¹ Nola, nedi kapirango toyo kaha dukini la Maroba Yesus tutu tangada toyo Galilea karutona paha kohadai Pilatus mono maraka manutada he iyo. ² Nabalehayi Maroba Yesus labarada he iyo, ''APanka yomi hatami katutu tangada toyo Galilea yiyo narehihoyi jalada walila tangada toyo Galilea hawadeka oronani he iyo bada mayila kahengo nene? ³ Yayo gutokiya labaramu, jedokma. tabolo enga, neba yomika kaja jora, Yomi tanga jalami enga mate. ⁴ Bajedokaya tutu kabulu podo patongo toyo kamate, kolehe nena tokona labara kolam siloam kanadu mono da pitayi he iyo, apakani yomi taka tutu he iyo idokala kamangu jalana karehi jaka doha walila tangada toyo ka engango la Yerusalem? ⁵ Yayo guha newewa labaramu, jedokma . tabolo enga, neba yomika kaja jora, yomi tanga jalami enga mate!'' Punge yayu kaja wuyo ⁶ Maroba Yesus natokiya naliyo hawu hatuja yiyo; ''Nedi didiha toyo kamangu punge yayu kapulota hatodo la mangu Anggurna. tabolo enga, neba iyo bana mayo tutu bana mayegani nawuna nela punge yayu nene Iyo jana jomukmayi. ⁷ Moka, iyo naha newe labara da katayo mango , 'koleha tolu dona yayo bagu mawa mayegani nawuna nena punge yayu yiyo, tabolo yayo jagu hadakakmango bagu jomuwa hawu widi. pogok nehoya nena punge yayu! Aba neho mana hali lokoni natana tutuna nena punge yayu?' ⁸ Tabolo enga, nakatayo mango iyo nabaleha, 'mori, woyo kani kaloga nena punge yayu nene wali iha doyo wali yiyo tutu bana wuyo. Jeka gani yayo kagu hokaya natana la barana mono kagu tani pupuk, ⁹ Notongo napunge yayu nene enga nadadiyi wuyona hadoyo la aro. neba jana wuyo jalaka, mori nadadi ba pogoya .''' Maroba Yesus naha togahango nena lodo Miggu ¹⁰ Neho hadakana, Maroba Yesus naha nuwa laha wuyo Sinagoge nela lodo miggu. ¹¹ Noha bali neni iha wuyo mawine hatamana wadi japata moka nadadi bana kalawara madeyo kabulu podo pato doyo.balena nena mawine naka bukku moka jana dadikma dede didara. ¹² Kolehe Maroba Yesus, Iyo naka makoni nena mawine mono naha newe, ''Ta, mawine, yomi koleha guha hoilagu walila kalawaramu.'' ¹³ Mowalka, Maroba Yesus nabojoloya nalima-Na nela nama wine nene mono kolehengo nejala iyo mokole bana dede didara mono nahadi daikayai Maroba Allah. ¹⁴ Tabolo enga, kapalani na Sinagoge nene mona dadi bana bani oronani Maroba Yesus bana hatogahango nela lodo Miggu. Iyo naha newe labara toyo danga, ''Nengo nomo lodona tutu bana hayili. Oronani nene, nemenila tutu bada hatogaha nela lodo-lodo nene,bajala lodo miggu.'' ¹⁵ Ta, idoyai, Mori nabalehaya nena toyo , ''Yomi tangami toyo kaja doha! Bajedokaya yomi tangami mami paholayi hapi bajedoka keledaiyo dagumu hapingo la golu mono mungodiyi laha bali hodu tutu inu nela lodo miggu? ¹⁶ Oronani nene, bajedokaya nama wine yiyo diha toyo laha walinai Abraham hakole hapingo kahengo madena kabulu podo pato doyo oro mori tana, mojala napa holaya walila kogana nene nela lodo miggu?'' ¹⁷ Kolehe Maroba Yesus naha newe kahenengo, tangada goba-na daha mokeya, mono toyo danga Ege atemi nola tangana harayi kabalango kakoleha darayini. Liwuyo hatuja watu sesawi mono Ragi ¹⁸ Mowalka, Maroba Yesus naha newe, ''Kahengo ahani hadoyo kamadeta na Maroba Allah nene? Mono ahani yayo hakole paha liyo wuyo hatujaya? ¹⁹ Hadoyo kama deta Maroba Yesus nene kahengo watu sesawi hadekeda toyo mono hatodo lamangona; nena watu nabuklo mona dadi punge yayu, mono tangada kawurngo lalangto hoduda nela kahanga-hanga yayu.'' ²⁰ Mono wali iyo naha newe, ''Mono ahani yayo maliyo wuyo hatujani naha dona kama deta na Maroba Allah? ²¹ Naha dona Maroba Allah nene kahengo Ragi hadeke diha wuyo mawine mono daha kohani nola tolubuyo sukat kamobu koha tangana neyo paha koha naha wugeta.'' Mona hodiki kamorho ²² Maroba Yesus natama hurkoni tangana naha rona mono tangana nadeha, iyo naha nuwa mono naha lako hakitango na aro la Yerusalem. ²³ Moka, didiha toyo naka patango labarana, ''Mori, Abaneho mahodiki toyo kamorho?'' Maroba Yesus naha newe labarada he iyo tangada, ²⁴ Haitangola tutu bamu kolengo tama labina ka hikngo; Tabolo yayo guha newewa labaramu, danga toyo enga karunini tama nohabali, tabolo he iyo enga jana dadikma. ²⁵ Neba mori uma bana dede mono natodiya nabina umana, mone yomi dedemini laha bali hodu mono kaladini nabina mono bamu hanewe, 'mori, tulga bugerakigama yama .'Iyo engana baleha, 'Yayo jagu tajakmawu bageyo yomi hadoyo walimu.' ²⁶ Moka, Yomi engami baleha, 'Yama koleha muyo mono inu dongagu yoyo.Yoyo koleha hanuwa gama yama la tangana lara laha rona yama.' ²⁷ Ta,idoya, Iyo engana baleha, 'Yayo jagu pewekmagu mono jagu tajakmawu bageyo yomi hadoyo walimi. Halakowu walila arogu, yomi tangami karayingo kajapata!' ²⁸ Yomi engami huyo mono hangoktongo ngodu kolehe bami iteyai Abraham,Ishak monoi Yakub, mono heyo tangada nabi kanengo noyodalo laha doyo kama deta Maroba Yesus neba tongrongo Yomi babetu gimi laha bali hodu. ²⁹ Mowalka, tangada toyo enga nemedi kawali la timor kawali barat, mono jala kawalila utara momo selatan. He iyo engada ngodo mono da muyo nola hadona kama deta Maroba Allah. ³⁰ Kaheyo hijango tangada toyo kamuri enga nadadi newali kaulu mono tangada toyo ka ulu enga nadadi bana muri.'' Maroba Yesus naha lako neho la Yerusalem ³¹ Neba neho nena, kapirango toyo Farisi damayo labarana Maroba Yesus mono daha newe, ''Halakowula, jenaka yiyo naha doyo yiyo oronani Herodes monaha matewu.'' ³² Maroba Yesus nabalehayi he iyo ''Halakowula mono kamu tokiya nabokalana nene ,hena lodo mono meraha, yayo engagu wugayi tangadi wadi kajapata mono naha togahayi toyo,mono neba lalodo katolungo, Yayo engagu pojaya paha yiligu.' ³³ Tabolo enga,Yayo guha kita nehoni naha lakogu lodo hena, mono Meraha, mono haromo oronani jana dadikma diha wuyo nabi mate laha bali hodu la Yerusalem. ³⁴ Yerusalem, Yerusalem! Yomi hamateya nena nabi mono merajam toyo paha wede labaramu! Wali hengo yayo bagu manawaragu bamu kohayi tangada anamu, kahengo baimanu bana kohayi tangada anana la kabu kapana. tabolo enga, Yomi jamu wawakma. ³⁵ Neba hena na umamu enga janekmango ihina monona kahiko. Yayo guha newewa labaramu, yomi enga jamu itekma kala koha bana duki narahina Yomi engamu tokiya, 'Daha maringi kayala Iyo kanemengo nola ngaranai Mori!