¹ Neba lodo miggu kadihango nene, kolehe nena lodo baka hudo hinghoya, Tanga kohada mawine nene daha lako la rate Maroba Yesus monebana ngodiyi rempa-rempa kakole he,iyo bada hagonango. ² Mono he,iyo dajomuyi watu kabokolo hakole hakegalani walila rate. ³ tabolo enga, neba he,iyo bada tama, he,iyo jada jomukmaya naka rogona Mori Maroba Yesus. ⁴ Kolehe he,iyo bada bangara-bangara neho oronani neka dadi nene, hawingu banedi kadungo toyo kawango kalebe kama gila-gilata kadede latidida he,iyo. ⁵ Tangada mawine nene da hoda kabohi mono daka huglodi matada he,iyo, tabolo kadungo toyo nene daha newe, ''Mo aba yomi mami mayegani toyo ka morho la jongada tangada toyo kamate? ⁶ Maroba Yesus janekmani yiyo, Iyo kolena kode mowa. Apeyala tutu ahani kole hatoki-Na labaramu koleha Iyo banehoni la Galilea. ⁷ Iyo naha newe neba kadadi toyo ba woyo nehoya la limana tangana toyo kajala, paha kadeloda, mono engana kode habali la lodo katolungo.'' ⁸ Moka, tangada mawine nene engada apeya hatokina Maroba Yesus. ⁹ Kolehe He,iyo bada bali walila rate Maroba Yesus, he,iyo da tokiya tangana kadadi nene labarada kabulu dungo Rasul mono he,yo kadokuni Maroba Yesus moheyo hawadeka. ¹⁰ Tangada mawine katokiya neka dadi nene labarada he,yo rasul idokala Maria Magdalena, Yohana, Maria inyanai Yakobus, mono kapirango mawine heka. ¹¹ Tabolo enga, hatokida tangada Mawine nene naha mera bada hanewe kawohoko ole he,yo rasul mono he,iyo jada hatenaya labarada tangada Mawine nene. ¹² Tabolo enga, Petrus nadede mono napa layo la ratena Maroba Yesus. Iyo nanyoko mono napa horani noyo dalo, tabolo iyo mona jomuyi kaba linen haka boro wadani naka rogona. kolehe nene, Petrus nabali mona hoda bangara nola ahani kakole kadadi. Maroba Yesus naha tingo wuna Labarada tangada Kadoku-Ni la lara Ka aro La Emaus ¹³ Nela lodo nene jala, 2 toyo anaha kodo-halolena Maroba Yesus naha lako la diha wuyo deha kangarangoi Emaus ka dikorona batani katutu 60 stadia wali laha rona Yerusalem. ¹⁴ kadungo toyo nene daha newe tutu tangana kadadi kakoleha dadi. ¹⁵ Kolehe He,iyo tongroda bada hanewe-newe mono bada hawoyo paha ngadango, Maroba Yesus dagu namayo dohe kayi moda halako maronga dongadi he,iyo. ¹⁶ Tabolo enga, Matada he,iyo dama hadayi moka he,iyo mojada tajakmaya Iyo. ¹⁷ Maroba Yesus naha newe labarada he,iyo, ''Ahani yomi kadungo paha newemi ba tongromi halako?'' kadungo toyo nene widi da ngahu mono matada he,iyo bada iteyi da hoda hamila. ¹⁸ Diha wuyo toyo wali he,iyo ka ngarangoi Kleopas naha newe labara-Da, ''Ahakani yoyo diha wuyo toyo diha hadoyo la Yerusalem kaja tajaya tutu ahani kadadi noha bali neho nena yiyo?'' ¹⁹ Maroba Yesus naha newe, ''Tutu ahani?'' He,iyo dumo paha neweda labarada he,iyo, ''Tutu Maroba Yesus kawalila Nasaret. Iyo idokala diha wuyo nabi haponuda kawaha nola paha neweda mone harayi-Da la arona Maroba Allah mono la aroda tangana bangsa yama. ²⁰ Tabolo enga, tangada imam kapala mono he,yo kapalama yama mawoya Iyo tutu baha mayila mateya, mono he,iyo daka delo-Ni. ²¹ Oda henena Yama mamoneni neba iyakala ka enga kaha hoilayi Bangsa Israel. Ta, idoya, yiyo na lodo idoka na lodo katolngo walingo tanga kohana nene kadadi. ²² Tabolo enga, kapirango mawine walila jongama yama kole baha kadadaka gama yama. kole he,iyo ba nedi la rate kahudo hingo, ²³ He,iyo jada jomukmaya naka Rogona Maroba Yesus. moka, he,iyo dabali mono bada tokiya neba he,iyo kole bada iteya bada hatingo wungo tangada Malaikat, ka tokiya ba ne,iyo bana morho. ²⁴ Mowalka, kapirango walila yama kaha lako la rate mono makole jalani kahengo hatokida Tangada mawine nene. tabolo enga, he,iyo jada itekmaya Maroba Yesus.'' ²⁵ Mowalka Maroba Yesus naha newe labarada he,iyo, ''Ta, ba anyina naka bongami yomi mono kayobo ate tutu baha tenaya tanga kohana kadadi hatokida heyo nabi. ²⁶ Bajedokai kristus bana kole nehongo mayila yiyo mono natama nola kemulia-Nya.'' ²⁷ Moka, Maroba Yesus natoki hadohaya tangana neka dadi hatulhoda nola tangana nahurata hori tutu dagu-Na, walilai huratanai Musa koha tangana huratada heyo nabi. ²⁸ Kolehe he,iyo kole nadohekayi la deha Emaus, Maroba Yesus naha kitango halako engana engango halegeya naha kitango bana halako-Na. ²⁹ Tabolo enga, he,iyo da todkoni iyo monaha newe, ''Engamla bamu ole gama yama tabolo nalodo hodikmo bana hudongo mono mata lodo hodikmo bana tama.'' Moka, Maroba Yesus natama tutu bana engango oledi he,iyo. ³⁰ Kolehe Iyo bada hawungo bada ole he,iyo la meja hadoyo muyo, Maroba Yesus nadeke Roti mono naha maringiyi. Iyo nahibi-hibiyi, moka nawodi labarada he,iyo. ³¹ Neho nena, matada he,iyo nama bugerayi mono he,iyo dataya Maroba Yesus. ta,idoya, moka nene Maroba Yesus nabunga wali bada iteya he,iyo. ³² Koleheka nene, daha newekakala he,iyo hawuyo mono heyo hawadeka, ''Bajedoka na ateda ida babale-balena koleha Iyo bana hanewe dongada ida bana madeyo bana halako mono kole iyo bana halaraya nahurata hori labarada ida?'' ³³ Neba neho nene jala, he,iyo nadede mono nabali la Yerusalem. he,iyo daha tobokongo kabulu dungo anaha kodo-halolena mono tangada toyo kama rongadi he,iyo katongrongo makoha dongadi. ³⁴ Tangada anaha kodo-haloleda nene naha newe labarada he,iyo kadungo, ''Mori natena-tena hija kolena kode mono naha tingo wuna labarai Simon!'' ³⁵ Kadungo kaha doku nene jala datokiya ahani ka kole kadadi nola bada halako he,iyo . He,iyo datokiya ba anyida he,iyo bada tajaya Maroba Yesus kole he,iyo bana hibiya na roti. Maroba Yesus naha tingo wuna Labarada Tangada anaha kodo-halole-Na ³⁶ Kolehe kadungo toyo nene datoki jala hoya neka dadi yiyo, Maroba Yesus nadede laha duna he,iyo mono daha newe labarada he,iyo, ''Moli dongagu.'' ³⁷ Tabolo enga, he,iyo daka dadaka mono daka bohi. He,iyo daha woni ba he,iyo tongroda bada iteya na hantu. ³⁸ Mowalka, Maroba Yesus naha newe labarada he,iyo, ''Aba yomi mami kadadaka mono momo mana lohongo la atemu? ³⁹ Pahoradila lima-Gu mono witi-Gu. Yiyo katena-tena hijawa yayo. jojawala yayo mono pahoragala, hantu janekmango ihina mono rina kahengo yomi ha itemi labara-Gu.'' ⁴⁰ Kolehe Maroba Yesus bana tokiya yiyo, Iyo naha tingodi limana mono witi-Na labarada he,iyo. ⁴¹ Ba tongroda he,iyo jada hatenak mahoya bada ege ate mono Tangada bada banga-bangara, Maroba Yesus naka patango labarada he,iyo, ''Aha kani yiyo yomi kanengo noyo tutu hamuyo?'' ⁴² Moka he,iyo da woni iha kajidi Iya hatunu labara-Na. ⁴³ Maroba Yesus nadeke iya nene mono namuyo la aroda he,iyo. ⁴⁴ Mowalka, Maroba Yesus naha newe labarada he,iyo, ''Yiyo idokala hatokigu yayo hatoki labaramu koleha yayo bagu ole hogu. Tangana nene kama tulho tutu yayo nola Hurata horinai Musa, huratada heyo nabi, mono Mazmur nabonu nehongo.'' ⁴⁵ Mowalka, Maroba Yesus nabugeradi paha ngadada he,iyo moka he,iyo koledi bada tajayi ihida na hurata hori. ⁴⁶ Maroba Yesus naha newe wali labarada he,iyo, ''Nedi kama tulho bai kritus kama yila neho mono bana kode walila jonga toyo kamate neba tolu lodona. ⁴⁷ Mono, Najora tutu hawalingo jala engana dedo nola Ngara-Na labarana tangana bangsa, walingo la Yerusalem. ⁴⁸ Yomi idokala tangana katajaya wali tanga kohana yiyo. ⁴⁹ Kamu Tajayala Yayo baguha ngodingo Liyo rahi la Bapa-Gu labaramu. Tabolo enga, engamla laha rona Yerusalem koha yomi bana hatutungo mono kawaha wali laha doyo kama deta.'' Maroba Yesus Napone la Surga ⁵⁰ Mowalka, Maroba Yesus nalekoyi anaha kodo-halole-Na la iha harona koha la Betania. Noha bali, Iyo na keketayi lima-Na mono naha maringiyi he,iyo. ⁵¹ Kolehe Maroba Yesus bana hama ringiyi he,iyo, Iyo dapa hewa wali he,iyo mono napone la surga. ⁵² Moka, He,iyo daha manuta-Ya mono dabali la Yerusalem mono da hoda ege ate. ⁵³ He,iyo neyo juwadi noyo dalo la umana Maroba Allah mono dahadi dekaya Maroba Allah.