¹ Mowalka, Maroba Yesus naha newe labarada heyo anaha kodo-halole-Na, ''Watu wida nadadi enga neni, tabolo mayilahola toyo kaha oro kala. ² Karehi doha watu kILANGAN hapingo nola kokona mono iyo da betuni nola bonu walila iyo bana dadi widani tut tangada lakeda maraha yiyo. ³ Tala ate kimila! neba ole bemu bana rayi kango jala la aromi yomi,kawulodi iyo; neba iyo bana hangadadi jalana, Hawali kini iyo. ⁴ Lopo iyo bana jalaka la aromi yomi kadanga hapitu wudadi nola iha lodo, mono kabali labaramu hapitu wuda moba tongrongo hanewe, 'Yayo bagu apeyi,'hawalinila iyo.'' Kawahana naha tena ⁵ Weda tangada rasul nene labarai Mori, ''Taba gamanila naha tena mayama!'' ⁶ Nabalehai Mori labarada he iyo, ''Neyomi banekango hatenami kabokolo watu sesawi nana, yomi koleha tokiya lapunge murbei yiyo, 'Nama batu walila tana mono kana matodola labonu,'mono punge yayu nene enga naha doku labaramu.'' Ata kadokuni napa rehana morina ⁷ ''Garakani walila yomi kanengo Atana, katongrongo tabeka bajedoka kajawa haranga, enga naha newe labara Atana nene kole iyo bana bali walila maroda, 'Maka, ngodowula mono kamu muyo'? ⁸ Bajedoka iyo mo enga naha newe labara Atana nene, 'Hagonagala hamuyo tutugu mono tawu kalebe kawonango tutu bamu woga neba yayo muyo mono inu. kolehe nene, Yomi ubuna dadi bamu muyo mono inu'? ⁹ Abekani iyo engana woni lima mawara labara Atana nene oronani bana rayini hapa rehanani? ¹⁰ Kaheyo jalango yomi. ba anyina yomi bakoleha rayini tangana hapa reha nagimi labaramu, halegeyala naha newe, 'Yama idokala na Ata japaha wolu. Yama neho karayini ahani hadadi yama harayima .''' Kabulu toyo katobi paha togaha ¹¹ Noyo bada halakola bada aro la Yerusalem, Maroba Yesus natamani kahengo marona nadirri lajonga samaria mono Galilea. ¹² Nebada tama laha wuyo na deha, Iyo naha toboko dongani heyo kabulungo toyo katobi kadede diko royo wali-Na, ¹³ Mono he iyo daka wulo mono daha wontoni nalina, ''Maroba Yesus, Guru, Manawara kigama yamala!'' ¹⁴ Kolehe Maroba Yesus na iteyi he iyo, Iyo naha newe labarada he iyo, ''Halakowula mono kamu hatingo wumu labarada tangada Imam.'' mono,kolehe he iyo noba tongroda halako,he iyo mona dadiyi bada piyi. ¹⁵ Kolehe nenaha wuyo walila he iyo bada iteyi banena ihida koleha togaha, iyo dabali mono nahadi daikaya Maroba Allah mono nalina kaha wodingo, ¹⁶ Moka naka wojo la bara witina Maroba Yesus mono nawoni lima manawara labara-Na. toyo nene idokala naha wuyo toyo samaria. ¹⁷ Mowalka, Maroba Yesus naha newe labara toyo nene, ''Bajaneka nedi toyo ka koleha paha togahada? bagikadi kabani dihango toyo hawadeko? ¹⁸ Janekmangoka lajonada he iyo kabali tutu hadi daikaya Maroba Allah helena toyo iha hadoyo yiyo? ¹⁹ Moka, Maroba Yesus naha newe labarada, ''Kodewula mono halakowula, naha tenamu kole naha hoilami yomi.'' Banemeni katengngo-kalangngo na Maroba Allah ²⁰ Kolehe daka patani ole kapirango toyo Farisi tutu pira banemeni nateng-kalangngo Maroba Allah kanemengo, Maroba Yesus nabalehayi he iyo mono naha newe, ''Kateng-kalangngo Maroba Allah enga nemeni mobaja nekmango tangada tadko hakoleha ite, ²¹ Enga janekmango toyo kaha newe, 'Iteya, kateng-kalangngo Maroba Allah neni yiyo!' bajedoka 'kateng-kalangngo na Maroba Allah neni noha bali!'oro katenana kateng-kalangngo neni nolaha duna yomi.'' ²² Mowalka, Maroba Yesus naha newe labarada tangada anaha kodo-halolena, ''Engana dukika narahina yomi beyo walini iteya nadiha lodo walila tangana lodo kadadi toyo, tabolo yomi jemu kolekmani iteya. ²³ Tangada toyo enga daha newe labaramu, 'Pahorani,neha bali!'bajedoka 'Pahorani, yiyo!'tabolo enga,Abimuha lakokami yomi mono kamu dokudi tangada toyo nene.'' Ba nemedi kadadi Toyo ²⁴ ''Tabolo kahengo kamilaka kaderko walila hupu langto naha wuyo la hupu langto naha wadeko, kaheyo jalango kadadi toyo nela lodo-Na ²⁵ Tabolo enga, kadadi toyo nama yila neho bana dangayi kadadi karehi paha ulu mono jaha hibada ole baumone yiyo. ²⁶ Mono, kahengo ka koleha kadadi neba nehoyai Nuh, kaheyo jalango nemela nebana lodo-lodoni kadadi toyo. ²⁷ Tangada toyo kamuyo mono ka inu,paha bola mono habolada koha duki nela lodonai Nuh tama nola tenana mono nemenila nawango bokolo moka naha mateyi he,iyo tangada. ²⁸ Naha merakado kanena kadadi neba nehonai lot, neho nena tangada toyo kamuyo, ka inu,kakahi, kama lajango, katodongo, mono kaha kode. ²⁹ Ta, idoya, nela lodo kolehei lot bana yelango la harona Sodom, api mono malaga kanadu walila langto kahengo ura mono kaha mateyi he,iyo tangada. ³⁰ Kahenengo la hadana nela lodo kolehe kadadi toyo baha dedoni. ³¹ Nela lodo nene,bagara widini katongro nengo latoko uma, mono tangada hawada nedi nola uma, abimu buru kala iyo tutu badekeya; mono bagara widini katongro nengo lama roda, abina balika iyo. ³² Apeyala ahani kadadi nela arawenai lot! ³³ Bagara widini karunini karawaya nalolo ngahuna,engana nabunga nalolo ngahuna.mono bagara widini kabunga lolo ngahuna,enga naha hoilani. ³⁴ Yayo guha newewa labaramu,nebana hudongo nene enga nedi 2 toyo kama juru laha wuyo hadoyo majuru. tabolo enga, diha wuyo toyo enga nangodiya,mone lopo hawadeka engada jedaka. ³⁵ Duyo mawine enga kagiling kamogeha ka oleni.naha wuyo toyo enga nangodiya, moneyo hawadeka engana jedaka. ³⁶ [Moheyo jalana kadungo kaha yili lama roda, kadiha toyo engana nangodiya moneyo hawadeka engana jedaka.''] ³⁷ Moka tangada anaha kodo-halolena daka patango labarana Maroba Yesus, ''Bagini, Mori?'' Nabalehayi Maroba Yesus labarada he,iyo, ''Bageyo hadoyo nedi karogo mo nodi kawurngo ikto engada makoha.''