilea kadede diko royo mono katajaya neka dadi yiyo Maroba Yesus bada tanoni ⁵⁰ neni diha wuyo kabani kangarangoi Yusuf, Hawuyo toyo kaha nuwa diha wuwalli kadoha mono katena. ⁵¹ [Iyo dagu kaja wali ateni neha pohoto mono hawali ateda he,iyo]. Yusuf kawali laha rona Arimatea, diha wuyo harona Toyo Yahuda. Iyo jala diha toyo karema-remani kateng-kalangngo Maroba Allah. ⁵² Iyo naha lako labaranai Pilatus mono naka raiya naka rogona Maroba Yesus. ⁵³ Moka, iyo naha buruni naka rogona Maroba Yesus walila yayu paka delo mono naka borowani kaba linen. Koleheka nene, iyo naha majuru-Ni nola diha wuyo rate habola wango pahat nela Letena kaha watungo noha bali, Jaha dakak mahongo banengo iha toyo paha majuruda. ⁵⁴ Lodo nene idokala nalodo paha gona , mono lodo miggu enga nama lewara bana halege. ⁵⁵ Tangada Mawine kamayo marongani Maroba Yesus walila Galilea mona dokuni Yusuf. He, iyo da iteya narate nene mono ba anyina naka rogona Maroba Yesus baha majuruni noyo dalo. ⁵⁶ Koleheka nene, he,iyo dabali mono daha gonango rempa-rempa mono minya tutu ba ojani naka rogona Maroba Yesus. Nena lodo miggu he,iyo dangahu badokuni nena liyo uku parehanai Musa.