¹ V 1 Moka, natama kala Maroba Yesus mono napalaka laha rona Yerikho. ² noha bali neni diha wuyo kabani kangarangoi Zakheus,iyo idokala kapala kakoha wolu katoku mono diha wuyo toyo kapote. ³ Iyo naruningo bana iteya Maroba Yesus, tabolo jana kolengo oronani bana kabelango la toyo danga; tabolo pola toyona napadaka . ⁴ Moka, Zakheus napa layo bana ha uluyi toyo danga mono naponeni diha bunge yayu kapuloto tutu ka iteya Maroba Yesus Oronani Iyo engana palakaya nalara nene. ⁵ Kolehe Maroba Yesus naduki laha donai Zakheus baneni, Iyo nata ngara mono naha newe labarana, ''Zakheus,malewarawu buru oronani yiyo nalodo yayo liyo doyo nehowa la umamu.'' ⁶ Moka, Zakheus dumo nama lewara buru mono nahibaya Maroba Yesus mono na ege ate dongani ⁷ Ta, idoya, kolehe tangada toyo ka iteya kadadi nene, he,iyo walida bada karuda mono daha newe, ''Iyo moda dadi kula newali la umana nadiha wuyo toyo kajala.'' ⁸ Mowalka, Zakheus nadede mono naha newe labarai Mori, ''Mori, pahoradila hawadeka wali laha wagu enga gubaweyi labarada toyo kamila, mono neba yayo koleha guka bunyidi hawada iha-iha toyo, yayo enga guha bali dadi 4 wudadi hapato wale kadi.'' ⁹ Moka, Maroba Yesus naha newe labaranai Zakheus, ''Nena lodo yiyo, kaha hoilawu koleha nemeni nola uma yiyo oronani toyo yiyo jala ananai Abraham. ¹⁰ Tabolo, kadadi toyo bana mayo tutu mayegani mono hahoilayi kabunga.'' Ata kama nudu manono mono Ata kajapato ¹¹ Tongro heda he,iyo bada rongo ya tangana yiyo, Maroba Yesus naha kitani bana tokiya diha wuyo liha tuja oronani Iyo kole bana doheka monai Yerusalem mono oronani he,iyo bada tayo katutu ba kateng-kalangngo Maroba Allah enga nama lewaro. ¹² ba oronani nene, iyo dumo naha newe, Diha wuyo toyo Maroba kaha lako la iha nuha kama royo tutu bada keketaya bana dadi raja, mono bakoleha pojaya nene Iyo enga nabali. ¹³ Mowalka, namori nene nakohayi kabulungo toyo kaha yilina mono nawodi he,iyo omaho kahengo dangada 10 mina wenena labarada he,iyo, 'kamu dagangola kamu wadi hiyo omaho yiyo koha yayo bagu baliwa.' ¹⁴ Tabolo enga, tangana toyo ole nuhana nabutuni ate iyo mono naha ngodini ka oleni kolehe iyo naha lako tutu bana hanewe, 'Yama jama wawakma toyo yiyo bana dadi raja nola Yama.' ¹⁵ Kolehe bada keketaya bana dadi raja maroba nene nabali mono Napa rehayi tangada Atana hakole hawoda omaha daka makodi la aroda tanam iyo kole tajaya bapiradi bokoloda ha utuna he,iyo kakolengo wali bada dagango. ¹⁶ Kaha yili ka ulu da mayo mono daha newe, 'mori, omaha 1 mina hadagumu nene kolena naka nyuru waliyi 10 mina wali.' ¹⁷ Raja nene naha newe labarana, 'Nadoha hija, ta, yomi ata kadoha! Oronani yomi kama nudu nodalo ha urho kamoraha,yomi enga parehayi noyo deta kabulungo harona.' ¹⁸ Kaha yili kaduyo widi da mayo daha newe, 'mori, omaha 1 mina dagumuni nene kole bana kanyuru 5 mia ¹⁹ Moka, nena raja naha newe labarana na ata nene, 'kamu kawahanila yomi nola 5 harona.' ²⁰ Mowalka, nemenila ata naha wuyo wali mono naha newe, 'mori, yiyo na omaha 1 mina dagumu yayo gubojo laguni nola sapu tangan. ²¹ Yayo guka bohiwa labaramu tabolo yoyo toyo kakaras. yoyo mudekeyi ahani japa hadakak mahongo yoyo bojolo mono manguti ahani japa hadaka yoyo hatodom.' ²² Mowalka, raja nene naha newe labarana, 'Yayo engagu harehawu badokuni monena hatokimu, ta, yomi ata kaja pata! moka, yomi tajaya ba yayo idokala toyo kakaras, ka deke ahani japaha dakaho habojologu mono pama nguti ahani jaha todogu yayo? ²³ Neba hekana, mo aba yomi jamu taya na omahagu nola hadoda toyo kapaha lako omaha moka kolehe bagu baliwa,yayo engagu hibaya na omahagu nene moheyo mono bungana?' ²⁴ Moka, raja nene naha newe labarada tangada toyo kadede nono, 'Dekeya na mina nene wali labarana mono kamu woyala labarada toyo kanengo 10 mina.' ²⁵ Ta, idoya, he,iyo daha newe labrada sang Raja, 'mori, nena atamu koleha nengo 10 mina.' ²⁶ Nabalehai Raja nene, 'Yayo guha newewa labaramu, diha toyo kanengo engana woyo karehi,tabolo walila toyo kaja nengo aha widini, tangana hadaguna engana deke. ²⁷ Tabolo enga, tutu tangada muhugu Kaja bega yayo bagu dadi rajawa nola he,iyo, marongadila he,iyo neme mono hamateyila he,iyo la arogu.''' Maroba Yesus da tobokoya Neba Rajaya ²⁸ Kolehe Maroba Yesus bana tokiya tangana nene kadadi, Iyo naha lako ulungo lara ka aro lai Yerusalem. ²⁹ Kolehe Iyo bana duki labara deha Betfage mono Betania, labara letena kangarangoi lete Zaitun, Iyo naha wedeyi duyo toyo Anaha kodo-Na. ³⁰ Wene-Na labarada he,iyo, ''Halakola ladeha kanengo la aromu nene. mono, kolehe yomi bami tamami noha bali, Yomi engami iteya nadiha wuyo na ana keledai hapingo mono jaha dakak mahoya baka leteya toyo. paholayala nana ana keledaiyo nene mono kamu ngodiya neme. ³¹ Neba nekango toyo kaka patango labaramu, 'Mo,aba yomi mami ngodiya na keledai nene?',tokiyala bawemini; Mori nengo hawanani.'' ³² Moka, daha lakokala kadungo Anaha kodona paha wede-Na nene moda tobokoya tangana kadadina kama lewara kahengo hakole hatoki-Da labarada he,iyo. ³³ ba newali he,iyo bada paholaya na ana keledai nene, nena morina naka patango labarada he,iyo, ''Mo, aba yomi mami paholaya na ana keledai nene?'' ³⁴ He,iyo widi dabaleha, ''Mori nengo hawanani.'' ³⁵ Moka, he,iyo dangodiya na ana keledai nene labarana Maroba Yesus mono nataya naka lebena nola ponu balena nakeledai nene, mowalka mana kaleteyai Maroba Yesus noyo. ³⁶ Kolehe Maroba Yesus bana lini nalara, Tangada toyo daha lokarayi kalebeda he,iyo lalara. ³⁷ Mono, kolehe Maroba Yesus nakiki doheka labara Yerusalem, monene lalara kaha dodo walila aro lete Zaitun, tangada anaha kodo-haloleda dama hadi dekayai Maroba Allah mono da ege ate mono nalida kaha wodingo. He,iyo wawu weda labara Maroba Allah nola tanga kohana kabalango hakole he,iyo ha iteda, ³⁸ Heiyo daka wulo, ''Daha maringi kayila Iyo kanemengo kahengo Raja nola ngaranai Mori, Maringi Malala la Sorga mono kateng-kalangngo laha doyo kahoda madeta!'' ³⁹ Kapirango toyo Farisi wali bada koporani toyo kadanga nene daha newe labarana Maroba Yesus, ''Guru,kawulodi tangadi anaha kodo-anaha lolemu.'' ⁴⁰ Tabolo enga, Maroba Yesus nabaleha, ''Yayo guha newewa labaramu, neba he,iyo daka dona, tangada watu yiyo nehola ka enga kawulo-wulo.'' Maroba Yesus nahuni na Yerusalem ⁴¹ Neba Maroba Yesus kole nadohe kaya naha rona Yerusalem mono na iteya nena harona nene, Iyo widi nahuyona. ⁴² Wene-Na, ''Bahekana yiyo nalodo yomi tajaya aha kanemengo maringi malala nola yomi. tabolo enga, neba hena neka dadi nene naka bunyi walila matamu. ⁴³ Tabolo enga nemeni narahina kolehe tangada muhumu enga daha kodeya nagolu tembok kama hada ka kiloragu mono kapongugu walila tanga kohana hadoyo aro. ⁴⁴ He,iyo enga daha tabuhto gimi, yoyo moheyo tangada lakedamu ka mawo nola koro tembokmu. mono,he,iyo jana enga wola wakmadi naha wuyo nawatu paha dogoto noyo deta la watu hawadeka noyo dalo layomi tabolo yomi jami tajakmaya na rahi Kolehe Maroba Allah bana karawawu.'' Maroba Yesus nawugayi Tangada Toyo Kama lajango la umana Maroba Allah ⁴⁵ Mowalka, Maroba Yesus natama la umana Maroba Allah mono nawugayi lohongo tangada toyo kama lajango noha bali. ⁴⁶ Wene-Na labarada he,iyo ''Neni kama tulho; 'Umagu enga nadadi uma hadoyo kawojo,' tabolo yomi kole miha dadini kahengo hodu harampok!'' ⁴⁷ Moka, Maroba Yesus naha nuwa la umana Maroba Allah iha lodo-iha lodo. ta idoya, tangada imam kapala, tangada ahli Taurat, mono heyio kapalani nena nuha nene dama yegani hadana tutu hamate-Ya. ⁴⁸ Tabolo enga, he,iyo jada tajakmaya ba anyina harayida tabolo tanga kohada toyo dakete jurtoya hatokina Maroba Yesus.