¹ Maroba Yesus naha newe labarada tangada ana hakodo-halolena, ''Neni diha wuyo toyo kapote kanengo kapala kaha yili. Mono, labarada toyo kapote nene bada hadukini ba kapala kaha yili nebana pojanadi hapotena. ² Oronani nene, toyo kapote nene naka makoni kapala kaha yilini mono naha newe,'Apani yayo harongogu tutumu yiyo? Wokagala hatagugu baleha nola paha yilimu oronani yomi jana dadiwalikma bagu bendaharagu.' ³ Kapalani kaha yili nene naha ngadani, 'Ahani harayigu oronani neba hena namorigu kole naha lohowa yayo wali paha yiligu? yayo jana helu tutukmana kulhogu tutu batabeka mono gumokewa tutu tagungo kareyo. ⁴ Yayo tajaya aha nehoni harayigu tanam kole yayo baha lohowa kahengo bendahara, tangada toyo engada hibawa la umada he iyo.' ⁵ Mowalka, iyo naka makoni diha wuyo toyo kawutani labara morina. labara toyo ka ulu lara iyo naha newe, piradi wutamu labara morigu?' ⁶ Toyo nene nabaleha, 'ngahu bat naminya zaitun.' moka, kapalana kaha yili nene naha newe labarana, 'Dekeyala na hurata wutamu, kamu malewarawu ngodo mono tulhoyala lima kabulu bat.' ⁷ Mowalka naka kapalana kaha yili nene naka patango labara toyo hawadeka, 'pira heda dangada wutamu?' nena toyo nabalehaya, 'Ngahu kor gandum.'moka na bendahara naha newe labarana, 'Dekeya nahurato mono tulhoyala neba nawutamu 8o pikul.' ⁸ Mowalka, toyo kapote nene na daikaya kapala kaha yili kaja lurho nene oronani iyo kanaiyo kaha madi mona cerdik. Tabolo,tangada lakeda ponutana da rehi cerdik nola bada haurho wuda mona oleda walila tangada lakeda magakaho. ⁹ Yayo guha newewa labaramu,Rayikingola ole atemu monai mamon kaja tena tonom kolehe mamon nene napojaya, Yomi engada tobo kami la uma kahoda wonango. ¹⁰ Bagaradini kaha doku nola tangana kadadi neka moraho, iyo jala kaha doku nola tangana kadadi ka bokolo.mono, bagarani widini kaja lurho nola tangana ka maraho, iyo jala jana lurhokma nola tangana kadadi ka bokolo. ¹¹ Moka, neba yomi kaja kolengo lapaha tena tutu hamadiyi hawayo ponu tana, bagarani ka enga paha tenada hawayo ka heyo hijango labaramu? ¹² Mono, neba yomi kaja kolengo neyo paha tena nola bawani dagu toyo heka, bagarani ka enga hawoda ahani kaneho moka dadi hadagumu? ¹³ Jenekmango kaha yili ka kole hayili kadungo mori hayili oronani iyo enga nabutudi ate mori hayili naha wuyo mono nabeni mori hayili hawadeko. bajedoka, iyo enga naha doku labarana mori hayili naha wuyo mono namayadi hawadeka. yomi jana kolekmani hayili Maroba Allah mono mamon.'' Paha apeda tutu toyo Farisi ¹⁴ Tangada toyo Farisi, ka idokala kama nawara omaho, narongoya kadadi yiyo mono nawewekaya Maroba Yesus. ¹⁵ Maroba Yesus naha newe labarada he iyo, ''Yomi idokala tangada toyo kaha tena latutu dagumu la aro kadadi toyo, tabolo Maroba Allah nataja guni na ihi atemu ka heyo hijango oronani ba pahama nada-nadaya la jonga kadadi toyo idokala diha wuyo hama jiglo la arona Maroba Allah. ¹⁶ Liyo uku pareha mono hurato horida heyo nabi paha nuwa kohada koha duki nenai Yohanes, liyo kadoha tutu hadona kama deta Maroba Allah kole hatodo talara mono tangada toyo daha rukhodi tutu tama noyo dalo. ¹⁷ Ta, idoya kaheyo hijango, karehi malewaro tut langto mono ponu tana tutu longana walila hawuyo titik nola liyo uku pareha bada padekaya. Tutu ba pahewa ¹⁸ ''Diha toyo kahewaya na arawena mono daha doboladi mawine heka, iyo narayingo bada halawungo, mono,toyo kabola dongani nama wine hahewada layina, darayi jalango halayo wuda.'' Toyo kapote monoi Lazarus ¹⁹ ''Neni diha toyo kapote natayo juwa kalebe ungu mono kaba linen, mono na ege ate dita koko diha lodo nola kabonngo. ²⁰ La bina aro uma toyo kapote nene, nama jurula diha wuyo toyo kadengo kangarangoi Lazarus, ka ihna monai borok. ²¹ Iyo namonengo da woni hamuyo aha widini kanadu walila meja muna toyo kapote nene; lopo Tangana boga kamayo mono najaliya borokna. ²² Kolehe nena Toyo kadengo nene mate mono dangodiya ole heyo Malaikat lababanai Abraham. Toyo kapote jala nene namate moka da tanoni. ²³ Nola hadoyo na api jaka boda,neba hama yilada, toyo kapote nene mona tangara neyo deta mono na iteyai Abraham kadiko royo bada ha ole lazarus lababana. ²⁴ Mono, toyo kapote nene naka wulo, 'Bapa Abraham, manawara kiga yayo mono hawede gani Lazarus kana woklodi lobo karaku limana nola waiyo mono kamu rudkani nalomagu tabolo yayo guma yilawa nola derko api yiyo.' ²⁵ Tabolo enga, Abraham naha newe, 'Ana, apeyila koleha yomi bami morhaho, yomi kole hibaya tangana kadadi kadoha,tongronai Lazarus bana hibaya tangana kadadi kaja doha; neba hena, la yiyo Lazarus da agu ateya, tongrongo Yomi baha mayilami. ²⁶ Heleni nene tangana, neni naka rowako bokolo kawateda ida moka toyo kabengo pala wali yiyo laha domi kaja dadi pala, mono toyo kawali laha domu jala jana dadikma pala la hadoyoma yama.' ²⁷ Moka,toyo kapote nene naha newe, 'Neba hekana, yayo guka raiya labaramu Bapa,hawedeyai Lazarus la umana bapagu. ²⁸ Oronani yayo kanengo lima olebeyo kabani. Jekanalai Lazarus kamu ha apedadi he iyo tonom neme he iyo abida tama laha doyo paha mayilada yiyo.' ²⁹ Ta, idoya Abraham naha newe, ' He iyo nengo liyo uku parehanai Musa mono hurato hori heyo nabi, Jekada he,iyo kada peweni wali tangana nene.' ³⁰ Wenena toyo kapote nene wali, 'Jedokma, Bapa Abraham.Neba didiha kawalila jonga toyo kamate kamayo labarada he iyo nenehola he iyo engada jora.' ³¹ Nabalehayai Abraham labaranai Toyo kapote nene, 'Neba tangada olebemu jada rongokaya naliyo uku parehanai Musa mono hurato hori heyo nabi, he iyo jada enga dadikma baha tenaya lopo oro didiha toyo ka kode awlila jonga toyo kamate.'''