¹ Lodo bokolo rahi muyo kababa kaja beragi ha neha toki lodo Paskah kole nadoheka. ² Tangada Imam mono tangada Ahli Taurat kama yegango hada tutu hamateya Maroba Yesus, oronani he,iyo bada kabohi la aro toyo kadanga. Pengkianatan Yudas ³ Mowalka, na tamanika na mori tana nolai Yudas, noha tokida Iskariot. Iyo idokala nena iha wuyo kawali kaduyo kabulu dungo Ana hakodo halolena. ⁴ Moka, daha lakokai Yudas moka da woro dongadi tangada Imam kapala mono paha uluda la umana Maroba Allah tutu ba anyina iyo bana woya Maroba Yesus labarada he,iyo. ⁵ Mono, he,iyo dahoda ege ate mono daha wungo tutu badadi omaha. ⁶ Mokai, Yudas nawoli ateni mono nawali hengo bana mayegango kaloga tutu bana woya Maroba Yesus labarada he,iyo neba janengo toyo danga. Bada Muyo la Paskah ⁷ Mowalka, nadukinika na lodo bokolo Roti kaja beragi , Idokala nena tutu ba mara kaya na ana bebe Paskah. ⁸ Neba neho nena Maroba Yesus naha wedeyai Petrus monoi Yohanes,wene-Na, ''Halakowu mono kamu hagonango hamuyo Paskah tutuda ida bada muyo.'' ⁹ Weneda he,iyo labarana Maroba Yesus, ''Bageka yoyo habemu tanam yama kama hagona kango?'' ¹⁰ Nabalehai Maroba Yesus labarada he,iyo, ''Kolehengo yomi bami koleha tama laha rona, Yomi enga hatoboka dongani diha wuyo kabani ka ngodiya Kendi; dokunila iyo la umana mo engami tamami, ¹¹ Mono kamu tokiya labarana na mori uma nene, 'Guru naka patango labaramu: Lagekani nakoro hadoyo kula hadoyo yayo hakolegu muyo Paskah bagu oledi tangada ana hakodo halole-Gu?' ¹² Moka, iyo enga daha tingoni Labaramu Diha wuyo koro kabokolo nola lantai kadoyo deta, kamangu hawana hakole paha gona. hagonangola hamuyo tutuna ida noha bali.'' ¹³ Mokai, Petrus bana oleni Yohanes naha lako mono nakoleni tanga kohana kadadi kahengo hatoki nai Maroba Yesus mono he,iyo widi Daha gonango hamuyo Paskah. Bada muyo , Inu Dongani la Paskah ¹⁴ Kolehengo bana kole haduki narahina, Maroba Yesus mono ana kodona nangodo muyo laha kiloro meja. ¹⁵ Mowalka, Maroba Yesus naha newe labarada he,iyo, ''Yayo gubeyo ngadengo moyo paskah yiyo bagu olegimi Yomi neba ja yayo bagu mayilawa. ¹⁶ Tabolo yayo guha newewa labaramu, Yayo enga jagu muyo walikmani koha neka dadi yiyo bana hatutumgo nola katengo-kalangngo Maroba Allah.'' ¹⁷ Moka,Maroba Yesus mana dekeya nakoba cangkir kamanu ihingo Anggur mono wawu wemagu, mowalka naha newe, ''Dekeyala yiyo nacangkir mono kamu bawedila lajongami yomi. ¹⁸ Tabolo, yayo giha newewa labaramu lopo neba hena yayo enga jagu Inukmawa Anggur koha neyo katengngo Maroba Allah ba nemeni.'' ¹⁹ Mowalka, Maroba Yesus nadeke kababa mono nama hadi madaika, iyo nahibi-hibiyi heyo kababa nene mono nabawededi labarada he,iyo mono nene bada hanewe, ''Naka baba yiyo idokala napola toyo-Gu hawoda labaramu; rayinila yiyo kahengo bamu enga paha ape waga yayo.'' ²⁰ Kaheyo jalango, koleha muyo, Maroba Yesus nadekeya nacangkir anggur mono naha newe, ''Moyiyo nakoba cangkir paha laligu tutumu yiyo idokala pakiragu kabayo nola Ruto-Gu . Noyo Patoki tutu Toyo kawoya na Maroba Yesus ²¹ Tabolo enga, pahoranila, limana toyo ka engaka wowa Yayo neni kama ronga dongaga yayo la meja yiyo. ²² Tabolo, kadadi toyo enga naha lako mono hada kahengo hakole paha didara, tabolo dama mayilala toyo ka woya Iyo!'' ²³ Tangada Ana kodo-halole-Na naka patango diha wuyo mono hawadeka tutu bagarani la jongada he,iyo ka enga karayini. Dadimila toyo kaha yili ²⁴ Bada habarengo nadadi la jonga heyo para rasul tutu bagarani la jongada he,iyo neyo hanemu kahoda bokolo. ²⁵ Tabolo enga, Maroba Yesus naha newe labarada he,iyo, ''Tangada Raja bangsa kaja tajayai Mori kakawaha nola rakyatna, mono tangada toyo kakawaha nola tangada raja nene neha toki 'paha mawoda Rakyat.' ²⁶ Ta idoya, yomi abi hekango nene. mowalka, kahoda bokolo la jongami yomi hamadi nehoya kahengo kahoda kamodongo , kapalani kadadi neho kahengo kaha yili. ²⁷ Bagarani karehi bokolo, toyo kangodo muyo bajedoka bada hayili? Bajedoka toyo kangodo muyo? ta idoya, Yayo nega la jongamu Kahengo toyo kamaha yili. ²⁸ Yomi Idokala tangada toyo ka engango marongagu nola tanga ngara makaba-Gu. ²⁹ Oronani nene, yayo guwoya labaramu Diha wuyo kateng-kalangngo, kahengo hawona na Bapa-Gu labara-Gu ³⁰ Tanam yomi koleha muyo mono inu iha wuyo meja donga-Gu.mono, Yomi enga ngodomi nola Hadona tutu baha rehayi kabulu dungo kabihu Israel.'' Petrus enga naka balini Maroba Yesus ³¹ ''Simon, Simon, Rongo wala yayo. mori tana naha duha tutu menampi yomi kahengo gandum, ³² Tabolo yayo koleha guka wojo katabawa tutumu Tanam naha tenamu abu namorto. Mono, koleha yomi bami jorami, Hakulhoyila tangada ole bemu.'' ³³ Ta idoya, Petrus naha newela labara Maroba Yesus, ''Mori, yayo gutamawa la golu lopo mate donga-gu!'' ³⁴ Nabaleha Maroba Yesus labarana, ''Yayo guha newewa labaramu, Petrus, yiyo nalodo namanu mayalo enga jana kukukma bajamu hadolu wuda kango yoyo bamu kaballi neba yomi bami tajawa Yayo.'' Hagona-hagona wumula bami aroni kama ribota ³⁵ Mowalka, Maroba Yesus naka patango labarada heyo anaha kodo-halolena, ''kolehe Yayo bagu hawedemi yomi neba janengo kantong omaha, tas,bajedoka kopa witi, ebekani yomi muduku dobo nena hawadeka?'' Dabaleha he,iyo, ''jedokma.'' ³⁶ Wene-Na labarada he,iyo, ''Ta idoya neba hena, bagara widini kanengo kantong omaha bajedoka tas, ngodiyala. mono, bagarani kaja nengo kito bogena, langkala iyo nama lajango kalebena mono nakahi kito boge. ³⁷ Tabolo, Yayo guha newewa labaramu neba ahani hatulho nola hurata hori yiyo daha tutu nehongo nola yayo. 'Iyo engana yapu gonehoni bada oledi tangada toyo kajala.' Tabolo, kama tulho tutu yayo katongrongo kadadi neba hena.'' ³⁸ Moka He,iyo naha newe, ''Pahoranlai Mori, la yiyo nedi duyo kito boge.'' Mono, Maroba Yesus naha newe Labarada he,iyo, ''Nene tutka.'' Maroba Yesus naka Wojo kataba la Taman Getsemani ³⁹ Mowalka, Maroba Yesus nalohongo mono naha lako kahengo la bukit Zaitun kahengo kadoma harayi-Da; mono tangada ana hakodo-halole-Da jalada daha lako dokuni Iyo. ⁴⁰ Kolehe Maroba Yesus naduki laha doyo nene, Iyo naha newe labarada he,iyo, ''Kawojo katabala tanam yomi abi mutamami nola kama kaba.'' ⁴¹ Mowalka Maroba Yesus naha diko royo wuna walila he,iyo batani katutu badiko royo laha bali watu , moka naloptodi witina naka wojo kataba , ⁴² ''Bapa, neba yoyo bamu wawa kawu, deke gani namayilagu yiyo lawali-Gu. tabolo enga, Abiha beka-Gu kadadi, moneyo habeneho-Mu.'' ⁴³ Kolehe nene, diha wuyo Malaikat kawalila Surga naha tingo wuna labara-Na mono naha kulho-Ya. ⁴⁴ Mono, nola mayila-Na, Iyo naka wojo kataba karehi kaheyo hija-hija walingo; Naka buta-Na nadadi kahengo kapeteka ruto kaka peteka la tana. ⁴⁵ Kolehe Maroba Yesus bana pojaka kawojo kataba, Iyo naha lako labarada tangada anaha kodo-halole-Da mono nadukidi he,iyo tongroda majuru oronani bada mila ate. ⁴⁶ Maroba Yesus naha newe labarada he,iyo, ''Aba yomi mami majurumi? kodemi mono kami kawojo katabamila tanam yomi abimi tamami nola kama kaba .'' Bada wopaya Maroba Yesus ⁴⁷ Kolehe Maroba Yesus bana haneweho Nemedila diha halako toyo; mono iyo da tokiyai Yudas, diha wuyo walila kabulu dungo anaha kodo halolena nene, kapaladi he,iyo. moka,Yudas nabarani Maroba Yesus tutu bana udoka-Ya. ⁴⁸ Tabolo enga, Maroba Yesus naha newe labarana , ''Yudas, Ahakani yomi bami woyana kadadi Toyo bamu wani ha udoka?'' ⁴⁹ Kolehe tangada anaha kodo haloleda bada dede bada woletani-Na bada iteya ahani kadadi , he,iyo daha newe, ''Mori, Yama magoba nehodi mono wadi kito boge?'' ⁵⁰ Mowalka, diha wuyo walila anaha kodona nene nagobadi kaha yili la Imam Agung moka mana haptonani naka tilu kawanana. ⁵¹ Tabolo enga, Maroba Yesus naha newe, ''Jekka, tutka!'' moka, Maroba Yesus naketenani naka tiluna kaha yili nene mono naha togahani. ⁵² Mowalka, Maroba Yesus naha newe labara Tangada Imam kapala, kapala ka ulungo lara la umana Maroba Allah, mono tangada tua-tua kanemengo tutu bada wopa-Ya, ''Aba yomi tanga kohami maneme gimi mono kito bogemi mono Pentungan mo enga halege wopayi karebo? ⁵³ Kolehe yayo bagu marongagu La umana Maroba Allah diha lodo, yomi jamu wopakmawa yayo. ta idoya, yiyola narahina tutumu mono tutu kawaha kapogtongo.'' Petrus Naka Balini Maroba Yesus ⁵⁴ Koleha Bada wopa-Ya, tangada toyo nene widi da iriya mono da ngodiya Maroba Yesus la umana Imam kabokolo. tabolo enga, Petrus nadokudi he,iyo wali diko royo. ⁵⁵ Mono kolehengo tangada toyo nene daha derko api laha duyo aro uma mono nangodo dongani, Petrus jala nangodo la jongada he,iyo. ⁵⁶ Ta idoya, diha wuyo kaha yili nama wine ka iteyai Petrus nangodo labara perapian nene naha matarani namatana petrus moka naha newe, ''Toyo yiyo jala nama ronga donga-Ni.'' ⁵⁷ Tabolo engai, Petrus naka balini, wenena, ''Ta, mawine, yayo jagu tajak maya Iyo.'' ⁵⁸ Jana madekma mowalka, diha wuyo toyo heka ka iteya mono naha newe, ''Yomi jala tamami diha wuyo walila he,iyo!'' Ta idoyai Petrus naha newe, ''Jedokma, yayo jaha wuyokma walila he,iyo!'' ⁵⁹ Tani katutu diha jam mowalka, diha toyo heka wali naha newe mona moneni, ''Nadadi jala yiyo na toyo bana maronga donga-Ni, tabolo iyo jala toyo Galilea.'' ⁶⁰ Tabolo enga, Petrus naha newe, ''Yayo jagu tajakmaya ahani neyomi paha newemi!'' nebe nejala, newalka petrus bana haneweho, nakuku kala namanu mayalo. ⁶¹ Moka, nagilakala Maroba Yesus mono napa horani Petrus. Mono, Petrus enga na apeya hatokina Maroba Yesus, neba Iyo ba iyo hatokina labarana, ''Bajena manu mayalo bana kuku lodo yiyo Yomi kole kabaliga yayo kahengo hadolu wudango.'' ⁶² Mowalka Petrus naha lako laha bali hodu mono nahuyo mono bana hamila. Kajagaya napalu-paluya Maroba Yesus ⁶³ Tangada Toyo kaha dengroya Maroba Yesus daha legeya bada terekaya mono bada palu-Ya. ⁶⁴ He,iyo moda todiyi mata-Da mono daha newe, ''Manyuramila! bagarani kapaluwu yoyo?'' ⁶⁵ He,iyo jala datokiya kadangala neka dadi heka kaha goba mono kaha terliwu-Ya. Maroba Yesus la aronani kapalani Yehuda ⁶⁶ Koleha bana delakongo, tangada tua-tua kapalani Yehuda, tangada Imam kapala,mona tangada ahli Taurat dama koha mono dama rongani Maroba Yesus la Mahkama Agama he,iyo. ⁶⁷ He,iyo daha newe, ''Neba yoyo ba idokala Mesias, toki gamanila labarama yama.'' Ta, idoya Maroba Yesus naha newe labarada he,iyo, ''Neba yayo bagu tokikaguni, yomi enga jamu hatenakamaya labara-Gu. ⁶⁸ Mono neyo yayo bagu kapatango labaramu, yomi enga jamu balehakma. ⁶⁹ Tabolo enga, neba hena Kadadi toyo engana ngodo latabara kawanana Maroba Allah kahoda buto parehana.'' ⁷⁰ He,iyo tanga kohada daha newe, ''Neba hekana Ebekani yoyo Ana Maroba Allahwu?'' Maroba Yesus nabalehayi He,iyo, ''Yomidola katokiya neba yayo idokala Iyo.'' ⁷¹ Mowalka he,iyo daha newe, ''Neha taja aha walini ha ida hakabu ateda? Ida kole harongo daguya walila woba-Na!''