¹ Neba nena lodo miggu, Maroba Yesus namayo la umana diha wuyo toyo kapaladi tangada toyo Farisi tutu muyo kababa dongadi mono he iyo tangada daha matarani Maroba Yesus. ² Nehongo nena, neni diha wuyo toyo kama yila kawudu nakabuna monena la arona ³ Maroba Yesus labarada tangada toyo Farisi mono Ahli-ahli Taurat, ''Mona dadikado baha togahango toyo nela lodo miggu?'' ⁴ Tabolo enga, he iyo jada balehakma. mowalka, na Maroba Yesus naketeni nena toyo kalawara nene mono naha togahaya, moka naha wedeya nena toyo naha lako. ⁵ Maroba Yesus naha newe labarada he iyo, ''Bagarani walila jonga he iyo neba nekango anana bajedoka hapi wobona kanadu nodalo la sumur nela lodo miggu, mono jada malewarakma tingiya labali hodu?'' ⁶ Moka he iyo widi mono jada hagobakmaya neha toki-na. Hadoyo paha akada ⁷ Mowalka, Maroba Yesus mona tokiya naha wuyo naliyo hawuyo tuja labarada tangada kula paka lehu kole he iyo bada iteyi ba anyina bada pedengo tangango hadoyo ngodo hapaha aka nola bara Meja hadoyo muyo, wene-da labarada he iyo, ⁸ ''Neba Yoka hatokida oro didiha toyo ladiha wuyo hadoyo kapesta nika , abi yomika kangodo laha doyo paha aka oronani namori uma nene notongo hakoleha tokibea la toyo karehi kadoyo la aro walila yoyo . ⁹ Moka,namori uma nene engana mayo bana dukigu mono wenena,'wokini hadoyomu labara yina toyo!'mono, Yomi diki nehomi laha doyo kahoda doyo wawa mono enga podami moke. ¹⁰ Ta, idoya, neba yomika hatokida, ngodomi laha doyo kahoda laka bedo tanam koleha neka tokiguni yoyo enga namayo, iyo enga naha newe labaramu, 'ole ate, dikiwula nela hadoyo karehi paha aka.' mono bahewalna, Yomi enga oklemi liyo ha aka la aroda tangada toyo kangodo muyo ole dongagu. ¹¹ Tabolo, tangana toyo kaha madeta wuna engada hapadakaya, tabolo iyo ka liyo wawa wuna engada keketaya.'' Paka lehu muyo mono daha gobaya ¹² Moka, Maroba Yesus naha newe labarada toyo haka lehu-da nene,''Neba yomi ba nekani jamuan muyo lodomi bajedoka muyo hudo, abimu toki kada di tangadi olemu, tangadi ole bemu,mono dumo ole bemu, bajedoka ole bara umamu ka pote oro he iyo engada tagu jelumu mono datoki guni tutu muyo dongadi he iyo. ¹³ Tabolo enga, Neba yomika karayingo pesta, toki dadila tangada toyo kamila,tangada toyo kabeko, tangada toyo kaliku,tangada toyo kamoro. ¹⁴ Mono,Yomi engada hamaringimi oronani tangada yiyo jada kolemango tajelumu habali; yomi enga kolengo tajelu nela rahi kodeda tangada toyo katena.'' Liyo wuyo hatuja tutu haka lehu muyo jobara ¹⁵ Kolehengo nena diha wuyo toyo kamuyo donga-Ni narongoya tangana hatoki yiyo, nena toyo naha newe labara-Na, ''Dah maringikayi toyo ka enga muyo kababa nola hadona kama deta Maroba Allah.'' ¹⁶ Tabolo enga, wenena Maroba Yesus labarana nena toyo, ''Neni diha wuyo toyo karayingo muyo hudo kajobara ka bokolomono iyo naka lehudi danga toyo, ¹⁷ mono oklehe nena rahi muyo hudo kole dukini, nena toyo naha wedeyi toyo paha wedena tutu hanewe labarada heyo kulada hakoleha paka lehuda nene,' nemedika, oronani tangana kole paha gona mowadi.' ¹⁸ Ta idoya , tangana kula haka lehu nene walingo bada rayingo tangana kaja dadi toyo ka ulu wenena, 'Yayo abu kahigu diha wuyo maroda mono yayo guha lako nehowa lo iteya. Hiba kiganila naliyo hawaligu.' ¹⁹ Hawadeka daha newe, ' Yayo abu kahigu lima pasang hapi mono yayo guha lako nehowa tutu lo iteyi tangada heyo hapi nene. Hiba kiganila na loyo hawaligu.' ²⁰ Mono heyo hawadeka wali daha newe,'Yayo abu pojagu ha nikah.oronani nene,Yayo nene majana dadi mayo.' ²¹ Moka,neyo paha wedena nabali mono naha dukini tangana labara morina.moka majikanna nena mono nabani,moka naha newe labara paha wedena, 'Malewarawula! halako la tangana nalara mono naiha gang laha rona yiyo. Marongadi labaragu tangada toyo kadengo, tangada toyo kaliku,tangada toyo kabeko, tangada toyo kamoro.' ²² mowalka, heyo paha wede nene daha newe labarana, 'mori,Yayo koleha gurayini ahani yoyo paha reha, tabolo neyo jala hodi hadoyo kaluyo.' ²³ Namori nene naha newe labarada paha wedena, 'Halakowula la tangana nalara bokolo mono diha wuyo gang. lekoyila tangada toyo neha bali tutu bada mayo neme tanam umagu kana bonungo. ²⁴ Yayo guha newewa labaramu, jeha wukma toyo kawali he iyo ka yayo hatoki baja neho nena enga napodani nenaha muyo hamugu.''' Tutu badokuni Maroba Yesus ²⁵ Dangayi toyo daha lako maronga dongadi mono Maroba Yesus. Mowalka Maroba Yesus nagilaka labarada he iyo mono naha newe, ²⁶ ''Neba didiha toyo kamayo labaragu tabolo jana butukmadi ate bapana mono inyana, arawena mono tangada anana,olebeyo kabani mono ole beyo mawinena, lopo damorha dagu, iyo jana dadikma ba anaha kodo-halole-gu. ²⁷ Bagara widini kaja deto gani nayayu pakadelogu mono kadokuga yayo, iyo jana dadikma bana dadi anaha kodo halole-gu. ²⁸ Bagaradini lajongami yomi kabengo hadedeya diha wuyo natoko uma, tabolo jana ngodokma ulukma mono nayapudi heyo woluda tutu bada tajaya apani iyo hadaguna katutu omaha tutu bada pojayi? ²⁹ Neba ja hewalkana, kolehe iyo bana tayana fondasi mono jana tahikmani bana pojaya, tangana toyo ka iteya engada damaktoni Iyo . ³⁰ Tangada toyo nene engada hanewe, 'Toyo yiyo naha legeya naha kode uma, tabolo iyo jana dukakmani bana pojaya.' ³¹ Bajedokaya,Raja gewalini kaenga halako hatayo gobadi raja hawadeka tabolo jada ngodo ulukma mono daha ngada honi ebekani iyo nama rongadi kabulu rata tentara kakole gobadi muhuna kadagudi doka bulu rata tentara? ³² Neba iyo baja habokekayi raja heka nene, iyo enga naha ngodidi diha wuyo toyo paha wede mono daka patani tangana hada bada hamoli wungo kolehe diha yowu gobada nene moda diko royo. ³³ Kaheyo jalngo mono yomi iha-iha, janekmango jala la jongamu ka kole dadi anaha kodogu neba iyo jana wokayi tangadi hadaguna.'' Mohi kakoba janekmango gona ³⁴ ''Mohi nene nadoha, tabolo neba nena mohi kole nabunga podani namohina, ba anyik kana bada rayini bana mohi habalingo? ³⁵ Mohi nene lopo jana dadi walikma bawani tutu lama roda bajedoka pupuk moka toyo mono engana naletoni, bagarani kamangu katiluna tutu bana rongo mojekana iyo kana rongo!''