¹ Kolehe Maroba Yesus bana pahoradi noyo deta, Iyo na iteyi kapirango toyo kapote bada hatamango manutada he,iyo ladoka manuta. ² Iyo jala na iteyi diha wuyo toyo mawine balu kamilla kaha tamango duyo bola omaha watu ³ Maroba Yesus naha newe, ''Yayo gutokiya kaheyo hijango labaramu, mawine balu yiyo nawodi karehi danga walila tangana toyo kapote nene. ⁴ Tabolo, he,iyo dawoyi manutada Walika rehi he,iyo tabolo nena mawine balu yiyo Nawoyi manutada Walila kadobona, monaiyo tangana hadaguna tutu bana hakitani na Morha.'' Tangada tadko haduka Zaman ⁵ Kolehe kapirango Anaha kodona tongroda bada hanewe tutu na umana Maroba Allah mono paha madida moneyo tangada watu kamija mono tangada manuta Maroba Yesus naha newe, ⁶ ''Engana duki narahina, tanga kohana yomi ha itemi yiyo enga daha mohoya' janekmango hawuyo widikma Watu kadede nola watu hawadeka ja enga katabuhto.'' ⁷ Moka, heyo anaha kodona daka patango labara-Na, ''Guru, pira neka dadi nene enga bana dadi? Mono ahani taja-tajana ba tangana nene enga kadadi ?'' ⁸ Nabalai Maroba Yesus, ''Tala ate kimila tanam yomi abi daha jolorami tabolo danga toyo Kanemengo moda wagani nangaragu mono naha newe, 'Yado kala yiyo ,'mono 'Narahina kole nadoheka ,'Abimu doku kadi yomi he,iyo. ⁹ Tabolo enga, kolehe yomi bami rongoya tutu hatayo mono harubata, abimu kabohi kami yomi oronani tangana kadadi nene monejalaho kadadi karehi ulu,tabolo bana koleha pojayana ja enga dedo nemekmani.'' ¹⁰ Mowalka Maroba Yesus labarada he,iyo, ''He, toyo engada kode gobadi he,toyo mono katengngo engana kode gobani katengngo. ¹¹ Enga nadadi na opongo kabokolo langtaka, mona dadi kareba, mono tanga ngara kalawara la tangana hadoyo. mojala engana lohongo kadadi-kadadi hamila ate donga mono taja-taja kabokolo wali la langto. ¹² ta,idoya, baja nehongo tangana yiyo kadadi, Tangada toyo kahawopa mono kapalumi yomi. He,iyo engana woyo gimi la Sinagoge-sinagoge he,iyo mono daha tama gimi nola golu penjara. he,iyo jala engada ngodiwu la aro heyo raja mono gubernur ole oronani nangara-Gu. ¹³ Ta, idoya, neka dadi yiyo engana dadi kaliyo loga tutumu tut bagu halohoya neka dadi. ¹⁴ Moba oronani nene, ha enganla na atemu tutu bajaha ngadani ahani yomi hatokimi tutu hagoba wuyo dagungo, ¹⁵ Tabolo yayo enga guha lohoya hatokigu mono hakabu ate labaramu kaja kolengo hatura mono hagoba neba tangada muhumu. ¹⁶ Yomi engada dama laja gimi heyo toyo katumu, olebeyo kabanimu, ha olebemu, mono tangada olemu, mono he,iyo enga daha mate kapirango toyo nola jongami yomi. ¹⁷ Yomi engada butu gimi ate olemi tangami toyo oronani nangara-Gu. ¹⁸ Tabolo enga, jaha loreha widikma loge walila katokumu ka enga kanadu. ¹⁹ Monena tahimu, yomi engami koleni na morho.'' Neba datokiya Tutu Mohona na Yerusalem ²⁰ ''Tabolo enga, kolehe yomi bada iteya naha rona Yerusalem daka pongini tangada pasukan tentara, yomi engam tajaya baha mohoya kole nadoheka. ²¹ Nena rahi nene, tangada toyo kanengo nola kalingoro Yudea palayo wuyo neho nola kaha letengo, Tangada toyo kanengo noyo dalo laha rona halako neho lohongo laha rona, mono tangada toyo kanengo la tangana deha kaja dadi tama laha rona Yerusalem. ²² Idokala nalodo-lodo paha mayila tanam tangana kadadi ka koleha matulho paha tutu. ²³ Mayila mila tangami mawine ka tongrngo hakabu mono kapa huhu neba neho nene tabolo engana dadi nama yila kalang hijango la nuha yiyo, mono liyo bani kabokolo nola toyo yiyo. ²⁴ He,iyo enga daha mateyi mona teko mono ditawan mona tangada toyo laha rona Yerusalem enga dakawahani tangada Toyo iha padoyo koha duki nela masada bada jakngo tangada toyo nenekamuri.'' Banemeni Kadadi Toyo nola kama Gilatana ²⁵ ''Enga nedi tangada tadko nela mata lodo, wula, mono tangada maduno. La ponu tana, tangada toyo enga daka bohi nola bada jada hataja dongani oro kangurana bonu mono bana kayaka nangalungo. ²⁶ Tangada toyo enga daboda oro kabohi mono bada harema enga tangana kadadi ka enga dadi nola ponu tana yiyo tabolo tanga kohana naka waha kanengo lalangto engada koyani. ²⁷ Mowalka, he,iyo engada iteya kadadi toyo kanemengo wali laka roba monena kawaha mono kama gilata kabokolo. ²⁸ Neba neka tangana kadadi yiyo walina kadadi, modedewu kala mono keketaya naka tokumu Oronani narahi paha hoiladagu kole doheka.'' Liyo hawuyo hatuja Napunge yayu kapulota ²⁹ Mowalka Moroba Yesus natokiya nahawuyo naliyo hatuja labarada he,iyo; ''Pahoranila napunge kapulota mono tanga kohada napunge yayu hawadeka. ³⁰ Neba neka tangada punge yayu nene nabukloyi tangada rona, yomi engami tajaya mono peweni neba rahi banaha kaya kole nadoheka. ³¹ Neba heyo jalana neba hena Yomi iteya tanga kohana kadadi, yomi engami tajaya baka teng-kalangngo Maroba Allah kole nadoheka. ³² Kaheyo hijanani yayo bagu hanewewa Labaramu, abu kahuleka yiyo enga jana matema koha tanga kohana neka dadi yiyo kakoleha dadi. ³³ Langto mono ponu tana enga jana longakmango tabolo naha newe-Gu enga jana halako hakitakma.'' Hagonawula Neba neyo ³⁴ ''Tala ate kiwula banena atemu bajana bonungo moneyo kamakngo tutu bamu tunuwu, ba inu-inu hawona, mono bamu gela gogani na morho. Mono,nena lodo nene enga nemeni nola yomi kahengo katoka. ³⁵ Tabolo, nena lodo enga nemeni nola tangana neyo ka engango laha gala ponu tana yiyo. ³⁶ Jaga-jaga wumula diha wuyo rahi mono kawojo kataba juwa mila tanam yomi kamu kolengo kulho tutu bamu pahola wumi walila tanga kohana neka dadi ka enga kadadi nene mono tutu badede la arona kadadi toyo.'' ³⁷ Nebana longo, Maroba Yesus naha nuwadi toyo kadanga labara umana Maroba Allah, tabolo, neba hudo lodo Iyo nayelani naha rona mono nadoyo laletena kangarangoi Zaitun. ³⁸ Mono, kahudo-kahudo tanga kohana toyo nemedi labara-Na noyo dalo la Bait suci tutu bada rongo-Ya.