¹ Neba neho nalodo, kolehe Maroba Yesus tongrona bana hanuwadi toyo danga la umana Maroba Allah mono natalarani nalina, tangada Imam kapala mono tangada ahli taurat kama rongadi monoi tangada tua-tua kanemengo labara-Na. ² He,iyo naha newe labara-Na, ''Tokigamani labara yama mono kawaha ahakani yoyo harayi tangana kadadi yiyo? bajedoka, bagara kani kawogu-Ni naka waha yiyo?'' ³ Nabalehayi Maroba Yesus labarada he,iyo, ''Yayo jala enga guka patani diha wuyo paka pata labaramu. balehawala Yayo, ⁴ Wali lagiyoka hawalina paha iho Yohanes? walila surga bajedoka walila kadadi toyo?'' ⁵ He,iyo da woroni neka dadi nene la jongada he,iyo mono daha newe, ''Neba idaka kabaleha, 'Walila surga,'Iyo enga naha newe, 'Neba hena, mo aba yomi jaha tenaya labaranai Yohanes?' ⁶ Tabolo enga, neba idaka kaha newe, 'Walila kadadi toyo,'tanga kohana toyo enga merajam da ida koha mate oronani he,iyo bana hatenaya bai Yohanes idokala diha wuyo toyo nabi.'' ⁷ Moka, he,iyo widi dabaleha ba he,iyo kaja tajaya ba wali gina napa iho nene hadoyo walina. ⁸ Mowalka, Maroba Yesus naha newe labarada he,iyo, ''Neba hekana, Yayo jala enga jagu tokik maguni mono kawaha aha kani yayo harayi tangana kadadi yiyo.'' Liyo hawuyo hatuja tutu heyo paka hewa la mango Anggur ⁹ Moka, Maroba Yesus natokiya naliyo hawuyo hatuja yiyo labarada toyo danga, ''Nedi didiha wuyo toyo katodoni nadiha wuyo namango anggur moka daka hewayi labarada kapirango kaha yili lamango, mono naha lako la iha nuha kadiko royo tutu neyo narahi kama deyo. ¹⁰ Kolehe narahi maropo naduki, iyo naha wedeyi diha wuyo toyo kaha yilina naha lako labarada tangada kaha yili la mango nene tanam he,iyo dawodi labarada hawadeka wali paha yilida kadadi walila mango Anggur nene. tabolo enga, heyo kaha yili lamango nene da paluya neka kaha yili kahengo mono dawugayi halako mono lima kaluyo. ¹¹ Mono, iyo widi napaha lakoya kaha yilini hawadeka, tabolo tangada kaha yili lamango nene jala da paluyi kaha yili kahengo mono darayidi mono da podayi, moka dawugayi halako mono lima kaluyo. ¹² Moka, nena mori mango anggur nene naha wedeyi hayili katolngo labara heyo kaha yili mango nene, tabolo tangada kaha yili mango nene jala daha potani kaha yili naha wuyo yiyo mono da wugaya lohongo. ¹³ Na mori mango widi naha newe,'Aha nehoni yayo harayigu? yayo enga guha ngodini na anagu hama nawaragu, Notongo he,iyo enga daha akaya.' ¹⁴ Kolehe heyo kaha yilingo mango nene da iteya nala keda mori mango, da woroni hawuyo moheyo hawadeka, 'Iyo idokala ka haku waris na mori mango anggur yiyo, Ayo ida kada hamateya iyo tanam warisanna kada dagudi ida!' ¹⁵ Mowalka, he,iyo widi da betuni nena lakeda laha bali hodu walila mango anggur mono daha mateya. Moka,ahani enga harayida ole mori mango anggur nene labarada he,iyo? ¹⁶ Iyo enga nemedi mono daha buradi tangada kaha yili mango nene, moka daka hewaya namangona labara toyo hawadeka.'' kolehe toyo danga da rongoya naliyo wuyo hatuja yiyo, he,iyo daha newe, ''Abuna dadikala yiyo koha baneka dadi!'' ¹⁷ Tabolo enga, Maroba Yesus naha horadi he,iyo mono naha newe, ''Neba hekana, ahani naihina na ayat yiyo; 'Watu haletoda ole tukang kaha kode uma kole na dadi watu tama ¹⁸ Diha wuyo toyo kanadu noyo deta lawatu nene engana moho kajidi haduyo majidi mono gara widini hadipana nawatu nene engana mukko!'' ¹⁹ Kolehe tangada ahli taurat mono heyo imam kapala da tajaya ba liyo wuyo hatuja nene kaha newe tutuda he,iyo, he,iyo dabeni wopaya Maroba Yesus neho nene jala. tabolo enga, he,iyo daka bohi labara toyo danga. daka patango tutu kabayarango wolu katoku ²⁰ Mowalka, heyo ahli taurat daha matarani Maroba Yesus mono daha ngodini kapirango toyo daha mata-matarani da pura-pura doha tanam he,iyo kole bada menjebakya Maroba Yesus mono daka patani tanam he,iyo dadi bada wopa-Ya bada wani hanewe dagu-Na mono dawoya Iyo nodalo lakawahana mono wewenang na gubernur. ²¹ Tangada toyo hawedena nene widi daka patango labarana Maroba Yesus, ''Guru, Yama matajaya ba yoyo katokiya mono kaha nuwango katena. Yoyo jala kaja hawate-watedi toyo, tabolo naha nuwango naha laraya Maroba Allah noyo bana tena. ²² Ebekani yama nadadi kado bama woyi wolu katoku labara kaisar bajedoka jedokma?'' ²³ Tabolo enga, Maroba Yesus natajaya jedohada he,iyo mono daha newe labarada he,iyo, ²⁴ ''Kabani hatingo gani labara-Gu diha kajidi dinar. Hada mono hatulho garanani hakole nela omaha nene?'' nabalehayi he,iyo, ''Hada mono hatulho kaisar.'' ²⁵ Moka, Maroba Yesus naha newe labarada he,iyo, ''Bahekana, woyo kayila labara kaisar ahani hadagunai kaisar, mono wokayala labarana Maroba Allah ahani hadadi daguna Maroba Allah.'' ²⁶ Mono Mowalka, tangada toyo nene jana dadikma bana hahibatango Maroba Yesus mono neyo hatoki dagu-Na la aro toyo danga; he,iyo dabangara nola habaleha-Da mono daka dona. Haka patada Toyo Saduki ²⁷ Mowalka, neme dila labarada Maroba Yesus kapirango toyo Saduki, monene kaha Ole Kaja hatenayi baneni nakode, mono daka patani labara-Na, ²⁸ ''Guru, Musa natulhoya moneyo ida, neba diha wuyo toyo kabani hajeda, moneyo iyo mangu ara wena mono janekmango anana, ole bena kabanina kaneneho kanika dongani nama wine balu ole bena nene mono naha kodeya neha doyo buruna tutuna. ²⁹ Bahena, nedi kapitungo toyo kaha ole bengo. ole bena kadihango nanika, tabolo namate moja nekmango anana. ³⁰ Mowalka, ole bena kadungo mona nika dongani nena mawine nene mono namate jala moja nekmango anana. ³¹ Moka, ole bena katolngo mona nika dongani nena mawine nene mono neka dadi yiyo kadadi koha ole bena kapitungo, tabolo he,iyo tangada kohada damate moneyo janekmango anada. ³² Neba henaka, nena mawine jala namate. ³³ Ole oronani nene, neba lodo parehada, Bagara kani ha enga kadadi halayina wali nama wine nene oronani kapitungo kaha ole bengo nene kole bada nika dongani?'' ³⁴ Nabalehai Maroba Yesus labarada he,iyo, ''Tangada toyo neba hena nene bada hanikani mono baha nikadi, ³⁵ Tangada toyo baneneho kadadi tutu bakolengo hatagu nola ponu tana ka enga kanemengo, mono noyo bada kode walila jonga toyo kamate, mojada enga nikakma mono jada hanikakmadi. ³⁶ He,iyo jana dadi walikma mate wali oronani he,iyo naha mera heyo Malaikat. He,iyo idokala tangada anana Maroba Allah oronani he,iyo kole hakode wali bana mate. ³⁷ Musa lopo koleha tingoni tutu bana hakodeyi tangada toyo kamate nola hadagu kama tulho tutu kadawu kamngu tarana kamutu nola hadagu nene, Mori natokiya kahengoi Maroba Allah nai Abraham, Maroba Allah nai Ishak, monoi Maroba Allah nai Yakub.' ³⁸ Iyo ja,Maroba Allah toyo kamate tabolo maroba Allah ka morho,oronani tangana toyo ka Morho la aro-Na. ³⁹ Kolehe nene, kapirango ahli Taurat kaha newe, ''Guru, Nabaleha-Mu nene natena.'' ⁴⁰ Mono, janewalikmango toyo kadadi walikma bana halohoya naka patana labara-Na. Kristus idokala Mori ⁴¹ Mowalka, Maroba Yesus naha newe lbarada he,iyo, ''Ba anyik kana bana dadi tangada toyo bada hanewe bai kristus idokala Anai Daud? ⁴² Neba nola hurato horinai mazmur, daud dagu naha newe, 'Mori Maroba Allah kaha newe labara morigu, ''Nodowu la tabara kawana-Gu ⁴³ Koha yayo gutagudi laha doda tangada muhu-Mu lakabu witi-Mu. ⁴⁴ Nebai Daudka katokiyai Kristus kahengoi 'mori,' ba anyik kamonai kristus idokala anai Daud?'' Paha Apeda Tutu Bada tala ate la aroda Ahli Taurat ⁴⁵ Kolehe toyo danga karongoya, Maroba Yesus naha newe labarada tangada anaha kodo-halolena, ⁴⁶ Tala ate kimila la aroda tangada Ahli Taurat Kabengo halako-lako bada wango juba kama maloyo, nadoha nena atena baha akaya toyo laha rogango, kabengo ngodo laha doyo kama deta la Sinagoge-sinagoge, mono laha doyo paha aka la pesta-pesta. ⁴⁷ He,iyo daha lumudi tangada umada heyo kama wine balu mono kawojo katabada hama loyo-loyo tanam kada iteyi toyo. tangada toyo kahengo yiyo kadadi engada hibaya nama yila karehi buto.''