¹ Mowalka,Maroba Yesus natokiya diha wuyo liha tuja labarada tangada anaha kodo-halole-Da tutu bana tokiya he,iyo moba he,iyo naneyo juwaho monaka wojo kataba mono jana marahakma na atena. ² Wenena, ''La diha hawuyo harona, neni diha wuyo hakim kaja kabohi labarana Maroba Allah mono jana ha akakmayi toyo heka . ³ Laha rona nene, neni naha wuyo nama wine balu kaha kita-kitango mayo labara hakim nene mono naha newe, 'Wokiyala kadoha labaragu la aro gobagu.' ⁴ Tutu kapirango narahi. 'moneyo na hakim jana wawakma bana tulu gatagu nama wine balu nene. tabolo enga Mowalka hakim nene naha newe nola ate dalona. ;Molangka yayo jegu kabohikmawa labarana Maroba Allah mono jana ha akakmaya bagara widi, ⁵ Tabolo oronani nama wine balu yiyo kaha kita-kitango karudaga, yayo enga woya kadoha labarada tanam iyo jana hama yilak mawa yayo mono banemeni kaha kita-kitango nene.''' ⁶ Mokai, Mori naha newe, ''Rongoyala ahani hatokida hakim kaja wonango nene. ⁷ Bajedoka Maroba Allah enga nawoya kaja doha labarada tangada toyo hapede-Na kawulo labarana lodo mono hudo? Ebe kani Iyo enga nahadiki-dikini koha madaiyo tutu bana tuludi he,iyo? ⁸ Yayo guha newewa labaramu,Iyo engana malewaro bana woya kadoha labarada he,iyo.tabolo enga kolehe kadadi toyo nemeni, ebekani Iyo engana jomuya naha tenana la ponu tana?'' Liyo wuyo hatuja tutu toyo Farisi mono kakoha wolu katoku ⁹ Maroba Yesus jala kaha dukini naliyo hawuyo hatuja yiyo labarada kapirango toyo kaketa wuna he,iyo katena mono kapa horadi kaliyo wawa walila toyo heka. ¹⁰ ''Nedi duyo toyo Kaha lako laumana Maroba Allaha tutu kawojo kataba. kadiha wuyo toyo idokala toyo Farisi mono hawadeka idokaladiha wuyo toyo kakoha wolu katoku. ¹¹ Toyo Farisi nene nadede naha lohoya naka wojo katabana tutudaguna, O,Maroba Allah, yayo guhibaya nalima manawara labara-Mu oronani yayo jeka hekmango toyo hawadeko; kahengo kama huhu, kawohoko, kalango kabani- mawine, bajedoka lopo kahengo kakoha wolu katoku yiyo. ¹² Yayo jagu muyo jagu inuk mawa haduyo wudango iha miggu, yayo guwoyo juwawa manuta walila tanga kohada paha yili hakolegu.' ¹³ Tabolo enga neka koha wolu katoku nadede mera nadiko royo, Lopo jana tangarakmaya nalangto. monewalka, iyo napaluya-paluya nakurna mono naha newe, Oh, Maroba Allah. mono manawara kigala labaragu, ka kajala yiyo.' ¹⁴ Yayo guha newewa labaramu, kakoha wolu katoku yiyo nabali la umana kahengo toyo karehi paha tena walila toyo Farisi nene tabolo toyo kaha madeta wuna enga daha padakaya, mono toyo kaha padaka wuna enga daha madetaya.'' Maroba Yesus mono tangada lakeda ¹⁵ Moka, tangada toyo kangodiyi tangada lakeda kamora haho labara Maroba Yesus tanam Iyo kana tayi limana laponu katokuna he,iyo . tabolo enga, kolehe heyo anaha kododa da iteya, he,iyo naha legeya bana banidi tangada toyo nene. ¹⁶ Ta, idoya, Maroba Yesus naka makodi tangada lakeda nene tutu banemedi labara-Da mono naha newe, ''Jekadala tangada lakeda moraha nene kada mayo labara-Gu, abimu hada kadi he,iyo tabolo kateng-kalangngo Maroba Allah idokala kadaguni tangada toyo kahengo yiyo he,iyo. ¹⁷ Yayo gutoki gimini kaheyo hijango labaramu, bagarani kaja hibaya kateng-kalangngo Maroba Allah kahengo diha wuyo toyo lakeda moraha, iyo enga jana hadakak mango bana tama nodalo.'' Toyo kapote mono kateng-kalangngo Maroba Allah ¹⁸ Neni diha wuyo toyo kapaladi he,iyo kapatango labara Maroba Yesus, ''Guru kadoha, aha nehoni harayigu tutu bakolengo hadaguda la morha kaja haduka?'' ¹⁹ Nabalehai Maroba Yesus labarana, ''Mo aba yomi mamu tokiwa yayo kadoha? Jenekmango diha wuyo toyo widi kadoha heleni Maroba Allah dagu. ²⁰ Yomi mutajaya tutu tangada liyo uku pareha yiyo; 'Abimu dahi kango layi mono arawaiyo olemu, Abimu hamate kawu, Abimu kedu kawu, Abimu wokaya hatajamu kapalsu, mono ha akakiyila bapamu mono inyamu.''' ²¹ Nabaleha nena toyo, ''Yayo koleha guha dokuwa tangana nene wali yayo bagu boyo mone.'' ²² Kolehe Maroba Yesus narongoya, Iyo naha newe labara toyo nene, ''Monehoni naha wuyo kadadi kaja nehongo. Malaja dila tangada yomi hadagumu mono kamu bawedi labarada tangada toyo kadengo, maka yomi engami dagudi hawayo la surga; mono mami kala, kamu dokuga yayo.'' ²³ Kolehe nena toyo bana rongoya nena hanewena Maroba Yesus nene, iyo mona dadika bana hoda hamilla tabolo iyo kahoda pote. ²⁴ Mowalka Maroba Yesus napa horadi iyo mono naha newe, ''Ba anyinehona bajana dadi neba tangana toyo kapote tutu tama nola kateng-kalangngo Maroba Allah! ²⁵ Lopo, karehi malewaro tutu diha wuyo unta tutu bana tama bana liyo laka bonga kariho walila toyo kapote Katama nola kateng-kalangngo Maroba Allah.'' Kadokuni Maroba Yesus enga Nahibaya Morha kaja haduka ²⁶ Tangada toyo karongoya neha tokina nene Naha newe, ''Bahekana nene,bagarani kadadi paha hoilada?'' ²⁷ Nabaleha Maroba Yesus, ''Ahani kadadi tutu toyo idokala magara tutu Maroba Allah.'' ²⁸ Mokai, Petrus naha newe, ''Pahoragala, yama kole mayelanika tangana yama hadaguma mono madokugu yoyo.'' ²⁹ Maroba Yesus naha newe labarada he,iyo, ''Yayo gutokiya kaheyo hijango labaramu, Jaha wuyo widikma toyo kakoleha yelani na umana, arawena, tangada olebena, toyo katuna, bajedoka tangada anana monela kateng-kalangngo Maroba Allah, ³⁰ Ka enga je hibaya tangana kadadi nene baha duyo walekaya neba hena yiyo, mono neba hena ka enga nemengo, monena morho kaja haduka.'' Paha dukida tutu bana mate mono bana kode Maroba Yesus ³¹ Moka, Maroba Yesus nakohayi kabulu duyo anaha kodo-Na mono naha newe labarada he,iyo , ''Rongoi, ida enga daha lako la Yerusalem mono tangana neyo kadadi kakole hama tulho ole heyo nabi tutu kadadi toyo enga naha tutudi. ³² Iyo engada woya labara tangada toyo kaja tajaya Maroba Allah. Iyo engada tere kaya,dapaluya, mono dapa tirya. ³³ Mono, kole he,iyo bada ha omloni, he,iyo enga daha mate-Ya. tabolo enga, neba tolu lodona iyo engana kode habali.'' ³⁴ Ta,idoya heyo ana hakodo jada tajakmaya naha wuyo widi walila tangana kadadi yiyo. ihina neha toki nene kabunyi tutu he, iyo moka he,iyo jana kole dohakmani neha toki. Maroba Yesus naha togahayi toyo kamoro ³⁵ Neba nehona Maroba Yesus hodikmo bana duki laha rona Yerikho, neni diha wuyo kamoro katongrongo ngodo la hupu lara mono halako mono tongrongo bana karaiyo. ³⁶ Kolehe toyo kamoro nene darongoya toyo danga kaliyo, iyo naka patani ahani katongrongo kadadi ³⁷ Mono, tangada toyo daha newe labarana, Maroba Yesus kawalila nasaret kaliyo palako.'' ³⁸ Moka, Naka wulola nena toyo kamoro nene, ''Maroba Yesus, Anai Daud, manawara kigala yayo!'' ³⁹ Tangada toyo kaha lako la aro diha kangote, nabanidi toyo kamoro nene mono naha wedeyi kadona. tabolo enga, iyo mona rehi kawulo narehi hawodini, ''Ananai Daud, Manawara kigala yayo!'' ⁴⁰ Moka Maroba Yesus nangahu mono naha wedeyi toyo kamoro nene dangodiyi labarana. kolehe toyo kamoro nene dadoheka, iyo naka patango labarana, ⁴¹ ''Ahani yomi haka madimi tanam kagu rayini latutumu?'' Toyo kamoro nene nabaleha, ''Mori, yayo guwawawa matagu nadadi bagu ite.'' ⁴² Maroba Yesus naha newe labarana ''Ite wula, hatenamu kole bana hatogahawu.'' ⁴³ Kolehe neyo jala, iyo kole bana ite mono walingo nono bana dokuni Maroba Yesus tongrongo bana mahadi-madeka Maroba Allah. kolehe toyo danga ka iteya neka dadi nene,he,iyo jala nahadi- dekaya Maroba Allah.