¹ Heka koha wolu katoku mono tangada toyo kajala mono dadoheka labarana Maroba Yesus tutu bada rongoya . ² Mowalka tangada toyo Farisi mono tangada Ahli Taurat walida bada karuda, ''Toyo yiyo nahibayi tangada toyo kajala mono lopo damuyo dongadi he iyo.'' ³ Mowalka Maroba Yesus natokiya naliyo wuyo hatuja yiyo labarada he iyo, weneda, ⁴ ''Garani lajongami yomi ka nebana dagudi kangahungo bebena, mono kana bunga naha wuyo, jana enga jekmadi kabani diha kabulu kabani diha hawadeka lama roda gilra?Bajedoka iyo engana halako mayegadi kajoloro nene koha iyo bana jomuyi? ⁵ Mono kolehe iyo bana jomuyi, iyo engana wawarayi nena bebena la nola ponu babana mono kahoda ege ate. ⁶ Bada duki la uma, iyo enga naha lako tobokoyi tangada olena mono tangada ole bara umana moka naha newe labarana he iyo, 'Ege ate dongagala oronani yayo kole bagu jomuya nabebegu kabunga.' ⁷ Yayo guha newewa labaramu, bahewalkana enga nedi ka ege ate karehi bokolo la surga nola hawuyo toyo kajala kajora kawalila deta kabani diha kabulu kabani diha toyo katena kaja hakabu atena bana jora. liyo hatuja omaho perak kabunga ⁸ Bajedoka mawine gini kanengo kabulu bola omaho perak ,neba iyo bana bungaka naha wola lajongana, jana haderkokma na api weyo mono nahaboya na umana, moka nama yegani naha wola na omahana nene mono nataya la ate koha iyo bana jomuya? ⁹ Mono, apa nyina iyo bana jomuya, iyo naka makodi tangadi olena mono tangadi ole bara umana mono naha newe labarada he iyo, 'Ege ate donga gala oronani yayo kole bagu jomuya naha wola kabunga nene.' ¹⁰ Yayo guha newewa labaramu,kaheyo jalango neni na ege ate la jongada heyo Malaikat Maroba Allah oronani hawuyo toyo kajala ka jora.'' Liyo wuyo hatuja Duyo ana kabanina Ana kamuri na uja kani na Bapana ¹¹ Mowalka Maroba Yesus naha newe, ''Neni diha toyo kanengo ana kabanina. ¹² Ana kamurina naha newe labara bapana, 'Bapa, woga labaragu hadagugu hapote moha dagugu.' moka, nena bapa widina nabaweyi hapotena labara kadungo ana kabanina. ¹³ Jana madehoka, mowalka, ana kamurina nene nakohayi tangada hadaguna, moka naha lako la iha nuha kama royo mono noha bali iyo na hawuran-hawuran heyo daguna nene mono morhana kama jabola nawola wadi. ¹⁴ Kolehe iyo kole bana hadukadi tangada,nadadikala kadadi kareba ka langtaka la iha nuha nene, mono iyo dumo walidaka bada duku dobo. ¹⁵ Moka, naha lakoka iyo mono naha yili nela iha toyo nona toyo la iha nuha nene, kaha wedeya lamaroda tutu wodi hamuda tangada wayina. ¹⁶ Iyo nabehingo tani ihina nakabuna mona wuyo karob hamuda tangada wayi nene,tabolo jenekmango hawuyo toyo kawoni labarana. Ana kamuri nabali labara Bapana ¹⁷ Kolehengo nena ana kamuri nene bana poda, iyo naha newe, 'Monebana dangayi tangada kaha yili la bapagu kanengo hamuyo kadangala, tabolo yayo yiyo hodikmo mate kareba. ¹⁸ Yayo engagu kodewa mono gubaliwa labara Bapagu. Yayo engagu hanewewa labarana; Bapa, yayo koleha jalawa la aro surga mono la aromu. ¹⁹ Yayo jana dadi walikma bagutokiya ba ana muga, modadikagala yayo bahengo diha wuyo toyo kaha yiligu.' ²⁰ Moka, nadedekala iyo mono naha lako labara bapana. Tabolo enga, kolehe nena lakeda bana diko rohingo, bapana bana iteya iyo mono nabonngo naliyo manawara, Na Bapana nene napa layo moka mana yapuya monona udokaya. ²¹ Mowalka, anana nene naha newe labara bapana, ' Bapa, yayo koleha jalawa la aro surga mono la aromu. yayo janadadiwalikma bamu tokiya ba anamuga.' ²² Ta, idoya, bapana nene naha newe labarada tangada kaha yilina. 'Malewaro! Ngodinila kalebe kahoda doha mokamu tanadila labarana. kamu tayo jalanadi tawuru laka raku limana mono sandal lawitina. ²³ Ngodiya neme ana hapi kamuglo mono kamu ropoya. Mada ida muyo mono ege ate, ²⁴ Oronani na anagu yiyo kole mate, tabolo neba hena Morho habali! iyo koleha bunga, tabolo neba hena kole gu jomuya!'Moka he iyo walingo bada ege ate.'' Ana bodi nabani lla aro Bapana ²⁵ Neho nena, nena ana bodi tongro neni lama roda, kolehe iyo kole baneni labara umana, iyo narongoya naliyo tala mono tangangara nyego. ²⁶ Moka iyo naka makongo diha wuyo walila paha wededa nene mono naka patango tutu apani katongro kadadi. ²⁷ Nabalehaya paha wede nene labarana, 'Arimu kole namayo, monona bapamu kolena ropoya ana hapi kamuglo ,Oronani iyo bana bali wango morha,' ²⁸ v 28 Ta, idoya, ana bodi nene nabani mono jana wawakma tama moka nabapana nalohongo mono naha rodahani. ²⁹ Tabolo enga, iyo naha newe labarana bapana, 'Pira kabulu doguka yayo kole bagu hayiliwa bagu wogu mono jagu hadakak mahongo bajegu dokuni naparehamu, tabolo yoyo lopo jaha dakak mahongo bamu woga diha wuyo kayibi kabodi tanam yayo kana dadi bagu raya rame dongadi tangada olegu. ³⁰ Ta, idoya, kolehe na anamu nene bana bali bana poja gudi hapotemu mono tangada mawine-mawine pelacur, bapa mona roponi ana hapi kamuglo tutun,' ³¹ Mona, bapana nabaleha labarana, 'Anagu, Yomi mu ole juwaga, mono tangada hadagugu idoyika hadagumu. ³² Ta,idoya, yiyo nalodo ida da raya rame neho mono da ege ate tabolo na arimu yiyo koleha mate, tabolo neba hena iyo namorha habali; iyo kolehana bunga tabolo neba hena kole jomuya.'''